Alexis' POV
"Kumain muna tayo bago ka pumasok sa kwarto mo. Nga pala, uuwi si kuya Daniel mamaya kaya siya ang maghahatid sayo" aniya ni kuya, pagkapasok namin sa bahay. Inilapag ko ang bag ko sa mesa at sumalampak sa sofa.
"Hindi ako papasok mamaya kuya, may pupuntahan ako" sagot ko. Ipinikit ko muna ang mga mata ko at humiga ng maayos.
"Saan ka na naman pupunta? Samahan mo nalang si dad sa kompanya kesa sa gumala ka" sabi niya, umayos naman ako ng upo at iginala ang paningin.
"Papasok nalang pala ako" bawi ko at tumayo saka dumiretso paakyat sa hagdan.
Sayang baon. Papasok nalang ako kesa makasama at makita siya.
Pagkapasok ko sa kwarto ko, sumalampak agad ako at diretsong nakatingin sa kisame. May apat akong kapatid, lahat sila ay lalaki pero ni minsan hindi nila ako inalagaan. Lahat sila ay tutok sa kani-kanilang trabaho maliban sakin na isang istudyante pa lamang. Si mommy lang ang nag-aalaga sakin, pero siya pa ang nawala.
"Louisa, kain na" tawag sakin ni kuya habang kumakatok sa aking pintuan. Bumangon ako at itinali ang wavy hair ko. Lumabas mula sa kwarto at dumiretso sa kusina.
"Hija, ipinaghain kita ng gulay. Halika na, kain na kayo" yaya ni Manang Erva na kusinera namin. Huminga ako ng malalim bago ako umupo. Pinaghain muna kami ni Manang Erva kasama sina ate Sonya at ate Caren. Sinamaan ko ng tingin si kuya Gab nang mapansin kong tumingin siya sa akin.
"Tumigil ka sa pagtitig mo sa akin, bro" inis na suway ko sa kanya at natawa naman siya kaya mas lalo akong nainis.
"Anong oras ka aalis para mahatid na kita? Baka hindi na makakaabot si kuya Daniel" aniya pagkatapos ngumuya.
"Wag na,magcocommute nalang ako" inis na sagot ko sa kanya.
"Ihahatid na kita, dadaan naman ako sa bayan at saka isa pa, wala kang pamasahe, alam mo namang di ka binibigyan ng cash ni dad" napairap nalang ako at nagpatuloy sa pagkain.
Yeah, di ako binibigyan ng cash dahil natauhan sila nang makapasok ako sa high school. Masyado raw akong maluwag sa pera kaya nagpagawa si dad ng card ko na ginagamit ko sa tuwing may binibili ako sa school or mall.
Pagkatapos kong kumain ay tumayo na ako para umakyat sa kwarto ko at makapagpalit narin. Dumiretso na ako sa banyo at saka nagsipilyo at naghilamos bago ako lumabas. Hinubad ko ang T-shirt ko at kumuha ng panibagong kulay itim na may tatak ng Tribal. Hinubad ko rin ang tattered pants ko at pinalitan ng hindi naman gaanong maikling short, above the knee lang naman bago ako lumabas ng kwarto. Pagkababa ko, kinuha ko ang itim na sombrero na nasa sofa at saka ko isinuot.
"Maari na ba tayong umalis?" salubong ni kuya Gab pero hindi ko siya inimik at lumabas nalang.
Hindi ko nagugustuhan kung pano sila makipag-usap sakin, pakiramdam ko para akong t*anga. Everytime na magtatanong sila, kahit halata na ang sagot lagi parin nila akong tinatanong..Grrrrr.
Sumakay ako sa passenger seat at pinagkrus ang braso.
"Wag kang masyadong magpapalate, baka pag naunahan ka ni dad sa pag-uwi baka mapagalitan ka na naman"
Wala akong pake.
Brent's POV
Pagkarating namin sa tapat ng campus ay bumaba na ako.
"Mag-iingat ka po, Mang Tacio" paalam ko na ikinatango niya. Half day lang si Patricia ngayon pero pinatawag ang parents namin dahil sa nangyari kanina. Maya-maya pa siguro darating si dad.
