RIO'S POV
Mariin akong napapikit kahit na ka-mu-mulat ko lang nga aking mga maga ng kumirot ang aking ulo dahil hangover. Hinilot-hilot ko pa ang aking sentido para naman kahit papa'no ay mabawasan ang sakit niyon.
Tsk. Panira. Masarap ang alak pero pag sumobra, sobrang sakit din ng ulo ang dala. Gaya na lang ngayon. Kung pwede na lang na ipaputol ang ulo ko, baka ginawa ko na. Bumuntong hininga ako at ipinagpatuloy ang paghilot sa nananakit ko pa ding sentido. Ramdam ko yung tibok mga dre!
Napabuntong hininga pa ako ulit sa pangalawang pagkakataon bago bumangon para lang matigilan nang mapansin na wala pala akong saplot sa katawan. Napakunot-noo ako at inilibot ang paningin. Kelan pa ako natulog ng hubad?
Napansin ko din ang pambabaeng amoy sa hangin kaya mas lalo akong nagtaka.
Hindi ko naman kasama yung babaeng dapat sana ay pi-pick up-in ko kagabi. I mean... Tsk. Ewan.
Dahil sa kalasingan namin kagabi ay basta nakapalda, at seksi sa paningin namin ay inaalok namin ng one night stand. Mayroong isa akong natatandaan na pumayag pero sa di malamang dahilan ay tinanggihan ko. Nang malapit na kami sa hotel na ito hindi ko na sya pinatuloy. Binigyan ko na lang sya ng isang libo pagkatapos ay pinaalis na. Kita ko pa nga ang panghihinayang sa mukha nya bago sya tumalikod pero hindi ko na pinansin. Wala ako sa mood. Ang gusto ko kagabi ay makapagpahingan dahil lasing na lasing ako gaya ng mga kaibigan kom
Muli kong inilibot ang paningin ko sa kabuuan ng aking kwarto nang bahagya ko nang ma-i-angat ang katawan ko mula sa pagkakahiga. Nakasandal ako sa headboards ng kama kaya nakita ko ng maayos ang paligid at noon ko lang napasadahan ng tingin ang pulang mantsa sa kama.
"Sh*t!!! Itinuloy ko talaga? " parang t*nga'ng pagka-usap ko sa sarili ko.
Sinabunutan ko pa ang sarili ko sabay hilamos ng palad sa mukha dahilan para muling maramdaman ko ang kirot ng aking ulo. Bakit ba kasi dinamihan ko ng pag-inom ng alak kagabi?! Hindi ko na tuloy alam ang mga pinag-ga-gawa ko dala ng kalasingan ko. Tapos may na-i-kama pa ako na akong naka-una. Geez!! Hindi ako katulad ng iba kong kaibigan na F*ck and run.
Padaskol akong bumangon at dumiresto sa banyo. Maliligo na lang ako. Matapos kong maligo at magbihis ay bumaba na ako. Nasa isip ko pa din kung ano ba talaga ang totoong nangyari kagabi at kung sino yung babae, pero wala akong maalala. Lalo lang sumasakit ang ulo ko kaya naiinis na naman ako.
Nandoon na ang mga kaibigan ko sa buffet style restaurant sa ibaba ng hotel suite na tinutuluyan naman. May nakakalokong mga ngisi ng tuluyan na akong makalapit sa kanila.
"GOOD morning!!! " diniinan pa ni Nick ang salitang GOOD tsaka lumapit sa akin at pabiro akong hinampas sa balikat. "Kumusta ang nadiligan? " nakangisi pa din na tanong nya at bumaling pa sa iba na akala mo ay kumukuha ng suporta mula sa mga ito.
"Kanina pa kayo dito? " iyon na lang ang tanong ko. Hindi ko pinansin ang makahulugan nilang tingin sa akin. Naghihintay lang ng chismis ang mga ito. Sigurado ako.
