Alisis.
Nagyeyelo na ang buo niyang katawan at akmang susugod na ako nang bigla nalang silang naglaho. Kasabay no'n ang pagbagsak ng katawan ni Cylechter at ng Lolo niya. Agad akong pumunta sa direksiyon nila at hinawakan ang kani-kanilang kamay hanggang sa lumiwanag ang buo nilang katawan.
"She's healing your body, huwag kayong matakot." Dinig kong turan ni Sera at tumango-tango lang ako sa pagsang-ayon. Napansin kong nawawala na ang kanilang pagod kaya agad akong napatayo sa pagkakaluhod at pinagpag ang tuhod ko.
"Mag-iingat dapat kayo dito Lolo, ang kailangan nila ay ang inyong apo." Turan ni Athena.
"Ayon na nga, hindi namin alam kung bakit ganito kami katakot ngayon dahil sa biglaang pag-atake ng mga kalaban. Napakalakas nga nila, nagawa nilang makapasok sa aming lungsod na walang tinakdang kasama. May kapit sila sa kanilang Diyosa na kanilang nabanggit." Nag-aalalang sabi ni Lolo sa amin.
Kung sino man ang Diyosa na 'yon, sigurado akong hindi siya madaling talunin at hindi siya basta-bastang kalaban. Isa siyang Diyosa, kakaiba ang kakayahan na meron siya kaya kailangan naming mag-ingat. Malakas siya.
Agad kong naalala ang sinabi ni Auntie kung ano ang dapat kong gawin para mabalik sa dati ang kalagayan ni Cylechter. At sa pamamagitan nito, masosolbar na din ang problema niya at kay Wenessa.
"Cylechter, you are the God of Ocean. May ideya na ako kung bakit ikaw ang habol nila, nagkokolekta sila ng mga Diyos at Diyosa para mapalakas ang kanilang kampo. Those bastards, ang mga uniporme na gamit nila ay galing sa Westheria pero ang mga kakayahan nila ay hindi nabibilang doon." Paliwanag ni Athena kaya napatingin kami sa kaniya, napakarami niyang alam.
"God of Ocean? Diyos ng Karagatan? Hindi ko alam iyang sinasabi ninyo at wala akong alam kung bakit ako ang kanilang habol." Kunot-noong turan naman ni Cylechter, hinakbang ko ang aking mga paa na siyang ikinalingon niya sa akin.
"I need to help you Cylechter, kailangan mong maalala ang lahat." Turan ko at agad humawak sa tuktok ng ulo niya at akmang aatras siya pero agad kong kinontrol ang buo niyang katawan.
Naiintindihan ko na, nasa kapangyarihan ko ang sagot para makabalik siya sa dati. Maibabalik ko ang memoryang nawala sa kaniya, hinanakit man o kasiyahan. I need to help him.
Bigla nalang lumiwanag ang buo niyang katawan ng gintong kulay hanggang sa bigla nalang napaluha ang mga mata niya sa hindi ko alam amg dahilan.
"A-Anong ginawa niyo sa apo ko?!" Sigaw ng Lolo niya.
"Lolo, alam ko po na kaya niyong ibalik ang alaala niya pero pinili niyong itago ang lahat para lang may isang poprotekta sa lungsod ninyo. Pero hindi po dapat ninyo ipinagdadamot ang kaniyang karapatan bilang siya at kung ano ang responsibilidad na nakaatas sa kaniya." Turan ko at nakita kong natigilan siya at parang gulat siya dahil sa sinabi ko.
Napansin kong bumubulong si Athena, I think she is still wondering kung sino talaga ako at ano ang kaya kong gawin.
Paako ko nalaman? Ewan, basta parang may nagbulong sa akin kanina na may mali talaga sa kaniya. Oo apo niya si Cylechter at naiintindihan ko siya. Dalawang rason kung bakit hindi niya ibinalik ang alaala ni Cylechter. Una ay para merong isang Diyos na tulad ni Cylechter ang magliligtas sa lungsod nila at pangalawa ay, ayaw nilang mawalan ng isang miyembro sa kanilang pamilya.
