Sa huli ay hindi ko nalang pinansin ang inurong niyang pagkain, dahil natanaw ko rin naman si Mj na papalapit saamin
"Bakit ang tagal mo?" Takang tanong ko  ng mailapag niya ang pagkain naming
"May nakita kasi akong papa kaya sympre sinundan ko" kinikilig na ani nito kaya napailing nalang ako, napatingin naman siya sa katabi niya
"Oh my God, is that you papa Isaiah?" Gulat na ani nito at may pa hawak pa ng bibig niya, kaya natawa naman itong kaharap ko
Nagsimula nakong kumain habang tahimik lang, sila naman ay nag uusap. Hindi na'ko nakisali sa kanila
"Isaiah nasan pala si Miguel?" Tanong ni Jillian sa katapat ko, napatigil naman Ito sa pagkain
"Ah si insan ba? Hindi ko siya nakita, kaninang break time magkasama kami hindi ko na siya nakita matapos mag break time" saad nito kaya napatango naman si Jillian
Magpinsan sila? ay grabe
Nang matapos akong kumain ay tahimik lang ako habang nakikinig sa mga kinukwento ni Mj, grabe ang ingay rin ni bakla pero worth it kasi nakakatuwa siya
"Kainis naman bakit hindi na siya nag reply." Maktol ni Jillian habang nakatingin sa cellphone niya baka ka text si Miguel
"Teng anong minamaktol mo riyan? Hindi bagay sa'yo" Tanong nito kaya natawa naman ako dahil sa sinabi nito
"Eh kasi naman si Miguel hindi pa nag rereply. Isaiah kapag nakita ko talaga iyang pinsan mo, sasapakin ko iyan." Naiinis na ani nito kaya natawa naman si Isaiah sa kaniya
"Sige, support ako riyan. Ako na hahawak para masapak mo agad" gantong nito sabay tawag
Tumayo na'ko kaya napatingin tuloy sakin ang mga kasama ko, maglilibot muna ako sa campus may oras pa naman ako.
"Saan ka punta?" Takang tanong sa'kin ni Jillian
"Diyan sa tabi tabi, may oras pa naman eh" sabi ko sa kaniya, tumango nalang siya
"Ay kalurkey bet ni ateng Cia gumala, maghahanap ka ng papa no? Share naman diyan kapag meron" sabi ni mj kaya natawa naman ako sa huling sinabi nito
"Sira, maglilibot lang ako" nakangiting saad ko kaya napanguso naman siya
"Sama ako" napatingin naman ako kay Isaiah ng sabihin niya iyon
Anak ng
"Huwag na" simpleng sabi ko pero umiling lang siya at tumayo rin
"Sasama ako" saad nito kaya wala na akong nagawa kundi isama niya, istorbo rin ito sa paglilibot ko eh
Nang makalabas kami sa canteen ay nagsimula ako sa garden malapit sa stem building, magaganda pala kapag malapitan ang mga bulaklak
"Ang ganda" nakangiting puri ko habang tumatango
Nakasunod pa rin sa'kin si Isaiah pero hindi ko nalang iyon pinansin
"Yeah, maganda talaga. Sobra" saad nito, nakatalikod ako sa kaniya kaya hindi ko alam kung ano reaksyon niya
"Paboritong paborito ko talaga itong Rose kasi pakiramdam ko kapag malapit itong rosas sa'kin sobrang saya ko" nakangiting saad ko sabay harap sa kaniya, nakatingin ito sa'kin habang nakangiti
Hindi ko na namalayan na nakatingin na pala ako sa kaniya ng matagal, ang mga ngiti niya nakakadagdag ka gwapuha sa kaniya
"Hoy anyare sa'yo?" Natatawang tapik nito sa'kin kaya napabalik ako sa ulirat, anak ng bakit ko kasi siya tinititigan
"Ah wala, napansin ko mas panget ka pala sa malapitan" saad ko sa kaniya na ikinasalubong ng kilay niya
"Etong mukhang ko ito, panget?" Sabi nito sabay turo sa mukha niya
"Oo sobrang panget kaya lumayo ka sa'kin" tugon ko sa kaniya at mahina siyang tinulak, mas lalong nagsalubong ang kilay niya dahil sa sinabi ko
"Ang pogi pogi ko kaya tapos sasabihin mo lang panget" naiinis na sabi nito kaya natawa naman ako dahil sa sinabi nito
"Kapal ng mukha oh" natatawang saad ko kaya napanguso siya
"Bawiin mo sinabi mo" maktol nito kaya mas lalo akong natawa sa kaniya
"Ayoko bahala ka riyan" saad ko, napatingin naman ako sa relo ko, malapit ng mag time, muli akong tumingin sa kaniya na nakanguso pa rin siya
"Malapit na mag time, pupunta na'ko sa room ko" sambit ko sa kaniya
"Hatid na kita sa room mo" yaya nito sa'kin na siyang ikakunot noo ko
Tapat lang naman building namin, ihahatid pa niya ako? abnormal din eh
"Anong ihahatid ka riyan? Ayan lang building namin oh" naiiritang saad ko sa kaniya sabay turo sa building namin "tsaka ayan na building mo oh, lalayo kapa" dagdag ko pa sabay tingin sa likod na kung saan nandiyan ang building niya
Nakapamot naman siya sa batok niya at ngumiti sa'kin
"Edi ihahatid nalang kita kapag nag uwian" sabi nito na siyang ikinasalubong ng kilay ko
Anak ng? Seryoso ba siya? Layo layo ng bahay niya tapos ihahatid pa'ko
"Huwag na, sayang pamasahe teh" tanggi ko sa kaniya
"Aishh edi libre mo nalang ako ng fishball sa labasan mamaya" nakangiting saad nito
"Ayoko" simpleng sabi ko
Iniwan ko na siya ron at nagsimula ng maglakad papunta sa building ko pero sumunod pa rin siya sa'kin at kinukulit ako
"Dali na kasi, bahala ka hindi kita titigilan" pilit pa nito sa'kin pero hindi ko siya pinansin hanggang sa makarating ako sa building ko, nang makalapit ako sa room ko ay diretso diretsong pumasok ako
Wala pa naman ang lecture namin kaya makakapagbasa ako, mabuti nalang nagdala ako ng libro rito kung ma boboring lang ako
Siguro naman hindi na sumunod sa'kin si Isaiah, siraulong lalaki iyon.
