Pagkatapos ng klase ay bumaba na ako para kumain ng meryenda. May dalawang box ng pizza sa lamesa kaya napangiti ako nang malaki. It’s my favorite!
“Owemji! Ba’t may pa-pizza?” tanong ko at agad kumuha ng isang slice.
“May nagpa-deliver para sa’yo. Kakarating lang kani-kanina,” sagot ni Skylar at kumuha na rin ng isang slice.
Kumunot ang noo ko. “Para sa akin? Baka nagkamali lang?”
Umiling siya at inabot sa akin ang resibo. May nakalagay nga roon na pangalan ko at address. Napangiti ako nang makita kung kanino galing iyon.
Kinuha ko ang cellphone ko sa bulsa at kinuhaan ng litrato ang pizza. Sinend ko iyon sa kaniya.
Ako:
Thank you sa pizza! Nakakahiya naman.
Agad siyang nag-reply sa akin. Tapos na rin kasi ang klase niya kaya mabilis niyang nakita ang message ko.
Fifth:
You’re welcome. ‘Wag kang mahiya, wala ka no’n.
Natatawa akong napairap dahil sa sinabi niya.
Ako:
Bwiset ka.
Kakain muna kami ha? Kumain ka na rin. Talk to you later! Salamat uli!
Fifth:
Eat well!
Pagkabalik ko ng cellphone sa bulsa ko ay sumalubong sa akin ang nanliliit na mata ni Night.
“May manliligaw ka?” striktong tanong nito.
Nginisian ko siya at inakbayan. “Wala, dear brother. Kalma ka lang d’yan.”
Naupo na ako sa upuan at nagsimula na kaming kumain ng meryenda. Ang nanliliit na mga mata ni Night ang sumasalubong sa akin sa tuwing napapatingin ako sa kaniya. Nginingisian ko naman siya at pinapakita pa sa kaniya ang kinakain kong pizza.
“Ma, bawal pa pong mag-boyfriend si Heaven,” biglang sabi ni Night.
Napailing si mama at tinanguan na lang siya. Sobrang protective naman kasi nitong kambal ko. Naaalala ko pa no’n nung may nagbigay ng bulaklak sa akin nung elementary ako, hindi na uli nagparamdam kasi inabangan pala ni Night sa gate at pinagsabihan.
“Bakit? 18 naman na ako. P’wede na,” pang-iinis ko sa kaniya.
“Magtigil ka, Heaven. Naiinis ako sa’yo.”
Hindi ko na napigilan ang pagtawa ko nang malakas dahil sa sinabi niya. “Oo na, hindi na. Kapag naging kayo ni Missy, saka na ako.”
Inirapan niya na lang ako at kumain na. Pagkatapos ng tanghalian ay bumalik na ako sa kwarto ko. May meeting kasi kami ng mga ka-grupo ko sa research.
Pagkabukas ng laptop ay binuksan ko na ang link ng meeting namin.
“Oh, nand’yan na pala si Heaven,” ani ng leader namin.
“Bakit pito lang tayo? Walo ang nakalista sa akin,” nakakunot-noong tanong ng secretary ng section namin.
“Basahin mo iyong listahan para malaman natin kung sino,” suhestyon ko.
Sinimulan ng basahin ni Zera iyon. Present naman ang lahat bukod kay Dakari. Hindi ko alam na magiging ka-grupo ko pala ang isang ‘yon.
“Minessage ko na si Dakari, sineen lang ako,” reklamo ni Zera.
Napabuntong-hininga na lamang ang leader naming at nagsimula na sa pagpapaliwanag ng dapat naming gawin. Nagbigay na siya ng topic at sumang-ayon naman kaming lahat doon.
“Sorry, I’m late. Umalis kasi ako,” nakangising ani Dakari nang mag-join siya.
Kanina lang ay naiinis ang mga ka-grupo ko pero ngayon ay todo tango lang sa sinabi ni Dakari.
“Sa susunod na ma-late ka pa, baka grades mo na ang umalis,” ismid ko.
Tinaasan ako ng kilay ni Dakari. “’Yong leader nga, hindi nagreklamo.”
Inirapan ko na lang siya at hindi na nakipagtalo pa. Masasayang lang ang oras ko sa lalaking iyon.
Nagpatuloy na sa pagbibigay ng gawain ang leader namin. Sinusulat namin ang mga kailangang gawin maliban kay Dakari na busy kaka-cellphone.
