Mia POV
"Shhh." Senyas ko sa kanila habang nakasilip sa may pader. Ang daming zombies na nagkalat. Halos lahat estudyante, yung iba professor. Haist. Nakakaawa sila at the same time nakakatakot.
"Marami ba sila?" Bulong ni Aira sa likod ko.
"Sobra." Tipid kong sabi.
"Paano tayo, makakalabas? Andaming zombie." Sabi ni Abe.
"Andito na tayo sa labas~" pamimilosopa ni Aira.
"Gaga! What I mean sa labas ng school." Pagtataray ni Abe.
"Ayusin mo kasi!" Pagdepensa naman ni Aira.
"Kailangan muna nating magpalipas ng gabi." Sabi ko maggagabi na din kasi.
"Sa'n naman?" Tanong ni Aira.
"Sa Second floor tayo, tingnan natin kung gumagana pa elevator, mahirap kapag gumamit tayo ng hagdan, baka may makasalubong tayo." Sabi ko.
"Guys, maghanap muna tayo ng pangdepensa." Singgit ni Aira.
May nakita naman akong tubo sa malapit, yun na ang kinuha ko. May bitbit naman na kahoy si Abe at floor mop kay Aira?! Pero handle lang pala gagamitin niya. Si DenDen naman isang maliit na dospordos.
"Ayos! Tara!" Sigaw ni Aira.
"Aray!" Binatukan ko nga, ang ingay.
"Oo na, tatahimik na." Bulong nito. Napa roll eyes nalang ako.
Nagmasid-masid lang kami sa paligid. Andaming nagkalat na mga walker. Gad! Katakot! Baka mamaya, may sumakmal saming zombie. Tapos maging zombie din kami! Hindi pa nga nag-umpisa ang bakbakan. Deds na kagad?! Anyways Advantage din sa'min ni Aira ang pag depensa ng aming saliri pero mas better kapag may weapon na panangga.
"Ate." Biglang tawag ni DenDen.
"Natatakot ako." Napabuntong hininga ako.
"Kami rin Den, natatakot rin kami pero kailangan nating maging matapang sa ganitong sitwasyon." Sabi ko.
"Oo Den, muka lang kaming hindi takot dahil dinadaan namin sa asaran pero......."
Aira took a deep sigh.
"...naiihi na talaga ako." 
Napa face palm nalang ako. Ayos na ang mood eh.
"Guys, tama na ang drama!" Biglang singit ni Abe. As if di siya takot, kanina nga muntik na siyang maihi.
Again, nagpalinga-linga muna kami sa  paligid at ng makakita kami ng pagkakataon, umalis na kaagad kami.
Aira POV
Nakatanga lang kaming lahat dito habang hinihintay ang pagbukas ng elevator.
*ting*
Pigil hininga kami habang unti-unting bumubukas ang elevator. Walang gumalaw sa'min ng tuluyan itong magbukas. Tumambad saamin ang naglalakad na mga zombie. Pigil hininga kaming nagkatinginan. Napalunok nalang ako. Shek! Paano to?!
Nakarinig ako ng lagapok. Parang nag slow mo ang lahat, naagaw namin ang atensiyon ng zombie.
"3rd floor!!" Agad kong pinindot ang button. Unti-unting nagsasara ang pinto at unti-unti ding humahabol ang isang zombie. Sakto namang pagsara ng pinto ang pagkaputol ng kamay nito. Yaks! Kadiri!
"Ahhhhhh!! Yung kamay gumagalaw!"
Waaaa!!
"Patayin mo! Patayin mo!" Tili nina Abe at DenDen.
"Takte! Patay na 'yan!" Sigaw ni Mia.
"Waaa! Ang creepy ng kamay!" Sigaw ni Abe.
"Buti nalang hindi ulo ang naputol." Singit ni DenDen.
*ting*
Nang masiguro namin na walang panganib, lumabas na rin kami ng elevator. Pero hindi ko masikmura ang tumambad saakin or sa amin I guess?