Saktong patalikod na sana ako nang masulyapan ko ang sasakyan ng kapatid ni Alexis.
"Sige na" malamyang aniya habang tinatanggal ang belt niya bago siya bumaba.
"Hey,bro" tawag sakin ni kuya Gab kaya kinawayan ko siya. Hindi man lang niya sinulyapan ng tingin ang kapatid niya.
"Kailangan ko ng umalis, pakibantayan nalang ang batang yan" nakangiti pero alam kong nang-aasar yan. Natawa ako at kumaway uli sa kanya bago ko sinundan si Alexis.
"Simulan na natin pare" kausap niya ang isang barkada namin habang kasama ang girlfriend niya.
Kung ako ang tatanungin niyo, mas lalaki pa yan sa mga barkada namin.
"Sige,susunod kami" nakangiti namang sagot ni Julius.
Sinundan ko siya papunta sa covered court at ngayon ay kitang-kita na ang mga babaeng nagbubulungan habang nakatingin sa kanya. Hindi na bago samin ang magsuot siya ng pagkaikli-ikling short dito sa campus pero marami talagang humahanga sa taglay niyang kaangasan.
"Buti at pumasok ka pa" medyo pabulong kong sabi sa kanya pagkapasok namin.
"Ayokong makasama si dad nang kaming dalawa lang. Alam mo namang naiirita ako sa kanya" nakangising sagot niya pero hindi ko nalang iyon pinansin at naupo nalang.
Naramdaman kong nagvibrate ang phone ko kaya inilabas ko ito.
"Nandito na ako, pumunta na kayo rito at pati narin si Alexis. Pinapatawag siya ng magulang ng naagrabyado niyo"
"Tsk. Tara na" yaya niya sakin habang nakasilip sa phone ko at nauna na namang naglakad.
"Kami nalang mag-aayos nito, dito ka nalang" sabi ko sa kanya pero parang wala siyang narinig. Nagdire-diretso kami sa paglalakad hanggang sa makarating kami sa Dean's Office.
As usual, walang takot na binuksan niya ang pintuan at pumasok. Napakamot ako sa ulo ko nang umupo ito sa tabi ng parents ni Alexander. Napapalunok namang napapatingin si Alexander sakin habang si dad ay napapahilamos sa mukha.
"Ano na?" malamyang tanong niya na tila walang matanda sa harapan niya.
"So, simulan na natin" aniya ng Dean.
"Mr. Alexander, ikaw ang mauna." sagot naman ni Alexis habang diretsong nakatingin sakin.
"Hija, please magsalita ka lang kung tatanungin kita" pagmamakaawa ng Dean.
Ang pagkakilala kay Alexis ay napakalaking problema sa campus na ito. Walang makakapigil sa gusto niyang sabihin maliban nalang kung alam niyang mali siya. Ilang beses narin itong napupunta rito at sa guidance dahil narin sa ugali niya. Hindi naman ako tutol sa sakanya sa mga nakaraang araw dahil mas kilala ko siya kumpara sa iba.Pero hindi ko gusto ang paraan niya ng pakikipag-usap sa matatanda at pati narin sa dad niya, pero wala naman akong magagawa.Ang tanging magagawa ko lang ay maging isang kaibigan sa kahit anong oras na tangi niya lang masasandalan.
"Masyado kasing bastos ang bunganga ng batang 'to" nauubusang pasensyang aniya ng parent ni Alexander.
"Nahiya ang balat ko" bulong niya sa ere na mas ikinagalit ni Dean.
"Ms. Hernandez! Pakiusap,lumabas ka muna!" galit na galit na ang dean dahil sa kanya pero hindi parin ito nagpatinag.
"Anak, samahan mo na siya, ako na ang makikipag-ayos dito" bulong ni dad sakin kaya tumango ako at nilapitan si Alex. Bago ko pa man siya mahawakan ay inumpisahan niya na naman.
"Bitawan mo ako. Tito, pwede na kayong umalis, tutal ako naman talaga ang sangkot dito" magalang na sabi niya sa daddy ko.
