Isang antique lover si Gemima na namana niya sa amang si Lucas Dizon,na may tatlong taon nang namayapa dahil sa cardiac arrest. Ang ina naman niyang si Guada ay nagdesisyon umuwi ng Batangas,sa ancestral house na namana nito sa magulang. Solong namumuhay si Gemima sa bahay nila sa Quezon City,kasama ang isang katulong.
Dahil sa pagkahilig sa mga lumang bagay ito narin ang ginawang negosyo ng bente singko anyos na dalaga. Kung buhay palang sana ang kanyang ama, natitiyak niyang susuportahan siya nito. Suportado din naman siya ng kanyang ina ngunit wala itong hilig sa mga antigong bagay. Naalala pa niya noon na malimit itong magreklamo sa kanyang ama,na sa daming antique na gamit nila sa bahay. Pakiramdam daw nito,nagmumulto ang mga dating may-ari ng mga ito,na tinatawanan lang nilang mag-ama.
Naabutan niya si Mitche na nagpupunas ng mga antique na gamit na kanilang binebenta sa shop. Matalik na kaibigan niya ito at kababata naman niya ang naging asawa nito.
"Himala na nauna ako sa'yo ngayon." tudyo nito na sinundan siya sa loob ng opisina.
"Natanghali lang ako ng gising,late na kasi tinapos ni Mommy iyong tawag. Paulit-ulit lang naman ang mga bilin. Nang matapos,hindi naman agad ako nakatulog," paliwanag niya.
Napansin niya ang bouquet ng Yellow Roses sa lamesa niya nang makaupo siya sa kanyang swivel chair. Nang tingnan niya si Mitche,nanunukso ang mga ngiti nito sa labi. At halatang kinikilig ang bruha.
"Kanino galing ito?"
"Eh di kanino pa ba... Sa suitor for all season mo. Ang swerte mo naman besh, lagi kana lang may bulaklak." Namimilipit pa ito sa kilig habang nagsasalita.
"Kung gusto mo sa'yo nalang." bored na sabi niya.
"Ayuko nga, para sa'yo naman iyan eh. Saka baka pag-awayin pa namin iyan ni Hubby ko pag nakita niyang may uwi akong bulaklak."
Lumabas narin ito maya-maya ng opisina niya. Tinitigan niya ang mga bulaklak saka tumayo,kinuha ang antique vase na nasa ibabaw ng filing cabinet. Inilagay niya dito ang mga bulaklak at saka dinisplay.
Habang abala sa opisina, isang tawag ang natanggap ni Gemima sa katulong niya sa bahay na si Fiona. Ilang sandali din silang nag-usap bago niya binaba ang antique na telepono sa lalagyan nito.
Malalim ang kanyang iniisip ng mapasukan siya ni Mitche.
"Iniisip mo siya noh? Sabi na nga ba naiinlove kana rin sa kanya eh." Panunukso nito.
Tinaasan lang niya ito ng kilay, "isa nalang talaga,sesesantehin na kita." Kunwari naiinis niyang sabi.
Tinawanan lang siya nito. Batid naman kasi nito na hind niya iyon gagawin.
"Eh bakit kasi parang tulala ka d'yan?"
"Tumawag kasi si Fiona."
"Anong sabi?"
Sumeryuso naman ito agad. Kilala nito si Fiona dahil may ilang beses narin kasi ito nakatulog sa bahay, tuwing nag-aaway silang mag-asawa.
"May dumating daw na package galing abroad nakapangalan kay Daddy. Mukhang hindi alam noong nagpadala na 3 year's nang wala si Dad."
"Malamang nga besh,baka isa sa mga kaibigan ng Tito Lucas na nasa ibang bansa na nakatira. Kaya hindi nito alam na matagal ng patay ang Daddy mo." Logic nitong paliwanag.
Napatango-tango nalang si Gemima. Nang mag close ang Antique shop. Nagmamadali na siyang umuwi ng bahay. Agad niyang hinanap ang package na dumating. Nakalagay ang malaking kahon sa gitna na halos ng sala ng bahay niya.
Sinipat niya itong mabuti,ang kahon na pinaglagyan ay halatang pasadya para sa bagay na nasa loob. May nakalagay pa sa kahon, FRAGILE HANDLE WITH CARE. Ang nagpadala ay si Cynthia Brambilla. Hindi pamilyar sa kanya ang pangalan.
Naisipan nalang niyang buksan ang kahon para malaman niya kung anong laman nito. Huminge siya ng gunting kay Fiona at nagpatulong narin para mabaklas ang kahon.
Nang mabaklas ang kahon,labis na namangha si Gemima sa natuklasan na malaking banga pala ang laman ng package. Sinipat niyang maigi ito,maging ang mga nakaukit sa katawan ng banga. Natitiyak niyang antigo na ito. Natitiyak niya na malapit sa kanyang ama ang nagpadala ng package dahil alam nitong mahilig sa mga antigong gamit ito.
