Nakakabagot ang pangalawang araw ng eskwela. Puro babae na kasi ang sumunod na mga professor, at puros maldita pa. Napahiga agad ako sa higaan ko nang makapasok sa dorm. Alas singko na ng hapon, at ngayon lang natapos ang klase namin.
Matapos makapagbihis ng tatlo ay niyaya nila agad akong maligo sa swimming pool ng Dewford Academy. Gusto ko sanang sumama pero pagod pa ang katawan ko kaya gusto ko munang magpahinga.
"Kayo nalang," tanggi ko sa kanila.
"Ang kj nito." Curly.
"Kapag nagbago isip mo. Sumunod ka nalang ah." Chel.
"Nandoon si sir Aldrin, for sure. Ayaw mo talagang sumama?"
Nakakatempt ang sinabi ni Chubby, gusto kong makita si Sir Aldrin pero napagod talaga ako kakasulat at kakayuko kanina sa mga klase, kaya tinanggihan ko na talaga ng todo ang tatlo.
Nagising ako ng bandang alas siyete. Nakatulog ako na nakauniporme pa. Napagdesisyonan kong lumabas at sumunod kina Chel, kaya nagbihis muna ako.
Simpleng puting t-shirt at maong short lang ang suot ko. Bago ako dumiretso sa swimming pool ay bumili muna ako ng Sukang paumbong flavored Chicharon ni Mang Juan sa cafeteria. Matapos makabili ay dumiretso na ako sa pool. Nasa bukana pa lang ay napansin ko na ang kumpol ng mga natatarantang estudyante ng Dewford Academy. Paubos na ang chichiryang hawak ko.
Humahangos ang mga ito. May iba pang tumatakbo kung saan-saan.
"Sino bang marunong mag CPR diyan?" Narinig kong may sumigaw.
"Nasaan ba ang mga medical students?"
"Nagkaklase pa raw eh."
Nagpatuloy ako sa paglalakad. Nakita ko sa kumpol ng mga estudyante sina Chel. Bakas sa mga mukha nito ang pag-aalala. Kaya naitapon ko sa gilid ang hawak na chichirya at agad na napatakbo papunta sa kanila.
Hinawi ko ang ibang nakakaharang sa daanan ko, at gayon nalang ang pagkagulat ko nang makita ang basa at walang malay na si sir Aldrin.
"M-marunong akong mag CPR," tinuruan kami kung paano ang tamang pag c-cpr noong nasa high school ako. May naaalala pa naman ako, siguro ay pwede na iyon.
Napatingin ang lahat sa akin at tila'y nakahanap ng pag-asa. Lumapit ako kay Sir Aldrin. Inilagay ko ang dalawang kamay ko sa dibdib niya. Buong pwersa ko ang ginamit ko pang tulak sa dibdib niya, habang inaalala kung paano nga ulit ang Cardio-Pulmonary Resositation
'Ilalagay ko ang dalawang kamay ko sa bibig niya at ibubuka ito. Ilalapit ko ang bibig ko na parang magki-kiss kami pero ang totoo'y hihigopin ko lang ang tubig na nakapasok sa kanya, ganon yata iyon.'
Ibinuka ko ang bibig niya, at dahan-dahang inilapit ang mukha ko.
'Ayan na sir Aldrin, parating na ang mga labi ko. First kiss ko ito.'
Palapit na ng palapit ang mukha ko sa mukha niya.
'Ayan na talaga, kinikilig ako. Mahahalikan na kita sir.'
Ibinuka ko na ang bibig ko at ilalapat na sana sa labi ni sir Aldrin. Pero nanlaki ang mga mata ko nang biglang dumilat ang mga mata niya, at sumunod ang pag ubo nito na may kasamang tubig. Napatayo ako. Narinig ko rin ang malakas na pagbuntong-hininga ng mga estudyanteng nakapalibot. Mukhang nawala na ang kabang naramdaman ng mga ito ilang sandali lang.
"Ano ba 'yon, ba't ang baho?" dinig kong reklamo niya.
