LUCY POV.
"Impossibleng ma-divorce kayo dito, Mrs. Hertz dahil walang divorce dito sa Pilipinas. Kung gusto mo sa New York muna kayo mag-divorce," sabi ni Atty. Milton kaya napahawak na lang ako sa ulo ko.
"Alam ko na 'yan, Atty. pero wala ba talagang iba pang paraan? Matagal kapag uunahin ko 'yong New York," sabi ko sa kanya.
"Kung gusto niyo, annulment na lang?" sabi naman nito sa akin.
"Hindi ko pa alam kung pipirmahan ni Sky. Dahil ang alam ko ay hindi siya sang-ayon na maghiwalay kami," sabi ko at malakas na bumuntong hininga. Ano na ba ang dapat kong gawin? Hay!
"Iyan pala dapat muna ang asikasuhin mo dahil baka mamaya d'yan ka pa mas magkaproblema," sabi naman ni Atty. Milton.
"Paano ko naman 'yon mapipilit kung ayaw niya talaga?" Napailing na lang ako at napahawak ulit sa aking ulo dahil hindi ko na talaga alam ang gagawin ko.
Bakit ba kasi ayaw pa nang lalaking iyon na maghiwalay na lang kami? Hay! Ngayon tuloy ang dami kong pinoproblema. That man is always giving me a headache...
"E'di maging cold ka lang sa kanya at gawin mo lang kung ano 'yong mga ayaw niya hanggang sa pati siya ay sumuko na rin sa relasyon niyo," suggestion ni Atty. Milton.
Sa lahat ata nang attorney na nakilala ko, siya lang 'yong mas nagpu-push at nagbibigay ng idea para mas mapag-hiwalay 'yong kliyente niya at ang partner nito.
"E'di mas matagal pa 'yon. But you're giving me a idea..." Ngumisi ako at tumayo at saka ako nagpaalam sa kanya na tatawagan ko na lang siya kapag pumayag na si Sky bago ako tuluyan na umalis.
Hindi ko sinama si Yena at maaga akong umalis nang bahay para hindi na ako sumabay kay Sky kaya mag-isa ako ngayon na nag-taxi. Hindi na bago sa akin ang mag-commute mag-isa dahil noon naman na nag-aaral pa ako ay nagco-commute lang ako madalas at madalas rin akong mag-isa kapag wala si Brianna.
Wala akong kaibigan dahil iyon ang bilin sa akin ni Mom, na huwag makipag-kaibigan dahil hindi ko sila mapapagkatiwalaan dahil ang mga tao ay hindi naman talaga magiging tapat sa'yo hanggang alam nito na may kayamanan ka ay iyon lang ang gugustuhin nila sa'yo hanggang sa huli. Hindi ako naniniwala doon kaya naging kaibigan ko pa rin si Brianna at dahil gusto ko rin na patunayan na mali si Mom, na iba si Brianna sa kanila pero ngayon ay hindi ko na alam...
Habang nasa biyahe ako papunta sa kompanya ay iniisip ko lang kung ano mga gagawin ko para mapapayag si Sky na mag-divorce na lang kami. Ano nga ba ang dapat kong gawin para mapapayag ang isang iyon? Kung tatanungin lang ang ayaw niya sa akin ay paraan pa lang nang pagsasalita ko ay ayaw niya na. Iyong pagiging harsh at mataray ko pa lang ay ayaw niya na.
Tama! Iyon nga. Dapat pagsalitaan ko siya nang masakit at maging cold lang ako dapat sa kanya. Okay, madali lang naman pala... Salamat talaga kay Atty. Milton dahil binigyan niya ako nang idea dito.
Dire-diretso lang ang lakad ko papasok nung nakababa na ako nang taxi. May mga bumabati pero patuloy lang ako sa paglalakad kahit nung salubingin na ako ni Yena gamit ang kanyang nag-aalala na mukha kaya inirapan ko ito.
"Ba't napakaaga mong umalis ng bahay? Hindi mo ako sinabihan. Highblood si Skyler kanina at hinahanap ka," mahinang saad nito sa akin at sinabayan ako sa aking paglalakad habang may kung ano na pinipindot sa kanyang cellphone.
"Ano naman ang pakialam ko sa pagiging highblood niya? Tsk." Hinawi ko pa 'yong buhok ko nung humarang ito sa aking mukha.
"Pero sana man lang kasi nagsabi ka sa akin o nag-text ka man lang kay Manang Lydia," sambit nito na inirapan ko lang naman kaya napailing na lang ito sa huli at hindi na nagsalita.
"Okay, fine! Magsasabi na. Kung gusto mo tawagan pa kita," walang gana na sabi ko at mabilis na lumabas ng elevator nung nagbukas ito.
"I canceled your meetings today. Akala ko kasi di ka papasok but you still have to sign and approve some papers and designs," sabi nito habang naglalakad kami papunta sa opisina ko.
"Okay." Padarag akong naupo sa swivel chair at binuksan ko na 'yong laptop ko para magawa ko na 'yong trabaho ko para sa araw na ito.
Si Yena naman ay lumabas muna saglit para kuhanin ang mga papeles at designs. Hindi naman ito nagtagal dahil ilang minuto lang ay dumating na ito dala-dala ang mga papeles. Nagpaalam din ito para gawin pa ang trabaho niya. Tumango lang ako kaya umalis na rin ito.
