Nanlumo ako sa naging sagot ni Liandre kay Zaniyah. 'Di na ako mag-joke vebs. Nawalan ako ng energy. Tumatagos 'yong sakit sa buto-buto ko sa paa.
"Uh, hindi.. Best friends lang kami, Zaniyah." Sagot niya at tila nag-aalala sa magiging reaksyon ko. Bakit siya nag-aaalala? Marami pa naman akong pwedeng maging crush diyan! Hindi siya ginto! Kung gusto niya roon, edi magsama sila hanggang mamatay sila. Lovers forever. Dami n'yong alam.
"TF! Kung gano'n, sino ang natitipuhan mo? Baka mamaya, umaasa pala ang best friend ko! Ibabaon talaga kita sa lupa!" Pagsermon ni Zaniyah sa kaniya. Nakatingin naman sa akin si Liandre at ako naman ay binabaling ang atensyon sa tsitsiryang kinakain ko. Ang sarap talaga ng tsitsirya. Lasang poging nagbibigay ng motibo hindi ka naman pala gusto. I mean, masarap siya. Lasang tsitsirya.
"Uh.. 'Yong bunsong anak ng pamilyang pinagtatrabahuhan ng tatay ko.. Pamilya ng mga Miller." Nag-aalanganing sagot niya. Edi ligawan niya! Gusto niya pala, eh! Make a move, pare! Parang tanga!
"Eh?! Si Clarisse?" Pasigaw niyang tanong. Sino naman 'yon? Pangalan pa lang ata maganda na, eh. Edi sila na lang. Mukhang mas bagay sila no'n. Tunog mayaman, ah. Mayaman siguro 'yon.
"Kilala mo? Oo siya nga.." Mahinang tugon niya. Naks! Magsama kayo, boy! Sana matalisod ka bawat lakad mo pag magkasama kayo. Sana mabilaukan ka tuwing kakain ka. At sana, sana hindi ka gusto no'n!
Ay, ang sama?
Bahala talaga sila!
"Hindi ka type non. Whatever!" Sagot ni Zaniyah. Buti naman. Joke! Whatever talaga! Magsisi siya na hindi ako ang crush niya. Maghahanap na lang talaga ako ng pogi sa ibang bansa. Pwe!
Nag-aalalang tumingin naman si Zaniyah sa akin. Binigyan ko siya ng 'okay-lang-ako' look. Tumango naman siya at nagsimula na ring kumain. Nilukot ko ang balat ng tsitsiryang pinagkainan ko. Hinigpitan ko pa ang hawak doon dahil baka lumipad at maihampas ko sa mukha ni Liandre, eh.
"Girl, baka mapunit 'yang balat ng tsitsirya, ah? Gigil na gigil lang bhie?" Pang-aasar na tanong ni Zaniyah. Isa pa 'tong BFF ko na malakas mang-asar! Sasamain talaga ito sa akin. Inirapan ko siya nang sobrang taray. 'Yong tipong puro puti na lang ang makikita niya sa mata ko. Kainez!
"Bakit ang dami n'yong pagkain ngayon, Thalia?" Pagtatanong ni Liandre. Napansin ni Zaniyah na hindi ako nagsasalita kaya siya na lamang ang sumagot. Buti naman at sinalo niya ako. Naiinis talaga ako kay Liandre, eh. Landi niya. Sana sumablay 'yan. Ang sama ko na talaga today! Bakit ba kasi hindi na lang ako, eh! Basic lang naman ako mahalin. Master Vian sadgirl era.
"Celebration, Brat! We received a high grade doon sa group work namin kanina." Sagot niya rito at umirap sa ere. Ikwekwento ko nga sana 'yon kay Liandre, eh. Kaso nainis ako sa kaniya. Wala tuloy siyang chika. Chismis na naging bato pa.
"Congrats, Thalia! Ang galing mo naman!" Nakangiting sagot niya. Ako lang 'to. Magaling pala ako, eh. Dapat crush mo ako! Patunayan mong magaling ako! Char!
"Salamat, si Zaniyah din." Matamlay kong tugon. Naiinis pa rin ako sa kaniya, 'no. Kala niya naman ginto siya. Ewan ko sa kaniya, dami niyang alam!
Tumango siya at pinagmasdan ako. Sinusuri niya kung ano ba talaga ang nararamdaman ko. Napansin kong nagtinginan sila ni Zaniyah at nagkibit-balikat lang si Zaniyah. Buti at nakikisama ang bestest friend ko. Kahit lagi kaming nag-ookrayan mahal ko 'yan. Buti pa si Zaniyah, mahal ako. 'Yong iba kasi diyan, iba ang mahal. Hay nako!
