MAHIRAP ang maging butler ng isang spoiled brat. Iyon kaagad ang naisip ni Kylie matapos niyang samahan ang young master niya sa mga schedule nito. Kung tutuusin ay hindi naman talaga nito kailangan ang serbisyo niya lalo na at puro pagbisita lang naman ang ginawa nila nang araw na iyon. Pero huwag ka, iba talaga ang kaso ng young master niya na si Joshua Carriedo. She needs to be there para lang masiguro niya na aattend nga ang binata sa mga social gathering na inischedule ng ama nito. Daig pa niya ang nag-aalaga ng isang seven-year old na brat dahil mas marami pa itong naging maktol kaysa gawa. Kulang na lang ay tutukan na niya ng baril ang binata mapasunod lamang ito sa kagustuhan niya.
"Damn! I'm so fucking tired today," sabi ni Joshua nang nailatag na niya ang katawan niya sa kama. "Oy, Kyle tara dito!”
Being a perfect butler ay naging polite pa si Kylie sa kanyang young master, "Yes, Young Master?"
"Bihisan mo ako, masyado na akong pagod para kumilos pa," ang walang gatol na sabi ng binata sa kanya.
Pansinin ang biglaang paggalaw ng kilay ni Kylie, "Pagod ka lang Young Master, hindi imbalido. Kaya mo na ang ipinagagawa mo sa akin."
"WHAT?! I thought na susundin mo ako," sabi ni Joshua. "I am your young master!"
"Yes, amo kita, pero I am not stupid enough to do that thing na kaya mo namang gawing mag-isa," sabi ni Kylie. "Katamaran at katangahan lang iyan."
"Really?!" ang amused na tanong ni Joshua.
"Yes, Young Master. Now kung hindi mo na talaga kayang tumayo pa eh matulog ka ng ganyan ang suot mo," ang mapang-asar na suhestiyon ni Kylie. "Good night, Young Master." dagdag pa niya bago pa man siya hagisan ni Joshua ng isang babasaging vase.
"Get out of my sight!"
Yumuko na lamang si Kylie bago pa man siya tuluyang lumabas sa kwarto ng binata. Maski siya ay pagod na rin nang oras na iyon. Hindi biro ang control na ginagawa niya sa kanyang sarili para lang masiguro na hindi niya magagawang patayin ang binata. She has certain rules as an assassin na matagal-tagal na rin naman niyang sinusunod.
"Pasalamat ka at alam ko kung paano ko kokontrolin ang sarili ko," bulong ni Kylie sa kanyang sarili nang nailapat na niya ang pagod niyang katawan sa kama. “Kung katulad lang ako ni Zeke na talagang brutal sa pagpatay ay sigurado na akong patay ka na, kaninang umaga pa.”
ILANG ORAS pa lamang nakakatulog si Kylie ay narinig na niya ang malakas na pagkatok sa pintuan ng kwarto niya. Kahit na antok na antok pa siya ay pinilit pa rin niyang bumangon upang tingnan kung sino ang umistorbo sa tulog niya. Hindi pa man siya nakakapagsalita ay bumungad na kaagad ang boses ng kaharap niya.
"Kyle, wala si Joshua sa kwarto niya," sabi ni Don Emilio sa kanya. "Alam mo ba kung nagsuot ang batang iyon?"
Literal na nagising si Kylie sa narinig. Sa pagkakaalam niya ay iniwan lang niya si Joshua sa kwarto nito. In fact, naging kampante pa nga siya sa pag-iwan sa binata sa kwarto nito dahil alam niyang masyado na rin itong pagod buhat sa mga social events and charities na pinuntahan nila bilang representative ni Don Emilio.
"It seems like nagpunta na naman sa bar ang isang iyon," sabi kaagad ni Don Emilio. "Sakit talaga sa ulo kahit kailan!"
"Bar?" ang painosenteng tanong ni Kylie.
"Yes and I am sure na may tatawag na naman sa akin mamaya dahil nakipag-away na naman siya," sabi ni Don Emilio.