"Papa, tama siya. Kailangan nating ibalik ang tunay na siya, maraming responsibilidad ang naghahantay sa kaniya papa. Isa siyang Diyos, napili siya ng isang Titan kaya hindi na dapat natin ipagkait ang pagkakataon na siya dapat ang gumagawa ng kaniyang misyon." Agad akong napabitaw sa ulo ni Cylechter at napatingin sa dalawang imahe na paparating sa amin.
"Cyria, anak mo siya pero bakit hinahayaan mo siyang mawala sa atin?!" Sigaw ng Lolo ni Cylechter sa babaeng hindi pa gaano katandaan. Nakayakap sa balikat nito ang isang lalaki na kasing-edad niya rin.
Cylechter's parents.
"Papa, tanggap na namin ni Cyria ang katotohanan na isa siya sa mga Diyos na dapat iligtas ang Avalon sa mga masasamang nilalang." Turan ng lalaki at do'n ko napagtanto na kamukhang-kamukha niya ang kaniyang anak.
"Wenessa." Napalingon kami kay Cylechter nang tinawag niya ang pangalan ni Wenessa. Napansin kong natigilan si Wenessa at napatingin sa mga mata ni Cylechter na naluluha.
"Cy.." Bulong ni Wenessa at kaagad yumakap kay Cylechter.
Rinig na rinig namin ang hagulhol ni Wenessa, nakita ko din kung paano na-miss ni Cylechter ang kasintahan niya.
"Buti bumalik na alaala mo." Turan ni Wenessa, kaagad hinalikan ni Cylechter si Wenessa na siyang ikinalingon ko sa ibang direksiyon.
My God! Hindi ko alam na gagano'n sila, ayoko pa namang may naghahalikan akong nakikita. Parng namumula ang mga pisngi ko kapag gano'n, nakakahiya kayang maka-witness ng gano'ng sitwasiyon! Ang una kong nakita no'n ay 'yong bampirang hinalikan si Venedict at ang Hyros na 'yon na ex din niya.
"Namumula ka Alisis, hindi ko alam na inosente ka sa mga ganiyan." Kaagad kong hinampas sa balikat si Chester na nasa malapit ko lang pala.
"Aww!"
"Ewan ko sa'yo Chester! Hindi kasi ako katulad mo na—ano na basta ewan!" Sigaw ko nang hindi ko masabi ang right term.
"Malandi ba Alisis?" Ngising turan naman sa akin ni Sera kaya agad ko siyang sinamaan ng tingin pero tinawanan lang ako!
"Galing sila sa Westheria, may kumuha sa memorya ko. Hindi ko na maalala ang lahat basta paggising ko ay nasa Town of Sacred na ako." Turan ni Cylechter na ngayo'y nakaharap na kay Athena.
Hindi ko na narinig ang mga pinag-uusapan ng pamilya ni Cylechter dahil naka-focus lang ang mga mata ko kay Wenessa. She is acting weird, siguro 'yong misyon na inatas sa kaniya ng Titan Goddess of Moon.
"Wenessa, it's the right time to tell him the truth para maibalik na ang kapangyarihan mo." Turan ko na siyang ikinasinghap niya pero agad naman 'yong nabalik dahil ata sa napagtanto niyang dapat niya ng gawin ang dapat gawin.
"Genesis?!" Nabigla naman ako kaagad dahil sa sigaw ni Cylechter at gulat na napatingin sa akin.
"A-Ah hind—"
"She is not Genesis, Cylechter. At hindi ito ang oras para magpaliwanag si Alisis. Ang kailangan natin ngayon ay maibalik ang kapangyarihan ni Wenessa dahil tumalikod na sa kaniya ang totoong may-ari ng kapangyarihan pero maibabalik lang 'yon kapag nagawa na ni Wenessa ang misyon niya." Agad namang putol ni Sera na siyang agad kong ikinatango. Baka kasi alam niya na its awkward for me na kailangan paulit-ulit pang ikuwento kung sino ako.
