June 15, 2016
Nathan's Pov
Inis akong napamulat ng marinig ko ang cellphone kong ring ng ring. Tumingin ako sa wall clock na nasa taas ng pinto ng kwarto ko at napamasahe nalang sa sintido ng makitang alas sinko palang ng umaga. Dinampot ko ang lintik kong cellphone at tinignan kung sino itong hinayupak na tumatawag.
Anthony's calling....
Ano na naman kaya ang kailangan ng hayop na 'to? Ang aga-agang mangbulabog. Imbis na hayaang tumunog ang cellphone ko, sinagot ko nalang ang tawag niya.
"Ano ba? Ang aga-aga nangbubulabog ka." Singhal ko, dinig ko ang pagtawa niya sa kabilang linya.
[ "Easy bro.. gusto ko lang itanong kung nagising ba kita?"]
Agad na nagsalubong ang kilay ko ng marinig ko ang sinabi niya. Seriously? Tumawag siya para itanong kung nagising niya ba ako? Anak ng animal, sa sobrang inis ko nasabunutan ko nalang ang buhok ko.
"What do you think? Anong oras na ba jan sa inyo at mukhang hindi mo alam na alas sinko palang ng madaling araw at ang sarap pang matulog sa ganitong oras?"
Dinig ko ang malakas na pagtawa ng hayop bago sumagot. [ "Joke lang, sasabihin ko lang sayo na pumasok ka ng maaga. May bago tayong classmate sabi ni ate, transfer student daw galing probinsya. At balita ko maganda daw."] 'Yong totoo? Parang gusto kong manapak ngayon.
"Tang-ina mo ka, tumawag ka para lang jan? Tingin mo ba may paki ako jan?" Inis na sabi ko. Nayayamot na talaga ako sa bwisit na 'to at kung hindi ko lang siya tropa/pinsan hindi ako magt-tyagang makipag-usap sa kaniya.
Narinig ko ulit ang pagtawa niya bago ako binabaan ng tawag. "Aba hindi ka rin bastos ano?" Bulong ko habang nakatingin sa naķapatay ko ng cellphone.
Humiga ako ulit at pumikit, sinusubukan ko ulit matulog pero dahil nagising na ng tuluyan ang diwa ko nang dahil sa siraulong pinsan ko ay bumangon nalang ako at dumertsyo sa banyo para maghilamos.
Nang matapos, nagpalit ako ng black na jogging pants, black na sando at pinatungan ko ng black na jacket. Isinuot ko rin ang wireless earphone ko at isinuksok sa bulsa ang cellphone. Balak kong mag Jogging nalang ngayon dahil masyado pa ring maaga kung papasok ako. Alas nwube pa ang time namin at ayokong tumambay sa school ng ganito kaaga.
'Paglabas ko ng kwarto nasalubong ko ang nakasimangot kong ate. Si ate Nathalie. Hindi naman niya ako pinansin at tuloy-tuloy lang na bumaba ng hagdan. Nagkibit-balikat nalang ako at tumuloy na ring lumabas ng bahay.
Malamig na simoy ng hangin, nagsasayawang mga sanga ng puno at medyo madilim na kalangitan ang bumungad sa'kin nang makalabas ako sa bahay.
Nag-umpisa akong tumakbo ng mabagal habang nakikinig ng music. Hindi ko namalayan na malayo na pala ang narating ko. Napansin ko nalang na nasa tapat na ako ng Hotel na pagmamay-ari din ng pamilya namin. Mayroon itong siyam na palapag, 8 palapag para sa hotel at ang nasa pinakataas ay Restaurant na minamanage ni Ate Nathalie. Mayroon din etong rooftop kung saan ako laging nakatambay.
Tumingala ako sa taas ng mapansin kong may taong nakatayo sa palapag nito. Sa pagkakaalam ko, walang gaanong pumupunta doon dahil nakalock iyon at dalawa lang ang susi nito. Ang isa na kay Ate at ang isa ay nasa akin. Kinapa ko ang bulsa ko at napangiti ng makitang naisama sa susi ng kotse ko ang susi ng rooftop.
