SSG officers
Selene Caz
"So... Selene, may plano ka na ba para makalabas tayo nang ligtas sa gate?" Tanong ni Nicole sakin.
May hawak syang papel para isulat yung mga plano namin.
Huminga ako ng malalim tsaka ko binuklat yung notebook na pinagsulatan ko sa mapang ginawa ko.
"Uhmm... Paglabas natin dito sa room, may tatlo pa tayong rooms na madadaanan. Yung ABM, GAS at PA." Sagot ko naman.
"Kaylangan nating lagpasan yon?" Tanong naman ni Loreine.
"Naisip ko na ring takbuhin na natin yung hagdan mula dito pero siguro mas okay na rin kung paunahin natin yung mga kasama natin sa direksyon ng hagdan tas yung isa satin sasamahan sila tas yung anim naman iche-check yung kada room kung may natitira pang studyante sa tatlong rooms." Mahabang paliwanag ko.
Agad namang nagtaas ng kamay si Jade.
"I volunteer myself nai- lead ang mga kaklase mo papunta sa hagdan." Sabi ni Jade.
"Ahh, Selene." Pagtawag sakin ni Chester.
Agad naman kaming napalingon sa kanya.
"Hmm?"
"Di ba parang mas hassle kung mag-aantayan tayo sa hagdan? Ano kaya kung dumiretso na lang sila sa canteen, tutal hindi naman masyadong delikado yon kasi yun ang unang bubungad pagkababa ng hagdan tsaka kahit naka-lock yung canteen may duplicate key naman kayo ng SSG President."
"Mas okay nga yon, tas si Jade ang magli-lead sa kanila tas tayo naman mag hahati-hati sa tatlo tas kanya-kanya na tayong room para mas mabilis." Sabi naman ni Aldrin.
"Okay... Si Jade ang bahala sa mga kaklase natin tas sa ABM kami na lang ni Loreine, tas sa GAS kayo na lang Nicole at Chester tas sa PA kayo na lang Jazer at Aldrin." Agad namang nilista ni Nicole lahat ng sinabi ko.
"Pwede bang sakin na lang si Loreine?" Tanong naman ni Aldrin.
"Siraulo ka! Wala ka bang tiwala sakin? Anong tingin mo? Ipapahamak ko yang si Reine?" Taas kilay kong tanong sa kanya.
"Hindi naman sa ganon, concern lang ako sa inyong dalawa. Pareho kayong babae, mas okay sana kung sa lahat ng oras may kasama kayong lalake, kasi hindi natin alam kung anong oras dadating yung kapahamakan." Mahabang paliwanag nya.
Aba! Anlalim non ah!
"Okay lang, sabay naman kaming mamamatay ih." Walang ganang sabi ni Loreine.
Abat loko to, nandamay pa.
"Mauna ka." Taas kilay kong sabi sa kanya.
"Selene." Seryosong tawag sakin ni Jazer.
"Oh?"
"Ako na lang ang sasama sayo sa ABM tas si Aldrin at Loreine na lang sa PA." Sabi ulit nya.
"Oo na." Tamad kong sagot.
"Nalista ko na lahat, so pag-alis natin sa canteen anong next na plano?" Tanong naman ni Nicole.
"Sa canteen na natin pag-usapan yung next na plano." Seryoso namang sabi ni Chester.
"So aalis na tayo?" Tanong naman ni Jade.
Tatayo na dapat ako ng biglang mag-salita si Jazer.
"Saglit. Tingin ko kaylangan nyo ring balutan ng tela yung braso nyo pati na rin yung kamay nyo. Once na makagat kayo sa upper part ng body nyo. Malaking problema." Seryosong sabi nya.
"Shocks! Muntik ko na yon makalimutan ha." Sabi naman ni Loreine.
"So, tara na sabihan na natin sila." Agad naman kaming nag-sipag tayo at nagsipag kilos.
Pero napahinto ako sa pagkilos ng biglang mag-vibrate yung phone ko.
