ROSE'S POV
"LOKO ka talaga, Berns! Ang akala koba'y nagkausap na si Reyna Venus at si Punong Diwata? Eh ngayon lang nakarating ang Reyna ah." Sabi ko na tiningnan ang pagtaas ng tubig.
"Aba malay koba, ano? Pero umilaw ang kuwintas na suot ko eh. Tiyak na may maharlikang Sirenang nakausap si Punong Diwata."
"Baka si Prinsesa Jhazz."
"Baka nga. Teka, kailangan konang umalis. Baka hanapin na ako sa amin. Babalitaan ko kayo kung ano ang susunod na mangyayari."
"Oo!" Sabay na sabi naming magkapatid saka lumangoy pailalim ng Dagat.
Nakasalubong namin si Azner na tila ba'y nagmamadali.
"Azner!" Tawag ko sa kanya. Lumingon naman siya at lumangoy patungo sa amin.
"Anong ginagawa niyo dito?"
"Nagpapainit sa itaas. Bakit?"
"Magkakaroon ng Ritwal para sa gagawing lunas para kay Freddie."
"Kung gayun ay bababa na kami." Si Krixell. "Teka, saan kapa pupunta?"
"Kakausapin ko si Yahub. Hihingi ako ng tulong sa kanya para mahanap ang Tungkod ko."
"Nawawala ang tungkod mo? At alam mong buhay si Yahub?"
"Isa pa, bakit gagawa ng Ritwal sa Lunas? Bakit di gamitin ang Perlas?" Tanong ko.
"Alam niyong magkapatid kayo'y ang dami niyong tanong. Hahanapin ko ang Tungkod ko para malaman ko kung nasaan ang nawawalang Perlas."
"Nawawala ang Perlas?!"
"Oo. Maiwan kona muna kayo." Anito bago sumisid paitaas.
Nagkatinginan kaming magkapatid saka nagsimulang lumangoy paitaas ulit. Patungo sa aming ina.
LUCY'S POV
DAHIL sa bigat ni Freddie. Nahirapan pa ako na dalhin siya sa isang Kuweba. Nagdedeliryo ang binata at ganun nalang ang takot ko.
Wala akong alam sa mga lagnat lagnat dahil wala naman akong pamilyang inaalagaan sa mundo namin.
Lumabas muna ako sa Kuweba pagkatapos ayusin ang pagkakahiga ni Freddie.
Umupo ako sa isang Puno saka nag-isip kung ano ang dapat gawin. Pero dala nadin ng gutom, wala ni isa mang pumapasok sa utak ko.
Pabalik na sana ako sa Kuweba ng makakita ng isang Babaeng tumatakbo.
"Sandali!"
Lumingon naman siya sa akin at lumapit. May Diamond na Form sa noo nito.
"Bakit?"
"Kailangan ko ng tulong. Isang lalaki ang may sakit andiyan sa loob. Hindi ako marunong mag-alaga."
"Samahan mo ako sa kanya." Agad naman akong tumalima. Sumunod ito sa akin.
"Si Freddie?" Bulalas nito ng makita ang nakahiga.
"Kilala mo siya?"
"Oo naman, isa siya sa mga Kawal sa Palasyo. Ako nga pala si Jenelyn. Nakarating ako dito kasi hinahanap ko ang kapatid ko. May napansin kabang dumaan dito?"
"Kapatid? Wala naman."
"Pinatakas kasi kami ni Amang Lobo. Nagkahiwalay kami ng daan ng kapatid kung si Jema."
"Pasensya kana, Jenelyn. Pero wala talaga akong napansin."
"Okay lang iyon. Kaya naman ni Jema ang Sarili niya. Halika, magpunta tayo sa Palasyo. Isa akong manggagamot, Ermitanyo si Amang Lobo kaya natuto ako sa uri ng mga Gamot. Pero ang karamdaman ni Freddie ay kakaiba. Mahina ang Pulso niya na halos di kona maramdaman."
"Paano tayo makakarating doon ng madali?"
"Gamit ang isang Mahiwagang Walis."
"Walis? Ibig mong sabihin ay isa kang mangkukulam?"
