Halos isang oras nang naghihintay at nagbabantay si Kieffer sa walang malay na si Samantha. Ang sabi kasi ng doctor ay baka bukas pa magkakaroon ng malay ang dalaga. Nagvolunteer itong magbantay sa dalaga hanggang sa magising ito. Ayaw niyang mawala sa kaniyang paningin pa ang dalaga habang nasa hindi magandang kalagayan ito, natatakot na maulit pa ang nangyari. Hindi man niya ipakita pero may part sa nangyari na sinisisi niya ang kaniyang sarili sa nangyari sa dalaga. Wala siyang magawa kung 'di ang maupo sa isang silya malapit sa kama ng dalaga- umiiyak at nagdadasal sa Maykapal.
"Please, gumising ka naman oh," pagmamakaawang sambit nito sa kaniyang isip habang hawak-hawak ang kaliwang kamay ng dalaga.
"Sir, sir. Sina señorita Alli at si sir Ethan ay nagmamadaling umaalis kanina. Narinig ko kay señorita, pupunta daw sila sa ospital," ani Yaya ng bahay sa lahat at kahit sina Claire at Clara ay nagulat sa sinabi ng katulong.
"Sure ka na ba na kaya mong harapin si Sam?" ani Ethan habang nagmamaneho.
"Hindi ko alam pero isa lang ang sigurado ako, ay 'yung makita ko ang kaibigan ko," napangiti na lang ang binata sa sinabi ng dalaga. Walang halong kasinungalingan ang naging sagot ng dalaga kapag tungkol sa kaibigan nito.
Dahil sa may traffic noong mga oras na 'yon, maga-alos diyes na silang nakarating sa ospital- bitbit ang isang basket ng mga prutas at two orders ng espesyal na lugaw sa paboritong kainan ni Ethan.
"Are you ready?" nasa labas na ng kwarto ang dalawa nang tanungin ito ni Ethan habang hinihimas ang ulo ng dalaga.
"Alam mo, ang cute mong magpakalma ng mga babae. Siguro ganito ginagawa mo kapag nagtatampo mga ex-girlfriend mo?" matawa-tawa nitong sabi sa binata at napangisi lang ito.
"Okay na sana 'yung cute akong magpakalma pero bakit may ex-girlfriend? Eh wala naman ako no'n," natahimik na lang si Alli sa sinabi ng binata. Hindi niya maintindihan kung bakit bumilis ang tibok ng dibdib niya nang marinig ang mga salitang iyon sa binata.
"Kung gusto mong makakilala ng ex-girlfriend ko, sagutin mo muna ako at makikipagbreak din ako sa'yo," anito na mas lalong nagpapabilis ng tibok ng dibdib ni Alliah. Iniwasan nito ang malambing at maamong tingin ng binata at hinawi ang kamay sa kaniyang ulo dahilan para muntik nang matapon ang lugaw para sa dalawa.
"Dahan dahan lang naman sa paghawi. Tingnan mo muntik nang matapon itong lugaw. Hala ka, huwag mong sabihing kinilig ka sa mga sinabi ko?"
"Hindi ah!"
"Eh bakit ka namumula? Joke lang naman 'yon eh, buksan mo na kaya 'yung pinto?" agad nitong binuksan ang pinto gaya ng sabi ng binata.
Kung joke man ang lahat ng iyon bakit pati ang dibdib niya naghahabulan sa bilis ng tibok nito? Ang pag-iwas ba ng tingin ng dalaga sa binata ay sign ng inlove rin ito sa kaniya?
"Narito na pala kayo," bungad na sabi ni Kieffer sa dalawa nang makapasok ito sa kwarto ng kaibigan.
"Bumili ako bro ng paborito mong lugaw, heto tig-isa kayo ni Sam,"
"Thanks bro!"
"Sam, bumili ako ng mga prutas na paborito mo. Gusto mo ipagbalat kita ng mansanas?" hindi na nagdalawang-isip si Alli at agad nitong tinanong ang kaibigan ng nakatingin sa kaniya.
"Alli sorry,"
"Ssshhh, sorry Sam. Alam mo namang hindi ko kakayanin kapag may nagyaring masama sa'yo eh bakit ka ba uminom ng lason na 'yon? Kaasar ka alam mo ba 'yon?" hindi na napigilan ni Alliah ang umiyak habang yakap yakap ang kaibigan.
