Aicah's POV
Buong gabi kaming hindi nakatulog, nireport na din namin sa mga pulis na nawawala si Aubrey.
Halos lahat kami ay nag aalala, san ba kasi siya pumunta.
"Diyos ko! Nasaan na ang anak ko!" umiiyak na ani ni mommy.
Lumapit naman ako para yakapin sya, si daddy naman ay kasama ng mga pulis na naghahanap kay Aubrey.
"Pa-paano k-kung napahamak na siya? pa-paano k-kung na k-kidnap sya!?" takot na takot na sabi ni mommy.
Hinawakan ko naman ang magkabilang pisnge nya at tiningnan sya.
"Hindi mangyayari yun mommy, mahahanap siya nila daddy,okay?" pagpapakalma ko sa kanya.
"MOMMY!!!!" sigaw ng isang pamilyar na boses.
Agad kaming napalingon at hindi nga kami nagkamali, si Aubrey nga yun.
Patakbo siyang pumunta samin at niyakap kaming dalawa ni mommy, niyakap din naman nmin siya pabalik.
Sobrang saya namin dahil nakabalik na siya at walang nangyaring masama sa kanya.
"Diyos ko! salamat po!" umiiyak na sabi ni mommy.
Tinawagan naman namin si daddy para sabihin na nandito na si Aubrey.
Nang makauwi na si daddy ay kinwento na nya samin ang nangyari sa kanya.
Naligaw daw siya sa kagubatan dahil sinusundan daw niya ang paru parong nakita nya.
Hanggang sa mapadpad siya sa isang bahay at doon muna sya tumuloy.
Doon na din daw niyang naisipang magpalipas ng gabi.
Matapos nun ay pinagbilinan na kami ni mom at dad na huwag nang lalabas o lalayo sa bahay.
Tumango naman kami, pagkatapos nun ay pinagpahinga na nila si Aubrey sa kwarto.
Ako naman ay lumabas muna para kausapin si Jia sa phone.
"Nakauwi na si Aubrey" masayang bungad ko.
(TALAGA? Buti naman! Tigas kasi ng ulo ng kapatid mo)
"Oo nga eh! Kung puwde ko nga lang sermunan eh" sagot ko naman.
(Ah basta mag iingat ka! Huwag kang layas tulad ng kapatid mo!HAHAHA)
"Hoy! di nmn tlga ko layas!loka!" natatawang sagot ko nmn.
(Sige na may gagawin pako,BYE!HAHAHA)
"Bye bye" saad ko sabay baba ng telepono.
Matapos namin mag usap ay akmang papasok na ko pero pakiramdam ko ay may nakamasid sa akin, kaya naman lumingon lingon ako para tingnan kung may tao ba pero wala naman akong nakita.
Isinawalang bahala ko na lamang iyon at pumasok na sa bahay.
"Anak aakyat kaba sa taas? pakibigay narin ito sa kapatid mo," nakangiting wika ni mommy saka ibinigay sakin ang isang tray na naglalaman ng mga cookies.
Ngumiti naman ako at tinanggap iyon.
Pagpasok ko sa kwarto ay muntik ko nang mabagsak ang tray na hawak ko nang makita ko ang braso ni aubrey.
Puro ito kalmot at marami din syang galos, hindi naman namin ito napansin kanina dahil nakasuot siya ng longsleeve.
Nang makita niya ako ay nanlaki ang mata niya saka tumakbo papuntang pinto at nilock ito.
Nilapag ko naman ang tray sa side table atsaka sya hinatak paupo sa kama.
"Anong nangyari sayo?! Sinong gumawa nyan sayo??" naluluhang tanong ko.
"Okay lng ako Aicah, you dont have to worry" sagot naman nito.
"No!! sabihin mo sa akin kung sino ang gumawa nyan sayo??!" halong galit at pag aalala ang nararamdaman ko.
"Wala nga kase!" inis namn nitong sagot saka pumunta sa cabinet.
Tumayo naman ako at sinundan sya.
"Ano ngang nangyari!? Susumbong kita kay mommy pag hindi mo sinabi ang totoo!" pananakot ko sa kaniya.
Tumingin naman siya sakin ng seryoso.
"Maniniwala kaba kung sasabihin ko sayo ang totoo?" taas kilay tanong nito.
Tumango naman ako bilang sagot, nagsimula na siyang magkwento.
Pero naguguluhan ako, siguro kakapanood niya yan ng mga horror movies kaya naiimagine niya na sya ang bida pero hindi rin e mukha naman syang nagsasabi ng totoo.
Hayy hindi ko alam kung maniniwala ba akong may mga aswang, e panakot lng naman iyon sa mga bata.
"Oh tingnan mo! papakwento ka ayaw mo naman maniwala" inis na wika nito saka ako inirapan.