Napaalis ako sa kumpol ng estudyante at napatalikod sa lahat. Inilagay ko sa bibig ko ang kaliwang kamay at inamoy ang hininga ko.
'Lintek! Ang baho nga!'
Amoy suka, na panis na laway, na hindi ko maintindihan.
"Ano ba kasing kinain mo?" Hindi ko mapigilan ang malakas na pagtawa ng tatlo nang makapasok kami sa loob ng kwarto namin.
"Chicharon nga kasi ni Mang Juan, iyong suka ang flavor. Tsaka bagong gising ako, nakalimutan kong mag toothbrush," pag e-explain ko pa sa kanila.
Pero ang mga lintek, di matigil-tigil sa pagtawa.
"Ang sasaya niyo ah," nakabusangot kong pahayag.
"Epic kasi talaga mukha ni Sir Aldrin kan---" si Curly na di na naipagpatuloy pa ang sinasabi dahil natatawa na naman ito.
"Ano 'yon? Ba't ang baho?" Si Chubby, na ginaya pa talaga ang boses at mukha ni Sir Aldrin kanina tapos sinundan ito ng malakas na tawa. Leche talaga 'tong mga ito.
"Tanginang yan! Makapag-toothbrush na nga," tumayo ako. "Tabi nga diyan," at tinulak paalis ang tumatawang si Chel.
Nang makapasok sa banyo ay napatingin agad ako sa salamin,
'Lintek! Nakakahiya talaga 'yong kanina.'
Kinuha ko ang toothbrush ko na nasa baso na nakapatong sa sink, kasama nito ang mga toothbrush ng tatlo.
"Kelsi! Bilisan mo diyan, magdi-dinner na!" Tawag ni Chubby mula sa labas ng banyo.
"Weeewaaaweewoowoo!" Ano raw? Leche! Di ko maintindihan kung ano 'yong mga sinabi ko. Basta ang gusto kong sabihin ay hintayin nila ako.
Minadali ko na lang ang pagto-toothbrush. Inamoy ko muna ang hininga ko. Nang masigurong hindi na ito mabaho, ay lumabas na ako.
"Tara na," si Chubby na nauna na ngang lumabas.
"Nagmamadali sister? Gutom na gutom?" Curly.
Nang makababa sa cafeteria ay napatingin agad ang maraming estudyante sa'min, I mean sa akin. Ito marahil ang mga estudyanteng nasa pool kanina, at nakasaksi sa kahihiyang nagawa ko.
Nakita namin sa isang lamesa si Sir Tairon at Sir Aldrin, close na close talaga ang dalawang ito, palaging magkasama eh.
"Rachel! Dito!" Tawag ni Sir Tairon kay Chel na itinaas pa talaga ang kamay. Natigilan ako sa paglalakad. Iniisip ko pa kung anong dapat na sabihin ko kay Sir Aldrin, dahil sa mga nangyari kanina sa Pool.
"Hoy! Lutang ka na naman girl," Si Chubby na hinila pa talaga ako para makahabol sa kanila.
"G-Good evening po," bati ko nang makarating sa lamesa nila. Nakayuko ako at hindi ko magawang tumingin kay Sir Aldrin.
"Maupo ka na Miss Guttierez," aya ni Sir Tairon. Naupo naman ako sa harapan ni Sir Aldrin. Patuloy lang ito sa pagkain at di pinansin ang pagdating namin ng mga kaibigan ko.
"Girls, samahan niyo muna akong kumuha ng pagkain," narinig kong inaya ni Sir Tairon sina Chel. Napatingin ako sa upuan ni Sir Tairon at nakitang may pagkain na siya.
Hindi ko na nagawang mag protesta, nang mabilis silang tumayo. Naiwan kaming dalawa ni Sir Aldrin.
Nakayuko lang ako at nakikiramdam. Hindi niya ako pinapansin, kaya hindi ko rin alam kung anong sasabihin o gagawin ko.
"Salamat pala kanina ah."
Agad akong napatingin sa kanya nang magsalita siya.
