Background Story of 'The World of Benumbed'
Si Queen Alicia ay isang tao rin, siya ang bumuo ng The World of Benumbed.
Noong nabubuhay pa si Queen Alicia, ay nagkaroon s'ya ng karelasyon na nag ngangalang Alfred Kingsley Corvix.
Matagal na silang magkarelasyon simula nang mag high school sila. Nagsimula muna sila sa 'puppy love' kung tawagin noon, hanggang sa mag matured na sila pareho at nagdesisyon na maging mag ka-relasyon na.
Ngunit tumututol ang magulang ni Alfred sa kadahilanan na gusto nilang ipapakasal si Cara Amison rito, si Cara Amison ay ang kilalang ina sa unang chapters ng kwento.
Ngunit itinago ng pamilya nila ang patungkol dito kay Alicia at sinabing ayaw nila rito dahil walang mapapala sa kanya si ang anak nilang si Alfred.
Kaya naman no'ng mag plano ang magulang ni Alfred, ipinaglayo sila ng magulang ni Alfred sa pamamagitan ng pag punta sa amerika at doon sila naninirahan.
Nagsabi na si Alfred kay Alicia na babalik s'ya rito at papatunayan n'ya sa kanyang magulang na karapat-dapat silang dalawa na magsama.
Kaya naman ipinanghawakan ng dalaga ang pangakong ito ni alfred. Nag antay si Alicia ng matagal hanggang sa dumating na nga si Alfred dito sa pinas.
Pagbalik nito sa pinas ay na balitaan na lang ng dalaga na may kasintahan na pala ang binata, kasal na sila ng bago niya at nagdadalang tao ang kan'yang asawa.
Labis ang hinagpis at galit ni Alicia sa kanyang dating kasintahan, nagdulot ito sa kaniya ng depresyon. Nagkulong lang s'ya sa kan'yang kwarto.
Sobrang sakit ang ipinaramdam sa kaniya ng kaniyang dating nobyo, ngunit no'ng dumating ang araw na nabalitaan n'ya na may Brain Tumor si Alfred agad niya itong pinuntahan at hindi inalintana ang galit at sakit na ipinaramdam sa kaniya ng binata.
Matagal nang nakikipag laban sa sakit na Glioblastoma grade 4 (type of Brain Tumor) ang binata at no'ng araw na 'yun ay hindi s'ya pinayagan ng magulang ng dati niyang nobyo na makita s'ya.
Sa 'di pag payag ng magulang ng binata na makita ng dalaga ang dati niyang nobyo ay nagtalo sila. Sa kalagitnaan ng pagtatalo ay narinig nila ang sigaw ng kaniyang asawa mula sa loob.
Agad naman pumasok ang mga magulang ng binata at binigyan pa siya ng huling babala ng ina nito. "Umalis ka na, kapag may nangyaring masama sa anak ko, hinding-hindi kita mapapatawad." Sumpa nito saka na pumasok sa kwarto.
Matapos noon ay hindi pa muna umalis si Alicia, bagkus ay nanatili pa siya roon para masulyapan ang kalagayan ni Alfred. Matapos ng ilang segundo ay biglang may tatlong doktor ang nagmamadaling pumasok at nabangga pa ito.
Hindi na nagawa humingi ng paumanhin ng isang doktor na nakabangga rito sa pagmamadaling makapasok. Takang sumilip siya sa loob at doon niya nakita ang blangko nang heartbeat ng binata.
Labag man sa loob ng mga magulang ng binata na lumabas ay pinilit pa rin nila at nag antay na lang sa labas. Hindi na nila binigyan ng pansin ang dalaga sapagkat lamang ang pag aalala nila sa kanilang anak.
Matapos ng ilang minutong pag aantay, agad silang tumayo para salubungin ang doktor na lumabas mula sa kwarto ng binata.
"Are you the guardian of the patient?" Tanong ng doktor sa magulang ni Alfred. Kabado man si Alicia habang nakikinig ay pinagpatuloy niya pa rin pakinggan ang balita ng doktor.
"Yes doc, we're his parents," nanginginig na wika ng ina ng binata habang ang kaniyang asawa ay pilit siyang pinapakalma.
Panandaliang nanahimik ang doktor pero nagsalita rin ito kalaunan. "I'm sorry, we already made our best to save your son's li—" hindi na pinatapos ng ina ng binata ang pagsasalita ng doktor. Bakas sa mukha ng ina nito ang galit at hinagpis habang sinisigawan ang doktor, habang ang doktor ay nakayuko na lamang.
Napako naman sa pinagtayuan si Alicia matapos marinig iyon. Napaluhod naman ang ina ng binata habang patuloy ang pag iyak.
Pumasok na sa loob ng kwarto ang mga magulang niya matapos ng ilang segundo ngunit hindi na pinapasok ng ama ni Alfred si Alicia dahil baka sa kaniya pa mabuntong ang galit ng ina.
Tulalang lumabas ng ospital si Alicia habang patuloy pa rin na pinipilit hindi isipin ang sinabi ng doktor.
Pagkatapos ng pangyayaring iyon, kahit sa paglibing ni Alfred ay pinagdamot ito ng pamilya niya kay Alicia. Wala siyang nagawa dahil lahat ng pamilya niya ay siya ang sinisisi sa pangyayari.
Dumating ang araw na naisip ni Alicia na walan na rin s'ya saysay para mabuhay, kaya naman pumunta s'ya sa una nilang tagpuan ni Alfred at nagdala s'ya ng isang patalim. "Mahal, hindi mo man tinupad ang iyong pangako, hindi pa rin magbabago ang pagmamahal ko sa'yo, mananatiling buhay ang puso ko para lamang sa'yo."
Matapos niyang bigkasin ang mensahe ay itinarak na niya ang kanyang dalang patalim sa kanyang dibdib kaya naman siya'y nawalan ng buhay hanggang sa mahulog ang katawan n'ya sa isang bukal kung saan una sila nagkatagpo ni Alfred, hanggang sa mabuo ang The World of Benumbed.
Sa ilalim ng mundong puno ng mapanglinlang na mga tao, mayroon pa ring bukal na pag ibig na tanging kaluluwa lamang ang kayang magparamdam.
Nawalan man na s'ya ng pakiramdam, ngunit hindi pa rin nawawala sa isip n'ya ang sakit na dinulot sa kan'ya ni Alfred. Gano'n pa man, hindi pa rin nagbabago ang nararamdaman n'ya para rito.
Inakala ni Alicia na lahat ng tao ay may masusukal na ugali gaya ng sa ugali ng magulang ng kaniyang dating nobyo. Kaya naman ipinagbawalan niya ang mga kalahi na hu'wag umibig sa tao. Only living soul can love each other, ngunit pinatunayan ni Maggie na may mabubuting loob pa rin sa mundong mapanglinlang.