Tumayo siya ng tuwid, nakakaramdam na ng pangangalay ng likod dahil sa matagal na pagkakayuko. Paglingon niya sa kanyang likod,tulala na nakatitig sa banga si Fiona. Napapitlag pa ito ng tawagin niya ang pangalan nito.
"Bakit po Ate?"
"Ihanda mo na ang hapunan natin,gusto ko na kasi maagang makapagpahinga ngayon."
Agad naman itong tumalima sa utos niya.
Kinagabihan, maagang nakatulog si Gemima dahil kulang sa tulog nang nakaraan gabi.
Sa silid ni Fiona sa ibaba malapit sa kusina,hindi mapakali ang babae habang nakatalukbong ng kumot sa higaan nito. Kanina pa ito kinikilabutan,simula ng dumating ang malaking banga. Iba ang pakiramdam niya talaga. Habang lumalalim ang gabi,tumatayo ang mga balahibo niya sa buong katawan. Pinanginginigan narin siya ng katawan,daig pa niya ang nagdedeliryo.
Kinse minutos bago mag alas dose ng hating gabi,ang binabadya ng orasan sa dingding ng sala. May usok na lumalabas sa malaking banga na pumuno sa buong sala ng bahay. Isang nilalang na unti-unting lumalabas sa malaking banga. Ang mga mata nito ay nanlilisik habang naglalakbay ang mga mata nito sa hindi pamilyar na lugar. Para itong pusa na tumalon palabas ng banga na walang ingay na lumapat ang paa sa sahig.
Inaamoy nito ang bawat madaanan,kasabay nito ang pagsingasing. Huminto ito sa saradong silid inaamoy amoy ito. Isang malakas na singasing ang ginawa nito bago lumayo.
Naririnig ni Fiona ang nasa labas ng kanyang silid. Natitiyak niyang hindi tao iyon. Lalo tuloy nanindig ang kanyang balahibo. Pati labi niya nangangatal sa sobrang takot. Para siyang maiihi pero ayaw naman niyang bumangon. Natatakot siyang pag-alis ng talukbong ng kumot ay nasa harap na niya ang nilalang na iyon.
Alarm ng orasan ang nagpagising kay Gemima,iinat-inat pa siyang bumangon. Nadatnan niyang naghahanda ng almusal si Fiona sa kusina. Nang makalapit siya,niyaya na niya itong kumain sila. Nakaugalian na niyang isabay ito sa pagkain,total sila nalang naman ang nasa bahay. Umupo na siya at hinihintay na maupo narin ito,kinuha niya ang tasa ng kape at dahan-dahan humigop.
Muntik na niyang maibuga ang kape na nainum nang biglang umupo si Fiona at mamasdan ang itsura nito. Daig pa nito ang hindi natulog ng isang linggo sa itsura ng mga mata. Nanlalalim at nangingitim ang ilalim ng mga mata nito.
"Anong nangyari sa'yo?" mulagat kong tanong dito.
"Hindi po ako nakatulog kagabi ate."
"Baka naman puro ka Facebook. Pwede ka naman mag cellphone sa araw pag wala kanang ginagawa. Sa gabi,oras ng tulog dapat nagpapahinga kana." may halong panenermon na turan ni Gemima sa kasambahay.
Hindi naman na ito sumagot,nakayuko lang.
"Mabuti pang kumain na tayo, kailangan kong maaga sa shop ngayon. Mamaya bumawi ka ng tulog."
Paglabas ng pinto ay nagulat si Gemima kay Fiona na bihis na bihis at naghihintay sa kanya sa labas.
"Saan ka pupunta?" nagtatakang tanong niya.
"Ate parang awa niyo na po,isama niyo ko sa shop. Ayaw ko pong maiwan ditong mag-isa." Halos lumuhod na ito sa harap niya.
"Anong bang kalokohan 'to Fiona? Bakit bigla ka naman nagkaganyan?" nagugulumihan na talaga siya sa nangyayari dito.
"Natatakot po kasi ako ate dito sa bahay!"
Napakunot ang kanyang noo sa tinuran nito.
"Lagi ka naman naiiwan dito ah. Bakit ngayon kapa natakot?"
"Please ate isama niyo na po ako!" nangingilid na ang mga luha nito sa mata kaya naman pumayag na siyang isama ito. Baka maglupasay pa ito kung hindi niya isasama.
Napahinto siya bigla nang mauuna pa itong sumakay sa kotse. Pinandilatan niya ito ng mga mata.
"Buksan mo muna ang gate." utos niya
Habang nasa biyahe,muli niya itong inusisa.
"Ano bang kinatatakutan mo sa bahay? "
"Eh kasi po ate parang may kakaiba po sa banga." mahinang sagot nito
"Dahil lang doon? Ang dami natin mga antigong gamit sa bahay sa banga ka pa talaga matatakot."
"Eh kasi... Hindi ko po maipaliwanag. Basta natatakot po talaga ako sa banga na dumating sa bahay."
Napapailing nalang si Gemima sa sagot nito. Naalala tuloy niya ang kanyang Mommy. Takot sa mga antigong gamit. May nararamdaman daw itong kakaiba sa mga ito.