"Tama ka, lima kaming inampon ni Amang Lobo. Isang Galing sa Duwende, isa sa mangkukulam, isa sa Diwata at dalawa sa mga Lambana."
"Gusto kong makilala ang mga kapatid mo sa Amang Lobo na iyan, Jenelyn, pero mas mahalagang mailigtas si Freddie."
"Teka." Tumayo siya saka pumalakpak ng Limang beses. Dalawang Walis tingting ang nabuo sa Harap namin. "Sakay na!"
JEMA'S POV
"NAPARITO ka, Jema?"
"Mahalaga ang sadya ko sa inyo, mahal na Reyna Elana." Sabi ko na nakayuko dito.
"Tumayo ka at pag-usapan natin." Sumunod naman ako.
"Hindi na ako magpapaligoy ligoy pa, Mahal na Reyna. Sinabi sa akin ng Palakang Kasa-kasama ni Punong Diwata ang tungkol kay Prinsesa Eloisha. At narito na ang Prinsesa sa mundo natin." Napatayo ang Reyna saka gulat na lumapit sa akin.
"Anong sinasabi mo, Jema?"
"Lumaki si Prinsesa Eloisha sa Mundo ng mga Mortal. Di sinasadyang makapasok sila dito sa mundo natin, sa katauhan ni Lucy."
"Gusto ko siyang makita, nasaan siya? Pupuntahan ko siya-"
"Hindi mona kailangang umalis, Elana." Napalingon ako at nakita ang Inay Gimara ko.
"Ina." Ngumiti lang siya sa akin.
"Hindi kana dapat pang umalis. Dahil nararamdaman kong naririto na sila ilang sandali. Kasama niya si Jenelyn."
"Ikaw ang mas may alam patungkol dito, Gimara. Siya ba ang anak ko?"
"Oo. Binantayan siya ni Ruzzibel sa mundo ng mga Mortal-"
"Matagal mona ba itong alam?"
"Oo, Elana. Simula ng mangyari ang gulo noon."
"Bakit di mo sinabi sa akin?!"
"Dahil iyon ang mas makakabuti. Kapag noon kopa sinabi saiyo, baka mapahamak lang siya."
"Mapahamak?"
"Oo, dahil may mga masasamang Diwata ring nandoon sa mundo ng mga Mortal."
Napailing nalang ang Reyna Elana. Bakas sa mukha ang tuwa, galit at pangamba.
PETER'S POV
PATULOY lang ako sa paglipad. Nabigyan na nga ako ni Siklab ng Pakpak. Balak pa niya akong samahan. Pero umayaw na ako. Gusto kong iligtas si Yahub sa sarili kong mga kamay.
Nakapasok ako sa Palasyo ni Hogre. Walang ingay akong sumilip sa Malaking tarangkahan. Isang Duwende ang nakaagaw ng Pansin ko. Sigurado akong ito si Yahub. Mahina itong naglalakad pero palingon lingon na para bang may pinagtataguan.
Agad akong lumapit dito. "Yahub, nakatakas ka." Tuwang ani ko. Binigyan lang niya ako ng masamang tingin.
"Sino ka?"
"Ha? Ako tu si Peter. Umalis na tayo dito."
"Hindi ako si Yahub. Dylan ang pangalan ko, at teka, di kita kilala!"
"Ha? Paano mo nasasabi yan? Halos magkasama lang tayo kanina." Dahil sa pagtanggi nito. Di kona naisip ang pangalang binanggit niya.
"Di nga ako si Yahub! Isa akong tao sa katawan ng isang Duwende kaya pabayaan mo akong makaalis." Aniya sabay alis.
Tatawagin ko pa sana siya pero nagsidatingan na ang mga Tulisang Uwak. Wala na akong nagawa kundi kalabanin ang mga ito. Inihanda ko ang Espada.
Agad sumugod ang isa. Ginaya ko ang mga napapanuod sa Hollywood Movies pero di iyon gumagana. Wala akong lamang dahil nagiging Uwak ang mga ito kapag natamaan.
Isang Uwak ang diko namalayan mula sa Likuran. Itinarak nito ang dalang Espada sa Likod ko. Napaigik ako sa Sakit bago napaluhod.
