Day off ko ngayon at na-gising ako sa isang tawag galing kay Lucy. Sinabi niya sa akin na may nadiskubre pa daw siyang pwedeng mag-bigay nang lead sa killer.
Nang dumating sa aking condo ang papel na nagla-laman ng blood type nang magka-ibang tao ay doon ko na kinuha ang aking cellphone para tawagan si Luna.
Mas mabuting malaman niya ito dahil kailangan niya rin nang ideya. Ayokong pakawalan ang kaso na ito at pursigido akong masara ang kaso.
Nang makarating na dito so Luna ay sinabi ko sa kanya ang aking nalalaman at sinabi ko rin sa kanya na kailangan namin pumunta sa bahay ni Misis Elena Malinao. Andito na kami sa kanilang bahay at naka-harap na namin ang isang may edad na babae.
“Andito kami para i-hatid sa inyo ang isang magandang balita. Nagkaroon na kami nang panibagong lead sa pagkamatay nang iyong asawa na si Mister Robert Malinao,” pagsasaad sa kanya ni Luna.
“Maraming salamat po,” sagot niya sa amin. Napahawak siya sa aking kamay at medyo basag pa ang kanyang boses.
Hinawakan ko rin ang kanyang palad para pakalmahin siya dahil nakikita ko na nangingilid na sa kanyang mga mata ang luha at handa na itong pumatak sa ano mang segundo.
“Nakakuha kami nang ibang blood type sa krimen at hinihinala namin na galing ang dugong ito sa kumitil nang buhay nang inyong asawa,” sabi ni Luna.
“A… ano pong blood type nang ki… killer?” paputol-putol niyang tanong sa amin. Kinakabahan ako dahil bakit ganun siya mag salita na parang kinakabahan din siya.
“Maaari ko bang malaman ang blood type ninyo Misis Malinao?” napaka-galing ni Luna na baliktarin ang tanong. Nakikita ko sa kanyang mga mata na sinusubukan niya pa rin hulihin si Misis Malinao.
Pero wala naman dapat ika-bahala ang babae kung hindi naman talaga siya ang killer. Naramdaman ko na nanlamig ang kamay ni Misis Malinao at napaiyak siya sa aming harapan.
“Sandali. May kukunin lang ako sa aking kwarto,” sabi niya sa amin.
Binitiwan niya ang aking kamay at tumayo paalis sa amin. “Posible ba?” tanong ko kay Luna.
“Ayokong mag tiwala sa kanyang mga luha dahil hindi niya ako madadala doon. Kung siya ba talaga ng killer o hindi,” sagot sa akin ni Luna. Bumalik sa amin si Misis Malinao at binigay sa amin ang record niya sa red cross. Nakita ko na ang blood type niya ay B positive.
“Sana malinis nitong mga papel ko ang hinala ninyo sa akin dahil hindi ko kayang gawin na paslangin ang aking mahal asawa,” sagot sa amin ni Misis Malinao.
Nakahinga ako nang maluwag. Napatayo naman si Luna at binigyan nang mainit na yakap si Misis Malinao. Ito ang unang araw at babae na nakita kong concern sa pamilya nang naging biktima.
Hindi lang pala trabaho ang pinapairal niya sa kanyang puso. Kundi ang pagiging maawain at busilak na kalooban. “Gagawin namin ang aming makakaya para mabigyan kayo nang hustisya,” sagot ni Luna kay Misis Malinao.
“Handa akong makipag-tulungan sa inyo officers para sa aking pinakama-mahal na asawa,” sagot niya sa amin. Nag-lakad kami pabalik sa kotse at doon ko pala naalala na hindi pala sinabi ni Luna ang blood type nang posibleng killer sa babae.
Narinig ko siyang nagkibit-balikat at napa-sandig sa upuan. Nakita ko rin na lumuluha pa rin ang kanyang mga mata. Siya ang pinaka-unang babae na nakita kong umiiyak pagkatapos nang interview. Bakit kaya?
Inangat ko ang aking kamay at pinunasan ang kanyang luha. “Huwag ka nang umiyak. Gagawin naman natin lahat para maibigay sa kanila ang hustisya,” pagtahan ko sa kanya.
“Wala kase akong magawa. Kulang nalang ay ibalandra ko ang aking sarili sa crime scene para hanapin ang kahit pinaka-maliit na ebidensya para ituro kung sino ang killer,” sagot niya sa akin.
“Alam ko Luna. Alam ko na ginagawa mo ang iyong makakaya,” sagot ko sa kanya. Tumigil na siya sa kanyang pag-iyak.
“Kailangan natin pumunta sa bahay ni Lea Yuki para tanungin kung ano ang kanyang blood type pati narin sa bahay ni Mister Perez. Kailangan natin alamin ang blood type nang kanyang asawa na si Lily Perez,” sabi sa akin ni Luna.
Pinunsan ni Luna nag kanyang mga luha at pinaandar ko na ang sasakyan papunta sa kanilang bahay-bahay. Nakarating nga kami doon pero wala kaming nakuha sa kanila dahil parehong O positive si Lily Perez at Lea Yuki.
Wala na kaming dapat lakarin pa kaya bumalik kaming dalawa ni Luna sa headquarters. Wala din naman akong gagawin sa loob nang aking condo kaya mas pinili ko nalang na manatili sa aming opisina kahit day off ko ngayon.
Pagbalik ko doon ay nakita ko si Celyn at Richard na nag-uusap. Nang makita nila kaming dalawa ni Luna ay sumaludo sila sa amin dalawa at saka umupo. Umupo na rin ako sa aking silya at si Luna naman ay nasa harap nang kanyang computer.
“Richard? Nakakuha ka ba nang impormasyon?” narinig kong tanong ni Luna kay Richard.
“Yes ma’am kinuha na siya nang taga Philippine Drug Enforecement Agency dahil kasong druga,” sagot sa kanya ni Richard.
“Wala bang nakitang kahit anong sa kanya na pwedeng mag-turo na siya ang pumaslang kay Mister Robert Malinao?” tanong ulit ni Luna.
“Wala ma’am. Ang pag gamit niya lang nag droga ang kinasasangkutan niyang kaso,” sagot ni Richard sa kanya.
“Sino ang taong pinag-uusapan ninyo?” pasingit kong tanong kay Richard. Kinuha ni Celyn ang kanyang laptop at pinakita sa akin ang isang lalakeng naglalakad sa lugar nang abandonadong gusali kung saan nangyare ang pagpatay kay Mister Malinao. Sinabi sa akin ni Richard na hindi siya ang killer.
“Blood type niya?” tanong ko kay Richard. Dapat nga ay mas maging pamanuri kami sa taong ito dahil paali-aligid siya malapit sa crime scene.
“B positive po,” sagot sa akin ni Richard. Iyon nga lang. Unang lead namin sa krimen ay blood type pero hindi na agad tugma sa nahuli nilang drug addict.
Hindi nga siya ang killer. Pero maaaring isa siya na naka-sabwat nang killer. Ito ang tumatakbo sa aking pag-iisip.
Napahawak ako sa aking noo at hinilot ang aking ulo. “Ma’am Enriquez? May bago pa lang pinadala si Colonel Santos na tauhan para makatulong sa atin. Isa po siyang lawyer at graduate po nang psychology. Pupunta po siya ngayong,” sabi ni Richard kay Luna.