Reese
Hindi mawala-wala sa aking mga labi ang malapad na ngiti habang pinagmamasdan ang naglalakihang mga building at billboards ng kamaynilaan.Kasalukuyan akong nandito sa loob ng umaandar na bus habang malayang tinatanaw ang mga iyon.Tama si ante Fe, malaki nga ang pag-kakaiba ng maynila doon sa probinsiya.Hindi ko mabilang ang napakaraming tao na pumaparoo't-parito.
"Wow!" puno ng paghanga kong sigaw ng makita mula sa napakalaking billboard ang isang napakaguwapong lalaki na tila ba nakatitig sa akin kahit umaandar ang sasakyan.Alam kong isa itong chef dahil sa uniporme nitong suot.May name and signature nito sa gilid ng billboard.Napakaguwapo niyang tingnan habang hawak nito ang isang plate na naglalaman ng napakasarap siguro ng pagkain.
Napayuko ako ng marinig ko ang mahihinang tawanan ng mga taong kasama ko sa loob ng bus.
"Ganiyan talaga kapag bagong salta ka pa lang sa maynila Ineng,"
Bigla akong napatingin sa katabi kong babae na marahil ay nasa kuwarenta años pataas.
"Pasensiya na po,namangha lang po ako sa lalaking nasa billboard ang guwapo po niya kasi.Alam niyo, feeling ko po type niya ako." nakangiti kong wika.Nakita ko ang pagkunot ng noo ng babae.
"Paano mo naman nasabi Ineng?" tanong nito sabay halakhak.
"Eh titig na titig po kasi siya sa akin."
Nagulat pa ako ng bigla itong bumunghalit ng tawa at panay ang iling.
"Alam mo, hindi lang iyan ang makikita mo dito sa maynila marami pa.Malay mo rin dito mo makita ang one true love mo."
Natigilan ako at aksidenteng sumagi sa isipan ko si Rigor.
"Naku, nasa probinsiya po ang one true love ko."
Nakita ko ang muling pag-iling nito na tila hindi nakumbinse sa sinabi ko.
"Totoo po,nasa probinsiya po ang one true love ko.Hindi ko po siya ipagpapalit sa kahit na sino." saad ko ng puno ng katapatan.
"Huwag kang magsalita ng tapos ineng baka kainin mo lang din ang lahat ng sinabi mo," natatawang saad nito.Napasimangot naman ako dahil sa narinig. "Manghuhula po ba kayo?" tanong ko at alanganing ngumiti.
"Hindi." natatawang tugon nito. "Maganda ka Ineng at alam kong maraming magkakagusto sa'yo dito sa maynila." nakakasiguro nitong wika.
"Hay salamat naman at napansin niyo ang beauty ko." masigla kong wika at muling bumaling sa labas ng bintana ng bus.Bakit halos lahat ng billboards na nakikita ko sa naglalakihang gusali na nadadaanan namin ay ang lalaking chef na sobrang guwapo."Sikat siguro kaya ganoon." wika ng isip ko.
"Saan nga pala ang punta mo at bakit mag-isa ka lang? hindi ka ba natatakot? delikado ang lugar na ito lalo na sa mga katulad mong bagong salta pa lang."
Napanganga ako.Parang biglang umahon ang takot ko ngunit mabilis kong iwinaglit iyon sa isipan ko.Alam kong hindi nito intensiyon ang takutin ako.Marahil ay pinapaalalahanan lang ako nito upang imulat sa katotohanan.
"Huwag po kayong mag-alala, susunduin naman po ako ni nanay sa bus terminal.At alam niyo po ba, sobrang yaman daw ng napangasawa ng nanay ko?"
Natigilan ako.Hindi nga naman pala ito nagtatanong at wala rin itong alam kahit pa magkuwento ako tungkol sa nanay ko.
"Talaga? masuwerte pala ang nanay mo." wika nito. "Alam mo Ineng, gusto kita kasi ang daldal mo."
Nakangiti akong bumaling dito. "Madaldal po ba ako? parang hindi naman!"
Tumawa ito.
"Pasay, Cubao! Pasay Cubao!"
"Ang ingay naman po ni manong! ano po ang ibinebenta niya? pasayan at kabayo?"
