THAINAH POV
Halos mamanhid ang tuhod ko, namumuo narin ang mga luha sa mga mata ko dahil sa nakikita ko ngayon.Walang sawang pinaghahaklab si Paw ng mga zombies.
"Paw!!" sigaw ni Lenzy habang umiiyak, nakaupo na s'ya sa lapag ngayon dahil sa hindi n'ya talaga nakayanan ang nakikita n'ya.
Nagkakagulo na ang lahat yung iba sa sobrang panic nagkakabungguan na at nadadapa, may naiipit narin, yung iba hindi maka-alis sa kinatatayuan nila dahil sa takot at hindi malaman ang gagawin.
"Baks! Tara na umalis na tayo dito!" sigaw ko kay Lenzy pero hindi parin s'ya tumatayo."Gusto mo bang maging gaya nila?" tanong ko sa kan'ya kaya nilingon n'ya ako sabay iling na parang takot na takot at dali rin s'yang tumayo.
Mabilis kaming tumakbo para makalabas sa Veniz Academy na ito pero nangangalahati pa lamang kami sa quadrangle ng matanaw namin ang mga zombies mula sa gate tumatakbo na sila papunta sa amin ngayon kaya wala sa sariling napapaatras kami ng lakad sabay karipas ng takbo pabalik.
Diretso lang kaming tumatakbo ni Lenzy at naghahanap ng matataguan ng biglang may nakita kaming paparating na dalawang zombie kaya namadali kaming tumigil sa pagtakbo at tumago muna kami sa likod ng stage na nasa tapat lang ng baseball field na pinagpa-practice-an namin.
Nagpasilip-silip pa ako sa gilid ng pader para tiyaking wala ngang zombies na umaaligid sa paligid namin.
"Mamamatay na tayo dito!" sigaw ni Lenzy kaya napatago uli ako mula sa pagsilip ko doon dahil nakatunog ang mga zombies at napatuon ang pansin nila sa pwesto namin.
"Huwag kang sisigaw baka marinig nila tayo" bulong ko kay Lenzy kaya natahimik s'ya.
"Bakla baka Zombies narin sila Mommy at Daddy" mangiyak-ngiyak na saad ni Lenzy sa akin.Bigla namang pumasok sa isip ko si Lolo at Lola na nasa bahay lang hindi ko rin maiwasang mapaisip na baka zombies narin sila.
Pero hindi ko dapat isipin yun dapat lumaban ako.
"Tara sa canteen" anyaya ko kay Lenzy sa mahinang boses sumunod naman s'ya agad.
Namamadali kaming naglakad, malapit na kami sa canteen pero biglang...
RING!!!RING!!!
Malakas na nag-ring ang phone ni Lenzy kaya lumingon sa'min ang mga zombies at iika-ika nila kaming hinabol.Karipas kaming tumakbo at nakarating naman kami sa loob ng canteen at minadali naming nilock ang pinto, bakal na lock ito kaya mahihirapan ang mga zombies na mabuksan ito.
Hihingal-hingal kong nasandal ang noo ko sa pinto dahil sa pagod.
"Buti nalang naka–" napalingon ako sa harap dahil sa paghinto sa pagsasalita ni Lenzy.
Nagtaasan ang mga balahibo ko sa katawan at sunod-sunod narin ang paglunok ko dahil sa sobrang takot.Dahil hindi lang naman iisang zombie ang nasa harapan namin ngayon kundi lima.
Takte anong gagawin namin ngayon? Paktay!
Nangangamoy ang katangahan sa paligid namin..Bakit ba kasi nilock pa namin yung pinto?mamamatay na yata kami.
Nasa harap namin ngayon ang limang mga zombies nabawasan ang kaba ko dahil nakatalikod sila. Pero ang kinakatakot ko ay mga runners ang mga ito halata naman sa suot nila.At ang mga runners ay mabibilis tumakbo alangan namang mabagal diba?
"Baks pumunta ka sa kitchen ng Canteen kumuha ka ng matalim na bagay, yung matalim huh" utos ko sa kan'ya pero taka at takot n'ya lang akong tinignan.
"Ayoko" mabilis na sagot n'ya at kumapit pa s'ya sa braso ko.
"Sige ako nalang ang kukuha hawakan mo tong baseball bat ko maiwan ka dito"Sabi ko sa kan'ya pero tinitigan n'ya lang uli ako gaya ng kanina.