"Ano ang name ng bar na sinasabi ninyo, Master? Baka alam ko kung saan ko pupuntahan iyan," sabi agad ni Kylie.
Nangunot ang noo ni Don Emilio na parang inaalala nito ang pangalan ng bar na paboritong puntahan ng binata.
"I think nasa Kirkland Bar siya ngayon, as usual," sabi agad ng Don. "Alam mo ba kung saan pupuntahan iyon?"
"Yes Master, madali lang puntahan iyon," sagot naman ni Kylie.
"Well then, pumunta ka na agad at sunduin ang young master mo bago pa man tumawag ang bartender sa akin," sabi ni Don Emilio. “I have an important meeting tomorrow kaya hindi na ako pwedeng magpuyat pa.”
"Yes Master."
Nakahinga na lamang nang maluwag si Kylie nang nakaalis na ang matandang Carriedo sa harapan niya. Napakamot na lamang siya ng ulo nang napagtanto niyang ilang minuto na lamang ang natitira bago ang alas-dyes ng gabi.
“Pasaway na bata,” naiiling na sabi ni Kylie sa kanyang sarili. “Imbes na magpahinga ay inilaan pa sa kalokohan ang oras.”
Alam niyang hindi sasama sa kanya si Joshua kung ang magiging butler siya sa paningin nito. Kailangan niyang mag-anyong babae nang hindi napapansin ng kahit sino para masigurong sasama sa kanya ang binata.
Thankfully, gising pa si Zeke nang tumawag siya rito. Halos tawanan pa siya nito nang nalaman nito ang bago niyang trabaho. Pinapunta agad siya nito sa condominium unit nito para lang mapahiram ng mga damit na pwede niyang gamitin bilang isang babae.
"Really, Kylie? Pumayag kang maging butler ng isang spoiled brat?!" sunud-sunod na tanong ni Zeke sa dalaga habang nagbibihis ito sa isang bakanteng kwarto. "Mas madali pa ang pumatay kaysa sa trabaho mo eh."
"Well, ang magkaroon ng assurance of five million a month is enough para tanggapin ko ang trabahong inialok sa akin," sagot naman ni Kylie na inaayos na ang sarili sa harap ng salamin. “Buti na lamang at nagkasya sa akin ang damit ng mga past lovers mo.”
"Seriously, hindi mo talaga sinabi na babae ka?" tanong agad ni Zeke.
"Of course, alam naman natin na lalaki ang alyas na gamit ko kaya nang nagkita kami ni Don Emilio ay hindi ko na itinama pa ang pagkakakilala niya sa akin," sabi ni Kylie.
Napailing na lamang si Zeke sa narinig, "Kylie Tanya Vargas Legazpi, pasaway ka talaga kahit kailan. Pasalamat ka talaga at gising pa ako ngayon."
"I know," sabi ni Kylie sabay harap kay Zeke. "Huwag ka munang matutulog ah, dito ko dadalhin ang young master ko."
"No way!" protesta kaagad ni Zeke.
"Relax, papatulugin ko muna siya bago ko siya dalhin dito," sagot naman ni Kylie. "Walang monkey business, promise."
Bago pa man makapagsalita si Zeke ay iniwan na kaagad siya ng dalaga. He is sure na may seduction na magaganap kapag sinundo na ni Kylie ang binata. Well, gusto niyang makilala ang young master na sinasabi nito sa kanya.
MABILIS namang narating ni Kylie ang Kirkland Bar. As expected, maraming tao sa loob nang oras na iyon. Naiirita na siya sa usok na naaamoy niya. Siksikan pa sa loob kaya kailangan niyang ilikot ang mata niya upang mapabilis ang paghahanap niya sa binata. Nang napagod na siya sa paghahanap sa binata ay naupo na siya sa isang stool na nasa counter lang. Siniguro niya na hindi pa rin nawawala ang paningin niya sa paligid niya. Trained naman ang mata niya kaya naging mas mabilis ang paghahanap niya. Napangisi na lang siya nang nakita na niya ang target niya.