Napakunot ang noo ko ng makita ang paghalakhak ng babaeng katabi ko.
"Bisaya ka rin ba?"
Mabilis akong tumango.
"Oh paano, maya-maya hihinto na ako sa Cubao.Mag-iingat ka ha.
"Ay sabay na lang po tayo sa Cubao din po ako.Susunduin po ako ni nanay sa Cubao." masigla kong saad.
"Talaga? Sige sabay na tayo."
Ilang sandali lang ay nasa Cubao na rin kami.Tinawagan ko si nanay.Nasa Cubao na rin daw ito at hinihintay na ako.
Hinagilap ng mga mata ko si nanay pero hindi ko siya makita.Nakakahilo naman kasi ang dami ng taong naroroon at sobrang ingay pa.Parang gusto ko na tuloy silang sigawan upang sabihing tumahimik naman sila kahit saglit.
"Wala pa ba ang sundo mo?" napalingon ako.Akala ko nakaalis na ang babaeng katabi ko kanina sa bus.Mukhang hindi pa din dumadating ang sundo nito.
"Sabi po kasi ni nanay nandito na siya pero hindi ko naman siya makita." nakasimangot kong tugon.Hindi ko maiwasang kabahan.Paano na lang kung hindi ko makikita si nanay? saan ako matutulog?
"Tawagan mo." utos nito.Napasimangot ako dahil lowbat na ang cellphone ko.Nakalimutan ko kasing i-charge iyon bago ako umalis.
"Gamitin mo muna itong cellphone ko." alok nito.Mabilis ko itong kinuha at idinial ang numero ni nanay subalit natigilan ako ng makitang naka-phone book ang numero ni nanay sa cellphone nito.
"Ah pasensiya na pero, puwede po bang magtanong?"
"Ano iyan?"
"Bakit nakaphonebook po sa cellphone niyo ang number ni nanay?"
Kumunot ang noo nito at mabilis na kinuha sa akin ang hawak kong cellphone.
Nakita kong umaliwalas ang mukha nito.
"Ikaw si Reese ang anak ni Ma'am Regina?" hindi makapaniwalang wika nito.Naguguluhan man ako ngunit nagawa ko pa rin tumango.Sino ba ito at bakit kilala niya ang nanay ko.
"Ako si Lorna ang kasambahay ng nanay mo.Tingnan mo nga naman kung maglaro ang tadhana!" natatawang saad nito. "Kauuwi ko lang din sa probinsiya kasi nagkasakit ang Isa kong anak.At ngayon ay kailangan ko nang bumalik sa pagtatrabaho kasi ilang buwan din akong absent." wika nito.
"Lory!"
Kapwa kami napalingon ng marinig ang pamilyar na boses at alam kong si nanay iyon.Halos lumuwa ang mga mata ko dahil sa nakita.Ang laki na ng ipinagbago ni nanay.Parang nakakapanibago at parang hindi na ito ang dati kong nanay.Ang dating simple manamit kong nanay noon ay napalitan ngayon ng tila pang-mellinial na porma.Mas lalong gumanda si nanay talagang nagmana ako sa kaniya.
"Ma'am!" ani ate lorna at nilingon ako ng nakangiti.
"Sino ba ang kausap..."
"Nay!" tinawid ko ang distansiya namin upang yakapin ito ng mahigpit.Alam kong nagulat ito dahil sa ginawa ko.
"Anak Ikaw na ba iyan?" hindi makapaniwalang tanong nito sabay hagod sa akin ng tingin mula ulo hanggang paa.
"Opo ako po ito si Reese na maganda mana sa'yo!" maluha-luha kong wika.Muli kaming nagyakapan hanggang sa nauwi sa hagulhulan.
"Ikaw na ba talaga iyan anak? dati noong iniwan kita sa ante Fe mo sipunin ka pa at lumalakad pa ng walang sout na panty!" tumatawa ngunit umiiyak pa rin nitong wika.
"Ako po talaga ito.Kayo nga po ang hindi ko agad nakilala.Eh feeling ko mas bata pa po kayo kaysa sa'kin." natatawa kong wika.
"Madatung na kasi ang nanay mo," biglang sabat ni ate Lorna mula sa likuran namin.
