CHAPTER 1
Binagsak ko ang bag sa upuan ko bago umupo at sumubsob sa arm chair. Iilan pa lang kaming nasa classroom at ilan pa ay busy sa paggawa ng kung ano sa kani-kanilang sariling upuan.
Baka may ipapasa sa isa sa mga subject?
Wala akong maalala...
At dahil hindi ko nga maalala, malamang wala akong gawa kung sakaling meron nga dahil alas singko na ng umaga ako nakauwi sa bahay at pagkatapos ay nagbihis na para pumasok. Buti na lang bukod sa mga katulong namin sa bahay wala pang ibang nagigising ng gan'ong oras. O, baka gising na rin sila hindi lang lumalabas.
Matutulog na muna ako, bahala na ang kung ano gawain na 'yan. Mangongopya na lang siguro ako kay Autumn mamaya.
"Hindi na raw papasok si Engr. Andra dahil kabuwanan na niya. Mabuti na lang hindi ko ginawa iyong pa-take home quiz niya n'ong isang araw."
Hindi pa ako tuluyang nakakatulog nang narinig kong nag-uusap si Serenity at Margarette na mukhang kapapasok lang ng classroom.
Baka iyon 'yong ginagawa nila... mabuti naman at manganganak na ang babaeng 'yon dahil ako ang nahihirapan sa kan'ya sa tuwing nakikita ko ang malaki niyang tiyan. O, sa mas madaling salita nahihirapan ako sa subject niyang Calculus kaya pa-tatlong take ko na siguro ito.
Narinig ko ang pag-upo ni Serenity sa tabi ko pero hindi ko iyon pinagtuonan ng pansin. Sabi ko ay matutulog ako...
"May naririnig akong kapalit ni Engr. Andra kaya 'wag kang makampanteng hindi 'yon ipapasa," ani Margarette.
Napairap ako mula sa pagkakasubsob at saka bumuntong hininga. Paano ako makakatulog kung ganito kaingay ang mga kasama ko. Kainis.
Napangiwi na lang ako at saka padabog na umayos ng umupo at matalim silang tiningnan. Nakatingin na rin sila sa'kin dahil siguro sa ingay na ginawa ko.
"Alas tres ka na naman umuwi 'no?" tanong ni Anastasia na agad kong nilingon.
"Hindi..." tipid kong sagot at saka ipinatong ang dalawa kong braso sa arm chair bago inaantok na pinatong d'on ang aking baba. "Alas singko."
Pare-pareho silang nagulat sa sinabi ko. Improving ba?
Well, si Tala kaya 'to.
Marahan ko na lang na ipinikit ang aking mga mata. Baka sakali makatulog ako ng ganito. Antok na antok na talaga ako.
"Sigurado ako, wala ka na namang gawa sa Calculus," ani Piper.
Hindi ako nagmulat ng mata at nanatiling gan'on ang puwesto. "Kayo nga rin wala... ako pa kaya. E'di pare-pareho tayong bagsak, the more the happier."
Rinig ko ang kanya-kanya nilang ismid sa'kin dahil sa ilong nilang lahat iyon lumabas.
Well, si Tala kaya 'to.
Hmp.
Nagkaroon ng katahimikan nang dahil sa sinabi ko. Hindi na kasi sila muling nagsalita dahil pare-pareho silang natamaan. Mabuti 'yon para makatulog na ako.
Bukod sa Calculus, may ilan pa akong kinukuhang subject sa klase nila. Limang taon na ako sa Engineering pero hanggang ngayon pabalik-balik pa ako sa second year. Ano pa nga ba ang aasahan ko... pasulpot-sulpot lang din naman ako sa klase.
Well... si Tala kaya 'to.
Hindi ko alam kung ilang minuto lang akong nakatulog... pero at least nakatulog pa rin ako.
Dumating na kasi ang teacher namin sa Rizal.
Tsk.
Pa-simple akong umirap. Paanong hindi ako maiinis, dalawang beses na kasi akong binabagsak ng bruhang matanda na 'yan dahil lang hindi ako nagpapasa ng essay sa kan'ya.
Anong tingin niya sa'kin manunulat?
Kung hindi ba naman baliw ang matandang 'yan ay sigurado akong hindi siya magpapasulat ng dalawang bond paper na essay at back to back pa.
Dinaig ko pa ang balita sa TV sa iilang pangungusap lang na sinasabi pero kumpleto at detalyado na. O, baka gagawin akong patalastas sa TV kung paulit-ulit na salita ang gusto niyang isulat ko. Tsk.
Well...
Tamad ako kaya hindi ako magsusulat.
... si Tala kaya 'to.
As usual, hindi ako nakinig. Close ba kami? Duh!
Pero dahil marunong naman akong gumalang sa mga matatanda, hindi ako natulog sa klase n'ya.
Well, si Tala kaya 'to.