Nagbas nalang ako ng mga na lesson namin para naman may irecite naman ako
"Psst, Ciara ayaw umalis ni Isaiah sa labas" saad ng kaklase ko, kaya napasimangot naman ako
Anak ng akala ko nakaalis na siya
"Huwag mo pansinin iyan, aalis din iyan" naiinis na saad ko sa kaniya, nagkibit balikat nalang ito sabay alis
Ilang minuto nakong nagbabasa rito ng lumapit muli sa'kin ang isa sa mga kaklase ko
"Uyyy hindi pa rin umaalis si Isaiah sa labas, type ka ata nun eh" natatawang saad nito, napasimangot muli ako dahil sa sinabi nito
Ako type nun? Abnormal
Dahil sa inis ko ay tumayo na'ko at lumabas para harapin siya. Naabutan ko siyang nakasandal sa pader habang nakayuko, ang dalawang niyang kamay ay nasa pantalon niya
Hindi niya ata ako napansin kaya lumapit ako ng onti sa kaniya, nang mapansin niya ako ay agad nagliwanag ang mukha niya
"Aisshhh oo na" naiinis na sabi ko sa kaniya na ikinaamang niya
"Ngayon bumalik kana sa building mo at baka andun na ang lecture mo" dagdag ko muli sabay mahina siyang tinulak
"Promise iyan? Mamaya libre mo'ko?" Natutuwang saad nito kaya tumango nalang ako
Ngiting ngiti itong umalis habang ako naman ay inis na inis sa kaniya
Nang makapasok ako ay sumalubong sa'kin ang mga nanunuksong tingin nila pero hindi ko iyon pinansin
Bumalik muli ako sa pagbabasa hanggang sa hindi dumating ang lecture namin, nang sumunod na klase ay wala klase kaya, lumabas na'ko at dun nag tungo sa bench malapit sa gate
Nang makaupo ako ay nagbasa lang ako, wala pa namang mga estudyante dahil ang iba ay mga klase pa
Ilang oras din akong nagbasa hanggang sa dumami na rin ang estudyanteng naglalabasan, tumabi ko naman ang libro ko at tahimik na luminga linga sa palagi
"Ikaw ah, hinintay mo talaga ako" napatingin naman ako sa gilid ko ng may magsalita ron, kaya biglang nainis naman ako kung sino naman itong nasa gilid ko
"Ano na naman?" Naiinis na sagot ko sa kaniya kaya agad naman nalukot ang mukha niya
"Nakalimutan mo na? Kaloka ito" natatawang saad niya, napakunot noo naman ako dahil sa sinabi nito
"Anong nakalimutan ah?" Nagtatakang tanong ko
"Diba ililibre mo pa'ko ng fishball sa labasan?" Nakangiting saad niya, bigla ko naman naalala ang pangungulit niya sa'kin kanina kaya tinignan ko naman siya at tumayo
"Aissh tara na nga" yaya ko rito, agara naman siyang tumayo habang nakangiti, hindi ba siya nangangalay kakangiti, parang tanga amputa
Nang makalabas kami sa school ay agad ako nitong hinila papunta sa nagtitinda ng fishball
"Kuya pabili ng fishball" saad nito, sabay kuha ng cup at stick
Nang makakuha siya ay binigay niya sa'kin ang isang cup na may laman ng fishball, kinuha ko naman Ito at sinimulan ng kainin
Agad kong kinuha ang wallet ko sa bag para mabayaran ko iyong binili namin, konsensiya ko nalang kapag siya pa ang nagbayad
Nang makuha ko ang wallet ko ay agad kong binigay ang bayad kay manong
"Oh ayan na ah? Nalibre na kita ah" saad ko sa kaniya pero ngumiti lang ito
"Sa susunod ulit ah?" Saad nito kaya napasimangot naman ako
"Anong sa susunod ulit? Ayoko nga" naiinis na saad ko sa kaniya natawa naman Ito
"Sympre ako naman manlilibre no teka don tayo bili tayo juice" sabi nito sabay hila kaya nagpahila nalang ako
Nang makalapit kami dun sa may bilhan ng juice ay agad itong dumukot ng pera sa bulsa niya
"Dalawa pong juice kuya" saad nito sabay abot ng bayad, agad naman itong nagsalin at binigay samin isa isa.