Agad ko yung kinuha sa bag ko tsaka ko sinagot yung tawag ng di tinitignan yung caller.
Napatingin naman ako kila Chester na nahinto rin sa pagkilos.
Agad kong winave yung kamay ko at sinenyasan silang kumilos na.
Pumunta ako sa kabilang sulok para marinig ng maayos yung katawagan ko.
"Hello?"
"Fuck Selene! Bakit di kita ma-contact?! Hindi mo ba alam na sobra akong nag-alala sayo?!" Agad ko namang tinignan yung name nang caller.
Mr. President.
Oww yung SSG President pala.
"Anong hindi ma-contact? Kita mong magkausap na tayo ngayon di ba?"
"Wag mo nga akong pilosopohin. Nasan ka? Sinong kasama mo? Safe ba jan?"
"Ano ba? Easy lang, kung di ako safe ngayon dito edi sana kanina pa ko zombie at hinahanap yang katawan mo para kainin."
"Fuck Selene! Nasan ka ba?!"
"Isa pang mura mo bababaan na kita." Pag babanta ko sa kanya.
Nagulat ako ng biglang lumapit sa direksyon ko si Jazer habang may mga hawak na ginupit-gupit na tela sa kamay nya.
Tsaka nya ipinulupot sa braso ko yung mga tela.
Hindi ko  na lang sya pinansin at itinuon ko yung atensyon ko sa kausap ko.
"Fine, nasan ka na kasi?"
"Ligtas ako okay? Safe dito wag ka ng mag alala. Eh ikaw nasan ka na ba? Sinong mga kasama mo?"
"Anong sinong mga kasama ko? Nakalimutan mo bang hindi pa tapos yung meeting at umalis ka kaagad? Kaya malamang mga officers ang mga kasama ko. At syempre nandito kami sa library." Mahabang paliwang nya.
Napakagat ako sa ibabang labi ko. Pfft... Tinakasan ko pala sila kanina.
Sabi ko sa CR lang ako ih.
Nagulat ako ng biglang humigpit ang pagkakatali sa braso ko ng tela. Tinignan ko naman ng masama si Jazer.
Pero patay malisya lang sya.
Inirapan ko sya sabay balik ko ng atensyon kay Clyde na President namin.
"Nandito ako sa room, nakapagplano na kami para maka-punta ng canteen. Pero dadaanan muna namin yung mga room nyo, baka may mga na-stock na mga studyante ih."
"Okay, magkatabi lang naman tong library tas canteen, punta na lang kami don."
"Delikado, baka may zombies sa hallway."
"Di yan kaming bahala, mga lalake naman ang kasama ko. Baka nakakalimutan mong kayo lang ni Jona yung babae sa officers."
"Oo na sige na, mag-aasikaso pa kami dito. Kita na lang tayo sa canteen. Ako ng bahala sa mga studyante dito pati sa kabilang section."
"Okay, stay safe Selene."
"Ikaw din, bye." Atsaka ko ibinaba yung tawag.
Nilingon ko ang mga kaklase ko.
Lahat sila ay balot na ang braso at iba pang balat sa upper part ng body. Ganon din ako.
Agad ko namang tinawag si Nicole kaya agad din syang lumapit.
"Bakit?"
"Tumawag sakin si Clyde."
"Oh, kamusta sila?" Di makapaniwalang tanong ni Nicole.
"Okay naman sila, sya nga pala. Isama mo na sila sa attendance para hindi tayo mahirapan." Agad naman syang tumango staka kinuha yung notebook nya at ballpen.
Sinabi ko sa kanya ang ililista nya, pagkatapos ay pinakita nya sakin ang sinulat nya.
