NAGSALUBONG ang aking kilay dahil sa pagkainis at pagkairita nang bonggang-bongga nang mabasa ko ang mga comment ng mga nanonood sa online selling ko sa facebook.
"HM?"
"Mayroon kang hollowblocks?"
"Magkano yung hanger sa likod mo?"
"HM yung seller?"
Gusto kong manampal at magsabi ng maraming bad words. Pills at sabon na pangpaganda at pangpabata ang binibenta ko. Hindi hollowblocks, hindi hanger at lalong-lalo na hindi ang sarili ko! Anong akala nila sa 'kin? Supplier ng construction materials? Kalapating mababa ang lipad? Nasa caption naman kung magkano yung binibenta ko, pero bakit paulit-ulit pa rin sila nang tanong ng how much. How much ba naman yung oras na gagamitin nila para mabasa yung caption ko sa live? How much ba yung kailangan nilang atensyon para hindi na sila makulangan sa pansin para hindi na sila magpapansin sa social media. Ka-stress sila ha. Ini-stress nila ang kagandahan ko.
Pilit pa rin akong ngumiti kahit na gigil na gigil na ako. "Mga Ma'am at Sir, beauty pills and beauty soft po ang binibenta ko. Hindi hollowblocks, hindi rin hanger at lalong-lalo na hindi ang sarili ko. At para po hindi tayo paulit-ulit ng tanong, basahin niyo po yung caption ng live ko. Nasa caption ko ang lahat ng sagot sa mga tanong niyo. Maraming salamat!"
"Wala ka talagang hollowblocks?"
"Hindi mo talaga binibenta yung hanger sa likod mo?"
Diyos kong may likha ng lahat, bigyan mo po ako ng mahabang pasensya. Baka hindi ko po mapigilan yung sarili ko at mamura ko yung mga hampaslupa na ‘yan. Baka masira ako sa mga buyer ko kapag hindi ko napigilan yung sarili ko na ratratin sila ng mga masasamang salita.
Napangiti ako nang may maisip akong magandang ideya. Gusto mo pala ng hollowblocks. Sige, ibibigay ko sa ‘yo ang gusto mo.
"Gusto mo talaga ng hollowblocks? Sige, wait lang, ha?"
Tumayo ako at mabilis akong pumunta sa may labas ng bahay namin. Lalong lumawak ang ngiti sa aking mga labi nang makita ko yung mga hollowblocks na magkakapatong sa labas ng bahay nila Mang Pedring. Buti nalang naalala kong pinapaayos ni Mang Pedring yung bahay nila kaya bumili siya ng maraming hollowblocks.
Nilibot ko ang paningin ko sa paligid ko. Nang makita kong walang tao ay mabilis akong kumilos. Palihim akong kumuha ng isang hollowblock sa labas ng bahay nila Mang Pedring. Muli kong nilibot ang paningin ko sa paligid ko. Nakahinga ako nang maluwag nang makita kong walang tao. Mabilis akong umuwi sa bahay dala ang hollowblocks ni Mang Pedring para walang makakita sa ginawa kong paghiram sa hollowblocks ni Mang Pedring ng walang paalam.
"Sir ito na ang hollowblock mo! 100 pesos po ito Sir, kasama na po roon ang shipping fee. Wala nang bawian 'to, Sir. 'Wag kang bogus!"
"Sir, mayroon din akong buhangin at graba. Baka gusto mo. Hindi ka naman bogus buyer ‘di ba? Balita ko pa naman, maagang namamatay yung mga bogus buyer. Kaya kung ako sa 'yo, Sir. Ingat ka." Hindi naman siguro magagalit si Mang Pedring kung mawawalan siya ng kaunting graba at buhangin.
Kinuha ko ang hanger sa likod ko, ngumiti't humarap ako sa camera ng selpon ko.
"Hello Ma'am! Hindi ba't tinatanong mo kung magkano yung hanger sa likod ko? 200 pesos po ito. Free shipping na po ‘yan Ma'am! Kahit ihampas mo pa ito sa mukha mo ng 200 na beses, hindi masisira ‘to! Matibay pa ito sa relasyon niyo ng jowa mo!"
"Ano Ma'am? Mine na?"
Napairap nalang ako nang makita kong binura nila yung mga comment nila sa live ko. Ano kayo ngayon? Akala niyo hindi ko kaya ibigay yung gusto niyo. Pahiya kayo ngayon. Ang sarap pagsasampalin yung mga makakapal na pisngi nila. Hindi ako nag-live sa facebook para makipagbiruan sa kanila. Nag-live ako para magtrabaho. Para kumita ng pera. Para makabili ako ng pagkain at pangangailangan ko. Para mabuhay ako.