"Naku! Sir pasensya na po talaga kanina, kumakain kasi ako ng chichirya nang maabutan ko kayo don, tsaka kakagising ko lang rin, nakalimutan kong mag toothbrush. Hindi ko naman alam na gan---," hindi ko na naipagpatuloy ang sinasabi ko nang bigla siyang tumawa.
"Hahahaha! Ayos lang iyon Miss Guttierez, nabigla lang din ako."
Napabuntong-hininga ako. Nakangiti siya sa'kin. Ang gwapo talaga niya kapag nakangiti.
'Hmp! Ang sarap mo talagang gawing hapunan.'
"So ano, nakapag explain ka na ba Miss Guttierez?" tatawa-tawang tanong ni Sir Tairon na bigla nalang sumulpot. May dala itong isang tray na puno ng pagkain. Inilagay niya ito sa lamesa sa harapan ko. "Dinner mo."
"Thankyou po sir," nakangiting tugon ko sa kanya. Ngumiti naman ito pabalik sa akin.
"Ilang taon na po kayo Sir?" Tanong ni Curly kay Sir Tairon.
"I'm 23, magkaedad lang kami nitong si Aldrin. Classmates kami since high school."
Nagsimula na akong kumain. Pala-kwento si Sir Tairon kaya hindi matahimik ang lamesa namin.
"Sir, may isa pa po akong tanong," si Curly ulit. May napansin akong kakaiba kay Chel. Hindi ito makatingin kay Sir Tairon, at tahimik lang.
"Ano iyon?"
"Bakit po sobrang maldita ng kapatid niyong si Sidney? Sorry po ah, pero kasi totoo naman."
Natawa sandali si Sir Tairon. "It's okay, maldita naman talaga ang isang iyon. Naging magkaibigan naman kayo noong high school kayo hindi ba?" Pagtatanong nito pabalik kay Curly.
"Kinaibigan namin siya noon kasi, akala namin, mabait. Pero hindi naman pala." Chubby.
"Pagpasensyahan niyo nalang, galit iyon sa mundo." Nagkatinginan kami nina Chel.
"She was seven years old that time and our youngest sister was 5 years old. Pareho silang dinala ni mommy sa isang resort namin sa Siargao. Iniwan ni mommy sa pangangalaga ni Sidney ang kapatid naming si Tanya para makapagbanyo si mommy sandali."
Natigil kaming lahat sa pag kain at nakinig na lamang sa kwento ni Sir Tairon.
"Nang makabalik si mommy ay naabutan niyang panay na ang iyak ni Sidney, naiwala niya ang kapatid namin."
Nanindig ang mga balahibo ko. Napabuntong-hininga naman si Sir Tairon. "Tinanong siya ng tinanong ni mommy kung anong nangyari, at nasaan si Tanya. Pero ang lagi lang nitong itinuturo ay ang dagat."
Nagtiim-bagang si Sir Tairon. "Nagpa conduct ng search and rescue operation sina mommy noon, at makalipas ang isang buwan ay may nakita silang bangkay ng bata. Kinilala ito ni mommy na si Tanya. Mula noon, laging sinisisi ni mommy si Sidney sa pagkamatay ng kapatid namin."
Napangiti ito at tumingin kina Curly, "kaya sana intindihin niyo siya."
"Bro," si Sir Aldrin na ti-nap pa ang likod ni Sir Tairon. "Nakikinig sa'yo ang kapatid mo."
Nanlalaki ang mga matang napatingin kami kay Sir Aldrin.
'What the F?'
Ininguso naman nito ang katabing table namin. Napatingin kaming lahat doon at...
Nanlilisik na mga mata ang sumalubong sa mga paningin namin.
Napalunok ako. Wala naman siguro akong kinalaman dito pero kinakabahan ako ng sobra.
"Kuya, hindi ko kailangan ng awa nila para maintindihan nila ako okay? Ganito na ako, noon pa man. You don't have to tell them the whole story. And by the way, it's my story to tell, not yours," and with that, lumabas siya at naiwan kaming lahat na nakanganga.
Tama naman kasi si Sidney, walang karapatan ang kuya niya na mag kwento sa kahit na sino, kahit na kay Chel, Chubby at Curly na naging kaibigan nito.