Unti-unting nanlabo ang paningin ko.
Sa Kalayuan ay nakita siya ng magkapatid na Diwatang Apoy. Tinulungan nito ang Walang malay na binata saka ginawang bato ang mga Uwak. Ang mga Diwatang iyon ay sina Ophra at Keziah.
LUCY'S POV
AGAD kaming sinalubong ng mga Kawal ni Jenelyn. Nalulula pa ako sa Ganda ng Palasyo.
Si Jenelyn naman ay gumamit ng mahika para palutangin ang katawan ni Freddie. Isang Diwata ang sumalubong sa amin kasama ang Reyna. Ginaya ko lang ang ginawang pagyuko ni Jenelyn.
"Eloisha, anak." Ang Reyna na biglang yumakap sa akin. Kaya sa gulat ay napaatras ako.
"Ikaw si Prinsesa Eloisha?" Si Jenelyn na agad yumuko. Nagtatakang nilipat lipat ko ang tingin sa kanilang lahat.
"Anong sinasabi niyo?"
"Freddie!" Agad naglapitan ang mga Lambana sa lumulutang na Binata. Nag-aalang lumapit sina Homa dito. Ibinaba naman ito ni Jenelyn.
"Maupo ka muna, Eloisha. At saka na namin ipapaliwanag." Isang babaeng may kasamang isang babae din.
Ngumiti ang dalawang babaeng iyon kay Jenelyn. Sa tingin ko'y iyon ang hinahanap ni Jenelyn na nagngangalang Jema.
Nang makaupo'y halos pangapusan ako ng hininga. Para bang lumulutang ang upuang kinauupuan ko, tunay ngang mahiwaga ang mundong iyon.
"Ipatawag niyo si Prinsipe Ephraim! Baka nakabalik na siya."
"Hindi na kailangan, mahal na Reyna Elana. Paparating na si Ophra at Keziah. Dala nila si Prinsipe Ephraim." Ang babaeng nagsalita kanina. Tumango lang ang Reyna.
Ilang sandali pa'y isang Kulay Pulang usok ang nabuo sa harapan naming lahat. Tatlong Tao ang sa tingin ko'y dumating. Isang lalaking sugatan na tila walang malay, kasama ang dalawang babaeng magaganda. Ito na siguro sina Ophra't Keziah, sa tingin ko.
Agad tumayo ang Reyna Elana at lumapit sa tatlo. "Anong nangyari sa kanya, Keziah?"
"Nakalaban niya ang mga Tulisang uwak, mahal na Reyna. Sumugod ata siya sa Palasyo ni Hogre."
"Anong ginagawa niya doon?" Ang Reyna na ginamitan ng mahika ang mga sugat. Gulat na napatingin ako sa kanilang lahat. Magic nga talaga. Nawala ang mga sugat nito sa likod!
"Di ho namin alam, mahal na Reyna. Napadaan lang kami ng makita namin siya. Mabuti nalang at di gaanong malala ang Sugat niya."
"Dalhin niyo siya sa Silid niya." Anito. Agad namang sumund ang mga ito. At bigla nalang nawala sa harapan ko.
"Ngayon, Eloisha o Lucy. Ipapaliwanag namin saiyo ang lahat." Anito sa akin. Napatango nalang ako habang nakatingin kay Jenelyn na naglaho din dala si Freddie at si Jema.
EPHRAIM'S POV
NAKATITIG kami ni Ruzzibel sa mataas na gusali na kinatitirikan ng Mansyon nina Peter.
Isang katulong ang lumabas at nakilala si Ruzzibel.
"Manang Ruzz. Kayo ho pala, tatawagin ko lang ho sandali si Maam Josephine." Tumango lang si Ruzzibel.
Ilang sandali pa'y pinapasok na kami ng katulong sa loob. Pinaupo kami roon, may ginagawa padaw si Maam Josephine.
Dinala ako ni Ruzzibel sa isang sulok. Ipinakita nito sa akin ang isang Frame doon. Gulat akong napatingin sa Litrato. Para lang akong nakatingin sa mukha ng Lolo Riguado ko. Idagdag nalang dito ang Korona at damit pang-prinsipe.
