KABANATA 2
Hindi mapakali si mommy habang ginagamot ako ng nurse sa mansyon.
"Mom calm down."
"Paano kung naputol ang kamay mo doon Ally, ha?"
"Mommy maliit na sugat lang ito," paliwanag ko sa kanya.
"Ano bang ginagawa mo do'n, bakit ka nasugatan?" tanong sa'kin ni dad.
"I was just trying to cut cassava dad."
"What? Don't ever do that again Ally ha I'm telling you."
Napailing na lang ako sa kanila. I understand kung bakit sila gano'n, they are just being overprotective sakin dahil solo na akong anak.
"Sino yong Leandro Nana?" tanong ko kay Nanay Sena habang nagtutupi sya ng mga damit ko sa kwarto.
"Anak ni Robert yon hija bakit nakita mo ba?"
"Opo. Nagtatrabaho din po ba sya sa taniman?" kuryosong tanong ko.
Lumingon sya sakin at natawa.
"Anak bata pa yon 17 palang hindi pa pwede magtrabaho."
Seventeen? pero sa tangkad niyang 'yon akala ko mag kasing edad lang kami.
Matapos magtupi nang mga damit si Nana ay sumama ako sa kanya palabas ng kwarto ko, dahil nauuhaw na ako. Pagkarating namin sa kusina ay pinagtimpla nya ako ng juice na agad ko namang ininom.
"Ally anak may nobyo kana ba?" tanong ni Nana.
Nasamid naman ako sa iniinom ko dahil sa tanong nya. I don't want to lie pero hindi ko pa kayang aminin.
"Wala po Nana," nakangiting sagot ko sa kanya. Tumango lang sya sakin pero parang hindi kumbinsido.
Sorry Lord, kung nagsinungaling ako 'di ko pa lang talaga kayang aminin. Jacob is a lesbian kaya papano ko aaminin sa pamilya ko? I remember sabi ng daddy dati, nagsasayang lang daw ng buhay ang mga lesbian at niloloko lang nila ang sarili nila, kaya papaano ako aamin na ang karelasyon ko lesbian.
Pinuntahan ako sa mansyon ng childhood bestfriend ko na si Ericka para manuod daw kami ng liga ng basketball sa barangay, sumama naman ako dahil wala rin naman akong gagawin at para na din malibang ako.
"Go go go number 10!" Sigaw ni Ericka habang nanunuod kami nang basketball.
She was cheering her older brother, Patrick at nang makascore ito ay lumingon pa ito sa banda namin at kumindat. Patrick is tall, gwapo pero hindi ko type masyadong maputi.
"Kuya ko yan!" Sigaw pa ni Ericka.
Natigil ang laro ng may magkabanggaan at natumba ang isang player sa kalaban nila Patrick, kaya naman nagpalit sila at si Leandro ang pumalit.
"Pwede ba ang bata?" tanong ko kay Ericka.
"Bata?" takang tanong nya sakin.
"Si Leandro."
"Ahh! Si Leandro, pwede na yan sixteen to twenty five years old naman ang mga kasali dyan," paliwanag nya sakin.
Nagpatuloy ang laro at kung kanina ay malaki ang lamang ng team ni Patrick, ngayon ay two points nalang ang lamang nila dahil sa sunod-sunod na three points ni Leandro.
Sobrang ingay ng mga babaeng teenagers dahil sa pinapakitang laro ni Leandro at bukod doon ay halatang sikat sya sa mga babae. Sa huli ay natalo ang team ni Patrick kaya naman dismayado si Ericka.
"Ano ba yan talo pa ng bata sina kuya!" reklamo nya.
"Sinuwerte lang yon," pagdadahilan ni Patrick nang makalapit sya sa amin.
"Sayang lang pagchecheer ko sayo kuya!"
Ginulo lang ni Patrick ang buhok ng kapatid nya bago bumaling sakin at ngumiti.
"Hi Ally!"
Ngumiti naman ako sa kanya, hindi kami ganoon ka-close kaya naman 'di ko alam kung paano makikitungo sa kanya.
"Tss! wag ka ngang papansin kay Ally kuya, ilibre mo na lang kami ng isaw dahil talo kayo."
Walang nagawa si Patrick kung hindi ang ilibre kami, dahil kinulit sya nang sobra ni Ericka.
"Ally damihan mo ang kuha minsan lang manlibre si kuya," sabi ni Ericka bago dinagdagan pa ng fishball at kikiam ang kinakain ko.
"Nakakahiya," reklamo ko sa kanya pero tinawanan nya lang ako.
Napansin kong kokonti na ang sauce ng kinakain ko kaya naman aabutin ko sana ang lagayan ng sauce, nang may nauna ng kamay doon, kaya nabitin sa ere ang kamay ko. Napatingin ako sa naunang kumuha at nakitang si Leandro iyon, napatingin din sya sakin at nagulat ako nang lagyan nya ng sauce ang pagkain ko.
"Salamat."
Tumango lang sya sa'kin bago nilagyan nya naman ang kanyang pagkain ng sauce.
Matapos naming magmeryenda ay umuwi na ang magkapatid, magkaiba kami ng daan pabalik kaya mag-isa nalang ako uuwi, malapit lang naman kaya hindi na ako pumayag nang gusto nila ako ihatid, isa pa ay gusto ko ring maglakad-lakad.
Madilim na at malamig ang simoy ng hangin pero marami pang naglalakad pauwi sa kanilang mga bahay, dahil mga nanuod lang din sila ng basketball.
Hinaplos ko ang magkabilang braso ko ng maramdaman ko ang lamig ng hangin na tila nanunuot sa laman ko. Napatigil ako sa paglalakad nang may maramdaman akong lumapat sa balikat ko. Nang lingunin ko ay si Leandro, pinatong niya sa balikat ko ang isang jacket.
"Leandro tara na!" Sigaw ng kateam nya at sabay kaming napalingon doon.
Nang mapansin ako nito ay ngumiti ito at kumaway.
"Hi ate Ally."
Ngumiti ako at kumaway pabalik. Nilingon ko si Leandro,
"Tinatawag kana."
Hindi nya ako pinansin at sumigaw lang sa kasamahan nya.
"Hindi ako sasama kita nalang tayo bukas," sigaw nito at nag-thumbs up lang ang kasamahan nya.
"Tara na," aya nya bago nauna nang maglakad.
Sumunod na ako sa kanya at medyo binilisan ko ang lakad ko, halos tumakbo na nga ako sa laki ng mga habang nya.
"Teka lang," pigil ko sa kanya at humawak pa ako sa braso nya.
"Bakit?" takang tanong niya sa'kin.
"Ang bilis mo naman maglakad," reklamo ko sa kanya.
Nagsimula na ulit syang maglakad pero sa pagkakataong ito ay sobrang bagal naman daig niya pang pagong. Naiinis ko s'yang hinampas sa braso.
"Ano ba! Nang-aasar ka naman e."
Ngumisi lang sya sa'kin bago nag lakad nang normal. Nang makarating kami sa tapat ng mansyon ay hinubad ko na ang jacket niya na suot ko.
"Oh," inabot ko ito sa kanya pero hindi nya ito tinanggap.
"Sayo nalang muna," wika niya bago nag lakad na palayo.