"Ayoko maiwan dito baks baka kagatin nila ako ang dami nila oh" turo nya pa sa mga zombies na nananatili paring nakatalikod sa'min.
Napaka duwag naman talaga ng baklang to.
"Kaya nga kunin mo 'tong bat ko, hampasin mo sila kapag lumapit sila sayo" paliwanag ko sa kan'ya pero tinitigan n'ya lang ang bat na inabot ko sa kan'ya.
"Eh?, Ako na nga ang kukuha" baklang baklang sabi pa n'ya at pagapang s'yang tumungo sa kitchen.. Hinanda ko naman ang bat ko para kung sakaling susugod sila madali ko silang mahahampas.
Nasa kaliwang bahagi ng canteen ang limang zombies na ito kung nasaan ang mga table na inuupuan namin kapag recess time at sa kanan ko naman ay ang counter kung saan nag-oorder at doon rin nakalagay ang mga pagkain.May isang pintuan rin doon kung saan pumasok si Lenzy doon ang kitchen.
Mabilis na nakabalik si Lenzy.
"Oh" abot nya sa akin ng napaka liit na gunting.
Ayy tanga!
"Bumalik ka don kumuha ka ng mas malaki d'yan, yung mas matalim din d'yan dalawahin mo na huh" utos ko uli sa kan'ya.
"Bakla ang daming zombies sa labas ng bintana don baka mabasag yun at makapasok sila, natatakot ako bakla" takot ngang sabi n'ya kaya bumuntong hininga muna ako.
"Tara" yaya ko sa kan'ya at nauna naman ako sa paglalakad sumunod naman s'ya agad sakin.
Nakatingala ako ngayon sa pader ng kitchen ng Canteen kung saan nakalagay ang mga matatalim na bagay tulad ng gulok, palakol at iba pa.Kinuha ko naman ang gulok at palakol, binigay ko kay Lenzy ang gulok dahil mas mahaba yun at sa'kin naman ang palakol.
"Baks, ikaw ang bumukas ng pinto pukpukin mo ng napakalakas huh ako ang babantay kung susugod sila satin" paliwanag ko uli sa kan'ya tatango-tango naman s'ya kaya umaasa akong naiintindihan n'ya yun.
Tahimik uli kaming bumalik sa pinto na may padlock na bakal.
Sinenyasan ko si Lenzy na pukpukin n'ya na.. Binend ko naman ang tuhod ko at hinanda ko na ang baseball bat ko para kung sakaling susugurin kami ng mga zombies handa na ako para hambalusin sila.
PLAGGH!! PLAGGHH!!
Sunod-sunod na pinukpok ni Lenzy ang padlock ng pinto nakatunog ang mga zombies, labis akong kinabahan ng napaka tindi sunod-sunod na naman ang paglunok ko pero mas tinibayan ko ang pagkakakapit ko sa bat.
Ayan na sila!
Nagsisimula ng magsilapitan sa amin ang mga zombies dahil sa lakas ng pagpukpok ni Lenzy sa padlock ng pinto.
BOGSH!PLASH!TOINK!
Walang ano-ano'y sunod-sunod kong pinag hahampas ang mga ito ng bat ko pero parang wala lang sa kanila dahil babagsak nga sila pero tatayo rin na parang walang nangyari.Shet!
"Bilisan mo baks!" sigaw ko kay Lenzy habang busy sa pagtugis sa mga zombie runners na ito.
"Ayaw naman gumana nitong gulok mo baks!" sigaw ni Lenzy pabalik sa akin nilinga ko s'ya saglit pero...tanggalang baklang 'to parang tanga kung pukpukin ang lock ng pinto.
"Takte bakla ka talaga laksan mo ang pukpok!" sigaw ko uli kasabay ng pag-ilag ko sa isang zombie at mabilis ko itong hinampas sa ulo dahilan para tuluyan itong bumagsak at mawalan ng buhay.
Anak ng teteng ganoon lang pala yun.Kailangan ko lang asintaduhin ang ulo para mamatay.
Patay kayo BWAHAHAHAHA!
Tulad ng ginawa ko sa unang zombie na napatumba ko matapang ko ring pinatamaan sa ulo ang tatlo pa sa mga zombie na ito.
