Chapter 1
VVIP Ticket
"Ang panget ng buhay," Pagdra-drama ko habang naka sadsad ang mukha sa desk ng upuan sa room. Paano kasi, pinagalitan ako 'nong physical science teacher namin na si ma'am Bulao, badtrip!
"Hoy gaga, iniinarte mo d'yan, eh. Kasalanan mo 'din naman kung bakit ka napagalitan!" hampas pa sa akin ng siraulo 'kong kaibigan, na mas lalo ko lang ikina-inis kaya pinag-taasan ko siya ng gitnang daliri patalikod.
Hinampas niya naman ulit ako. This time. May libro nang kasama ang kamay niya kaya ang bigat. Ang sakit!
Hinarap ko siya. "Wahh! Ano bang problema mo sa 'kin Nikhaela! Nanahimik ako dito nag-e-emote, eh!" buryong ani ko na ikinairap niya lang.
"Ang panget mo mag-emote. Tigilan mo 'ko! Hindi ka mahal ni Kianos kaya ihinto mo 'yan!" Banggit niya sa pinaka ayaw kong naririnig mula sa bibig niya at alam niya naman iyon. Talagang sinadya niya lang talaga banggitin!
"Hoy, Nikhaela na utak barbarian sa general math. Bakit mo na naman dinadamay yung asawa 'kong nagtra-trabaho para sa bente trese naming anak! Pasmado talaga yang bibig mo, ah!" Inis kong tugon. Umawang naman ang kanyang bibig.
"Hoy ka rin, feeling-ngerang Akisha na walang alam sa statistics and probabilities. At feeling asawa pa ni Kianos pero, kabit lang naman. Talagang idadamay ko siya dito, dahil siya naman talaga ang dahilan kung bakit muntikan ka na mapalabas ng room!"
Sa sinabing niyang iyon ay hindi na ako naka rebut. Totoo naman kasi yung sinabi niya. Si Kianos naman talaga ang rason kung baket bigla na lang akong sumigaw sa gitna ng pag tuturo ni ma'am Bulao.
Naalala ko tuloy ang matindi niyang sermon sa akin kanina. Muntikan pa nga ako batuhin ng eraser no'n ni ma'am, buti na lang talaga ay hindi natuloy.
Nakakagulat naman kasi talaga yung biglaang post ni kuya Calvin. Yung manager ni Kianos.
Ang sabi niya kasi doon sa post niya may palabunutan daw na mangyayari sa sabado. Robinson mall ang venue. At ang prize ng mabubunot ay VVIP Ticket sa isang bakasyom kasama si Kianos!
Oh, 'di ba! Sino ba namang hindi mapapatili doon. Pati nga mga kaklase kong bakulaw at adik din kay Kianos ay nagulat rin 'nong nag-post si kuya Calvin sa Instagram patungkol don.
Pero sa lahat kasi ng nagulat. Ako lang ang sumigaw ng pagkalakas-lakas. Kaya iyon, nakagalitan ako ni ma'am Bulao. Pero nag-sorry naman ako sa kaniya,
Ang mahalaga ngayon. Mura lang ang entrance fee nung pa event nila sa Robinson at lahat ng fans pede sumali at pumunta. Ang prino-problema ko lang ngayon,
Isa lang ang mabubunot na panalo. Palabunutan pa. Eh, malas ako diyan. Dagdag pa na, sa sobrang dami naming asawa si Kianos, paano ako mapipili sa mga iyon.
Jusko, sana palarin talaga ako sa sabado. Ima-manifest ko 'yan buong Linggo!
"Hoy Nikha samahan mo pala ako sa sabado, ah. lalandi ako," Bigla kong sambit na ikinangiwi niya naman. "Saan na naman 'yan?" tanong niya ng may iritasyon kaya sinabi ko naman sa kaniya kung saan.
"Robinson m? Layo, ah... anong gagawin?" tanong niya ulit. Napa-irap ako bago sumagot.
"Edi ano pa, malamang pupunta tayo sa pa event ni Kianos!" Usisa ko habang pinag-lalaruan ang ballpen na hawak habang naka sadsad pa rin ang mukha sa sariling desk.