"May problema ba, Thalia?" Tanong ni Liandre sa akin. Wow ha? Hulaan mo. Guess the message! Sorry ka at habit ko ang silent treatment. Red flag pala ako. OMG! Okay lang, 'di niya naman ako gusto, eh.
"Wala." Tipid na sagot ko sa kaniya. Bahala ka diyan. Manghula ka na lang. Kung hindi mo kaya, magpahula ka sa perlas na bilog!
Nakatitig lamang siya sa akin. Sige, tumitig ka! Malalaman mo siguro diyan sa pagtitig mo kung bakit ako nagkakaganito. Naks! Galing ng mata mo, ah! Kaya siguro 'yong Clarisse ang gusto, maganda siguro 'yon. Dami nilang alam! Talaga!
Hindi naman ako kinulit ni Liandre. Dapat kinulit niya ako! Hinatid niya na ako sa classroom ko habang nakaakbay naman sa akin si Zaniyah. Medyo magkalayo kami ni Liandre ngunit nasa gilid ko lang naman siya. Ayaw akong suyuin? Gold ako.
"Usap tayo maya, Thalia." Sabi ni Liandre sa akin habang nakatitig sa aking mga mata. Ayaw ko nga! Kausapin mo sarili mo. Vian ang pangalan ko, hindi Clarisse. Che! Dami say! Nyanyanya!
Nag-iwas ako ng tingin at tumango na lamang sa kaniya. Pumasok na kami ni Zaniyah at hindi niya naman ako masyadong kinulit. Pinagpatuloy ko ang pakikinig sa guro at naglista ako ng mga assignment para sa lahat ng asignatura. Magpapakabait na lang ako para makalimutan ko ang inis ko sa Maliandreng 'yon!
"Niyah..." Bulong ko kay Zaniyah na nasa gilid ko at nagcecellphone. Wala kasi kaming teacher ngayon, nasa meeting daw. Last subject na nga, eh. Tapos uwian na. Tamad naman ng teacher! Joke lang. Kunwari lang hindi ako masaya na wala kaming teacher para maging top 1 ako.
Charot! Shoshombagin ako ni Elodie Faye! Classmate ko 'yon. Matalino, maganda, mestiza! Ganda niyan, sobra. Ang bait pa! Crush na kita, Elodie. Ayaw ko na sa mga lalaki! Joke lang ulit, syempre.
"Oh, Vian?" Tanong niya sa akin. Nakataas ang dalawa niyang kilay. Bait niya ata ngayon, ah? 'Di ka mag-bitch sa akin, vebs?
"Anong itsura no'ng Clarissa? Pwede patingin ako?" Bulong ko ulit sa kaniya. Curious ako, eh. Titignan ko lang naman para alam ko. Hindi ko naman ijujudge. Kay Liandre lang naman ako naiinis, hindi sa kaniya.
"You're curious! You like Liandre, am I right? Tell me I am!" Tuwang-tuwa na tugon niya. Hinampas niya pa ako. Ang sakit kaya no'n! Bawian ko 'to, eh!
"Oo na, oo na! Basta patingin ako no'ng Clarissa, ano, maganda ba?" Tanong ko sa kaniya at sumungit ako sa gilid niya. Feel ko talaga maganda 'yon, eh. Kakainggit. Ay! Masamang mainggit! No, no, no! Maganda rin naman ako, hehe. Hindi ako galit kay Clarisse.
"Teka, ito, search natin sa Faceboom." Saad niya.
Tinipa niya ang pangalan ng babae roon. Sa nakita ko, Clarisse Kenia Miller pala ang pangalan niya. Tunog mayaman. Galing pumili ni Liandre, ah! Maganda rin naman ako, bakit hindi na lang ako? Choosyness.
Ano ba 'tong iniisip ko! Hindi naman ako ganito kasama. No, Thalia. Hindi dapat ganiyan.
Ah basta! Magsama sila diyan. Bwisit!
"Ito na siya, oh. Si Clarissa. Mayaman sila. May kapatid na panganay 'yan na lalaki. 'Yong bunso naman, babae. Over all, siya ang pangalawa!" Magiliw na sagot niya. Mukhang magkakilala sila dahil friends sila sa Faceboom.
Wow... Ang tangkad nitong ni Clarissa. Ang tantya ko ay nasa 5'5 ang height nito. Mahaba rin ang buhok niya at wavy.. Ang shape ng mga mata niya ay almond.. Mahahaba rin ang pilikmata niya at nakataas ito. Makapal din ang kilay niya na bumabagay sa kaniya. Ang mga labi niya ay heart shaped.. Kaya naman pala gusto siya ni Liandre, sobrang ganda niya. Mukha siyang anghel..
