"Subukan mong pumasok sa pintong yan Luis Gabriel Tolentino, papasabugin ko ang eroplanong sasakyan mo" sigaw ng babaeng halos paiyak na
Pinagtitinginan siya ng mga tao sa airport pero hindi niya iyon alintana dahil ang mata niya ay nakatuon sa taong ngayon ay nakaharap na sa direksyon niya at nakakunot ang noo habang nakatitig sakanya na tila kinikilala kung sino siya.
"Ano? Pagkatapos mong umamin na mahal mo ko basta basta ka nalang aalis na hindi man lang nagpapaalam sakin" sa pagkakataong ito ay tuluyan ng tumulo ang luha niya
Hindi alam ng mga tao kung maaawa sila sa babaeng nagwawala at sumisigaw o matatawa dahil para itong desperada na naghahabol sa taong gusto na siyang iwan.
Nakita niyang nagsimulang maglakad ang lalaking tinawag niyang Gabriel habang may nakakalokong ngiti sa mukha.
"What are you doing?" tanong nito ng makalapit sakanya
Sa halip na sumagot ay pinagsusuntok niya ito sa dibdib at braso.
"Tapos ngayon ini-english english mo 'ko, nakakainis ka" nakanguso ito at parang bata na nagwawala dahil hindi makuha ang gusto. "Sana pala sinarili mo nalang 'yang nararamdaman mo saka ka umalis, edi sana hindi ako nagmumukhang ewan dito ngayon na hinahabol ka" sa sobrang bigat ng nararamdaman niya ay napaupo ito at tinakpan ang mukha na parang bata gamit ang dalawang palad at umiyak habang nakapatong ang mukha sa tuhod.
"Sorry. Sorry kung hindi ako nagsabi, nahihiya kase akong kausapin ka after my confession. Hindi mo din ako tinawagan or tinext kaya akala ko kailangan mo ng space" mahinahon na sabi ng binata at hinawakan ang ulo niya para iangat
Pinunasan nito ang luha niya at ipinatayo.
"Kahit na, dapat nag text ka man lang" parang bata na sabi niya habang humihikbi
"Sorry" tanginang nasambit ng binata
"Bakit ka ba aalis? Pupunta ka ba doon para mag move on sakin?" sasagot sana ang binata ng bigla nanaman siyang magtaas ng boses "Halos ten years na tayong mag bestfriend tapos aalis ka para mag move on. Three years kang mawawala, so ibig sabihin three years mo lang din kakalimutan lahat ng pinag samahan natin ng ten years ha" singhal ulit nito sa binata
"Three years?" nakakunot noo na tanong ni Gabriel
"Oo, sabi ni Kev three years kayong mawawala ni Heizy" sagot ng dalaga at nilingon ang dalawang tao na kasabay niya kaninang pumunta sa airport.
Sila din ang nagsabi sa dalaga na aalis ang binata kaya dali-dali itong sumakay sa sasakyan at nagpahatid sa airport. Narinig niyang tumawa ito.
"Anong nakakatawa?" nakataas ang kilay na tanong niya
Muli niyang nilingon ang dalawang kasama at nag peace sign ang mga ito sakanya.
"Pinagti-tripan niyo ba ko?" tanong ulit niya pagka lingon kay Gabriel
Tumigil sa pag tawa si Gabriel at bigla siyang niyakap. Nagulat ito sa tinuran ng binata kaya hindi siya agad nakakibo. Nang matauhan ay tinulak niya ito.
"Mukha ba kong nakikipag lokohan, Tolentino?" galit na tanong niya sa binata
"Sorry" sabi nito na naka ngiti "ang cute mo kase, yung pag sigaw mo kanina at pagbabanta na pasasabugin mo yung eroplanong sasakyan ko, yung pag tantrums mo na parang bata dahil iniisip mo na iiwan kita ng tatlong taon para kalimutan ka at lahat ng memories natin. Sa tingin mo ba talaga kaya kong gawin 'yon?" emosyonal na sabi ng binata
"Hindi ko alam, basta pagkarinig ko na aalis ka at mawawala ng tatlong taon-" tumingin ang dalaga sa mata ni Gabriel at tumulo muli ang butil ng luha mula sa mapupungay niyang mata "ay nasaktan ako"
Muling pinunasan ng binata ang luha ng babaeng mahal niya. Hinalikan ito sa noo at niyakap ng mahigpit.
"Three weeks baby, I'll be gone for three weeks not three years"
Naramdaman ng dalaga ang pag init ng mukha niya dahil sa kabaliwan na ginawa niya matapos malaman na tatlong linggo lang pala mawawala ang binata at hindi tatlong taon. Nang kakalas na sana si Gabriel sa pagkakayakap sakanya ay mas isinubsob pa nito ang mukha sa dibdib niya. Ayaw niyang makita ng binata ang siguradong pulang-pula na mukha niya dahil sa hiya.
"nakakainis yang bestfriend at kapatid mo, pinagmukha nila kong eng-eng sa kasinungalingan nila" nakangusong sabi niya na ang tinutukoy ay sina kev at Heizy
Si Kev ang bestfriend ni Gabriel na lalaki at siya naman ang girl bestfriend niya. Kamakailan lang umamin sakanya ang binata na matagal na pala siyang mahal nito. Si Heizy naman ang kaisa-isang kapatid ni Gabriel na ngayon ay karelasyon ng bestfriend niyang si Kev.
Narinig ni Aebriel na tumawa ang binata bago bumulong sa tenga niya.
"So, bakit mo ko hinabol?" halata sa boses ng binata ang panunukso kaya biglang kumalas ang dalaga at yumuko ito.
"W-wala. Ikaw kase hindi ka nagpapaalam"
"Mahal mo ba ko?" direchong tanong ng binata at pinakatitigan ang dalaga na hindi makatingin sakanya ng maayos "kase ako? mahal na mahal kita, Aebriel, noon pa" emosyonal na pahayag ni Gabriel
Agad siyang yumakap sa binata habang umiiyak at binitawan ang salitang matagal ng hinihintay ng bestfriend niya.
"Mahal din kita Gabriel"
***
"ALEENA AEBRIEL MONARES, ANO BANG NANGYAYARE SAYO"
Bumalik sa huwisyo si Aebriel dahil sa malakas na sigaw ng kaibigan niya. Muli nanaman niyang naalala ang nangyare, tatlong taon na ang nakakalipas. Ang lalaking nangako na babalik after three weeks pero wala pa rin hanggang ngayon na tatlong taon na ang nakakaraan.
@justmytaste