Buong araw ay ang pagbabasa ng papeles at e-mails pati ang pagpirma lang ang ginawa ko. Unlike, kahapon ay ngayon medyo magaan naman ang pakiramdam ko kaya may mga na-approve naman ako na designs.
Nung araw na iyon ay nagpadala ng pagkain si Sky sa aking opisina na hindi ko naman kinain at binigay ko lang sa empleyado ko na nandoon nung time na iyon. Maaga ring dumating si Sky kaya nung lumabas ako ay nagulat na lang ako nung makita siyang nakasandal sa sasakyan niya at naghihintay sa akin. Binilisan ko pa naman ang kilos ko para takasan siya at mag-taxi na lang. Nung gabi din na iyon ay sabay kaming kumain ng dinner dahil hindi ito kumakain hanggang hindi pa ako dumadating.
"Maaga ka umalis kanina?" saad nito nung nagsimula na kaming kumain.
"As you can see," sagot ko naman na nanatili lang sa pagkain ang tingin.
"May pinuntahan ka?" usisa pa nito.
"Yeah..." walang gana at tipid na sagot ko sa tanong niya.
"Saan? At kailangan gano'n talaga kaaga?" Bumuntong hininga ako at umirap.
"It's none of your business," malamig na saad ko. Napailing na lang ito at hindi na nagsalita pa kaya natapos kami na walang nagsasalita sa amin.
Kinabukasan ay maagang nagising si Sky kaya pagkababa ko ay nakaayos na ito. Hinatid niya ako sa kompanya at si Yena ay hindi na sumabay sa amin dahil sinundo ito nang company service namin na na-hire dahil sa kaartehan ni Sky. Ayaw niya daw na nagco-commute kami ni Yena kapag may pinuntahan kami na meetings kaya ayan, nag-hire siya. Tss. Daming arte.
Puro meetings, pagtingin lang ng papeles at emails ang ginawa ko nung araw na iyon. Dahil canceled ang meetings kahapon ay ngayon naman ako tinambakan at may lunch meeting pa kaya nung nagpadala si Sky ay hindi ko na naman iyon nakain, well, hindi ko naman talaga kakainin kaya sa huli ay empleyado ko pa rin ang makikinabang no'n. Maaga na naman dumating si Sky kaya sabay na naman kaming umuwi pati sa pagkain ng dinner ay nagsabay rin kami.
Lagi niya akong kinakausap sa tuwing kaming dalawa lang pero palagi ko lang din itong tinatarayan. Kundi malamig at tipid ang sagot ko ay pabalang naman.
Gano'n lang naman ang nangyayari sa araw-araw pero kahit na gano'n ang ginagawa ko sa kanya ay hindi naman siya nagsasawa at patuloy na gano'n pa rin ang ginagawa. Sinubukan kong agahan at madaliin ang ginagawa ko pero sa tuwing lumalabas ako ay nando'n na siya. Pakiramdam ko tuloy tinatraydor ako ng mga empleyado ko pati ni Yena kaya hindi ko siya matakasan.
Pero sa tuwing tinitignan at kasama ko naman si Yena ay hindi naman nito hawak ang kanyang cellphone kaya nagtataka ako kung kanino siya nakakakuha ng impormasyon tungkol sa mga ginagawa ko.
Nung napagod ako na takasan siya ay hinayaan ko na lang ito sa gusto niyang gawin pero hindi ko pa rin naman kinakain 'yong mga pagkain na pinapadala niya sa akin at kahit na paborito ko pa ang pinapadala niya dahil ma-pride ako ay pinamimigay ko pa rin iyon sa mga empleyado ko.
"Hindi ka ata nag-overtime ngayon?" saad niya dahil maaga ako ngayong lumabas.
Kahit na ayokong pinag-bubuksan niya ako ng pintuan ay hindi ko na siya masuway dahil nando'n na siya at panigurado naman na hindi ito magpapabawal kaya hinahayaan ko na lang siya.
"Bakit kailangan ba laging overtime ako? Hayaan mo next time hanggang madaling araw na ako sa opisina ko," pilosopong saad ko na imbis na kainisan niya ay tinawanan niya lang kaya napairap na lang ako at tumingin sa nakakasawang paligid sa labas.
"Well, anyway, I think we should take a break from work tomorrow until next week," saad nito na ikinabaling ng atensyon ko sa kanya.
"Why?" Nagtaas pa ako nang kilay rito. "I don't think that I will need it,"
"You will need it tomorrow,"
"Bakit nga?" masungit na tanong ko.
"Because our special guest are coming..." Halos napabangon ako sa pagkakasandal ko nung marinig ko iyon.
"What?! You mean, Mom and Dad, right?" natatarantang tanong ko sa kanya. Kapag sinabi niya kasing 'special guest' ay isa lang ang ibig sabihin no'n it's either my Mom and Dad or his Mom and Dad.
Okay lang sana kung sila Mommy Sienna at Daddy Simeon ang pupunta sa bahay dahil kadalasan ay isang araw lang naman nananatili ang mga ito sa bahay namin. Pero alam ko naman na hindi sila Mommy Sienna iyon dahil nabanggit niya na noon na uuwi sila Mom at sa bahay nga namin mananatili ang mga iyon.
This is gonna be a big trouble for me...