"Kuya, pwede mo bang dalhan ng isang scotch yung guy na nandoon sa sulok at mag-isang umiinom?" tanong kaagad ni Kylie sabay turo kay Joshua.
"Sure Ma'am," ang nakangiting sabi ng bartender sa kanya na sinuklian naman niya ng isang matamis na ngiting pambabae.
Halatang nagulat si Joshua nang may dumating na isang shot ng scotch para sa kanya. Sa pagkakatanda niya ay wala naman siyang inorder na ganoon dahil masaya na siya sa isang bucket ng beer.
"Galing po iyan sa isang magandang babae na nakaupo malapit sa counter," sabi agad ng bartender.
Nilingon kaagad ni Joshua ang babaeng sinasabi ng bartender. Napangisi na lamang siya nang nakita niyang kumindat ito sa kanya. Sigurado siya na atttracted ito sa appearance niya.
"Wala naman sigurong masama kung makikipagflirt ako sa kanya, kahit sandali," bulong kaagad ni Joshua sa kanyang sarili bago pa man siya lumapit sa babaeng nakita niya.
"Hi Miss," sabi niya kaagad nang nakatabi na niya ang dalaga.
"Hi din," ang nakangiting sagot naman ni Kylie. "Buti naman at nakuha mo ang pinaorder ko sa iyo."
"Well, that is unexpected," sabi ni Joshua. "Wala bang magagalit sa akin kung sakali?"
"Wala naman, by the way, I'm Tanya. Ano ang name mo?" tanong kaagad ni Kylie.
"Joshua, Joshua Carriedo."
Ngumiti lamang si Kylie, "You can join me here kung wala ka namang ginagawa. So ano ang ginagawa mo sa lugar na ito Joshua?"
"Nagtatanggal ng stress, you know, it's been a hectic day for me," sagot ni Joshua. "Ikaw?"
"Just enjoying the night," sabi ni Kylie. "Uhm, looking for a hookup?"
Napangisi na lamang si Joshua sa sinabi ni Tanya, "How about we spend the night together?"
"Saan? Your place or mine?" tanong agad ni Tanya na nagpalaki sa mata ni Joshua. “Spoiled brat nan ga, manyak pa. Saan ka pa?” dugtong niya kaagad sa kanyang utak na ang tanging gusto lang gawin nang sandaling iyon ay patulugin si Joshua.
"Well, sa place mo na lang," sabi ni Joshua.
"Sure, inom pa tayo. Let's enjoy this evening," sabi ni Kylie. "The night is still young."
Since attracted si Joshua sa dalagang katabi niya ay hindi na niya napansin pa na nilalasing lang siya nito. Bigyan man niya nang bigyan ng matatapang na lady’s drink si Tanya or Kylie ay hindi niya ito magagawang lasingin. Sanay sa inuman ang dalaga, hard drinks pa nga kung tutuusin ang iniinom niya dahil puro lalaki rin naman ang kasama niya sa talagang trabaho niya. Ni hindi na nga niya nakita pa na may inilalagay na itong pampatulog sa iniinom niya.
Ilang minuto lang ang pinalipas ni Kylie upang tuluyan nang tumalab ang gamot na inihalo niya. Isang lihim na ngisi ang sumilay sa labi niya nang tuluyan na niyang bumagsak na ang binata dahil sa kalasingan.
“Weak ka pala sa inuman eh,” nakangising sabi ni Kylie sa kanyang sarili. “Hindi na lang sana ako nag-effort na magmukhang babae sa iyong paningin dahil pwede naman pala kitang lasingin.”
"Bill please, ako na ang bahala sa kanya," sabi niya kaagad sa bartender.
"Sure Ma'am," sagot naman ng bartender sa kanya.
