KABANATA 5
"Nasaan ang aking medalyon?"
Agarang bungad ni Ginoong Viro ng buksan nina Rin ang pintuan ng kanilang inupahang tirahan.
Nakalahad pa ang kamay nito at imbes na kay Rin nito hiningi ay nakatungo ang kamay niya sa maliit na itim na pusa na nasa balikat ni Rin.
Alam ni Ginoong Viro na nakay Munting Dark ang kanyang medalyon dahil ito ang nagtatago sa lahat ng gamit ng kanyang amo.
"Hindi laruan ang medalyon na ito. Maaaring marespeto ang mga tao kapag nalaman nilang isa kang Master Alchemist ngunit maraming ganid sa mundong ito."
Sermon ni Ginoong Viro ng kunin niya sa kamay ni Munting Dark ang kanyang medalyon na mayroong nakaukit na dalawang bituin.
Hindi umimik si Rin at nagkibit balikat na lamang ito. Habang si Owen naman ay tahimik lamang at tila napakainosente ng kanyang mukha.
Nagtungo si Ginoong Viro sa kanyang silid at iniwan ang dalawa. Si Rin at Owen ay nagkibit balikat lamang at saka nagtungo sa kusina upang maghanap ng makakain.
"Bilib na talaga ako sayo Rin! nagawa mong kunin ang medalyon ni guro ng hindi niya nalalaman."
Mapagmalaking sambit ni Owen at nasasabik niyang pinuri ang kanyang kaibigan.
"Si Munting Dark ay mayroong kaalaman sa space kaya hindi problema ang pagpasok sa mga spatial rings."
Agarang sagot naman ni Rin na siyang nagpagulat kay Owen.
Dapat malaman na ang Spacial ring ay ang pinagtataguan ng mga kayamanan at gamit ng isang tao. Kaya ang pagpasok ng ibang nilalang sa kanilang spacial ring ay labis na nakakatakot dahil maaari nitong nakawin ang lahat ng gamit na nasa loob nito.
Ang Munting itim na pusa na alaga ni Rin ay isang Spatial Cat na nanggaling sa Ancient Era at wala nang ganitong uri ng Vicious Beast sa kontinente.
Ang mga spatial cats ay mayroong bulsa sa kanilang tiyan at kayang ipagkasya kahit ilang gabundok pa ng kayamanan. At mayroon din silang kasanayan sa space na kanilang natural na abilidad.
Sa madaling salita sila ay nakakatakot na Vicious Beast at paniguradong magdudulot ng digmaan kapag nalaman ng malalakas na pwersa ang pag-iral nito.
TOK!
TOK!
Kasalukuyang inihahanda ni Rin ang kanilang kakainin ngunit magkakasunod na katok ang maririnig sa labas ng kanilang inuupahang bahay.
Napakunot ang nuo ng dalawa at si Owen ang nagbukas ng pintuan upang tanungin ang pakay ng mga ito.
Nararamdaman niyang malalakas na awra ang inilalabas ng mga ito. Kahit tinatago nila ang kanilang awra hindi makakatakas sa panramdam ni Owen ang mga ito.
Pati si Rin na kasalukuyang ngumunguya ay pinakiramdaman din ang mga kumakatok. Maging si Ginoong Viro na nasa kanyang kwarto ay pinakiramdaman ang mga ito.
"Magandang gabi mga ginoo, maaari ko bang malaman ang inyong pakay?"
Agarang tanong ni Owen ng buksan niya ang pinto.
"Iyan ang kasama kanina ng Two Star Master Alchemist."
Ang kawal na nasa tabi ng City Lord ay agad na bumulong.
"Ako ang City Lord ng bayan na ito. Kung hindi mo masasamain munting ginoo maaari ba naming makausap ang kagalang-galang na Two Star Master Alchemist."
Walang pag-aalinlangang tugon ng City Lord.
"Ipagpaumanhin ninyo Ginoo ngunit masyadong abala ang aking guro."
Isasara na sana ni Owen ang pinto ngunit hindi na niya itinuloy dahil nasa kanya nang tabi si Rin Halesmoth.
"Ano ang inyong pakay?"
Malamig na tugon ni Rin. Wala siyang pakialam kung ito ay pinuno ng isang bayan na nalalapit na sa pagiging isang lungsod.
Ang mga kawal na katabi ng City Lord ay mayroong pangit na expression ngunit hindi sila nangahas na gumawa ng aksyon. Isa paring Two Star Master Alchemist ang nasa kanilang harapan at wala silang magagawa kung hindi ito magbibigay galang sa kanilang City Lord.
"Naparito ako upang magbakasakaling matutulungan mo ang aking anak!"
Direktang sambit ng City Lord.
"Sinisigurado kong babayaran ko kayo sa abot ng aking makakaya."
Dagdag pa nito at sa tono ng kaniyang pananalita ay nagsasabi siya ng totoo.
Napakunot ang noo ni Rin at ang walang emosyon niyang berdeng mga mata ay tumingin sa City Lord.
"Isa kang pinuno ng isang bayan kaya't bakit saamin kapa humihingi ng tulong? Maaari mo namang tawagin ang tulong ng mga alchemist sa bayang ito."