"Totoo nga, Ruzzibel. Paanong nangyari ito? Paanong naging siya si  Lolo?"
"Kung gayun ay iyan lang ang ipinunta ninyo dito?" Pareho silang napalingon ni Ruzzibel.
"M-maam Josephine!"
"Paumanhin ho, may kailangan lang ako malaman." Ani ko.
"Okay lang, maupo kayo ulit."
"Pasensya na talaga, maam Josephine sa panggagalaw ng gamit niyo."
"Okay lang, Manang Ruzz. Ano bang gusto mong malaman, hijo?"
Hinawakan ko ang mga kamay niya. "Anak niyo poba talaga si Peter?"
Tila umilap ang mga mata nito saka tumayo. Nagpaikot-ikot ito sa sala.
"Diko alam kung dapat koba itong sabihin o ito ang tamang Oras. Pero sa tingin ko'y ito na nga."
"Anong ibig mong sabihin, maam Josephine?"
"Kung tama ako'y galing kayo sa kaibang mundo. Sa mundo kung saan din ako nagmula."
"Anong?"
"Isa ako sa mga Tagasilbi ng Dating Haring Riguado."
"Si Lolo!"
"Oo, Hijo. Ako si Jesuza. Inampon ako kasabay ng Pag-ampon sa Papa mo."
"Ano? Si Papa, ampon?"
"Oo. Magkapatid kami ng Papa mo. Matagal na naghintay sina Haring Riguado na magkaanak. Hanggang makapag-asawa nalang ang Papa mo'y di padin sila biniyayaan ng anak. Pero isang araw ay sabay na nagdalantao si Elana at ang dating Reyna. Si Peter at ikaw ang mga sanggol na iyon."
"Ah. Ano? Dikona maintindihan. Naguguluhan na ako."
"Di ka totoong Prinsipe, hijo. Ang Papa mo'y di totoong karapat dapat sa Truno noon. Para kay Peter sana, Kaso namatay ang Haring Riguado kasabay ng pagnakaw ko kay Peter para ilayo siya sa Sumpa. Wala nang ibang tagapagmana kundi ang Ama mo. Siya ang hinirang bilang Hari."
"M-malinaw na sa akin, pero anong sumpa?"
"Isang sumpa na kapag nakoronahan si Peter o ang karapat dapat sa truno'y mabubuhay ang mga Dragon. Inilayo ko siya para di maging totoo ang sumpa."
"Kung gayon ay di mabubuhay ang mga Dragon sakaling ako ang makoronahan?"
"Oo."
"Mali pala ang hinala ko. Nagpunta pa naman ako dito para iligtas ang kapatid ko bago magising ang mga Dragon. Dahil iyon ang sinabi ng aking inang Reyna. Na kapag nakoronahan ako'y mabubuhay ang mga Dragon, at malapit na ang koronasyon ko. Teka, alam ba ni Inang Reyna na di ako ang karapat dapat sa truno?"
"Siyempre, alam niyang ampon lang ang Ama mo at di totoong maharlika. Pero wala silang alam na buhay pa si Peter."
"Kung gayun ay kailangan kona talagang makahanap ng Paraan para makabalik sa mundo natin."
"Pero paano?" Si Ruzzibel na kanina pa nakikinig sa amin.
"Paniguradong marami pang Diwata ang nandito. Baka may Mahiwagang Pulseras sila. Hindi puwedeng makoronahan ako gayung di ako ang nararapat doon."
"Pero hindi din puwedeng si Peter."
"Kung siya ang itinadhana'y wala akong balak tumutol pa."
"Ayukong madamay sa gulo si Peter. Mahal ko siya kahit ampon ko lang naman siya."
"Naiintindihan kita, pero di natin puwedeng pigilin ang Karapat dapat na mangyari. Hayaan nating ang Bathala ang Humusga."
Parehong nagkatinginan sina Ruzzibel at Josephine sa sinabi ko. Tumayo ako at tumingin sa Bintana. Nakikita ko ang Repleksiyon ko pero diko nakikita ang sarili ko bilang susunod na Hari ng Freyaha.