Nanood ako ng Kdrama. Ano pa nga ba ang gagawin ko? Hindi naman ako baliw para humanap ng mas lalong magpapaantok sa'kin. Hind pa naman gan'on kasira ang ulo ko.
True Beauty ang pinapanood ko, nakakaligtaan ko na kasi iyong ilang episode dahil ilang araw kaming gumimik. Tapos na nga 'yon pero nasa ika-limang episode pa lang ako, mabuti 'yon para may mapapanood ako tuwing klase niya.
Kasabay nang pagtapos ng klase ang pagtapos din ng episode na pinapanood ko.
One down... eleven Rizal sched to go!
Muli kong tinago ang aking cellphone at saka tutulog na sana nang bigla akong kalabitin ni Serenity. Nilingon ko naman agad siya.
Malapad siyang nakangiti sa'kin. "Sa susunod manood ka ulit, para hindi ako antukin sa klase."
Saglit na napaawang ang bibig ko sa sinabi niya. Mahusay! May nakikinood pala sa tabi ko, wala 'man lang pasabi.
Mapait lang akong ngumiti at saka pilit na tumango. Ano pa nga ba ang magagawa ko... hindi naman ako madamot.
Kaya nga pati boyfriend ko binigay ko na sa kapatid ko.
Sino ba naman ako para ipagdamot siya 'di ba? Tao lang din naman ako, marunong maawa sa kapwa.
Kung gutom... pakainin!
Sana lang talaga mabulunan. Hmp.
Hindi ko na rin sila iniisip dahil makakabawas lang iyon sa ganda ko. Magsama silang mga gutom. Dahil ako, kaya kong busugin ang sarili ko.
Sa ganda kong 'to? Luh. Pagkain kaya ang maghahabol sa'kin.
Well, si Tala kaya 'to.
Duh!
May thirty minutes break naman kami kaya napagpasyahan kong matulog ulit. Sa panahong 'to importante ang bawat oras... kaya kailangan kong matulog. Saka na ang mga gawain na 'yan dahil hindi naman ako bubuhayin niyan kung mamatay ako sa antok.
"Hindi ka ba gagawa ng take home quiz?" tanong sa'kin ni Serenity nang susubsob na sana ako para matulog.
Isa pa, Serenity, namumuro ka na talaga sa'kin! Kanina ko pa gusto matulog, e!
Matalim ko siyang tiningnan. "Titigilan mo ako, o ibabalik kita sa pinanggalingan mo?" medyo pagbabanta ko, dahil kung pipili naman siya ay madali akong kausap.
Mabilis naman niyang tinikom ang bibig niya at hinarap si Margarette. Good. Kanina pa, e. Baka hindi ako makapagtimpi bibigyan ko talaga siya ng pamasahe pauwi sa probinsiya nila.
Tinitigan ko muna siya ng ilang saglit at baka magsalita na naman. Medyo may kakulitan kasi ang babaeng 'to dahil hindi yata napadede ng tama. Ampunin ko kaya 'to para tumigil sa pag-ngawa. Ayst.
Bumalik na ako sa pagkakasubsob bago pa ako abutan ng next subject namin, walang iba kun'di Calculus. Wala naman daw si Engr. Andra kaya wala akong dapat na ipag-alala.
Magpapakilala lang naman 'yong papalit kaya no worries, Tala.
At tuluyan na nga akong natulog.
Tulog is life.
"Tala. Oy, gising."
Naalimpungatan ako nang nakaramdam ako ng pag-uga. Lumilindol yata...
Mabilis akong nagmulat ng mata. "Lumilindol!" sigaw ko at saka nag-angat ng ulo.
Tatayo na sana ako nang napansin kong nakatingin silang lahat sa'kin, na tila nagpipigil ng tawa. Kumunot ang noo ko bago inilibot ang paningin ko.
Hindi ba nila naramdamang lumili---
"Shit." malutong na bulong ko.
Namilog ang mga mata ko sa nakita. Am I dreaming? May anghel kasi sa harapan ko...
Saglit akong natulala. Iniisip kung totoo ba ang nakikita ko o dala lamang malikot kong isip. At nang napagtanto kong gising na gising nga pala ako ay bahagya kong kinagat ang pang-ibabang labi ko.
Day dreaming pa, Tala!
Anong ginagawa ng lalaking 'yan sa room namin? Kaklase ba namin siya? O, baka transferee?
Huli nang naalala kong may substitute teacher pala kami sa Calculus nang magsalita siya.
"I think, you're in a wrong class," panimula niya at saka unti-unting kumukurba ang kan'yang mapupulang labi.
Nakaramdam na ako ng kaba dahil hindi ko na alam kung saan ako kukuha ng kahihiyan.
Well... si Tala ka pa ba?
Napalunok ako.
"Maybe... in a kissing lesson?" dagdag pa niya habang may nakakaasar nang ngiti.
Wtf!
I think, I need to drop my course na...