Humalukipkip na lang siya at napa iling bago ipag-patuloy ang pagli-liptint. "Oh, sige. Bahala ka. Basta libre mo ulit yung entrance fee ah, wala naman akong gagawin do'n."
Napangiti naman ako. "Oh, sige! Love you!"
"K."
Naging mabilis ang mga araw para sa akin at ngayon. Sabado na. Ang pinaka hihintay kong araw!
Omg. Sana ako ang manalo sa pa raffle ni kuya Calvin! Sana ako, sana ako... sambit ko lagi sa utak ko dahil napanood ko iyon na gumagana daw ang pag-iisip ng positibo sa gusto mong makuhang bagay, sabi sa tiktok video na napanood ko...
"Ok ka na d'yan?" Tanong ni Nikhaela sa porma ko ngayon. Tumungo ako.
Naka black tube top ako at tanging dibdib ko lang ang dinadamitan no'n. Pinatungan ko iyon ng white long sleeves na hindi naka butones. Habang sa pang ibaba naman ay loose pants black and five-inch sandal heels.
Sa abubot. Shoulder bag at ang tatak ay Louis Vuitton. Wag kayo, puslit ko pa iyon sa kwarto ni lola para makumpleto lang ang porma ko ngayon araw.
Nagpahatid kami ni Nikhaela kay manong Ronie papunta ro'n. Ang driver ng pamilya namin. Under age pa kasi kami ni Doday kaya bawal pa magmaneho at baka sa selda ang bagsak pagnahuling walang lisensya.
Kapag sa jeep naman kami sumakay ay baka may mang bastos lang sa akin dahil sa suot ko kaya mas maigi na itong nagpahatid kami. Iwas gastos na rin sa pamasahe.
Nakarating kami sa Robinson mga pasadong Alas kwatro na ng hapon at katulad ng dating mga pa event ni Kianos. Sa labas palang ng mall ay punuan na.
Hindi mo iisipin na may isyung lumaganap tungkol kay Kianos kamakailan lang dahil dagsaan talaga. Para ngang mas crowded ngayon kay sa mga dating pa event,
Pagpasok sa mall. Karamihan sa mga taong nakaka-salubong ko ay mga kakilala ko na, kaya marami rami din ang bumati at naka-kwentuhan ko sa daan. Pero may isang tao talaga akong hinahanap,
"Aki! Kamusta ka na!? Ang ganda mo lalo ahh!" Bati sa akin ni Eilla ng matanaw niya ako. Lumapit agad siya sa gawi namin at yumakap.
"Hoy, anong gumanda! Lagi ngang stressed, eh. Baka ikaw naman ang gumanda sa 'tin, shala 'to!" Pang-aasar ko na ginatungan din ni Nikha na nasa gitna namin.
"Oo nga, Eilla! Ikaw itong gumanda. pa-humble ka pa, d'yan. Sabon reveal naman!" Sabunot niya pa kay Eilla na ngumuwi at tumawa.
Si Eilla. Ang magda-dalawang taon ko ng kaibigan sa internet na nakilala ko sa pamamagitan ni Kianos. Fan din kasi siya ni Kianos matagal na, tapos one time. Chinat niya ako kung gusto ko ba sumali sa isang gc ng mga fans at sinabi ko naman oo. At doon na kami naging malapit.
Naging ka-close niya din si Nikha dahil sa madalas na pagme-meet up namin ay kasama ko siya. Kaya ito sila ngayon, nagbabangayan.
"Hoy Nikha, dika pa rin nag-babago! Napaka mapanakit mo pa 'rin talaga, kainis ka!" Pagdra-drama ni Eilla kay Nikhaela na hindi lang pinansin ni babae at sa halip ay inasar niya pa lalo si Eilla.
Tumagal ang bardagulan naming tatlo ng mahigit isang oras, bago namin mapag-desisyunang pumunta na sa hulugan 'nong mga tickets para sa raffle-draw na mangyayari mamaya.
May halong kaba at pagka excite ako nung ako na ang mag huhulog ng ticket. "Hi ma'am Aki! Nandito ka na naman, kamusta ang buhay?" Masiglang tanong sa akin ni Ate Shan.