(Girls)=7
*Selene✔
*Loreine✔
*Sophie✔
*Lyka✔
*Clara✔
*Nicole✔
*Tasya✔
(Boys)=11
*Jazer✔
*Chester✔
*Jade✔
*Aldrin✔
*Jack✔
*James✔
*Vince✔
*Lewis✔
*Martin✔
*Dave✔
*Jeremy✔
(❎) =5
*Chara❌
*Nicka❌
*Dalia❌
*Lory❌
*Janice❌
(SSG Officers)=7 (6) bawas si Selene
*President: Clyde✔
*VP: Selene✔
*Secretary: Jona✔
*Treasurer: Kyle✔
*Auditor: Dominic✔
*PIO: Jericho✔
*Representative: Fin✔
Napatango-tango ako ng mabasa ko yung nakasulat.
"Selene, ready na sila." Bulong sakin ni Loreine.
"Selene, chineck namin yung corridor sa labas. Walang kahit isang zombie. Siguro nasa baba lahat." Bulong naman sakin ni Chester.
"So safe tayo hanggang sa makapunta tayo sa canteen?" Sabi ko naman.
"Yep." Sagot naman ni Chester.
"Kamusta si Lyka?" Tanong ko.
"Inaalalayan sya nung Vince at Sophie." Sagot naman ni Jazer.
"Nicole, patawag si James." Agad namang tumango si Nicole sabay tawag kay James.
Patakbo namang lumapit si James sa direksyon namin.
"Ano yon?" Tanong nya nang makalapit sya.
"Palitan mo si Sophie sa pag alalay kay Lyka. Kayo na munang bahala kay Lyka." Tumango naman agad sya sakin.
Tsaka sya tumakbo sa direksyon nila Lyka at tumulong sa pag-akay kay Lyka.
Agad naman akong pumunta sa gitna.
Nasa kabilang gilid ko si Loreine tas sa kabila ko naman si Jazer , tas sa tabi ni Loreine si Chester.
Bale ganito yung pwesto namin sa gitna.
Chester---Loreine---Selene---Jazer
Tas sa likod namin sila Aldrin, Jade at Nicole.
"ICT." Pagtawag ko ng atensyon sa kanila kaya lahat sila ay nagsipag-palibot samin.
"Lahat kayo ay sasama at makikinig muna pansamantala sa kaibigan kong si Jade." Itinuro ko naman agad si Jade na ngumiti sa lahat. "Sya muna pansamantala ang mag li-lead sa inyo dahil aasikasuhin namin yung mga ibang sections. Please cooperate." 
"Kaya ba nating makapunta ng canteen ng walang nadadaanang zombies?" Tanong naman ni Tasya.
"Walang zombies sa corridor. Wag kayong mag-alala, matalino at mapagkakatiwalaan yang si Jade. At pag dating nyo don sa canteen baka saglit na minuto lang nandun na rin kami. Tas ang buong SSG officers ay gumagawa na rin ng paraan para makapunta sa canteen." Agad namang nag-siliwanag ang mukha ng mga kaklase ko.
"So ICT, I hope ready na kayo." Tumango-tango naman sila. Agad ko namang ibinaling ang atensyon ko kay Jade. "Jade, ikaw ng bahala sa kanila. Wag kayong dire-diretso sa pagbaba, baka may zombies sa hallway. Eto yung susi ng canteen. Pagpasok nyo i-lock nyo agad. Kakatok na lang kami pag-nandun na kami. Atsaka papunta na rin yung ibang SSG officers don."
"Okay, ako ng bahala sa kanila." Sabi nya sabay kuha ng susi sa kamay ko.
Agad ko naman syang yinakap.
"Responsibilidad mo sila ngayon, pero wag puro sila ang isipin mo. Mas mahalaga ka para sakin. Mag-iingat ka." Bulong ko sa kanya.
Nginitian nya ko sabay yakap din kay Loreine, tsaka sya dumiretso kila Jazer at Aldrin.
"Bro, kayo nang bahala kila Reine at Lenlen ha." Bulong ni Jade kila Jazer.
Tumango naman sila Jazer.
"So, ICT... tara na." Sambit naman ni Jade.