Tinignan ko ang loob ng bahay habang hila-hila ko ang aking maleta na may lamang mga gamit. Kasal na ako, ibig sabihin ay titira na ako sa iisang bahay kasama ng asawa ko. Ugh, nakakapangilabot.
"Wala ka bang maids?" tanong ko kay Paxton kaya natigil siya sa paglalakad at hinarap ako.
"Meron pero lahat sila ay tinanggal ko na. Asawa na kita kaya hindi ko na sila kailangan," sagot nito na ikinataas ng kilay ko.
"Sinasabi mo ba na ako ang gagawin mong maid dito? Ako? Si Taki Villanueva?" mataray kong sambit na tinanguan nito.
"Bakit? May angal ka ba?"
Aba't loko 'tong...
Inirapan ko nalang siya at pahirapang binuhat ang maleta ko paitaas ng hagdan, ang loko ay nakangising pinapanood ako kahit na alam niyang hirap na ako. Wala siyang kwentang tao, lalaki, at asawa. Isa siyang malaking PUTA. Sige lang. Ngisian mo lang akong hinayupak ka. Tignan nalang natin kung makangisi ka pa kapag nalaman mo ang laman ng maletang ito.
Sinabayan niya ako sa paglalakad sa hagdan— ah mali, dinaanan niya lang ako. Nakakapanggigil talaga siya. Gustong-gusto ko siyang balatan ng buhay at ihawin ang balat niya sabay ibenta sa palengke.
"Ito ang kwarto mo."
Sinipa niya ang pintuan na naka-uwang ng kaunti kaya naman tuluyan na itong bumukas kasabay ng pagtambad sa akin ng malawak na kwarto, pansin ko na kulay pula ang pader nito maging ang mga gamit. Pumasok ako roon at sinuri ang paligid. Hindi na masama, pero...
"I hate red."
"Kriminal ka pero ayaw mo sa pula?" tanong nito kaya naman hinarap ko siya at malamig na tinignan.
"I love the sight blood of blood, but I hate red."
"Why?"
"I don't know."
Ngumiwi ito sa pagtataka sa sinabi ko pero nagsasabi ako ng totoo. I really hate red, especially black. Tumikhim ito at bumalik sa pagiging seryoso ang kaniyang ekspresyon.
"Kung may kailangan ako ay tatawagin nalang kita, nasa kabilang kwarto lang ako." habilin nito at umalis na ng kwarto.
Teka, baliktad ata 'yung pagkakasabi niya? Bakit kailangang ako pa ang kumilos kung may kailangan siya Aish, baka malapit na siyang matanggal sa trabaho kaya paubos na ang pera niya. Gumawa lang siya ng dahilan para paalisin ang mga maid, tama, baka ganu'n nga. Kung gayon ay ako ang kukuha ng maids.
Bago ko gawin iyon ay inaayos ko muna ang mga gamit ko. Mula sa mga damit, at ilang gamit pambabae, may dala rin akong ilang baril na gagamitin ko kung sakaling gumawa siya ng kalokohan o kung dumating ang tamang oras para mapatay ko siya at ng matapos na ang pagkakatali ko sakaniya. Pagkatapos kong mag-ayos ay naisipan kong maglakad-lakad muna sa buong bahay para kabisaduhin ito.
Malaki at malawak ang bahay. Sa unang palapag ay naroon ang maids' quarter, isang banyo, malawak na kusina, dining area, at living area. Nasa ikalawang palapag naman ang dalawang kwarto namin ni Paxton, at may nakita rin akong study room. Napakaboring ng bahay niya sa totoo lang. Walang katao-tao, malayong-malayo sa bahay namin.
Mula sa pamamasyal sa bahay ay natigil ako sa paglalakad nang may pumasok na tatlong babae. Kilala ko sila, sila rin 'yung mga babaeng kasama ni Paxton noong nasa club kami. Natigil rin ang mga ito sa pagtatawanan nang makita ako, hanggang sa lumitaw sakanilang labi ang isang demonyitang ngisi.
"Look who's here," bulalas ng isa at nilapitan ako sabay hinawakan ang buhok ko. "Balita ko ikanasal na kayo ni Paxton, pero bakit pinapatawag niya parin kami?"
"Mica, tumigil ka at baka marinig ka ni Paxton." sita naman sakaniya ng isa at mukhang kabado, habang ang isa ay tahimik lang.
Inakbayan ako ng babaeng may hawak sa aking buhok at natawa ng mahina, sabay inilapit ang kaniyang mukha sa pisngi ko. "Magpractice kang mabuti. Galingan mo girl. Good luck," bulong nito at amoy na amoy ko ang hininga nitong amoy sigarilyo.
Umirap ako sa hangin at tinignan ito. "Alam mo, hindi ko kailangang magpractice. Hahayaan ko kayong gawin niyang parausan dahil wala naman akong pakialam. Isa pa, hindi rin ako interesadong maikama ang isang tulad niya." Marahas kong tinabig ang kamay nitong nakaakbay sa akin. Pinagmasdan ko silang tatlo at nginisian ang mga ito. "Galingan niyo. Gawin niyo ang makakaya niyo. Good luck," panggagaya ko sa sinabi ng babae at naglakad na paalis.
