THE DISCO'S INFERNO
CHAPTER SEVEN: MOTHER VS. DAUGHTER
Hindi pa man nakakatungtong sa loob ng mansion ang maag-ina na si Beth at Kimberly ay agad na niya itong pinatikim ng malakas na sampal na kanina pa niya pinipigilan. Gulat na gulat si Kim sa ginawa ng kanyang ina sa kanya. Napahawak ito sa kanyang pisngi na nanakit ng dahil sa kanyang sampal. “Para saan ‘yon?” tanong ni Kim sa kanya na bahagya pang natawa. Hindi sumagot si Beth at walang pagdadalawang-isip na sinugod si Kimberly. Sinaktan niya ito habang pinagsasalitaan ng masama.
“Hayop ka! Napakasama mong tao! Wala kang kwenta!” sigaw ni Beth sa kanya na patuloy pa rin sa pagpalo kay Kimberly. Galit na galit ito nang ipatawag siya sa opisina ng adviser ng kanilang mga guro, iniwan niya ang pinakamahalagang business meeting niya para lamang daluhan ang walang kwentang kalokohan na ginawa ni Kim sa kanyang kapatid.
“Beth tama na,” wika ni Joseph at pilit na pinaghihiwalay ang dalawa. Si Juli naman ay nakikiawat na sa kanila, hindi niya maiwasang mapaluha. Naaawa siya sa kanyang kapatid. Kahit hindi siya si Kim ay nasasaktan siya sa tuwing sinasabihan siya ng masasakit na salita, alam niya kung gaano kasakit ‘yon dahil siya mismo ang nakaranas ng ganoon noong bata pa siya.
“Putangina Joseph! Hahayaan mo bang ganto ang ugali ng anak mo? Dapat sa kanya dinidisiplina!” sigaw ni Beth na kumawala sa pagkakayakap ni Joseph. “Dapat sa kanya maghirap! Ang yabang yabang mo,may ibubuga ka ba?” galit na galit na tanong ni Beth habang dinuduro si Kimberly na kasalukuyang naka-upo sa malamig na sahig ng kanilang bahay.
“Bata pa siya, hindi niya-“
“Tangina bata ba ‘yan? Labing-walong taong gulang na ‘yan! Nakikipag-inuman na ‘yan, bata pa?” tanong ni Beth sa kanyang asawa. “At ikaw! Oras na maulit ‘tong kalokohan mo, hindi lang ito ang aabutin mo!” sigaw ni Beth at muling lumabas ng bahay. Binalingan ni Joseph ng tingin si Kimberly na tuloy-tuloy pa rin sa pag-iyak. “Halika na Joseph, may meeting tayo!” wika ni Beth. “Sorry anak, we need to go,” wika ni Joseph at sumunod na sa kanyang asawa.
“Kim, tahan na…” wika ni Juli at akmang tutulungan niya ang kanyang kapatid ngunit pinangunahan siya nito. Tinulak ni Kim si Juli dahilan upang mapa-upo ito sa malamig na sahig.
“At ikaw naman plastic ka! Don’t ever touch me again!” wika ni Kim at agad na umalis. Nagtungo ito sa kanyang kwarto habang umiiyak haabang si Juli naman na nagmamagandang loob na ay naiwang naka-upo sa malamig na sahig ng kanilang kabahayan.
“Ano Joseph? Akala ko ba mapapalaki mo nang maayos ang batang ‘yan?” tanong ni Beth sa kanyang asawa habang nagmamaneho ito.
“Napalaki naman natin ng maayos si-“
“Natin? Joseph ikaw lang ang may responsibilidad na palakihin ng maayos ang batang ‘yan, hindi ako. Ako na nga nagpapalamon ako pa ang bibigyan mo ng responsibilidad na pala-“
“Oo na, ako na. Ako na lang ‘yung may mali,” wika ni Joseph sa kanyang asawa at napasuntok sa manibela ng kanilang sasakyan.
“Kung hindi ka ba naman kasi malibog at malandi, wala sanang mabubuo.”
“Tangina tama na ‘di ba? Tumahimik ka na!” sigaw ni Joseph sa kanyang asawa.
B E T H
Napairap na lamang ako nang sigawan ako ni Joseph, ganyan naman siya lalo na kapag pinapaalala ko lahat ng mga kasalanan niya. Matagal na kami ni Joseph at wala kaming anak dahil may sakit ako sa obaryo, may anak kami kaaso nakunan ako at kalianman ay hindi na iyon nasundan pa. Hindi naman sana kasi mamamatay ang una naming supling kun’di lang dahil makasarili siya.
“Pwede bang dito ka na lang muna, wala kasing mag-aasikaso sa akin dito,” pagpipigil ko kay Joseph habang nakahiga ako sa aming malambot na kama.
“Ano ka ba? Saglit lang kami, uuwi rin ako kaagad,” sagot niya sa akin habang binubutones ang kanyang polo. Napasinghap na lamang ako sa hangin at pumayag sa gusto niya. Hindi ko naman siya mapipigilan dahil ngayon lang may pagkakataon.
Nasa isang resort kami ngayon dahil nagsagawa kami ng baby shower. Masaya ako na it’s a girl ang magiging panganay naming. Ingat na ingat ako sa bawat pagkain ko, nag-yo-yoga class din ako para kahit papaano ay hindi raw ako mahirapang manganak. I’m very happy dahil binigyan kami ng pagkakataon na magkaanak. Mahina kasi ang matres ko kaya’t hirap kami magkaanak. After years of waiting, finally we made it.
Hindi sana mawawala ang baby namin kung hindi naging burara si Joseph sa gamit. Nadulas ako dahil hindi ko nakita ang basang twalya niya na pakalat-kalat sa sahig. Our last hope is gone. I tried contacting him pero nakapatay ang cellphone niya. Naramdaman ko na lang na sumasakit ang vagina ko hanggang sa nawalan ako ng malay.
That made me so annoyed and depressed. Akala ko mamamatay ang anak ko nang dahil sa katandaan, mali pala ako. Ginawa ko ang lahat upang maprotektahan ang anak ko pero halat nang iyon ay nabalewala nang dahil sa kapabayaan ng asawa ko. Hindi kami naging okay ni Joseph for 5 months. We parted ways hanggang sa magkaayos muli kami, nagplano na magbagong buhay at kaimutan ang nakaraan hanggang sa malaman ko na nakabuntis siya ng isang empleyado sa aking kompanya. Parang gumuho ang luha ko nang malaman ko ‘yon, nandiri ako sa kanya at pilit ko siyang tinataboy palayo pero siya itog nagmamakaawa kaya wala akog nagawa. Kahit na galit na gslit ako sa kanya ay tinanggap ko siya at ang bata basta’t ang usapan namin ay palalakihin niya ito bilang isang mabuting tao pero hindi nangyari ‘yon.
Puro kahihiyan na lamang ang binibigay sa akin ni Kim, hindi lang pala sa akin, maging sa aking pamilya. Yes matalino siya at maganda pero ang ugali niya ay hindi karapat-dapat sa kaanyang anyo hanggang sa makilala ko si Juli. Gumaan ang loob ko nang maging parte siya ng pamilya namin, tinuring ko siya na para bang isang tunay na anak. Ang buong pagmamahal ko ay ibinigay ko sa kanya at patuloy naman niya iyong sinusuklian. Juli makes me proud everyday kaya’t nang nalaman ko na binubully siya ni Kimberly ay sobra-sobra ang galit na naramdaman ko sa kanya. Sa oras na ulitin niya ito ay hindi ako magdadalawang-isip na itaboy siya at ibalik siya sa lupang kanyang pinanggalingan.