Magsasalita na sana ako ngunit biglang humangin ng malakas.
Hindi siya ordinaryong hangin lang para bang may ipinapahiwatig ito.
Kaya naman lumapit ako sa bintana para sana isara ito ng mahagip ng mata ko ang isang lalaki.
Nakatayo ito sa di kalayuan, malapit sa puno at diretsong nakatingin sa akin.
Nakakatakot! bat ganito sya tumingin? agad kong isinara ang bintana kahit na hindi pa rin nya inaalis ang tingin nya sakin.
Dali dali akong bumalik sa kama dahil sa takot.
"Hey? okay ka lng ba?" kunot noong tanong ni Aubrey.
Umiling naman ako bago sumagot.
" May lalaki dun sa di kalayuan". Tumayo naman sya agad at muling binuksan ang bintana para tingnan ang lalaking sinasabi ko.
Nagulat na lanv ako ng bigla siyang kumaway.
"AAAAHHH!! BALIW TALAGA TO!" sa sobrang inis ko ay binato ko sya ng unan.
"Aray!" daing nya saka ako nilingon.
"Bakit mo yon kinakawayan yan? kilala mo ba yan?" inis na tanong ko.
"Hindi, pero kahapon pa yan patingin tingin dito, crush siguro ako." kinikilig nitong sagot.
Aba! ang kapal talaga ng mukha nitong babaeng ito.
Tumayo naman ako para muling isara ang bintana.
Siraulo talaga tong si Aubrey! mamaya masamang tao yun baka mapahamak pa kami sa ginagawa niya eh.
Maayos naman ang mga sumunod na araw pero napapansin kong tuwing umaga lumalabas ng bahay si aubrey tapos babalik lng pagsapit na ng hapon.
Sinubukan kong tanungin siya kung saan ba sya pumupunta tuwing umaga, namimitas lang daw ng mga prutas sa gubat.
Eh pag uwi naman niya wala naman syang dala dalang prutas kahit isa.
Nacu curios talaga ako kung saan ba tong babaeng to nagpupupunta!baka mamaya may boyfriend na pala siya dito tas tinatago lang niya samin tapos mabubuntis sya tapos magtatanan sila bwisit!
Hayss!! hindi pwede! hindi ko hahayaang mangyari yun.
Napagdesisyunan kong sundan si aubrey kung saan man sya pupunta, kailangan kong malaman kung may itinatago ba sya sa amin.
Dahan dahan lamang akong sumusunod sa kanya at sa tuwing tumitigil siya para lumingon ay mabilis akong nagtatago sa mga naglalakihang mga puno.
Ano bang ginagawa nya dito sa gubat? kanina pa kami dito naglalakad pero wala naman akong makitang bunga ng mga prutas.
Patuloy pa rin ako sa pagsunod sa kaniya hanggang sa huminto sya sa isang malaking bahay.
Pumasok siya sa loob ng hindi man lng kumakatok kaya naman dali dali akong lumapit sa may pinto at idinikit ang kanan tenga ko dito para sana makinig sa kung sino man ang kakausapin nya sa loob.
Laking gulat ko ng biglang bumukas ang pinto kaya naman napasubsob ako sa dibdib ng nagbukas nito.
Nang iangat ko ang mukha ko nakita ko ang seryosong mukha ng lalaking ito.
"Sino ka? Anong ginagawa mo dito" seryosong tanong nito sa akin.
Hindi ko naman siya pinansin at inilibot ang paningin ko sa bahay at doon ko nakita si Aubrey na gulat na nakatingin sakin.
"Anong ginagawa mo dito Aicah!!" hindi makapaniwalang tanong nya.
"Ikaw?? Anong ginagawa mo dito?" tanong ko naman pabalik.
Nagmamadali naman siyang lumapit sa akin at hinawakan ang braso ko.
"Aalis na kami"natatarantang sabi nito.
"Sandali lang." pigil ng lalaki sa harapan ko.
"Kakaiba ang amoy ng dugo mo" mariing wika nito."
Tama ka, hindi sya pangkaraniwang tao" nakangising sabat naman ng isa.
"Anong ibig niyong sabihin Simoun?Jacobo?" naguguluhang tanong naman ni aubrey habang mahigpit pa din ang pagkakahawak sa braso ko.
Teka nga! ano bang meron sa dugo ko? saka papaano naman nilang nasabi na kakaiba ang amoy ng dugo ko? Ano ba sila???
Hayyy ang weird naman nga mga taong to.
May isang babae naman na lumapit samin at pinatuloy kami sa loob, ayoko sana kaso sobrang ganda niya hindi ko magawang tumanggi.
Isa pa mukha naman siyang mabait di tulad nung dalawang lalaki.