"Ang lansa!" Singhal ni Mia habang nakatabon ang ilong.
"Yuck!"
Puro mga katawan ng mga estudyane saamin ang tumambad, nagkalat na ulo, lamang loob at malalansang dugo ang nagkalat sa hallway. Muntik na nga akong madulas kanina dahil sa dugo. Kadiri talaga!
"Tara na Guys!"
Patuloy lang kami sa pagtakbo pero hindi namin hinayaan na makagawa kami ng malakas na ingay in short kasalukuyang kaming nag-aala ninja.
Napatigil kami sa pagtakbo ng may tumatakbong grupo ng mga estudyanteng tumatakbo patungong direksyon namin.
"RUN FOR YOUR LIVES!" Sigaw nito.
"Huh?" Takang sambit namin. Pero huli na namin marealize na hinahabol pala sila ng isang batalyong zombie.
"Waaaaaaa!!Takbo!" Sigawam namin at nakisabay din sa pagtakbo.
Lumiko kami, pero pagliko namin may mga zombie ding nakatambay kaya bigla kaming napahinto.
"Guys dito!"sigaw ng kung sino at biglang pumasok sa isang pinto. No choice kaya pumasok na kaagad kami.
Pagpasok naming lahat agad na isinara ang pinto. Habol Habol ko ang aking hininga dahil sa pagod at kaba.
Hindi ko na masikmura  mga nangyayari saamin.
"Guy's okay lang ba kayo?" Tanong nang kung sino.
Walang umimik. Silence mean's yes but maybe no?
Sa tantiya ko mga fourty ang mga students na naandito. May taga kabila ring eskwelahan base na rin sa kanilang suot na Uniform.
Nagpakawala ako malalim na paghinga.
Madilim na pala.
Sabi ko, habang nakatingin sa bintana.
Ano na ba ang gagawin namin?
Gusto ko nang umuwi. Sigurado akong mas safe sa bahay.
Pero, nakakakonsensiya akong lisanin ang paaralang ito kasama ang mga kapwa ko estudyante. Alam kong gusto rin nilang makaligtas dito pero masyadong delikado. Delikado na nga dito sa loob ng campus, doon pa kaya sa labas. Hindi ko rin matawagan si Daddy, for sure alam na niya ang nangyayari dito.
"Arrggghh!" Daing ko tsaka ginulo ang  buhok ko.
"Aira, huminahon ka." Malumanay na sambit ni Mia tsaka yinakap ako. Ramdam ko rin ang bigat ng kalooban niya sa nangyayari ngayon.
Ang bigat ng atmosphere dito sa loob.
May naririnig pa rin akong humihikbi at nag-uusap.
Nangingiligid na naman ang mga luha ko. Hindi ko na kaya ang mga nangyayari sa'min, pa-parang nawalan na ako ng lakas ng loob. Nakakapangilabot talaga ang mga nangyayari sa'min. Bumuntong hininga nanaman ako.
Sana bukas bumalik na sa dati ang lahat, I hope magising na kami sa bangungot na ito.
Pinikit ko ang mga mata ko at pilit na makatulog.
...
Nagising ako dahil sa mahinang kalabog sa labas.
I took a deep sigh.
This is reality.
Nangyayari na talaga sa'min 'to.
Nabaling nanaman ang diwa ko ng marinig muli ang kalabog sa labas. Mahina pero nakakatakot.
Rinig na rinig ko mula dito dahil katabi ko ang pinto. Pinakiramdaman ko ang paligid ko. Mukhang tulog sila. Hindi ko naman sila masisi at nakatulog pa sila sa ganitong sitwasyon dahil ramdam ko rin ang pagod nila sa kakaiyak at kakatakbo, madaling araw na nga kaming nakatulog, napag-usapan din naming lahat na bago sumapit ang araw aalis kami ng school, at mukhang ito na ang tamang oras.
"Mia...Gising na." Bulong ko habang inaalog ang katawan niya.