“And that’s it. Next week, aasahan ko na mapapasa niyo ‘yan.”
Nagsimula na akong gawin ang parte ko sa research namin. Mas maganda kung matatapos ko ‘yon agad para mai-edit na agad ng leader naming.
Biglang nag-ring ang cellphone ko kaya agad ko iyong sinagot.
“Hello?”
“Hi.”
His sweet voice makes me smile.
“Fifth…”
“Hmm? You okay? Anong ginagawa mo ngayon?”
Tinigil ko muna ang ginagawa ko at sumandal sa upuan ko. “I’m fine. Gumagawa lang ng research paper.
Ikaw?”
“Oh, you’re busy? Sorry. Tatawag na lang uli ako mamaya,” nahihiyang aniya.
“Hindi. Ayos lang. Kailangan ko rin magpahinga sandali,” mabilis na sabi ko, natatakot na baka patayin nga niya ang tawag.
“Sure ka?”
Um-oo ako sa sinabi niya. Ikinuwento ko sa kaniya ang nangyari sa akin sa buong araw.
“Gusto ka no’n.”
Napangiwi ako sa sinabi niya. “Ew, hindi.”
“Naging crush mo nga siya ‘diba?”
“Naging crush. Past tense. Saka ayoko na ro’n.”
Nasabi ko na sa kaniya ang tungkol kay Dakari ilang linggo na ang nakalilipas. Tinawanan niya pa nga ako nang sabihin ko sa kaniya ang nang mai-kuwento ko sa kaniya ang kahihiyan ko noon.
“Bakit ayaw mo na?”
“E kasi gusto na kita-“ natigil ako sa sinasabi ko.
Ano ba ‘yan, Heaven!
“H-ha?”
“Hakdog.”
Mahina siyang natawa dahil sa sinabi ko. “You like me?”
“Oo, as a friend.”
“Hmm. As a friend lang?”
Tumango-tango pa ako kahit na alam kong hindi naman niya iyon makikita. “Oo nga.”
“Hindi ka magagalit kapag sinabi kong may nililigawan na ako?”
Napasimangot ako sa sinabi niya. “Hindi.”
“Talaga?”
“Oo, kahit magsama pa kayo hanggang kailan niyo gusto. Bye.”
Binaba ko na ang tawag at nagpatuloy na sa ginagawa ko kanina.
Mag-focus ka sa ginagawa mo, self! Study first!
Kahit tunog nang tunog ang cellphone ko ay hindi ko iyon pinapansin. Bahala siya diyan. Busy ako.
Nang mag-gabi ay bumaba na ako kahit hindi pa handa ang dinner. Magpa-pack kasi kami ng mga relief goods para kahit papaano ay makatulong sa iba. Konti lang iyon pero mas ayos na kaysa sa wala, hindi ba?
“’Wag ka ng kumuha ng noodles, Skylar. Bumili na lang tayo,” saway ko.
Mabilis siyang umiling dahil sa sinabi ko, “Hindi ako kumukuha, ate. Expired na kasi itong isa kaya tinabi ko na.”
“We?”
“Oo nga, promise. Ito oh,” inabot niya iyon sa akin.
Naniniwala naman ako sa kaniya kaya hindi ko na kinuha. Tumulong na rin ako sa kanila at pagkatapos ay naghain na rin ng pagkain.
Pagkabalik sa kuwarto ay kinuha ko na ang cellphone ko. Mayroong 78 unread messages mula kay Fifth.
Fifth:
I’m just kidding haha. Pikon ka naman.
Hey, wala akong nililigawan.
Heaven.
Hey???
Ilang lang iyon sa mga sinabi niya. Nag-reply naman ako kasi nakakaawa naman siya.
Ako:
Ang joke kasi, dapat nakakatawa, hindi nakakainis.
Na-seen niya iyon agad.
Fifth:
Sorry. Bakit ka nainis? Akala ko ba as a friend lang?
Ako:
Nainis ako as a friend.
Fifth:
You don’t have to be pissed, Heaven.
Ikaw lang, sapat na.
Napabuga ako ng tawa dahil sa sinabi niya.
Ako:
Ew ka.
Fifth:
At least I made you laugh.
Ako:
Pa’no mo alam?
Fifth:
I just know you so well, baby.