Pagtatanong ni Rin.
"Ang kanyang kondisyon ay hindi matukoy ng mga Alchemist sa aming bayan. Maging ang mga mahuhusay na Expert Alchemist na napapadaan rito ay walang magawa upang mapagaling ang aking anak."
Sagot ng City Lord. At sa pagkakataong iyon ay naliwanagan si Rin dahil dito.
Napaisip sandali si Rin at mayroong namuong ngisi sa kanyang labi.
"Sige, handa kaming suriin ang kalagayan ng iyong anak ngunit sa mga sangkap ng mga gamot na kakailanganin ay kailangang kayo ang magbigay."
Pumayag si Rin sa ideyang ito at tinignan ang sabik na expression ni Owen.
Si Owen ay uhaw sa kaalaman pagdating sa mga potions at pills. Maging sa larangan ng pagpapagaling ay uhaw siya sa kaalaman.
Si Ginoong Viro na nasa kanyang silid ay napabuntong hininga na lamang at hindi na nag-abala pang lumabas.
Pinabayaan niya ang pag-alis ng kanyang studyante at ni Rin. Wala siyang pakealam kung ginamit ni Rin ang kanyang pagkakakilanlan bilang isang Master Alchemist. Dahil ito sa kadahilanang si Rin ay mas talentado pa sa kanya pagdating sa usapin ng paggawa ng potions at pills.
Hindi niya ito maipagkakaila dahil kilala na niya ang batang ito mula noong nabubuhay pa ang kanyang lolo.
"Akala ko ay talentado na akong Alchemist dahil narating ko ang pagiging isang Two Star Master Alchemist sa edad kong limampu. Mayroon pa palang mas talentado saakin na walapa sa kalahati ng aking edad."
Tumawa na lamang si Ginoong Viro at hinayaan ang pag-alis ni Owen at Rin upang sumama sa tahanan ng City Lord.
...
Sa isang marangyang silid ay makikita ang nakahigang binatilyo. Ang edad nito ay kapareho lamang ni Owen at Rin.
Amoy na amoy ang matapang na halamang gamot at naghalo-halong amoy ng matatapang na Pills at Potions sa loob ng silid.
Maitim na lila ang kulay ng balat ng binatilyo at wala itong malay na nakahiga sa kama.
Kapansin-pansin ang napakahina nitong life force at ang mga batikang Alchemist ay nasisiguradong hindi na ito magtatagal ng isang buwan.
"Iyan ang aking anak. Siya ay nalason ng hindi pa natutukoy na nilalang o halaman sa kagubatan. Ilang buwan na siyang hindi nagkakamalay at ang kanyang katawan ay halos magkulay maitim na lila na."
Pagpapaliwanag ng City Lord kina Rin at Owen.
Si Rin ay mayroong seryosong expression at sa pagpasok palang nila sa silid ay makikitaan ng kaseryosohan ang kanyang mukha.
Napansin ito ni Owen at siya ay nagsimulang lumakad palapit sa binatilyong nasa kama upang suriin ang kalagayan nito.
"Ang aking anak ay nagngangalang Lon at ako naman si Rigid na siyang namumuno sa maliit na bayan ng Giko."
Kahit huli na ang kanyang pagpapakilala ay sinabi parin nito ang kanilang pangalan bilang paggalang sa dalawang Alchemist na nasa kanyang harapan.
"Hindi mo na kailangang malaman ang aming mga pangalan dahil aalis na kami ngayon din. Wala kaming kaparaanan upang pagalingin ang inyong anak."
Agarang sambit ni Rin na siyang ikinagulantang ni Rigid at nagpatigil sa pagsusuri ni Owen.
Binitawan ni Owen ang kamay ni Lon at nagtatakang tumingin kay Rin. Maging siya ay naguguluhan.
Alam niyang malakas na lason ang dahilan ng sakit ni Lon ngunit maging siya ay hindi alam kung anong lason ito. Kung hindi alam ang lason malabong mangyari na magawan ito ng pangontra.
"Ngunit kagalang-galang na Master Alchemist... hindi niyo pa tinitignan ang sitwasyon ng aking anak."
Hindi na naitago ng City Lord ang kanyang pag-aalala at nagtanong ito kay Rin.
"Kanina ko pa nalaman ang kanyang sitwasyon."
Sambit ni Rin at itinuloy niya ang kanyang sinasabi.
"Ang iyong anak ay nalason ng isang Planthera. Marahil mayroon siyang ginalit na isang Planthera at siya ay nasugatan sa pakikipaglaban dito."
Nakakabinging katahimikan ang nagsimulang mabuo sa loob ng silid. Napaawang ang mga labi ng City Lord at pati ang mga kawal na nasa gilid ay nagulantang.
Nang makabawi ay nanginginig na nagtanong ang City Lord.
"Kagalang-galang na Master Alchemist. Paano naman magagalit ng aking anak ang isang Planthera gayong mahirap silang mahagilap sa kontinente. Mayroon pang bali-balita na isa lamang silang alamat dahil hindi sila nagpapakita sa mga tao."