"Hmmm." Mahinang ungol niya habang pilit na bumabangon.
"Gisingin natin ang iba." Sabi ko at ginising na sila.
"Ganito ang plano. Walang maghihiwalay. Bantayan niyo ang mga kasama niyo. Grupo grupo ang lalabas pero naka linya, pag nakalabas na ang first five. Susunod na rin ang iba. Mga lalaki ang mauuna para sigurado tayo."sabi ko sa kanila na para bang nagpupulong.
"Vans, pumunta kayo sa back gate mamaya pagkababa natin sa fire exit. andun naka park ang bus ng school, magdala ka ng kasama mo, hintayin ka namin doon." Sabi ni Mia.
"Okay." Pag sang-ayon naman ni Vans.
"Mike, kayo muna ng tropa mo ang first five, magdala kayo ng pwedeng pandepensa, tandaan niyo walang magliligtas sa inyo kundi ang sarili niyo, kung gusto niyong makaligtas sa delubyong ito magtulungan tayo." Pagdidiin ko.
Huminga ng malim si Mike at naghanda na silang lahat.
Lumabas na ang first five. Bawat isa sa kanila ay nakabantay sa bawat isa.
Sunod naman ang pangalawa hanggang kami na ang sunod ni Mia.
Luckily safe ang lugar namin ngayon. Walang tumambad sa'min. Nag-ala ninja nanaman kami sa pagpunta sa fire exit. Bumaba na kami sa parang spiral na hagdan.
Nasa hulihan si Mia. Nasa harap naman namin ang dalawang unano--este sina Abe at Den.
Nagulantang ang buong pagkatao ko, ng may biglang malakas na kumalabog sa pinto kasunod nun ang malakas na pag-ungol.
O___O
*LUNOK*
"Guys! Bilisan niyo!"
"Ahhhhhh!!!"
Agad naman silang nagmamadali sa pagbaba.
Napatingin ako sa taas.
Ayan na siya!
Third Person POV
"Guys! Parang awa niyo na! Nahihilo na ako!!!" Sigaw ng isa sa mga estudyante.
Maski sina Aira nahihilo na. Pero lingid sa kaalaman ni Mia na unti-unti na siyang inaabot ng Zombie.
Swerte, natapilok ang gaga at nadamay ang isa pang gaga.
Parang nag slow mo ang lahat ng nakikita nina Aira at Mia habang nakanganga at nakatingin sa lumilipad na zombie. Kanya-kanya namang iwas ang mga babae sa gitna ngunit sa kasamaang palad napunta ito sa mga kalalakihang walang kaalam-alam sa nangyayari sa taas. Aksidente namang naupuan ng isa ang zombie na dere deretso sa pagdausdos sa hagdanan kaya naman napadausdos din ang iba na animo'y nag sa slide sa spiral na hagdanan.
"Waaaaaaaaaaa!"
Sigawan ng lahat.
*Boggssh*
Mia POV
Sunod-sunod ang pagkalabog sa ibaba.
"Wow, ganda ng landing." Saad ko.
Hindi ko alam kung kanino ako maawa, sa mga kasama ko ba na ngayon ay dinadaing ang sakit ng katawan dahil sa paglagapak o sa zombie na ngayon ay nagkalasog-lasog na ang pangagatawan.
Napailing nalang ako.
Tsk tsk.
"Guys huminto muna tayo, Vans pumunta na kayo 'dun, hihintayin namin kayo. Mag-iingat kayo." Sabi ko at ngumiti.
Tango naman ang iginanti niya saakin.
"Guys, kinakabahan ako."sabi ni Aimee , school mate namen.
Amputs. Pinaalala pa.
"Wag kayong mag-alala as long na magkakasama tayo walang mangyayaring hindi maganda." Banggit ng isa.
Tama nga naman.
Muling namayani ang katahimikan at maya-maya'y...
"Guys, andyan na sila." Bigla akong napatayo sa pagkakaupo at lumapit sa pinto na ngayon at kaharap na ang bus.