Walang pagdadalawang-isip na inakyat ko ang building at nagtungo sa rooftop. Habang nakatingin sa taas ng elevator kung saan makikita ang floor number ay kinakabahan ako. Alam kong nasa bahay pa si ate ng ganitong oras kaya hindi siya ang nasa rooftop. Kinakabahan ako na baka si Venus ang nasa taas. Kung nagawa niyang makapasok noon dito ng walang susi hindi imposible na makapasok ulit siya sa rooftop kahit naka lock iyon.
Nagulat pa ako ng tumunog ang elevator, indikasyong nasa 9th floor na ako. Lumabas ako ng elevator at nagtungo sa fire exit dahil don lang ang daan papunta sa rooftop. Nanginginig pa ang mga kamay ko bahang kinukuha ang susi at dahan dahan itong isuksok sa door knob. Nang makarinig ng tunog dahan-dahan ko ring binuksan ang pinto. Malamig na hangin ang bumungad sa'kin pagkapasok ko dito. Nilibot ko ang tingin ko sa kabuuan ng rooftop pero wala akong nakita kahit anino manlang. Nanlulumong naglakad ako papunta sa bench na malapit sa palapag at naupo doon.
Tumingala ako sa langit "akala ko naman ikaw na 'yong nakita ko." Bulong ko sa sarili ko at malungkot na napangiti. "Eight years na ang nakakalipas mula ng huli kitang nakita. Ang sabi mo babalik ka dito pero kahit anino mo hindi ko nakikita."
Tumayo na ako at lumingon ulit sa paligid. Tandang-tanda ko pa noong unang beses ko siyang nakita. Ang lungkot ng mga mata niya habang nakatayo sa palapag. Akala ko talaga noon tatalon siya doon, nagpapahangin lang pala. Natawa na naman ako ng maalala 'yon. Sobrang nerbyus ko nun dahil akala ko talaga magpapakamatay siya. Iba din kasi ang trip niya. Gusto lang pala magpahangin, naisip pang tumapak jan sa palapag. Napailing nalang ako at tumalikod na para bumaba at bumalik na rin sa bahay.
Nag-taxi na ako pauwi. Ang plano kong pag-ja-jogging ay nauwi lang wala. Ni hindi manlang ako pinawisan. Nang makarating sa bahay dumiretsyo na agad ako sa kwarto para magpahinga at maligo.
Nang matapos, inayos ko na ang mga gamit ko at lumabas ng kwarto. Sa kusina na ang sunod kong destinasyon para makapag-almusal bago pumasok sa school. Andon na si Kuya Nico at si Dad nang pumasok ako.
"Good morning." Bati ko sa kanila
Tumango lang naman si Kuya sa'kin pero si Dad agad ibinaba ang hawak na newspaper sa lamesa at tignan ako. Medyo kinabahan pa ako sa uri ng pagtingin niya sa akin pero nawala 'yon nang magsalita siya.
"Kamusta ang pag-aaral mo?" Tanong niya habang humihigop ng kape pero ang mata ay nakatuon sa akin.
Tumikhim ako para matanggal ang bara sa lalamunan ko. Aaminin ko, takot ako kay Dad dahil alam kong marami siyang kayang gawin. "Okay lang po, Dad. Matataas naman po ang mga marka ko."
Tumango siya bago ibinalik ang mga mata sa news paper na binabasa kanina. "Good. Ayokong sumasali ka sa mga away o gulo ng mga studyante. Nakakahiya at baka sabihin na kinukunsinti kita. Hindi porket sa atin ang school na iyon ay pwede mo ng gawin ang mga gusto mong gawin."
Napatango nalang ako sa haba ng sermon niya. Lagi siyang ganiyan pero hindi ako sumasagot. May galang ako sa mga magulang ko kahit na barumbado ako.
Nang matapos mag-almusal, tumayo na ako at umakyat sa kwarto ko. Nagsipilyo ako ulit at nang matapos ay dinampot ko ang mga gamit ko at susi ng kotse ko. Hindi na ako nakapagpaalam kay Dad dahil alam ko naman na busy siya. Isa pa, magkikita din naman kami sa school.