Jasmine's POV:
Kanina pa nag di-discuss ang prof namin sa unahan pero hindi talaga ako makapag concentrate sa lesson. Hindi pa rin kasi maalis alis sa isip ko ang mga nangyari kanina kay Brixx. Para siyang pinagsukluban ng langit at lupa. 'Yong itsura niya niya hindi maipinta. Buti nga sa kanya!
"Tss!" Si Brixx iyon, ang sama pa rin ng tingin niya sa akin.
"HAHAHA!" Hala, lagot! Napalakas yata ang pag tawa ko kaya tumigil si prof sa pag di-discuss at tiningnan ako ng masama. Pati 'yong mga kaklase ko nagsitinginan na rin dito sa gawi namin ni Brixx. Iyong tingin na, 'halaka Jasmine, lagot!' kaya bigla akong kinabahan.
"What's funny Ms. Gomez?" Mahinahon ngunit pagalit niyang tanong.
"Ahh kasi—" biglang tumayo si Brixx at nagsalita.
"Nakakatawa daw po kasi 'yong paraan niyo ng pag di-discuss, prof!" Napanganga ako sa sinabi ni Brixx. What? Wala akong sinasabing gano'n, halimaw talaga 'tong lalaki na 'to!
"Hindi po totoo 'yan." Depensa ko sa sarili ko.
"GO TO THE DEAN'S OFFICE, NOW!" Sigaw ni prof sa akin. Bwesit na Brixx! Hindi ako papayag na ako lang ang pupunta ng Dean's office, 'no!
"Ang totoo po niyan, sabi ni Brixx nakaka-antok daw po kayong magturo kaya tingnan niyo po siya, hindi nakikinig sa inyo." Blackmail-an pala ang gusto niya, then fine! Mas lalong umusok 'yong ilong ni prof sa galit. Damay-damay na 'to!
"YOU TOO! MR. ALFONZO! NOW!"
Galit na galit na talaga ito kaya halos mapaos na sa pag sigaw.
"So, paano ba 'yan, quits na ulit tayo?" Mahinang bulong ko sa kanya.
"Wala akong sinasabing ganyan!" Pagtatanggol niya sa sarili niya. Well, ako din naman walang sinabing gano'n, ah?
"I SAID, GO TO THE DEAN'S OFFICE NOW! THE TWO OF YOU!" Bago pa ako mabugahan ng apoy ni prof nag madali na akong lumabas ng classroom at pumuntang Dean's office.
Nang nasa Dean's office na kami ay walang tigil pa rin si Brixx.
"Ikaw kasi, napakasinungaling mo!" Biglang panunumbat sa akin ni Brixx. Aba't ako pa talaga ang sinungalin. Kakaiba talaga ang lalaking 'to. Napailing na lang ako.
"Hoy! For your information, ikaw ang nag simula. Bakit mo sinabing tinatawanan ko yung discussion ni prof? Kaya syempre, para hindi unfair dapat gumawa din ako ng kasinungalingan kagaya ng ginawa mo! This is my first time being called in Dean's office dahil sa kasalanang hindi ko naman talaga ginawa. Pero ayos lang kasi kasama naman kita." Nginisihan ko siya. Iyong ngising siguradong maaasar siya.
"Tss! Puwede ba tumahimik ka?" Sigaw niya sa akin na sumakto sa pagdating ni prof.
"Kayong dalawa, dahil sa ginawa niyo magkakaroon kayo ng detention for one week." Bakas pa rin ang galit sa tono ni prof.
"But prof? Hindi po ba dapat warning pa lang?" Pagrereklamo ko.
"Sino ba ang inagrabyado niyo, 'di ba ako? Kaya sa ayaw at sa gusto niyo magkakaroon kayo ng detention!" Grabe naman 'to si Ma'am maka agrabyado, wagas! Hindi nga kasi totoo 'yong pinagsasabi ng Brixx na 'to!
"Hindi po ba dapat litisin muna kung sino ba talaga ang totoong nagkasala?" Baliw ba siya? Ano 'to criminal case na kailangan pang itaas yung kaso sa korte para magkaroon ng paglilitis? Hays! Nakaka-stress siya, ha?
"That's final! Bukas kayo magsisimula. Pagkatapos ng last subject niyo dumiretso kayo sa 'kin."
Matapos kaming palabasin ni ma'am sa office sobrang badtrip 'yong nararamdaman ko. This is my first time having this kind of punishment kahit na wala naman talaga akong ginawa. Ang lalaking 'to talaga ang bwesit sa bawat araw ko dito sa school.
"Hi, gurl!" Bati sa'kin ni Sassy.
"Hello!"
Todo smile ako niyan kahit badtrip ako kasi baka galit sa 'kin 'to kasi nga 'di ba set-up lang 'yong nangyari sa kanila ng loviedubs niya.
"Thank you!" Bigla niyang sabi.
"Thank you saan?" Curious kong tanong.
"Sa pag set-up sa amin ng loviedubs ko." Kinikilig niyang saad.
"Ah, iyon lang ba? Naku, wala 'yon dapat nga ako pa mag pasalamat sa 'yo eh, kasi naka ganti ako sa kanya."
"Ibang klase ka pala gumanti kasi nakakapagpasaya ka. Hehe" Hindi naman halatang kinikilig siya 'di ba? Nginitian ko na lang siya.
"Kyah! You know, he's so yummy! Lalo na nang muntik ko ng mahalikan 'yong lips niya, omg! I want more!" Natatawa na lang ako sa kwento ni Sassy. She wants more daw, haha!
"More? Sure!" Sabay apir ko kay Sassy. Nilingon ko naman si Brixx sa likuran ko ngunit wala na siya.
"Ay wala na siya." Sabi ko.
"Ayos lang, next time na lang ulit. At dahil pinasaya mo ako ng todo kaya friends na tayo!"
"Talaga? Friends na tayo as in magkaibigan? Iyong palaging magkasama tapos nagdadamayan, gano'n ba 'yon?" Masaya kong tanong.
"Yes! You're right!" Sabi niya.
"Hala! Talaga? Yes! Yehey!" Sobrang natutuwa lang ako kasi may kaibigan na rin ako dito for the first time. Sa sobrang tuwa ko ay napayakap ako sa kanya.
"Ew! Stop hugging me! Nasusuka ako!" Pag iinarte niya.
"Ehh, ang arte mo!" Natatawa kong sabi.
--
Brixx's POV:
Kakalabas lang namin ni Jasmine sa office dahil sa lintik na prof na 'yon. Ngunit nataranta ako nang makita ko ang baklang 'yon. Kaagad akong tumakbo palayo habang busy sila sa pag uusap ni Jasmine. Sa aking pagtakbo napadpad ako sa tatlo. Sa mga mapang asar kong kaibigan.
"Napaano ka na naman?" Nangunguna na namang tanong ni Mark.
"Si. . ." puteks hinihingal talaga ako.
"Sino?" Pangungusisa naman ni Ethan.
"Si ano. . . Si. . ." Bwesit hindi ako makapagsalita ng maayos.
"Jasmine ba ulit?" Si Niko naman ang nag tanong.
"Hindi, 'yong si ano. . .Sassy!"
Halos sabay-sabay nila akong pinag tawanan.
"Mga bwesit kayo!" Sigaw ko sa kanila. Hindi ko talaga alam kung mga kaibigan ko ba talaga sila o mga bully.
Isa pa ang Sassy na 'yon. Nagka-trauma yata ako sa ginawa niya sa akin. Kung bakit kasi nagkasabwatan pa sila ng Jasmine na 'yon! Asar!