"Ganda.." Matamlay kong sabi. Nawalan ako ng will to live. Joke lang! Pero totoo, maganda nga si Clarisse. Nagagandahan ako sa kaniya. Kung ako si Liandre ay crush ko na rin 'yon, eh.
"Girl, maganda ka rin naman, ah! All of us have our kind of beauty. Chin up! You are gorgeous more than you think you are." Nakangiting saad ni Zaniyah sa akin at niyakap ako. I love her hug talaga! Very comforting. Labyu beh.
"Thank you.. Maganda ka rin, Niyah." Nakangiti kong sagot sa kaniya. We are pretty coz we are besties!
"I-add ko kaya siya sa Faceboom tapos tulungan ko si Liandre sa kaniya?" Tanong ko kay Zaniyah. Kumunot naman ang noo niya at binatukan ako. Aray! Masakit 'yon, gagi.
"Ghad! Pretty but stupid! You will look desperate, I don't want that. Let him make a move, Vian. Malaki na 'yon, okay? Don't meddle.. Mapaghahalataan kang interesado kay Liandre.. At isa pa, sinasaktan mo lang ang sarili mo.. Huwag na huwag mong gagawin 'yon, Vian." Pagbabanta ni Zaniyah. Hindi naman ako nasaktan sa sinabi niya dahil alam kong concerned lang siya sa akin. Straight to the point na tao kasi 'yan si Zaniyah, aaminin niya sa 'yo kung ano ang perspective niya sa ginagawa mo. And I love that side of her.
"Okay.." Matamlay kong tugon sa kaniya. Hindi na muna kami nag-usap kasi may dumaan na teacher sa room namin at sinabing mag-out na raw kami tutal wala naman na raw gagawin.
Lumabas na kami ni Zaniyah ng room at napansin na wala roon si Liandre. Sabi ni Zaniyah ay pag hindi pa raw dumating si Liandre siya na lang daw ang maghahatid sa akin. Pumayag naman ako sa gusto niya dahil drained na ako sa mga nangyari at nalaman ko ngayong araw.
"Oh, there's Liandre. With a worm?" Sarcastic na saad ni Zaniyah at ngumisi.
Tinanaw ko ang tinuturo niya at nakita ko si Liandre na may kasamang babae. Pamilyar siya.. Siya si Clarisse! Ang ganda niya lalo sa personal.. Nakakainggit.. Biglang nasaktan ang puso ko sa natatanaw ko ngayon. Kaya naman wala akong emosyon na naghintay sa kanila na makalapit dito. Umiwas na lang ako ng tingin. Nananakit kayo masyado ng maganda, ah.
"Thalia! Ang aga n'yo lumabas, ah? Uwi ka na ba?" Tanong ni Liandre. Nagtanong pa siya, hindi ba halata? Wala ba siyang common sensevility?
"Oo." Tipid na tugon ko nang hindi sumasagot. Tumingin na lang ako sa paligid ko at hindi na sila tinignan muli.
"Uhm.. Hindi ata kita masasabayan pauwi, eh. Kasama ko nga pala si Clarissa, ihahatid ko siya sa kanila dahil wala siyang sundo. Gusto mo sumama?" Tanong ni Liandre na lalong nagpakirot sa puso ko. Gagawin ba akong third wheel? Hindi na, uy!
"Uh, hindi. Go, ingat kayo. Kaya kong sarili ko, malaki na ako." Saad ko at nilampasan sila. Lumakad ako nang mabilis at hinahabol naman ako ngayon ni Zaniyah. Tumingin ako sa likod saglit at nakita kong nakatingin sa akin si Liandre at Clarissa. Hinayaan ko lang sila at lumabas na ng gate ng school.
"Oh my Vian! Shhh! Don't cry, babe. I am here, Zaniyah is here. Zaniyah will not leave you.. Come on. Breathe in, breathe out. Halika, sasama ako sa 'yo pauwi. Sasabihan ko na lang si Tatay na sunduin ako sa inyo.. Gusto mo ba roon ako matulog? Okay lang naman kila Tita at Tito 'yon, 'di ba?" Saad ni Zaniyah habang yakap niya ako at hinahaplos ang likod ko. Lalo naman akong naiiyak sa ginagawa ni baccla, eh!
"Okay lang ako.. Niyah.. Salamat ah? Okay lang ako wag ka na mag-abala." Sagot ko sa kaniya habang umiiyak.
"Mag-abala? Never ka naging abala sa akin, Vivianna! Halika at uuwi na tayo. Doon ako matutulog kahit ano pang sabihin mo." Saad ni Zaniyah. Sumuko na ako at hinayaan ang gusto niyang mangyari.
-<3♡