"Manong paki-lagay nga po ng mga gamit nila sa van." utos ni nanay sa lalaking kararating lang ngayon.
"Wow? di na po kita ma-reach nay!" natutuwa kong wika.Talagang may driver na ito at Van. "Curious talaga ako sa itsura ng mapapangasawa niyo 'nay.
"Guwapo siyempre!" mayabang nitong wika.Nagkatawanan kaming tatlo at tinungo ang kinaroroonan ng sasakyan Kono nito.
"Wow! first time kong makasakay ng ganito kagarang sasakyan!" bulalas ko ng sa wakas ay nasa loob na kami ng sasakyan.
"Alam mo anak,marami akong gustong ikuwento sa'yo simula ng mapadpad ako ng maynila.Pero hindi pa ngayon kasi alam kong pagod ka sa biyahe." Ani nanay at isinandal nito ang ulo ko sa kaniyang balikat.
"Okay lang po 'nay." saad ko.
"Puwede kang umidlip muna tutal malayo-layo pa naman ang distinasyon natin." Ani nanay ng mapansin nito ang paghikab ko.
Sinunod ko nga ang sinabi ni nanay.Nakaramdam kasi ako ng antok at pagod.
Nagising ako sa mga yugyog sa balikat ko.Bumalikwas ako at kaagad na ibinaling sa harap ang paningin ko.
"Nandito na tayo." Ani nanay.
Tila ipinako ako sa aking kinatatayuan ng bumungad sa paningin ko ang napakataas na gate at ang higit na umagaw sa atensiyon ko ay ang napakalaking bahay sa loob.Hindi lang malaki kundi malaking-malaki at sobrang ganda.
"Sigurado po kayo na ito ang bahay ninyo?" hindi ko pa rin makapaniwalang tanong.Walang-wala ang bahay na tinitirahan namin doon sa probinsiya kumpara sa bahay na nakikita ng mga mata ko ngayon.
"Malamang!" natatawang saad ni nanay.Nakita ko ang dalawang security guard na nagbukas ng malaking gate upang tuluyang makapasok sa loob ang sinasakyan namin.Nang makababa na kami ng sasakyan ay iginiya ako nito papasok habang nakasunod naman si ate Lorna.
"Ate Lorna, paki-samahan mo muna ang anak ko sa magiging kwarto niya."
"Opo ma'am."
"Kwarto ko po?" hindi ko makapaniwalang tanong.Dati ko nang pangarap na magkaroon ng kwarto sa isang magandang bahay.
"Oo,anak.Magpahinga ka na muna diyan at mamaya na kita tatawagin para sa dinner.Alam kong pagod ka.Pero bago iyan, magmeryenda ka na kaya muna." anito. "Maya-maya ay darating na rin ang Tito Vergel mo at ang relatives niya ipapakilala kita sa kanila."
Siyempre hindi ko maiwasang kabahan.Nasisiguro kong edukadong tao ang mapapangasawa nito.Paano kung hindi nila ako magustuhan? paano kung laitin ako ng pamilya nito?
Para akong mahiyaing pusa habang nagmemeryenda.Nandito kami ngayon ni nanay sa gilid ng swimming pool na kulay asul.Nakakamangha talaga ang bawat makikita ko dito sa loob.Sobrang yaman talaga ng mapapangasawa ni nanay.
"Puwede po bang maligo diyan?" tanong ko ngunit hindi pa man nakasagot si nanay ay mabilis na akong tumalon sa mapang-akit na tubig na iyon ngunit natigilan ako ng maalalang hindi pala ako marunong lumangoy.
"Nay! tulong nalulunod ako!" taranta kong sigaw kasabay ng paglubog ng katawan ko sa ilalim ng tubig.
"Diyos kong bata ka! akala ko pa naman marunong kang lumangoy!" narinig kong sigaw ni nanay sabay talon sa tubig upang sagipin ako.
"Diyan ka lang kukuha ako ng towel." Ani nanay at iniwan akong sa gilid na para bang isang basang sisiw.
Sapo ko ang aking dibdib dahil sa sobrang kaba.Hindi ko rin naiwasan ang Hindi makainom ng tubig kanina.