"Wenessa? Tinalikuran ka ng kapangyarihan mo? Akala ko ba kontrolado mo na 'yan? At anong misyon?" Sunod-sunod na tanong ni Cylechter na may pagtataka sa kaniyang ekspresiyon.
"Wenessa, sabihin mo na sa kaniya. Nasa sa kaniya kung papatawarin ka niya o hindi." Irita na ngayong turan ni Athena. Hayst, hindi na talaga mawawala ang mainipin na ugali ni Athena, gusto ko tuloy malaman kung sino talaga siya noon.
"Cy, tungkol kay Sayatus." Paninimula ni Wenessa na ngayo'y mas ikinalukot ng noo ni Cylechter.
"Who's Sayatus?" Takang tanong ni Chester sa akin na siyang ikinabikit-balikat ko. The name is familiar pero hindi ko alam kung saan ko 'yon narinig.
"She is the Goddess of Swords noon and she's dead, kapag namamatay ang isang Diyos o Diyosa ay napapasa ang kanilang mga kapangyarihan sa ibang specialist na malapit sa kanila. Ayan na ang naging tradisyon ng lahat, nagsimula ang lahat ng 'yan dahil sa kauna-unahang babaeng nagbasag ng makapangyarihang bato na siyang pinagmumulan ng kapangyarihan ng lahat." Sagot naman ni Athena.
"Nasaan na ang kapangyarihan niya?" Tanong naman ni Sera.
"Iyan ang hindi ko alam." Sagot kaagad sa kaniya ni Athena.
"Anong meron sa kaniya Wenessa? Patay na siya diba? Bakit bumalik ba siya?" Tarantang turan naman ni Cylechter, napansin ko ang paglunok ng malalim ni Wenessa dahil sa tinuran nito. Close siguro si Cylechter at ng Sayatus na 'yon noon.
Parang nagdadalawang-isip si Wenessa na sabihin, napatingin siya sa akin kaya agad ko siyang tinanguan. Napabuntong-hininga siya at lakas-loob niyang hinarap ang mga nagtatanong na mga mata ni Cylechter.
"Ako ang pumatay sa kaniya diba?" Agad naman akong napasinghap at itong mga kasama ko maliban nalang kay Cylechter at kay Athena na para bang alam na nila ang nangyari noon. Ano nga ba kaya ang nangyari no'n? Gaano ba ka-grabe ang nangyari at parang ang big deal talaga?
"Oo alam ko, dahil nawalan ka ng control no'n. Naiintindihan ko 'yon Wenessa, bakit mo pa ibinabalik ang nakaraan?" Takang tanong ni Cylechter na nagtataka parin.
"Gosh, what a scene." Dinig kong bulong ni Sera.
"Awkward." Bulong na din ni Chester.
Napansin ko ang pag-iling ni Wenessa, agad namang lumabas ang luhang nagpipigil kanina pa sa mga mata niya. Hindi talaga ako sanay sa mga ganitong sitwasiyon, nakakaawa si Wenessa. Hindi kinakaya ng puso ko, ang matinding emosiyon na meron ako. Hayst, ngayon naiintindihan ko na talaga ang lahat kung bakit kailangan akong bantayan ng mga Apostles ko.
Venedict! Asan ka na ba? Sana bumalik ka na! Nawiwili ka na sa lugar na 'yan!
Paano kung napahamak na siya? Paano na kung may nakahuli sa kaniyang kalaban? Hindi maari! Kailangan kaagad naming matapos ang misyon na'to para siya na ang hahanapin namin!
"Pinatay ko siya hindi dahil sa hindi ko kontrolado ang kapangyarihan ko Cylechter. Hindi aksidente ang pagpatay ko sa kaniya, sinadya ko 'yon." Ang huling salita ay masiyado ng mahina niyang binaggit na siyang mas lalong ikinasinghap naming lahat maliban parin kay Athena at kay Cylechter.