Yung head organizer ng lahat ng event ni Kianos na naging kakilala ko na rin dahil sa lagi kong pagpunta sa mga ganitong aktibidad.
"Ok naman ako ate Shan! Eto nga kinakabahan, eh." Sagot ko sa tanong niya kanina bago ibigay ang ticket ko sa kaniya.
"Ate Shan. Palanunin mo yan, ah! Paghindi pa talaga ako manalo ngayon, mag-tatampo na talaga ako sa 'yo!" Dugtong ko na ikinatawa niya lang.
"Nako Ma'am Aki! Sana nga ikaw na ang manalo ngayon! Hihilingin ko na talaga kay Lord na ikaw ang manalo, promise!" Pag-bibigay niya ng suporta na ikinatuwa ko naman kahit paano.
Balak ko pa sa nang dugtungan ang chikahan namin ni ate Shan pero yung mga nasa likuran kong naka pila ay nag-rereklamo na sa tagal ko dito sa harap, kaya wala akong nagawa 'kong hindi ibigay na lang ang daan dahil nagpapatagal lang ako. May next time pa naman para samin ni ate Shan. Isip ko pa.
Habang nag-iintay mahulog ang lahat ng ticket. Napagpasyahan muna naming tatlo na maglibot-libot muna sa buong mall.
Nag-shopping na rin kami at kumain na din sa mga fast food stalls na nakikita sa gilid-gilid. Natuwa ako sa pamimili ng mga pagkain kaya nagpa-iwan muna ako kila Eilla at Doday doon sa mga hilera ng stalls dahil sabi nila babalik na sila sa baba.
Nakakita naman ako ng siomai-yan na mukhang masarap kainan habang nag-lilibot pa, kaya dali akong pumunta do'n at nagtanong kung magkano yung siomai sa tindera.
Sinagot naman ako ni ate, kaya nag-order na ako sa kanila ng palamig na tig si-65 lang at large na 'yon, tapos isang pork siomai na sampung piraso for 100 pesos.
"Oh, Hello Nikha? Bakit ka napatawag?" Sagot ko ng mag-ring ang phone at ngumunguya-nguya pa ng pagkain na bili do'n sa kanina kong nadaanan bago dito.
"Broha ka! Sabi mo saglit ka lang, bakit ang tagal mo d'yan sa taas! Inubos mo na ba lahat ng tinda sa mga stalls, Gaga ka!? Bumaba ka na dito dahil mag-uumpisa na, Bilis!" Bulyaw niya sa akin bago ako patayan ng linya.
Bumakas naman ang pag-aalala sa aking mukha, dahil baka mahuli na ako kung iintayin ko pa matapos si Ate ganda sa pag-aasikaso ng order ko. Malas.
Mukha pa namang masarap itong siomai nila dito. Gusto ko talaga tikman kahit isang kagat lang. Pero wala. Mahuhuli na talaga ako. Siguro next time na lang!
"Ahm, A-Ate?" Nahihiya kong tawag kay Ate ganda. Tumingin naman agad siya.
"Yes po?" Medyo malungkot niyang tugon na agad kong ikinakonsensya. Paano kasi, yung mukha ni Ate na nagtitinda. Mukhang may pinag-dadaanan.
Balak ko pa naman sa nang ipa-cancel yung order ko kasi male-late na talaga ako sa baba! Pero yung mukha kasi ni ate, paano na ito...
"Ahm..." Pag-iisip ko ng solusyon habang naglilingat-lingat ng tingin sa sulok-sulok ng second floor ng mall.
Buti na lang sa dikalayuan ng pwesto ko ay may namataan akong naka cap na fafi, este– na lalaki.
Naka upo lang siya mag-isa sa isang bench ng food court malapit lang dito at nagse-cellphone.
"Ah Ate, tara dito!"Tawag ko sa kanya.Sumunod naman si ate ganda sa paanyaya  ko na lumapit, pero syempre. dahil nasa loob siya ng stall niya, upper body lang yung nakalapit.
Inakbayan ko siya at nilapit ang sarili para maka bulong. "Ate ganda, kita mo ba yung lalaking 'yon na naka-upo lang mag-isa kasi sad boy siya?" turo ko pa ro'n sa fafi na nais-pat-tan.