"Hanggang dito nalang muna ang live na ito. Bukas ulit! Sana sa susunod ay wala ng manggulo sa live ko. Nag-live po ako sa facebook para magtrabaho, hindi makipagbiruan at makipaglokohan. Maraming salamat!"
Napahiga na lamang ako sa aking kama nang patayin ko ang aking selpon. Nakakapagod and at the same time nakaka-stress. Ini-stress nila ng sobra yung kagandahan ko.
"BAKIT 249 NALANG YUNG HOLLOWBLOCKS KO! SINO YUNG NAGNAKAW NG ISA?!"
Napabalikwas ako sa hinihigaan ko nang marinig ko ang malakas at galit na sigaw ni Mang Pedring. Napakadamot naman nito ni Mang Pedring. Isa lang naman yung kinuha kong hollowblock.
INIRAPAN ko si Lina na kasalukuyang umiiyak. Ang boba kasi. Maraming beses ko nang sinabi na hiwalayan na niya yung gago niyang boyfriend, halata naman kasing hindi sa kaniya seryoso ‘yon. Duh, halatang-halata na niloloko niya lang si Lina. Kaya niya lang naman niligawan si Lina kasi matalino ‘tong bestfriend ko na bobo sa pag-ibig.
Ewan ko ba rito kay Lina. Paulit-ulit nalang akong bigay nang bigay sa kaniya ng advice, pero hindi naman niya pinapansin yung mga advice ko sa kaniya. Kaya nga dahil paulit-ulit nalang yung nangyayari sa kaniya. Nirecord ko na yung advice ko na paulit-ulit kong sinasabi sa kaniya. Para hindi ko na kailangan magsalita kapag nabroken siya ulit. Ipi-play ko na nalang yung nirecord kong advice sa kaniya.
Ang sarap talagang iumpog ang ulo ni Lina sa pader para matauhan siya na hindi naman talaga siya mahal ng boyfriend niya.
Nakita niya kasi yung boyfriend niya kanina na may kasamang ibang babae kaya siya umiiyak ngayon. Ang masakit kasi ay nakita niya silang naghahalikan. Noong tinanong ni Lina yung boyfriend niya kung sino yung kahalikan nito, ang sagot ng boyfriend niya ay 'bestfriend' niya lang ito.
Ano ‘yon? Kiss sa lips as a friend?
Halatang tanga yung boyfriend niya. Magdadahilan na nga lang pang bobo pa. Kahit saang angulo ng tignan, mali yung boyfriend niya. May girlfriend ka na pero nakikipaghalikan ka pa sa ibang babae? Okay lang sana kung sa cheeks niya lang hinalikan, e. Kaso sa labi niya hinalikan yung bestfriend niya. Ayon pa kay Lina french kiss daw yung halikan nila. Gosh, ang tanga niya magsinungaling.
"Gaga ka! Hiwalayan mo na kasi 'yan!" ani ni Lica sabay inom sa alak na nakalagay sa maliit na baso. Napakalasinggera talaga nito. Nabalitaan lang na broken ulit si Lina, nagyaya na agad nang inuman sa condo ni Lina. At fahil gusto ni Lina makalimutan yung sakit na nararamdaman niya kahit saglit lang, pumayag siya. Mahal ko yung dalawang kaibigan ko na ito kaya sumama ako.
Tinungga ni Lina yung kapit niyang El Thoro na alak. Putcha! Demonyo pa sa hari ng demonyo ang El Thoro. Sobrang lakas ng tama niyan. Noong huling beses na uminom ako niyan akala ko na sa langit na ako. Daig ko pa ang humithit ng droga sa sobrang high. Mahigit isang oras din akong nagtawag ng uwak sa banyo dahil diyan. Feeling ko nga that time, lahat ng nasa loob ng bituka ko ay isusuka ko na.
Inagaw ko kay Lina ang hawak niyang El Thoro.
"Tama na Angelina! Hindi ka katulad ni Angelica na lasinggera! Magsisisi ka kapag nakainom ka ng marami niyan! Huwag mo nang inumin ‘yan kung mahal mo pa ang buhay mo!"
"Lina, napakarami pang lalaki sa mundo. Hayaan mo na yung boyfriend mong sad boy manipulative! Huwag kang magpadala sa mga pinagsasabi niya sa ‘yo!" Sa tuwing na makikipaghiwalay na si Lina sa boyfriend, bigla nalang nagpapa-awa yung boyfriend niya. Pa victim yung gagong boyfriend niyan Pinaparamdam niya kay Lina na dapat hiwalayan na talaga siya ni Lina at sa magkaparehas na oras ay pinaparamdam niya rin kay Lina na kasalanan ni Lina yung lahat.