"Alam mo kung bakit 'di ba? Una sa lahat, ayokong malayo sa'yo kahit ilang metro ang layo alam mo 'yon,"
"Hindi ka pa rin nagbabago ang hina mo pa ring tao Sam,"
"Because you know that no one knows how much I love you, Alli. Gagawin ko ang lahat para maging okay tayong dalawa,"
"Kaso ang pangit ng pamamaraan mo Sam. Ginulo mo talaga ang utak ko kahapon at sa tingin mo ba, nakatulog ako ng maganda dahil sa nangyari sa'yo? Huwag mo na nga uulitin ang bagay na 'yon kung 'di, sisiguraduhin kong hindi na talaga kita patatawarin pa,"
"I missed you!"
"And no one knows how much I missed you, Sam. Please, pagaling ka at may bagong bukas na park malapit sa bahay at gusto kitang dalhin doon,"
"I can't even imagine all of this guys. See? Nanalo ako! Kung hindi pa ako nagsalita kagabi, hindi ka pa pupunta rito, Ms. Montemayor," ani Claire nang dumating sila sa kwarto.
"Claire?"
"Ano'ng sinasabi mo Claire?" sunod sunod na pagtatanong ng mga kasama nito.
"Ano Clara? Wait, huwag n'yo nga akong tingnan ng ganiyan guys. Sa tingin n'yo ba kaya kong sabihin ang mga salitang iyon kay Alli? Ah ba, ayoko kayang may isa pa akong kaibigan na iinom ng lason at baka ako rin eh, mapatalon na lang sa building sa sobrang sakit. Sinabi ko lang ang mga iyon para pumunta si Alli rito 'no? Hindi ako ganoong tao ah para sabihin ko sa'yo Einstein. Nahalata ko kasi na pababa kayo kaya nagsalita ako ng gano'n. Imagine, nakaisip ako ng plano sa konting segundo lang. At Clara, 'yung pagpapanggap kong paglalayas kagabi that is also a part of my perfect plan you know and see, it's worth it!" napailing na lang ang lahat ng naroroon sabay natawa sa plano ni Claire.
"Halika nga rito Claire. Ang yakap ko nasaan?"
"Nagseselos ako sa yakap n'yong dalawa ha," ani Clara sa dalawa habang mahigpit ang pagkakayakap sa isa't isa.
"Sa tingin mo ikaw lang ang nagseselos? Nagseselos rin ako Alli, paano naman ang yakap ko?" kita sa mga tingin ng iba ang naging reaksyon sa sinabi ni Ethan.
"Oh heto mansanas magbalat ka!" natawa na lang ang lahat sa biruan ng dalawa.
"Na-miss ko ang ganito guys," ani Sam habang hawak-hawak pa rin ang kamay ni Alli.
"Mas na-miss kita Sam,"
"So paano? Board examination is coming! Kailan tayo uuwi para magreview?" ani Clara sa lahat.
"Board examination? O baka naman si Mr. Right ang gusto mong i-review?" naguluhan man ang magkakaibigang Einstein ay sobra naman ang naging tawa ng tatlo sa sinabi ni Clara.
"Oo na. Nami-miss ko boyfriend ko ano ang masama ro'n? Tutal ang dalawa nating kaibigan eh nakabihag ng love dito sa Manila," sabay pagturo kina Ethan at Kieffer na katabi ng dalawang kaibigan nito.
"Sa bagay nga,"
"Hoy ano?"
"Bagay kayo! Kailan ang confession? Maggagayak ako ng booth para sa inyo," panggagatong na sabi ni Angeline sa mga ito.
Masayang nagtatawanan at nagkakabiruan ang mga magkakaibigan sa loob ng kwarto ni Sam. Wala silang paki-elam kung marinig man sila ng nurses at doctors sa labas ng kwarto basta ang alam nila, ay ayos na ang lahat. Nagkasundo na sina Alli at Sam at inaamin nilang nahulog sila sa plano ni Claire. Noon pa man din, novel author na ang hilig ni Claire kaso mas pinili niyang mag-aral ng Edukasyon para matustusan ng mabilis ang pangangailangan ng pamilya nila habang si Clara naman ay Commerce ang kinuha at kasalukuyang nagta-trabaho sa munisipyo ng lugar nila.
"Aminin n'yo na kasing natalo ko kayo sa plano ko 'no?" pagpipilit ni Claire sa lahat at mas lalong lumalakas pa ang tawanan aa loob habang si Alex ay nakikinig at naiiyak na lang sa naririnig nito.
"Sabi ko nga sa kaniya, sagutin na niya ako eh para kapag nagbreak kami siya ang first ex-girlfriend ko 'di ba guys?"
"Tumahimik ka na nga lang diyan sa upuan mo!"
"Sabi ni Angeline bagay daw tayo so ano plano mo? Gusto mong humabol sa Christmas para naman hindi malamig ang pasko ko," anito na nagpapalakas pa ng tawanan sa loob.
Panahon na ba para sumuko si Alex sa ginagawa nito para maibalik ang babaeng pinakamamahal niya?