Bumwelo ako patakbo sa pasugod na zombie ito na ang pang-apat na papatayin ko sa ngayon.Matangkad ito kaya maangas akong nagpadulas sa tiles ng canteen kahit nakapalda ako, lumusot ako sa pagitan ng binti n'ya dahilan para mapayuko pa s'ya sa pagitan ng binti n'ya,  kinawayan ko pa s'ya bago ako tuluyang makatayo sa pagdulas kong 'yun sa sahig humarap naman s'ya sa akin at pasugod uling lumapit sa akin habang sinasabi ang..
"Rawr Rawr Rawr"
Tanggala parang aso kung kumahol ang amp..
Hindi ako umalis sa pwesto ko at hinintay ko lang s'yang lumapit sa akin.
"Bakla ayaw talagang bumukas!" sigaw ni Lenzy kaya yung isang zombie nakatunog at lumapit sa kanya, halos limang steps nalang pwede na s'yang panghapunan ng zombie'ng ito.
"Wag ka kasing babakla-bakla mag pukpok!" sigaw ko kasabay ng paglapit sa akin ng zombie na patalon akong hahaklabin sa ngayon kaya mabilis akong gumilid kaya bumangga ang zombie na ito sa mga table at chairs, nang hindi pa sya nakakatayo mabilis ko s'yang pinuruhan sa ulo ng pukpok hanggang sa mamatay ito.
Lumingon ako kay Lenzy na mabilis na pinupukpok ang padlock ng pinto,Wala s'yang kamalay-malay na papalapit na sa kan'ya ang pang huling zombies.
Hindi ko maiwasang matawa sa nakita ko..Nasabi ko pang limang hakbang nalang at panghapunan na si Lenzy pero nung makita kong may injury ang zombie runner na ito ay nagbagal pa akong maglakad may pa sayaw pa ako ng...Basta sayaw yun diko alam pamagat basta ang alam ko wats-me-ney wats-me-ney-ney yun HAHAHA.Dadalawang hakbang nalang ng zombie na to at panghapunan na talaga si Bakla.
KRASBBKK!
Napalingon ako sa may humila sa paa ko langhiyang zombie to hindi pa na tigok kanina.
BOGGSSHH!
Hinampas ko 'to kaya tuluyan ng namatay.Gwapo sana nagpalaplap lang–nagpalaplap sa zombies.
Nanlaki ang mata ko ng makita kong hinaharangan nalang ng gulok ni Lenzy ang zombie'ng ito maling kilos lang n'ya patay s'ya kaya patakbo akong lumapit dito at malakas na bumwelo at inambahan ko ito ng pukpok sa ulo kaya napahiga ito hindi ko na s'ya hinayaang makatayo at pinukpok ko uli sya.
Arayyy!Tulonggg!
Biglang pumasok sa isip ko yung paghingi ng tulong ni Paw bumalik din sa isip ko yung nangyari kanina masaya lang kaming na nanonood kay Paw pero nawala iyon sa isang iglap.At wala akong nagawa para tulungan s'ya.
Lasog-lasog na ang ulo ng huling zombie'ng iyon pero hindi parin ako humihinto sa pagpukpok dito.
"Walang hiya kayo pinatay nyo ang bestfriend ko!" galit na galit na sigaw ko at patuloy parin sa pagpukpok dito halos lumabas ang utak nito at yung mata, dila, ilong nito ay nakakalat na sa tiles ng canteen.
"Bakla, Tama na!" umiiyak na pigil sa akin ni Lenzy kaya tumigil na ako sa paghampas sa ulo ng zombie na ito.
Ganyan dapat ang gawin sa mga hayop na gaya nila..Pinatay na nila si Paw tapos ngayon si Lenzy naman ang papatayin nila.Hindi ko talaga sila sasantuhin pagdating sa mga mahal  ko.
Hindi na namin binuksan ang pinto dahil patay narin ang mga zombies.Nanatili muna kami sa loob ng canteen dahil nagdidilim na, magpalalipas muna kami ng gabi para bukas handa na kami.
Hindi ako mapakali kakaisip kong anong nangyari kila Lolo at Lola sila nalang kasi ang pamilya ko, ano na kayang nangyari sa kanila? Ligtas kaya sila?Sana lang OO dahil kung hindi magwawala ako.
Nanatili kami sa loob ng kitchen kung nasaan ang counter na may mga pagkain rin siguradong hindi kami magugutom dito.
Nag-iisip talaga ako kung anong mangyayari bukas? Sana buhay pa kami hanggang matapos ang Zombie Apocalypse na ito.