Nagsipasukan naman ang lahat pero naiwan kami ni Aira at nina Abe.
"Oh? Ba't di pa tayo aakyat?" Tanong niya.
"Tangi! Yung sasakyan natin?! Iiwan natin ganun?" Tanong ko.
"Oo nga noh?"
Kahit kailan talagang babaeng 'to, may pagka gaga.
"Guys, mauna na kayo, kukunin namin yung kotse namin, hahabol kami." Sabi ko.
"Sasama kami!" Sigaw nina Abe at Den.
"Okay, tara."
Di naman kami mahihirapan dahil malapit na lang yung parking lot dito kaya mahahabol at mahahabol namin ang bus.
Nagsimula na ring umandar ang bus kaya nagmadali na kami papuntang parking lot.
Nang makarating na kami sa parking lot agad naman naming nakita ang kotse namin.
"Abe, dito ka sumabay saakin, Den dun ka kay Aira."
"Sige." Sagot naman nila.
Hindi na kami nagpaligoy-ligoy pa at pinaharurot na namin ang sasakyan.
Aira POV
Nawindang ang buong pagkatao ko nang makalabas kami ng school zone.
"Oh My God." Mahinang usal ni Den.
Mga Gusaling nawasak at umuusok, mga sasakyang nakaharang sa gitna ng kalsada para ba talagang inatake ng mga terorista at binomba ang buong siyudad.
At ang mas malala pa ang mga katawang nakasabit at nagkalat kung saan-saan.
*Huk*
Napatingin ako kay Den, na ngayon ay umiiyak. Ngayon ko lang naalala. Nasan na ang Pamilya niya?
"De-Den? Okay ka lang?" Haist. Napakaboba mo talaga Aira, malamang hindi.
Ano bang gagawin ko sa batang 'to.
"Waaaaaaa!!!"
Jusmiyo! Mas lalo pa siyang umiyak.
Naiiyak na rin ako! Waaaaa.
"DenDen, maayos rin ang lahat."Sabi ko .
Ayan ka naman Aira, ano ka?! Advance mag-isip?!
"Den, wag kang mag-alala, pupuntahan natin pamilya mo."
"A-ate, na-tatakot a-ako, wha't if---Waaaaa!" Atungal nanaman niya.
Haissst.
"Wag kang mag-isip na ganyan Den, di ka naman siguro Advance mag-isip? He he?"
No response pa din. Tsk
Di na ko maapakali sa pagdrive dahil agaw pansin ang mga nadadaraanan namin. Parang Ghost Town na.T_T
Maya-maya pa ay huminto ang bus sa may gas station nakita kong bumaba si Vans at sinenyasan kaming wala ng gas.
"Den dito ka lang ha? Wag kang lalabas." Sabi ko at lumabas ng sasakyan. Nakita ko ring bumaba si Mia at lumapit saakin.
"Paubos na rin yung gas ko." Saad nito, napagdesisyon muna naming pumasok sa mini mart ng station.
"Aira, ganito yung napapanuod ko sa mga movies eh. Yung mga bida ay hihinto sa gas station para magpagas tapos may papasok sa mini mart ng gas station tapos may lalabas na mga zombieeesss!" Sabi ni Mia
"Tumahimik ka nga, sa bunganga mo palang tatakbo na palayo ang mga zombies!" Angil ko.
"Ang harsh mo naman! Diyan ka na nga!" Sabi niya at nagtuloy tuloy sa papasok sa mini mart. Sumunod na rin ako sa kanya dahil balak ko naman talagang pumasok doon.
Magulo ang buong mini mart, maraming nagkalat na gamit doon.
Pati na rin ang mga paninda ay nagkalat din. Tsk. Sayang.
Nakakita ako ng malaking plastic at kumuha ng mga pagkain doon at isinilid sa plastic na nakita ko, sigurado akong nagugutom na ang mga kasama ko. Nagulat na lamang ako ng biglang may marinig na kalabog.
"Mia?!"