"Oo." si Zen ang sumagot at hindi ko alam kung bakit pakiramdam ko ay ang awkward ng lahat. Hindi ko na lang pinagtuunan ng pansin iyon at binalingan sila. Nakangisi na ako sa ngayon. "So, kumusta nga ang nadiligan. Maganda ka palang kasama pag nalalasing. Malakas ang loob. Hindi takot sa chix. "sabi naman ni Zen na nakatanggap ng hampas sa balikat galing sa fiancee nya. Natawa naman kaming lahat ng mga kaibigan nya dahil sa ginawa ng kaibigan kong si Czairah.
"Wala akong maalala sa mga nangyari kagabi kaya balewala din. But one thing's for sure." inisip ko pa kung sasabihin ko ba sa kanila. Kita ko naman na talagang nag-aabang sila. Maging si Czai ay nakatingin din sa akin. "I was her first." pagkasabi ko nun ay naghiyawan sila.
Mga siraulo.
"Guys!! Manahimik nga kayo. Hindi parausan ang mga babae ah."saway ni Czai sa kaguluhan ng mga kainigan ko. Pinagtitinginan na din kami ng mga tao at nakakahiya iyon. "Nakakainis talaga kayong mga lalaki. Ang hahalay ng usapan nyo." sabi ni Czai sa amin kaya natahimik kami. Pilit naman syang inaalo ni Zen pero iniirapan lang nito ang kaibigan ko. Napangiti na lang ako. I'm just happy for the both of them.
Nang kumalma na sila ay naggsimula na din silang kumain samantalang ako ay iniisip pa din kung sino ang babae na nakasama ko kagabi. I mean, hindi ako mapakali knowing that I am her first. Iba ang pakiramdam ko.
"Hanapin natin gusto mo? " napalingon ako kay Zion. Nandito pala sya. Hindi ko na napansin dahil sa lalim ng iniisip ko. Napabuntong-hininga ulit ako imbes na magsalita. Pang-ilang buntong-hininga ko na ba ito simula kaninang magising ako? Tsk.
"First time makipag-one night stand. Makaka-move on ka din nyan. Hayaan mo na. Wag mo ng paka-isipin. For sure magpapasalamat pa yun kasi ikaw ang first experience nya bago sya sumabak sa totoong mundo." si Nick iyon. Nakangisi pa.
Hindi ko na lang sila pinansin at nagfocus na lang sa pagkain ng agahan kahit pa nga hindi pa din maalis sa isip iyong babaeng nakasama ko kagabi.
Ano kaya ang itsura nya? Maganda kaya sya? Kapag ba nagkita kami ulit makikilala ko sya kahit hindi ko sya maalala ngayon?
Sana.
Sana ngayon lang ito na hindi ko sya maalala. Pakiramdam ko kasi ay kailangan ko syang makita at maka-usap ulit. I don't know. Maybe I should say sorry to her for what I've just did. Iniisip ko na baka na-agrabyado ko sya. Lasing ako kagabi at hindi ko matandaan ang mga nangyari kapag lasing na lasing ako. Wala akong kontrol sa mga ginagawa ko basta gustuhin ko.
"Move on na brod, hanap ka na lang ng bagong chix. May kaibigan na maganda yung girlfriend ko. Reto ko sayo." sinamaan ko ng tingin si Zion dahil nagbibiro pa talaga.
Nakikita naman nyang seryoso ako dito. Nag-iisip ako. Psh. Mga kaibigan ko talaga walang pakisama. Nagtataka tuloy ako kung bakit naging kasundo ko sila.
"Sa akin mo na lang ireto kung ayaw ni Rio. I need to get married too. Mag-aasawa na si Zen o. Dapat ako di. Mukhang maganda ang epekto ng may jowa eh." singit sa usapan ni Nickolas.
