Chapter 05
Kinabukasan, sabado. Kaya alas osto na ako nagising. Pagkatapos kong ligpitin ang pinaghigaan ko ay agad na akong lumabas ng kuwarto ko at nagtungo na sa banyo para maghilamos.
Dumiretso na ako ng kusina matapos akong maghilamos at hinanap si mama.
"Good morning, mama." bati ko kay mama na abala sa pagdidiling ng mga halaman niya.
"Good morning, clay. May pagkain na sa lamesa mag almusal ka na roon." sinunod ko nalang ang sinabi ni mama.
Nasa kalagitnaan ako nang pagkain nang pumasok si mama.
"Magbebenta ka uli ng mga halaman mo, ma?" tanong ko.
"Oo, mamaya. Kaya ikaw muna ang bahala rito sa bahay." tumango nalang ako sa sinabi ni mama at pinagpatuloy na ang pagkain ko.
Alas nuebe na no'ng umalis si mama para ihatid 'yung halamang binebenta niya. Tapos ko na ring linisan ang buong bahay kaya nagcellphone nalang ako.
Mag aalas diyes na wala pa rin si mama kaya naman itinigil ko muna ang ginagawa ko at nagsaing muna. Nagcellphone muli ako habang inaantay na maluto 'yung kanin. At nang maluto na 'yung kanin, sakto namang dumating si mama na may dala nang ulam.
"Napaka sipag naman ng clay-clay ko. Luto na ba 'yan? Sakto at may binili na akong ulam."
"Opo, ma. Luto na po." sagot ko.
Inilagay na ni mama sa mangkok 'yung ulam na binili niya. Naghanda na rin ako ng plato, kutsara, at baso. Si mama naman ang nagsandok ng kanin.
"Ma, bakit ang tagal mo?" tanong ko.
"Malayo ang bahay ng mga Del Fuego, anak." nahinto ako sa pag subo. Del Fuego? Nagpunta si mama sa bahay nila Kreios?
"Ma naman bakit hindi mo ako sinama?" maktol ko.
"Kung sumama ka e'di wala tayong kanin ngayon." napanguso nalang ako sa pagkadismaya.
Pagdating ng hapon, pumunta ako kila Elle para tumambay.
"Hi, tita Ange. Nasaan po si Elle?" tanong ko kay tita na nagwawalis sa harapan ng bahay nila.
"Nasa kuwarto niya, natutulog yata." nagpasalamat nalang ako kay tita bago pumasok sa loob ng bahay nila.
"Hi, Cristan. Si Elle?" tanong ko sa nakababatang kapatid ni Elle.
"Nasa kuwarto niya po. Teka tawagin ko." tumakbo si Cristan papunta sa kuwarto ni Elle.
"Ano ba 'yan, tantan! Kitang natutulog ang tao eh." dinig kong bulyaw niya sa kapatid.
"Nasa labas nga si ate Ayumi hinahanap ka. Tsaka maligo ka na raw sabi ni mama. Ang baho mo na eh." natawa nalang ako sa kakulitan ni Cristan.
"Aba't! Ikaw na bata ka! Ibibitin na talaga kita nang patiwarik."
Lumabas na ng kuwarto si Cristan at kasunod nito si Elle na malalim ang pagkakakunot sa kanyang noo.
"Teka, maliligo muna ako." sambit niya saka nagmamadaling pumasok sa banyo.
Nakipaglaro muna ako kay tantan habang hinihintay matapos si Elle.
"Saan punta natin?" nabaling ang tingin namin ni tantan sa nagsalitang si Elle.
"Wala. Dito lang." sagot ko.
"Ayoko rito. Punta tayong court."
"Sige, tara." sang-ayon ko saka tumayo na.
"Sama ako, ate." ani Tantan.
"Huwag na. Ayokong may kasamang bata." sabi ni Elle.
"Ang sabihin mo may kikitain ka lang doon."