Pinunasan ni Lina ang mga luha niya, "Madami pa ngang lalaki sa mundo. Pero wala ng lalaking gugustuhin ako. Sino ba ang lalaking magkakagusto sa tulad kong panget? Hindi naman ako tulad ng mga magaganda na maraming nagkakagusto."
"Hindi ko naman talaga mahal si Jacob. Sinubukan ko naman siyang hiwalayan pero hindi ko magawa. Hindi sa naaawa ako sa kaniya kaya hindi ko siya mahiwalayan. Hindi ko siya mahiwalayan kasi gusto kong maramdaman na mayroong lalaking nagmamahal sa akin kahit hindi totoo."
"Kung ako sa ‘yo, hiwalayan mo na yung tangang palaasa mong boyfriend. Hintayin mo nalang yung para sa ‘yo. Sa ngayon, gayahin mo nalang ako. Makipaglandian ka na lang muna haha! Uminom ka pa, Lina!" Inabutan ni Lica si Lina ng isang boteng El Thoro. Agad na tinungga ni Lina ang bote ng El Thoro nang matanggap niya ito.
Bilib ako rito kay Lica. Kahit na chubby siya ang dami niya pa rin na kalandian. Karamihan kasi sa mga babae, kapag mayroon silang napakalaking insecurity ay bumababa yung self confident and self esteem nila.
"Tama si Lica, Lina. May taong para sa ‘yo. Yung taong nakatadhana sa ‘yo ay tatanggapin at mamahalin ka niya nang buong-buo. Hindi mo na kailangan baguhin ang sarili mo para mahalin at tanggapin ka niya. Hintayin mo nalang yung para sa ‘yo!" ani ko sabay tungga sa bote ng El Thoro na hawak ko.
"Letse 'yang para sa akin! Napakatagal niyang dumating. Siguro nakikipaglandian pa siya sa iba ngayon!" sambit ni Angeline at muli niyang tinungga yung bote ng alak na hawak niya.
Tumawa si Lica habang may luhang tumutulo mula sa kaniyang mga mata. "Sa totoo lang nasasaktan din ako ngayon. Sobrang sakit. Napakamiserable na ng buhay ko. Hindi ko nga alam kung mayroon pang lalaking tatanggap sa akin. Yung mamahalin ako ng totoo."
"Kasalanan ko bang maging inosente? Kasalanan ko bang binigay ko agad ang lahat ng tiwala ko sa una kong naging boyfriend? Hayop siya. Pagkatapos niyang masakop ang perlas ng silingan ko ay iniwan na niya ako!"
"Dahil broken ako. Mayroong nag-comflirt sa akin. Pinangakuan niya ako na hindi niya ako iiwan tulad ng ginawa sa akin ng una kong boyfriend. Nagsabi pa siya sa ‘kin ng mga matatamis na sa salita kaya nahulog sa kaniya ang puso ko na naghahanap ng pagmamahal. Kaya noong nagpaalam siya sa akin na kung puwede niya akong ligawan ay pumayag agad ako. Saglit nga lang yung naging panliligaw niya sa akin kasi sinagot ko siya agad. Ang tanga ko kasi. Hindi ko alam na katulad din pala siya ng una kong boyfriend."
"Masaya yung mga una naming pagsasama bilang magkasintahan. Pero noong nakuha na niya ang perlas ng silangan kong minsan na nasakop ay iniwan na niya rin ako. Buwakang ina niya. Magsama sila ng una kong boyfriend na manananakop ng perlas ng silangan!"
"Tuwing nalalaman ng mga naging boyfriend ko na mayroon nang nakalagaw sa akin hindi na nila ako siniseryoso. Kaya tumulad nalang ako sa kanila. Hindi ko na rin siniseryoso yung pakikipagrelasyon. Landi-landi at harot-harot nalang muna ako."
"Ayoko ng hanapin yung para sa akin. Baka maling tao na naman yung mahanap ko."
"Siguro nakikipaglandian pa rin sa iba yung para sa akin kaya hindi niya pa ako natatagpuan. Hayop siya! Dahil ang tagal niyang dumating. Naunahan na siya ng ibang lalaki na madiligan ang aking bulaklak."
Binaba ko ang bote ng alak na hawak ko. Nilapitan ko silang dalawa at niyakap.
"Mga gaga kayo! Huwag na kayong umiyak. Balang araw, makikita niyo rin ang mga taong nakatadhana sa inyo."