PAYNE'S POV
PAYAPA kong natapos ang exam ko ngayon, para akong nabunutan ng tinik dahil tapos na ang araw ng pagsusunog ko ng kilay.
Pagod akong lumapit sa scooter ko para makauwi. Half day lang naman kasi ang exam ko dito sa Xavier University of College.
Agad kong isinuot ang pink kong helmet at umangkas ng motor. Pinaandar ko ito para bumalik sa inuupahan kong maliit na apartment. I'm all alone. Wala akong parents kasi galing lang naman ako sa ampunan. I am not a lucky person.
Habang nagdadrive ako ay may sumabay sa akin na dalawang van sa magkabilang gilid ko.
Hindi ko nalang ito pinansin kahit pa na tinubuan na ako ng kaba. Kanina pa kasi nakasunod sa akin ang dalawang ito.
Nakaramdam ako ng ginhawa nang makarating ako sa apartment. Naku, napapraning na ata ako dahil sa nangyari kagabi. Erase. Erase.
Wala muna akong iisipin ngayon,ayokong masira ang mood ko ngayon.
Habang naliligo ay napalinga-linga ako. Pakiramdam ko'y may nakatingin. Bigla na lamang akong kinilabutan.
Ipinilig ko ang ulo at binilisan ang pagligo. Nababaliw na ata ako sa kapraningan. Maghunos-dili ka, Payne Helvanes!
Pinulupot ko ang tuwalya sa hubad kong katawan. Wala naman sigurong magboboso sa akin.
Napaisip ako. Maliit lang itong inuupahan ko at sira-sira. May mga butas sa dingding at inaanay na. Paano kaya kung may namboboso nga? Nanlamig ang aking kamay. Bigla akong napabatok sa sarili. Kailangan ko na talaga ng check-up.
Agad akong nagbihis ng manipis na tela ng damit at maikling short. Ako lang naman ang tao dito kaya walang problema kahit na nakahubad ako dito sa loob. Malayo rin naman ang mga kapit-bahay, at tanging itong apartment ko lang ang naiiba sa klase ng bahay na mga nandito. Mura lang naman kasi ito kaya, go go si ako na pobre at walang pera.
Patalon-talon at tumatambling akong pumunta sa masikip kong kusina.
Binuksan ko ang stove at nagsalang ng takure.
Pumunta ako sa cabinet at kumuha ng cup noodles para gawing tanghalian. Kailangan ko kasing magtipid ng bigas dahil wala pa akong nabibili. Kasi nga, wala na akong pera. Naubos na ang pinadala saking allowance ni Sister Gemma. Ang nag-alaga sa akin sa ampunan na tinuring ko ng ina. Siya ang nagpapaaral sa akin sa kolehiyo kaya kailangan kong makapagtapos para masuklian lahat ng kabutihan niya sa akin.
Naupo ako at nanghalumbaba sa mesa. Makapagpahinga na ako ng isang linggo ngayon dahil tapos na ang exam. Napangiti ako sa naisip.
Nang tumunog ang takure senyales na kumulo na ito ay agad akong napatayo at kinuha ito. Agad kong nilagyan ng mainit na tubig ang cup noodles at naghintay ulit ng ilang minuto para maluto at makain.
Dahil wala akong magawa ay buong hapon kong nilinis ang apartment. Matagal - tagal narin kasi akong hindi nakakapaglinis dahil busy ako sa eskwelahan.
(SOMEONE'S POV)
KATULAD ng nais ni Pluto. Lagi akong nakabantay sa babaeng iyon. Alam konarin ang pangalan niya. Payne Helvanes.
Madali lang naman utuin ang may-ari ng Apartment. Nang lapagan niya ng ilang lilibuhin ay agad nitong sinabi sa kanya ang Profile Background ni Payne.
Pauwi na siya galing school kaya pumasok nadin ako sa Kotse ko para sundan siya. Pero nagulat nalang ako ng biglang may nag-overtake sakin. Dalawang Van. Hindi agad ako nakasunod kay Payne. Katulad ko'y mukhang binabantayn rin nila ang Babae. Sa halata ng lang na Paraan.