"Pinatay ko siya dahil sa selos Cylechter! Masiyado kayong malapit sa isa't-isa no'n kaya nagalit ako at hindi ko na nakontrol ang sarili ko at pinatay ko siya!" Dagdag na sigaw ni Wenessa kay Cylechter na ngayo'y seryoso na ang ekspresiyon.
"See? Hindi mo kontrolado ang sarili mo kaya mo nagawa kay Sayatus 'yon. Dahil sa selos, sa emosiyon mo kaya mo siya napatay." Seryosong turan ni Cylechter pero napailing lang si Wenessa at mas lalong naluha.
"Hindi mo naiintidihan! I kill he—"
Sa ikatlong pagkakataon ay napasinghap na naman kami hindi dahil sa mga rebelesasiyon kundi gulat dahil sa paghalik ni Cylechter kay Wenessa. Ngayon, napasinghap na din si Athena at napalihis ng tingin.
"God! Kailangan bang maghalikan sa harapan namin?!" Sigaw na ngayon ni Sera na siyang ikinahagikhik ng mga magulang ni Cylechter pati ang Lolo nito. Siguro ayos na para sa kaniya ang lahat.
"Wenessa, alam ko na noon pa. Menesis told me, alam niyang darating ang panahon na'to. She already calculated the future." Turan ni Cylechter pagkatapos niyang halikan si Wenessa na ngayo'y gulat na napatingin kay Cylechter.
"A-Ang babaeng 'yon talaga kahit kailan." Bulong ni Wenessa at napaluhod nalang dahil ata sa kawalan ng lakas.
Auntie Menesis, siguro matulungin din siya no'n pati si nanay. Twins sila kaya alam kong nagtutulungan sila kahit mahirap ang sitwasiyon.
"Menesis? Pamilyar ang pangalan na 'yon sa akin." Sabat naman ng Lolo ni Cylechter at tumingin sa apo niya.
"Lolo, she is my crush before. Ngayon, itong babae ang mahal ko. Mahal na mahal." Ngiting turan ni Cylechter na agad niyakap ang nakaluhod na si Wenessa.
Hayst Auntie Menesis, kung naririnig mo pa ang mga kaibigan mo baka kinilig ka na. Ang ganda ng story nila, ang ganda mo pala Auntie. Crush ka pala ni Cylechter noon, ang ganda-ganda mo hahaha. Nasa lahi na talaga natin Auntie ang kagandahan.
Bigla nalang kaming napaatras nang bigla nalang lumiwanag ang buong katawan ni Wenessa. Napalayo din sa kaniya si Cylechter dahil sa pagtataka at taranta.
"Huwag mag-panick Cylechter! Napaghahalataan ka!" Sigaw ni Athena habang nakatingin kay Wenessa na ngayo'y wala ng malay.
Wala na ang liwanag kaya agad dinalo ni Cylechter si Wenessa at binuhat na para bang bagong kasal.
Bigla nalang may lumitaw na isang liwanag galing sa likuran ni Cylechter kaya napalingon kami do'n. Hanggang ang liwanag ay nagiging isang imahe. Napanganga nalang ako dahil sa babaeng imaheng nakangiti sa amin.
"Nagawa niya ang kaniyang misyon, pero sinabi ko na sa inyo na posible parin akong umalis sa katawan niya kung hindi niya parin ako makokontrol. Kailangan niyo siyang tulungan, kailangan niyo siyang suportahan para tuluyan niyang maangkin ang aking kapangyarihan at ang aking kaluluwa." Ngiting turan ng Titan Goddess sa amin, she is really a Goddess. Grabe ang ganda niya! Napakaganda! Walang-wala na talaga laban ang mga ordinaryong tao o mga specialist. Kahit ang nanalo sa Miss Universe sa aming mundo ay hindi makakatalo sa ganda niya.
Nang wala siyang makuhang sagot sa amin ay kaagad siyang ngumiti ng matamis at naglaho.
"Pa, Ma at Lo. I need to be with them, kailangan nila ang kapangyarihan ko. Ililigtas namin ang buong Avalon sa mga Westherian.