Bwisit.
Bakit kailangan kong makipag-usap ng ganu'n sakanila? Bakit kailangan kong magsabi at mag-isip ng malalaswa para maging pantay ang pag-iisip namin? At ang bwisit na lalaking iyon, talagang ipinapamukha niya sa akin na kahit na kasal na siya ay malandi parin siya.
Bumuga ako ng marahas na hangin at naglakad muna palabas ng bahay. Ayokong manatili doon. Siguradong lalakasan nila ang kanilang mga ungol para pagtripan ako. Kapag nanatili ako roon ay paniguradong sasabog ang ngala-ngala nilang apat kapag narinig ko ang kahit na katiting na ungol nila.
Nasa kalagitnaan ako ng paglalakad ko sa gilid ng kalsada nang mapansin kong may sumusunod sa akin kaya naman huminto ako sa paglalakad na ikinahinto niya rin. Hinarap ko ito at tumambad ang isang maliit na batang lalaking mukhang nasa apat o limang taong gulang lamang na nakatingin sa akin. Animo'y sabot ang buhok nito, maputi ang balat, may nagkikislapang kulay asul na mata, matangos na ilong, at mapulang labi. Paniguradong magiging habulin siya ng mga babae pagtanda niya.
"Bakit mo ako sinusundan?"
Kumurap lang ito at hindi umimik. Teka, pipi at bingi ba ang batang ito? Hindi niya ba ako narinig o may pagkapilyo lang siya na nagbibingi-bingian?
Napatingin ako sa kamay nito at nakitang may buhat-buhat siyang isang pusa na duguan. Agarang bumalik sa ala-ala ko ang mga alagang tigre ni Mom kaya naman naawa ako.
"Gusto mo bang dalhin natin siya sa hospital?" tanong ko sa bata na tinanguan niya naman. Nilapitan ko siya at kinuha ang pusa sa bisig nito. Tinignan ko ang sugat ng pusa at mukhang malala iyon kaya naman nang may matanaw akong papalapit na taxi ay agaran kong pinara at pumasok na ako kasama ang bata.
Nagpahatid ako patungo sa alam niyang veterinary clinic kaya nagsimula agad ang biyahe namin. Habang nasa biyahe ay panay ang pagbahing ng bata at kinakamot nito ang kaniyang braso na hindi ko makita dahil nakajacket siya. Pinabayaan ko nalang iyon dahil baka kinagat siya ng kuto ng pusa o ng langgam.
Ilang saglit lang ay nakarating na kami sa isang veterinary clinic kaya naman agaran kong ipinaasikaso ang pusa sa isang doctor.
Harap-harapan kong pinanood ang panggagamot nito habang nasa likuran ko lang ang kasama kong bata na nagmamay-ari sa pusa.
"Sa ngayon ay maayos na ang sugat niya pero kailangan niya munang mamahinga upang mabawi ang lakas niya. Mas mabuti kung manatili muna siya rito ng kahit na isang araw para mabantayan ko ang kalagayan niya," lintana ng doctora na tinanguan ko.
"M-mabuti naman," mahinang sambit ng batang nasa likuran ko at nakarinig kami ng kalabog. Nilingon ko ito at nakitang nakahandusay na siya sa sahig.
Dali-dali siyang nilapitan ng doctora at ihinarap ito. Kapansin-pansin ang pamumula ng mukha nito at may ilang pantal sakaniyang leeg.
"Teka, allergy siya sa pusa." usal ng doctora at napatingin sa akin sabay pinaningkitan ako ng mata.
"Wala akong alam. Sinasamahan ko lang siya dahil naaawa ako sa pusa niya," paliwanag ko na sininghapan nito.
"Kukuha ako ng sasakyan. Dalhin mo siya sa hospital dahil para lang sa mga hayop ang gamit ko rito." Pagkatapos niyang nagsalita ay nagmamadali na itong umalis.
Napatingin ako sa bata at suminghap. Naglalakad lang naman ako pero bakit napadpad ako sa isang veterinary clinic at mapapadpad palang sa hospital? Tsaka bakit kailangang ako pa ang mag-asikaso nito e hindi ko naman kilala ang batang 'to.
Bumuntong-hininga ako at napilitang binuhat ang bata. Dinala ko na siya sa labas at isinakay sa nakitang taxi na pinara ng doctora. Nagpahatid naman ako sa hospital at ipinaasikaso naman ang bata na agarang binigyan ng atensyon ng doctor rito.
Narinig ko na nagring ang phone ko kaya naman inilabas ko iyon at nakitang tumatawag si Paxton. Imbes na sagutin ay binabaan ko ito. Mas gusto kong asikasuhin ang batang ito kaysa umuwi sa letseng bahay niya na alam kong makakasama ko lang ang mga babae niya.
Muling nagring ang phone ko pero isinilent ko na iyon upang walang abala. Manigas ka.