Palipat-lipat ang tingin ko sa magkapatid. Kaya bago sila magrambulan ay agad na akong pumagitna sakanila.
"Tama na nga 'yan. Tan, 'wag nang matigas ang ulo." sabi ko kay Tantan kaya napanguso siya.
Pagkarating namin ng court ay may naglalaro ng basketball kaya naupo kami sa bench para manuod.
"May dala kang pera? Bili tayo ng fishball." ani Elle.
Umiling ako.
"Ikaw, meron? Libre mo nalang ako." sabi ko.
"Nawiwili ka na sa libre, ha." tinawanan ko nalang siya.
Lumapit na kami sa nagtitinda para bumili.
"Ate fishball nga po, dalawang ten." sabi ni Elle.
Nang maibigay 'yung binili namin ay agad na kaming nagbayad at bumalik na sa upuan namin kanina.
"Pustahan na naman siguro 'yan." sambit ni Elle.
"Siguro."
Hindi na namin pinatapos 'yung laro at umuwi na dahil malapit nang dumilim.
Gaya ng lagi kong ginagawa, ako ang taga luto ng kanin at kay mama naman ang ulam.
"Maaga ka gumising bukas ha? Magsisimba tayo." tumango nalang ako. Si mama talaga, hindi pumapalyang sabihin sa akin 'yan.
Siya na ang nagprisintang maghuhugas kaya naman pinunasan ko nalang ang lamesa bago pumunta sa banyo para mag toothbrush.
Bago ako matulog ay tumawag pa muna saglit si Yuki para kumustahin at buwisitin ako. Kahit na gano'n ang ang ugali no'n, mahal na mahal ko 'yon.
Kinaumagahan ay nagising ako sa pag alarm ng cellphone ko. Pagkatapos kong magligpit ng higaan ay dumiretso na ako sa banyo para maligo.
At nang matapos akong maligo ay bumalik ako sa kuwarto ko para magbihis. Simpleng crop top at highwaist skinny jeans na tinernuhan ko ng white keds ko.
Matapos akong mag-ayos ay pumunta na ako sa kusina para mag almusal.
"Good morning, mama kong maganda." bati ko kay mama.
"Good morning, clay-clay. Aba at napaka ganda talaga ng anak ko."
"Syempre mana sa mama eh." sabay kaming natawa ni mama.
Nang matapos kaming kumain ay nag ayos pa muna sandali si mama bago isarado ang bahay at sabay na nagtungo sa sakayan.
Pagkarating namin sa simbahan ay naghanap na kami ng mauupuan.
"Tonette!" tawag nang kung sino kay mama.
"Cass!" shemss mama ni Kreios.
Hinila na ako ni mama palapit sa puwesto nila Kreios. Yes, kasama rin siya.
"Ito na 'yung anak mo?" tumango naman si Mama. "Napaka gandang bata." kahit na nahihiya ako ay tumingin ako sa mama ni Kreios at nagpasalamat.
"Anong pangalan mo, iha?" tanong ng papa ni Kreios.
"Ayumi po," magalang na sagot ko.
"Ang ganda ng mata mo, iha." sambit ulit ng papa ni Kreios.
"A-ah, thank you po." nginitian ko ang papa ni Kreios at aksidente akong napatingin kay Kreios na nakatingin din pala sa akin. Nagkasalubong ang tingin namin kaya ako na ang unang umiwas ng tingin.
Shemsss! 'Yung puso ko!
Inayos ko na ang sarili ko dahil nagsimula na ang misa. Nakinig nalang ako sa sermon ni father. At nang matapos ang misa ay humiwalay na sila Kreios dahil may pupuntahan pa raw sila.
Dumiretso naman kami ng palengke ni mama para mamili ng ilang grocery at mga kulang sa bahay.
Pagka uwi namin ay tinulungan ko si mama na ayusin 'yung mga pinamili namin. At nang matapos ay pumunta na ako ng kuwarto ko para magbihis ng pambahay.
Bukas na pala ang start ng intrams.