"Hija, pwede bang kahit sa harap lang namin ngayon. Pwede bang magbigay galang ka kahit ngayon lang?" pakiusap ni dad, hindi umimik si Alex pero alam namin ni dad na susunod siya.
"Ma'am, ano po bang klaseng pamamalakad niyo sa paaralang ito? Noong nakaraan puros dumi, mantsa at pasa ang dala ng anak ko pagkauwi niya. Hindi niyo ba inaasikaso ng ma~~" pinutol ng sarili niyang anak ang sinasabi.
"Mom, napag-usapan na natin ito diba?" buntong-hininga niya at sabay irap lang naman ang sagot ng kanyang ina.
"Pero wala po kaming naririnig, nakikita at nalalaman sa nangyayari sa anak niyo dahil wala namang nangyayari sa paaralang ito na gaya nang nangyari ngayon" paliwanag ni Dean.
"Wha~~"
"Itanong niyo nalang sa mga barkada niyang outsider kung sino ang gumagawa sa kanya. Alam rin ng karamihan na walang nangyayaring masama sa mga students dito except ngayon, baka naman dahil lang rin sa kanya kung bat siya napapahamak gaya nalang ngayon, diba Alex?" nakangising tanong ni Alexis. Nagpalipat-lipat ang tingin nila sa dalawa maliban sakin.
"Anong ibig mong sabihin, Ms. Hernandez?" tanong ni dean.
"Hays" bulong niya.
"Excuse me ma'am, marami pa akong gagawin kaya gusto ko na pong maayos ito" napapakamot na tanong ni dad.
"Ma'am excuse me, actually hindi naman talaga ang dad ni Brent ang pupunta dito dahil hindi sila ang nakapanakit. So, pwede niyo na po ba siyang hayaang umalis?" napakaanghel talaga ng bunganga ng kaibigan ko.
"Ako na pong bahala dito,tito"
"Dad, sige na baka malate ka pa. Kami na ang bahala" dagdag ko ding bulong sa kanya.
"Excuse me, Dean" paalam niya at tumango naman sang dean sa kanya.
"Anong klaseng pamamalakad ang meron dito?....Well madam, maayos at maganda ang meron sa unibersidad na to maliban sakin. Actually madam, disiplinado at may respeto ang mga estudyante rito pero nakadepende ito sa tao, mas lalo na sakin, nakadepende ako sa taong nakakasalamuha at nakakausap ko. Pasa?Mantsa? At dumi na nangyari sa anak niyo?.... Well, hindi sa campus namin nangyari ang mga yon, gaya ng sinabi ko kanina, itanong niyo sa barkada ng anak niyo. And lastly, anong nangyari? Sino ang gumawa at bakit siya nagkaganyan?...... Ako ang gumawa, sinapak ko siya dahil wala siyang respeto sa nakakabatang babaeng kapatid ng bestfriend ko. Kung may itatanong pa kayo, sige lang. I have lots of time to answer your questions" Alexis.
"ANo?! Batang babae? Walang respeto?! Dahil lang don sinaktan mo na ang anak ko! Napakababaw ng dahilan mo para manakit ka ng kapwa mo!" sigaw ng parent. Naupo nalang ako sa kinauupuan ni dad kanina. Alam kong kaya niya yan, siya pa ba.
"LANG?! the hell ha-ha. Kung sayo ko gawin ang pagiging walang respeto, lang-lang ba yon. Hindi pa nga ako bastos sa inyo nababastusan ka na sakin, ano pa kaya kung binastos na kita baka mahimatay ka. Since babae ka, gagalangin kita. Wag mong masyadong pababain ang respeto ko sayo madam" namula sa galit ang mukha ng parent dahil sa sinabi ni Alexis.
"Aalis na po kami dean at bukas na bukas ililipat ko sa ibang unibersidad ang anak ko" pagtatapos niya at saka nagwalked out kasunod ang napapahiyang si Alexander.
"Ma'am,pwede na po ba kaming umalis?" tanong niya. Tumayo na kami at saka lumabas.
Itutuloy.....