Bakas ang hindi pagkapaniwala sa kanyang tono ngunit hindi niya maaaring baliwalain ito dahil mismong isang Master Alchemist ang nagkumpirmang nalason ang kanyang anak ng isang Planthera.
Ang mga Planthera ay isa sa kinakatakutang nilalang na umiiral sa kontinente. Sinasabing ang kanilang bilang ay kaunti lamang at sila ay nakatira sa gitna ng mga kagubatan.
Ang kanilang hitsura ay katulad lamang sa mga tao ngunit kung minsan ay mayroong tumutubong dahon sa kanilang katawan.
Ang iba naman ay nababalutan ng mga baging ang ibang parte ng katawan at karamihan sa kanila ay katulad na katulad sa mga tao.
Ang pinagkaiba lamang ay ang mga Planthera ay mayroong malakas na battle power na maaaring lumipol sa libo-libong tao kapag ginalit ang mga ito.
Sila ay mayroong kapangyarihan sa kalikasan at sa kalikasan nagmumula ang kanilang lakas. Kapag nasa kagubatan sila ay hindi mapapantayan ang kanilang lakas dahil kaya nilang manipulahin ang lahat ng nasa kagubatan.
Sinasabing sila ay hindi nakikialam sa buhay ng mga tao ngunit kapag nabulabog ang kanilang tirahan sa kagubatan ay wala silang awa sa pagpaslang.
Kapag nakakita ka ng isang Planthera ang dapat mo nalang na gawin ay tumakbo dahil paniguradong mamamatay ka kapag ginalit mo ni kahit isa sa mga ito.
"Ako ay nabuhay sa kagubatan City Lord Rigid kaya't wag mong pagdudahan ang aking kaalaman. Ang iyong anak ay nakasagupa ng isang Planthera at nalason siya nito.
Magpasalamat kang nakauwi siya ng buhay at makita mo pa ng saglit bago siya mamatay."
Walang prenong sambit ni Rin.
"Hindi..."
Bakas ang hindi pagkapaniwala sa mata ni Rigid at tumulo na lamang ang luha sa kanyang mga mata. Ang nag-iisa niyang anak ay mawawala pa sa kanya.
Si Lon na lamang ang tanging pamilyang mayroon siya at hindi na niya kakayanin ang nawala pa ito.
"Ang lakas ng isang Planthera ay kayang pagbantaan ang maliit na lungsod na ito. At kapag nalaman niyang pinagaling ko ang iyong anak maaaring kami naman ang kanyang pupuntiryahin."
Paliwanag ni Rin at pinagmasdan niya ang walang buhay na mata ni Rigid, ang City Lord ng lungsod ng Giko.
Alam ni Rin ang lakas ng isang Planthera dahil minsan na siyang nakipaglaban dito at nagkaroon rin siya ng kaibigang Planthera sa dati niyang tirahan sa gitna ng kagubatan.
Ang mga Planthera ay hindi lahat pumapatay agad-agad. Ang iba ay maaaring maging kaibigan ngunit hindi sila natatakot na maging isa kang kaaway.
"Owen nais mo bang pagalingin siya?"
Napabuntong hininga na lamang si Rin Halesmoth at tinanong niya si Owen.
"Kahit nais ko pang tulungan ang taong iyan ay wala akong kakayahan para gawin iyon. Hindi na kaya ng aking kaalaman ang panggamot sa ganyang uri ng mataas na lason."
Pag amin ni Owen sa kanyang kaibigan.
"At maging si guro ay paniguradong agarang tatanggi kapag nalaman niyang maaaring isang Planthera ang ating makakaaway kapag pinagaling natin ang taong iyan.
Hindi ko rin sigurado kung mayroong paraan si guro upang isalba ang buhay ng taong iyan."
Malumanay na sambit ni Owen at mapapansin ang kaseryosohan sa kanyang mukha.
"Hmmnnn... hindi naman ganoon kahirap harapin ang mga Planthera ngunit ang problema ay mga sangkap sa paggawa ng potions upang pangontra sa lason."
Sambit ni Rin at si Owen ay hindi na nagtaka kung mayroong paraan si Rin upang pagalingin ang anak ng City Lord.
"Hindi naman siguro masama kung tutulungan natin ang taong iyan. Bagkus makakatulong iyan sa iyo Owen upang matutunan ang paggawa ng isang mataas na uri ng potions."
Si Owen ay nabigla at tumingin siya kay Rin na ngayon ay mayroon nang misteryosong ngisi sa kanyang labi.
"Wag mong sabihing binabalak mong ipagawa sa'kin ang potions na iyon..."
Agad na tanong ni Owen at bumakas ang pagkasabik sa kanyang mga mata.
"Hindi ba't sinabi mong turuan kita ng mga nalalaman ko pagdating sa paggawa ng pills at potions?"
Balik tanong ni Rin kay Owen.
"Maghanda kana Owen dahil sisimulan na natin ang paggawa ng gamot."
Sa sinabing ito ni Rin ay hindi nagdalawang isip si Owen na maglabas ng isang Cauldron.
Nasasabik siyang simulan ang paggawa ng pills na ngayon lamang niya masusubukan...