Nakita ko ang pagkataranta ni Payne saka binilisan ang pagpapatakbo ng Scooter niya. Lumiko din naman ang mga Van at dina sumunod. Kung hindi ako nagkakamali'y kay Aquarius na mga Tauhan iyon. Gustong gusto talaga nito si Payne.
Sinundan ko si Payne sa Apartment niya. Sumilip ako sa Butas butas ng Bubong. Nang makita kong naliligo siya'y agad akong tumalilis doon.
Kahit na kailangan ko siyang bantayan. Di parin dapat na bosohan ko siya. May respeto padin ako sa kanya kahit babae siya ng Kalaban.
PAYNE'S POV
ILANG araw ang dumaan ay mas lalo akong napaparanoid. Parito at paroon lagi ang linga ko dahil pakiramdam ko ay may sumusunod sa akin. Kahit na nasa apartment na ako ay pakiramdam ko may nakamasid sa akin, kahit na sa pagtulog. Ano bang nangyayari sa akin?! Nasobrahan ata ako sa kape?
Balik klase na naman, tapos na ang isang linggo kong pahinga. Nakakainis, bitin nga eh.
Inayos ko ang suot kong hapit na blouse na kulay blue at pencil skirt, education ang kinuha kong course, ito kasi ang pinapangarap ko mula noon.
Agad akong naglakad papunta sa classroom. Nakakapanibago dahil halos lahat ng babae kong kaklase ay may maliit na salamin na hawak at nagreretouch. May make up session ba kami ng hindi ko alam? Napakamot ako ng ulo at naupo. Ngumiti sa akin ang katabi kong si Marc kaya ngumiti ako pabalik.
"Anong meron?" Nagtataka kong tanong sa kaniya at ininguso ang mga kaklase naming babae. Napangisi siya kaya naguluhan ako.
"Ikaw lang talaga ang kilala kong walang pake sa mga lalaki. Sila kasi, basta gwapo eh ang bilis. May bago daw tayong guro kahit na last sem na. At gwapo daw ayon sa sabi-sabi." Wika niya at nagkibit-balikat. Tumango ako at inilabas ang aking cattleya notebook.
"Notebook? akala ko gagaya karin sa kanila na kukuha ng kolorete at magreretouch." Wika ni Marc, napatawa ako.
"Wala naman akong pakialam kahit pa na si Alden Richard ang maging guro, hindi naman siya ang magtutustos ng pag-aaral ko." Wika ko at inabala ang sarili sa pagbabasa ng notes. Napahalakhak si Marc sa sinabi ko.
"That's why most of the boys fall for you. Kasi naiiba ka." Wika niya na ikinangiwi ko. Wala namang espesyal sa akin.
Maraming kaklase kong babae ang nagkanda-haba ang mga leeg sa pagtingin malapit sa pinto. Pero ako? Ayun nabobored na, kasi ilang minuto ng late yung guro.
Inabala ko ang sarili sa paglalaro ng ballpen sa daliri ko.
"Ayan na, ayan na si Sir, ampogi." Narinig kong wika ng mga babae at naghahagikhikan. Mabuti naman at dumating na yung guro.
Nanatili akong nakatingin sa hawak kong ballpen. Naaaliw akong nilalaro ito.
"Good morning class." Baritonong wika ng boses. Doon ko lang naiangat ang aking paningin. Familliar Voice?
Bigla akong napanganga. "Shutangina ka." Mahinang mura ko na ikinalingon ni Marc. Pero nanatili akong nakatingin sa harap. Scratch that, ang mga mata ko ay nakatutok sa guro namin na naging dahilan ng pagkapraning ko nitong mga nakaraang araw. Malalim ang mga matang nakatitig ito sa gawi ko kaya bigla akong kinabahan.
Galit ba siya sakin?