Nang nabayaran na ni Kylie ang ininom nila ay inalalayan na niya kaagad ang binata palabas ng Kirkland Bar. Nahihirapan nga lang siyang alalayan ang binata dahil mabigat pa ito sa kanya at heels ang suot niya nang oras na iyon. Hindi rin naman niya alam kung saan nakapark ang sasakyang ginamit ng binata. She has no other choice kundi ang iupo na lamang sa isang gilid ang binata at tanggalin ang suot niyang heels. Tinawagan na rin niya si Zeke para magpasundo sa Kirkland bar dahil sa tingin niya ay hindi niya kakayaning mag-isa ang pagdala sa binata.
"KASI naman, pwede mo akong isama kanina hindi mo pa ginawa," panenermon kaagad ni Zeke nang nagpatulong na si Kylie sa kanya.
"That would ruin my plan kung sakaling isinama nga kita," sagot naman ni Kylie habang inaayos ang binata. "By the way, papalitan ko na lang ang pampatulog na ipinahiram mo sa akin."
"Huwag na," sagot naman ni Zeke. "May mapagkukuhanan naman ako noon eh. So ano na ang gagawin natin sa isang iyan?"
"Hayaan mong ganyan ang suot, kunin mo na lang ang laman ng wallet niya at saka cellphone niya," sabi agad ni Kylie. "Palalabasin kong hinoldap siya ni Tanya which is..."
"...you also," dugtong naman ng binata. "Naku, kung hindi lang kita kilala."
Ngumisi na lamang si Kylie, "Just wait and see. Sige, magbibihis muna ako at hindi na ako komportable sa suot ko."
"Go ahead. Itago mo na lang iyan sa lugar na hindi mahahanap ng current lover ko," sabi ni Zeke. “Mahirap na, baka mag-away pa kami nang wala sa oras dahil lang sa iyo.”
"Sure. Ayaw ko rin naman ng trouble sa isang babae,” sagot ni Kylie. “Sapat na ang kumag na iyan para sumakit ang ulo ko.”
KINABUKASAN…
As expected, isang groan kaagad ang lumabas sa labi ni Joshua nang nagising siya. Masyadong malakas ang tama ng hangover niya kaya hindi niya napansin kaagad kung nasaan siya. Nagulat na lamang siya nang may pumasok na lalaki sa kwartong tinulugan niya. Literal siyang napatalon paalis sa kama.
"Relax, I am not here to punch you," sabi ni Zeke sa binata. "Kaibigan ako ni Kyle."
"Huh?! Kyle na naman?! Ang alam ko ay – “
"You were robbed last night dahil lasing ka," sabi agad ni Zeke. "Magpasalamat ka na lang sa butler mo at hindi ka niya hinayaang matulog sa gitna ng kalsada."
"What the fuck are you talking about?" inis na tanong ni Joshua habang hinahanap ang kanyang cellphone.
"Drink this coffee para mawala na ang pananakit ng ulo mo," sabi agad ni Zeke na napansin ang pagkapang ginagawa ni Joshua sa bawat bulsa ng suot nito. "Kyle will wait for you sa labas."
Naguguluhan man ay tinanggap na lamang ni Joshua ang kapeng ibinigay sa kanya ng binata. He literally needs it lalo na at parang binibiyak ang ulo niya nang oras na iyon dahil sa hangover. Ang huling naaalala lamang niya ay may isang babaeng nagpakilala sa kanya bilang Tanya. They were drinking buddies last night. Ni hindi nga nagpakita si Kyle sa kanya kaya hindi niya maintindihan kung bakit hindi niya katabi sa kama ang dalagang kainuman.
"Pakisabi kay Kyle na hintayin ako sa labas," sabi ni Joshua.
"Alam na niya iyon," sagot naman ni Zeke bago pa man ito lumabas.
Napahinga na lamang nang malalim si Joshua nang wala na si Zeke. Naguguluhan talaga siya dahil ang alam niya ay si Tanya ang kasama niya at hindi si Kyle. Ni wala siyang matandaang sinundo siya ng 'binata'.
"Matanong na nga lang ang epal na iyon mamaya," sabi ni Joshua sa kanyang sarili.