Tumungo lang naman si Ate. Kaya nagpatuloy ako. "Ganto na lang Ate, yung order ko ibigay mo sa kaniya. Tapos sabihin mo pagnag-tanong siya kung kanino galing, sabihin mo sa 'the one niya'. Paki sabi na rin, paki sira ang buhay ko 'kong magkikita pa kami ulit, ok? Oh eto ang bayad," abot ko kay ate ganda ng tatlong libo na ikinagulat niya.
"H-Hala Ma'am! hindi pa po lalagpas ng 200 pesos yung Order n'yo po, s-sobra-sobra po it-
Hindi ko na siya pinatapos at agad kong nilapat ang index finger ko sa labi niya para patahimikan siya.
"Ate, ang sukli niyang tatlong libo, sa 'yo na. Ok? Wag ka na mag-reklamo dahil magagalit ako sa 'yo pag-ginawa mo. Isipin mo na lang, ekstrang bayad ko na 'yan dahil tutulungan mo 'kong lumandi," Masaya kong sabi na ikinaiyak niya kaya nagulat ako.
"Hoy ate! Anong nangyare!? Dapat sasabihin mo sa part na 'to na, ang bait mo naman ate tapos ang ganda mo pa, thank you." Usal ko na ikinatawa niya. Kaya ang nangyari. Iyak tawa na siya ngayon. Hala siya,
"A-Ate... grabe, super thank you, ah. Gagamitin ko kasi ito pambayad sa school project namin. G-Grabe, makaka-graduate na rin ako ng college! Super thank you talaga ate!" Pag-papasalamat niya pa na ikinatuwa ko naman. Pero hindi ko iyon ipinahalata.
"Oh hala siya, sige na ate! yung siomai mo sunog na gogora na 'ko!" pag-papaalam ko sabay takbo paalis.
Narinig ko pa naman si Ate ganda na nag-papasalamat sa akin pero hindi ko na lang siya nilingon dahil 'di ako sanay ng napapasalamatan.
Best wishes na lang para kay Ate ganda at syempre sa akin rin, para mamaya. Sana lang talaga manalo ako.
---
"Hoy gaga ka, saan ka ba nag-pupunta!? Magsisimula na!" Sermon pa sa akin ni Nikha habang ako dito ay naka simangot lang.
Naalala ko pa rin kasi yung siomai na iniwan ko doon sa taas. Gusto ko tikman iyon! Babalik na lang talaga ako dito next time. Pero sa ngayon, ito muna.
"Wahh! Ayan na, bumubunot na siyaaa! Sana akoo!" Sigaw ni Eilla na sinabayan ko na rin ng sigaw dahil umaapaw na ang mga hiyawan ng mga taong nakapalibot sa stage,na maging ang second and third floor ng Mall ay puno rin ng mga kasali at nag-hihiyawan na rin sila na sana sila ang manalo. 
"And the winner is..." Pa-intense pa ni ate Shan na siyang bumubunot ng ticket nang mananalo kaya mas lalo lang nagtilian ang mga manonood at maging ako rin ay ganoon na ang ginagawa.
"Wahhh! Paghindi ako yan sasampalin ko lahat ng tao dito isa-isa, talaga! Like legit! Sana talaga ako!" sigaw ko na may kasamang pagbabanta. Umulit pa ako ng isa.
"Pag ako talaga natalo na naman! Magiging Kriminal na ako!" Sigaw ko ulit habang sinasabunutan si Nikhaela na minumura na ako. "Pota ka Akisha, masakit woy!"
"Is..."
"Ponyeta!!" Sigaw ko ulit ng matindi dahil nasa palad na ni ate Shan ang ticket ng gagang nanalo. Kaya mas tinodohan ko lang ang sabunot kay Nikhaela na parang paiyak na. Hindi ko lang naman iyon pinansin dahil nasa dila na ni ate Shan ang panalo.
"Is..." Pa-intense niya ulit na mas lalo kong ikinatili.
"OH MY GOD!— AKIHIRA B. MANLABANAN!!!"
To be continue...