Drake
"I don't have time for stupid things dad," naiirita kong wika.Paano ba naman pinipilit ako nitong sumama doon sa bahay nito kesyo dumating daw galing probinsiya ang anak ng mapapangasawa nito na si Tita Regina.
"I can't believe you,son.Hindi stupid thing ang pakikipagkilala sa anak ng magiging mommy mo."
"She will never be my Mom! for me, hindi ko ipagpapalit si Mommy sa gold-digger na tulad ng mapapangasawa mo!"
"Watch your language! hindi gold-digger si Regina!" galit na wika ni Daddy. "At baka nakalimutan mo na, na ipinagpalit tayo ng magaling mong ina sa ibang lalaki?"
Natigilan ako.Tama naman ito.Si Mommy ang unang nagloko kung kaya't nabaling kay Tita Regina ang puso nito. Dating secretary ni Daddy si Tita Regina sa pag-aari nitong shipping company at marahil ay nagkamabutihan ang dalawa hanggang sa nauwi sa totoong pag-iibagan.
"I'm sorry, pero hindi ko po maipapangako sa inyo na magugustuhan ko si Tita Regina as my new Mom." mahina kong wika.
"I understand,Son.Pero pagbigyan mo naman sana ako just this time.
Marahan akong tumango bilang pagsang-ayon sa gusto nito.
"I'm ready Dad!"
Napalingon kami sa may pintuan.Excited daw makita ni Dana ang anak ni Tita Regina na kagagaling lang sa probinsiya
"Ready na ba kayo kuya?"
Sa totoo lang wala naman akong balak sana pumunta doon.Para sa akin, it's just wasting my time lalo na at marami pa akong gagawin doon sa bar and restaurant ko.
"Yes." walang gana kong tugon.
"Hi darling, where's your daughter? paano excited silang makita ang anak mo."
Naiirita akong tumingin kay Daddy.Wala akong sinabing excited ako.Nandito kami ngayon sa sala habang hinihintay ang anak ni Tita Regina.Talagang pa-importante pa ito at nagawa pang paghintayin kami.
"Kasing ganda ko ba Tita?" narinig kong wika ni Dana.
"Let's see." tugon ni Tita Regina." Ipaghanda ko lang muna kayo ng meryenda." anito atsaka nagtungo sa kusina.
"She's just wasting our time,Dad!" inis kong wika. "Bakit pinaghihintay niya pa tayo dito.Kung ayaw niyang lumabas, aalis na...
"Hello everyone!"
Napaangat ako ng tingin sa babaeng kararating lang.Hindi ko alam kung anong mararamdaman sa mga sandaling iyon.Parang gusto kong bumunghalit ng tawa.Hinagod ko ito ng tingin mula ulo hanggang paa.Hindi ko maiwasang itanong sa sarili ko kung saang bundok ba ito nanggaling.Kung manamit ito ay daig pa nito ang isang senior citizen.Manang na manang ang porma.Hindi ako makapaniwala na ito lang ang sasayang sa oras ko.
"Be nice!" narinig kong saad ni Dana.Napansin kasi nito ang pagngiwi ko. "Galing siya ng probinsiya kuya try to understand!" dugtong pa nito.
"Magandang hapon po sa inyong lahat." magiliw na bati nito.
"Magandang hapon Hija!" magiliw ding bati ni Daddy. "You're really beautiful sit down."
Hindi ko napigilan ang mapahagalpak ng tawa dahil sa sinabi ni Daddy na you are beautiful.Dahilan upang mabaling ang atensiyon nito sa akin.Tiningnan din ako ng masama ni Daddy at ng bunso kong kapatid na si Dana dahil sa ginawa ko.
Hindi ko alam pero parang naestatwa ito nang makita ako.Nakaawang ang mga labi nito habang nakatingin sa akin.
"Hi I'm Dana, we're going to be sisters soon." biglang wika ni Dana.
"I'm Vergel, you can call me Dad too."
"Naku, nakakahiya naman po.Kahit Tito na lang." wika ng probinsiyana.
"I think I'll go ahead.I'm just wasting my time here." seryoso kong saad sabay tayo.Wala nang nagawa si Dana at Daddy ng iwanan ko ang mga ito sa sala.