Nagkatawanan naman ang iba pa at sinang-ayunan ang sinabi nito. Nanatili akong walang imik at nagfocus na lang sa pagkain. Bahala na sila dyan. Dati pa naman wala akong trip sa mga babaeng inirereto nila sa akin simula ng maghiwalay kami ng ex ko. Pag hindi kasi clingy ang ipinapakilala nila sa akin, masyado naman demanding. Tipong isang araw pa lang namin sinusubukan na magdate eh kung ano-ano na ang demand.
NESSA'S POV
"O!! Vannessa!!! Akala ko ba kasama ka nina kuya Zenith sa beach? Anong ginagawa mo dito? Bakit ang aga mo?" pagod akong umupo sa sofa sa mini-office nitong café. Ang ganda ng bungad sa akin ng babaeng ito. Sumasakit pa nga ang ulo ko pero niratrat na ako ng mga tanong.
Hinilot ko pa ang sentido ko na na-nanakit pa din, ganun din ang nasa pagitan ng mga hita ko. Napabuntong-hininga ako ng maalala ko ang dahilan kung bakit agad akong umalis. Sana lang talaga hindi nya maalala, kun'di wala akong mukha na ihaharap sa kanya. Nakakahiya din kina kuya kapag nagkataon. Baka itakwil ako nun bilang kapatid nya. Psh. Pero baka naman maunawaan nya ako kapag nag-explain ako.
Ah basta!!!! Hindi ko na muna iyon iisipin.
"Hoy!!! Ano na? Anong ginagawa mo dito, eh kahapon lang kayo umalis. Diba ngayon ang birthday ng kuya mo?" mahina pa nya akong hinampas sa braso.
Malungkot ko lang syang binalingan ng tingin pagkatapos ay umiling. Isa pa iyon, hindi na ako nakapagpaliwanag sa kanila ng maayos. Kawawa naman ang kapatid ko dahil ni-isang kapamilya nya ay wala man lang syang kasama. I just hope na ma-enjoy pa din nya ang kaarawan nya kahit wala kami doon para samahan sya sa celebration.
"Di ko trip. Gusto ko sa bahay lang. Besides, kami lang ni ate Czairah ang babae dun. May kasama naman jowa yung iba pero di ko naman ka-close." sagot ko sa kanya. Sabay sandal ng katawan ko sa sofa
"In-short? Boring? " napangiwi pa sya.
"Yup." muli akong tumayo at pasimpleng napa-ngiwi ng maramdaman ang hapdi sa pagitan ng mga hita ko. "Since bumalik na ako. Alisin mo na yung leave ko. Magtatrabaho na ako." sabi ko sa kanya.
Agad akong lumapit sa locker na nandun at kinuha ang uniform ko bago dumiretso sa banyo na nandoon din sa loob at nagpalit ng damit.
Napatitig ako sa sarili kong repleksyon sa salamin na nandoon. Ngayon ko lang nakita ang mga marka sa katawan ko. Pasalamat na lang dahil magagawa iyong maitago ng damit na susuotin ko. Wag lang akong magsasando. Pero malabo, hindi naman ako nagsusuot nun. T-shirts at shorts na hanggang tuhod ang madalas kong suot na pambahay. Kapag umaalis naman ako gaya nitong pupunta sa trabaho ay nakapantalon ako tapos blouse o T-shirt din ang pang taas ko.
"Ano na girl? Nahigop ka na ba ng inidoro? Ang tagal mo. Babalik na ako sa labas, baka may customer na." rinig ko si Ally sa labas ng pinto ng banyo.
"Sige. Susunod na ako kaagad." sabi ko sa kanya. Nag 'Sige' lang sya samantalang ako ay ipinagpatuloy na ang pagpapalit ng damit bago lumabas at tumulong sa kanya. Nagpakawala ako ng isang malalim na buntong hininga bago tuluyan ng lumabas matapos kong magpalit ng damit na nagsisilbing uniform namin dito sa Coffee shop.