"Tara dun tayo umupo" yaya nito sabay turo sa isang bench, naglakad naman Ito, sumunod nalang ako at umupo
"Sabay tayo umuwi ah?" Saad nito na siyang ikinatingin ko sa kaniya, tinignan ko at kinunutan
"Anong sabay? Ang layo layo ng bahay niyo saamin tapos sasabay ka? Naiinis na saad ko sa kaniya sabay batok kaya napahawak siya sa ulo ko
"Aray ano ba, ang sadista mo naman." Natatawang usal nito sabay himas ng I'll niya pero sinamaan ko lang siya ng tingin
"Tssee" naiinis na sabi ko kaya natawa naman ito
"Sige na basta hatid kita ah?" Pangungulit nito pero sinamaan ko lang siya ng tingin kaya napanguso siya
Inubos ko nalang ang kinakain ko at ininom ang juice na binili nito
Nang maubos ko ang kinain ko ay napatingin katabi ko, nakatingin ‘to sa'kin habang nakangiti kaya tinaasan ko siya ng kilay
"Huwag mo'kong titigan, baka matunaw ako" sabi ko sa kaniya kaya natawa naman ito
"Ang ganda mo pala kapag sa malapitan" nakangiting saad nito na siyang ikinatigil ko, biglang bumilis ang tibok ng puso ko dahil sa sinabi ko pero sinawalang bahala ko na lang iyon at tinarayan siya
"Matagal ko ng alam iyan" taray na saad ko kaya natawa naman
"Grabe confident ah" natatawang saad nito na siyang ikinanguso ko
Walang hiyang lalaki ito
"Ewan ko sa'yo" natatawang saad ko kaya natawa na rin ito
"Friends na tayo ah?" Nakangiting saad muli nito kaya napatingin ako sa kaniya, bumuntong hininga naman ako.
Kahit naman ayaw kong maging kaibigan siya eh, ganun pa rin ang mangyayari tss. Kukulitin pa rin ako niyan
"Oo na" inis na saad ko
"Parang napipilitan ka lang eh" saad nito na siyang ikinataas ng kilay ko
"Ayaw mo? Edi huwag letse" naiinis na saad ko kaya natawa naman ito
"Joke lang eto naman oh" sabi nito sabay tawa, inirapan ko naman siya.
"Nakakatuwa?" Inis na tanong ko sa kaniya pero ngumisi lang ito
"Hindi eh, mas nakakatuwa kung sabay tayo umuwi" nakangiting saad nito
Anak ng paulit ulit tayo diyan eh.
"Ayoko nga, malayo ang bahay niyo saamin." Saad ko sa kaniya
"Ayos lang iyon basta sabay tayo" saad nito, grabe kakulitan nito. Tumango nalang ako sa kaniya at tumayo na
"Tara na nga, mag aabang pa tayo ron ng jeep oh" sabi ko sa kaniya sabay turo sa sakayan ng jeep
Tumayo na rin ‘to at tinapon niya muna sa basurahan ang pinagkainan namin
"Tara" yaya nito sa'kin sabay lakad na, sumunod nalang ako sa kaniya, mabuti nalang ng makapunta kami sa paradahan ay may jeep na paparating
Napatingin naman ako sa orasan ko malapit ng mag ala sais. Isang oras ang byahe saamin habang sa kaniya naman ay dalawa
Agad kaming sumakay sa jeep, kaunti palang ang pasahero kaya maghahakot pa ito ng pasahero, tumagilid muna ako para makita ko ang sa labas.
Naramdaman ko naman na may nilagay si Isaiah sa tenga ko, tinignan ko iyon, earphones niya. Tinignan ko naman siya nakangiti habang nakatingin sa'kin at ikinakabit sa tenga ko ang earphones niya
Nang hindi niya ito maikabit ako nalang ang gumawa baka mahirapan siya, nang maipasok ko sa tenga ko ay narinig ko agad ang musika na paborito ko.
Ang I like me better ng Lauv, napatingin naman ako sa katabi ko na tahimik lang nag cellphone, mabuti pa ito may cellphone, ako wala kasalanan niya kasi eh
Tahimik nalang akong nakinig ng music hanggang sa namalayan ko nalang napasandig na'ko sa balikat niya at natulog na.