"Friends?," takang tanong n'ya kaya pinagtaasan ko s'ya ng kilay. Matapos magsink in sa kan'ya ang sinabi ko ay nginitian n'ya ako saka lumapit para guluhin ang buhok ko.
Agad ko rin naman s'yang binatukan kaya natawa s'ya.
"Tara na, ihahatid na kita sa paradahan mo," narinig kong sabi n'ya sa akin.
"Ayoko nga! Ano kita, jowa?!" sabi ko naman kaya nilingon n'ya ako at pinagtaasan din ng kilay.
"As a friend?!," tugon n'ya saka ako tinalikuran. Inirapan ko na lamang s'ya saka sumunod papunta sa paradahan.
Sabagay, madilim na rin eh, baka mapaano pa ako.
"Bye!," nakangiti n'yang sambit nang makasakay ako sa jeep. Nakita ko pa s'yang kumaway sa akin bago umandar at makalayo ang jeep.
Napasapo ako sa noo ko. Totoo ba 'yon?! Nakipagkaibigan ako?!
Lutang ako nang makarating sa bahay. Sinalubong at binati ako ni Mama pero masyado akong napapaisip sa mga desisyon ko sa buhay kaya nakatulala lang ako.
"Keziah Reign Funtanilla," napahawak ako sa dibdib dahil sa gulat nang mapansin na nasa tapat ko na si Mama at nakapamewang pa sa harapan ko.
"Ma! Bakit ka nandito?," tanong ko bigla kaya pinagtaasan n'ya ako ng kilay. "Dahil bahay ko 'to?," sabi pa n'ya sa akin kaya napakamot nalang ako ng ulo ko. 
"Anong problema mo at tulala ka?," tanong pa n'ya habang nag-aayos ng pagkain sa lamesa.
"Ma kasi..," problemadong sagot ko kaya napatigil s'ya, akala siguro ay may malaki akong problema.
"May bago kasi akong kaibigan," pagpapatuloy ko pa. Agad namang kinuha ni Mama ang plato namin at ibabato sana sa'kin. "Kainaman kang babae ka, akala ko kung napaano ka na!," natawa ako sa reaksyon n'ya.
"Maaa. Lalaki kasiii?! May kaibigan na akong lalaki!," I exclaimed as I sighed in disbelief. Grabe naman talaga 'tong araw na 'to!
"Kaibigan lang naman pala eh," saka n'ya pinagpatuloy ang pag-aayos pero agad ding tumigil. 
"Lalaking kaibigan ba kamo?!," nilapitan pa n'ya ako. Tinanguan ko naman s'ya habang bored na tinanggal ang sapatos at bag ko para ilagay sa upuan.
She acted na parang nagulat at talagang tinakpan pa ang bibig. Maya-maya ay tuwang-tuwa s'yang tumalon.
"Omg! I'm so proud of you!," sabi pa n'ya. Pagkatapos ay lumapit s'ya sa ref para may kuhanin doon. Cake?
CAKE???!!!
Hindi ko s'ya pinansin saka binuksan ang cake na kinuha n'ya. Strawberry flavor 'yon kagaya ng favorite ko.
Tuwang tuwa akong kumuha ng plato at kutsara. Kumuha na rin ako ng kutsilyo para mahati ang cake.
"Maaa, ang sarap ng cakeee! Tapos strawberry pa talaga!," naiiyak na sambit ko. Weakness ko talaga ang cake eh, lalo na kapag strawberry.
"Saan galing 'to, Ma?," sabi ko habang ngumunguya pa ng cake.
"Sa kapitbahay 'yan, pinapalagay lang sa ref natin pero sige kainin mo na. Bibili nalang ako bukas ng bago," sabi ni Mama kaya halos mabulunan ako. Pero mukhang wala rin lang naman 'yon sa kan'ya dahil muli na naman s'yang tumalon-talon. Napailing nalang ako.
Madami pa kaming pinagkwentuhan bago ako umakyat sa kwarto ko para magpahinga. Hindi na muna ako nag-effort na magbihis dahil humiga muna ako para makapagpahinga kahit papano.
Hindi pa rin ako makapaniwala na nagawa kong makipagkaibigan sa isang lalaki. Paano na 'yon? Hindi pa naman ako sanay makipag-interact sa mga lalaki in a nice way.
Maya-maya ay nagvibrate ang cellphone ko. Agad ko itong kinapa sa bulsa ko.
Maverick: Nakauwi ka na?
Sisimangot sana ako kaso naalala kong kaibigan ko na nga pala s'ya. Agad din naman akong nagreply at hindi ko na namalayan na kung ano-anong topic na ang napag-usapan namin. Nagulat nalang ako nang mapansin na ala-una na nang madaling-araw at naka-school uniform pa rin ako.
Dali-dali akong nag-half bath at nagpalit. Hindi ko na rin tiningnan kung may reply pa si Maverick sa akin dahil namatay na ang cellphone ko. Natulog na lang ako. 
Kinabukasan ay inaantok pa ako nang tumunog ang alarm ko. Inis akong tumayo para maligo. Halos mapamura pa ako nang mapagdesisyunang maligo nang malamig na tubig para magising ang diwa ko.
As usual pagdating sa room ay nakaupo na si Maverick at nagbabasa ng libro. Lumapit ako para batiin s'ya at nakita ko ang gulat ni Kaydee nang batiin ko silang dalawa.
"Reign, sinong espiritu ang sumanib sa'yo?!," nagugulat na tanong ni Kaydee kaya tinawanan namin s'ya ni Maverick.
"Kung ano mang mabuting kaluluwa ang nasa katawan mo, 'wag na sana s'yang umalis kasi mas matino kausap ang mabait na Reign," pang-aasar pa n'ya. Akmang sasapakin ko na s'ya nang tumakbo s'ya pabalik sa upuan n'ya.
Samantalang si Maverick ay tawang tawa naman sa kaibigan n'ya. Umupo nalang din ako para umidlip dahil inaantok pa ako.
Hindi pa ako nakakatagal sa pagpikit nang makarinig ako ng malakas na boses.
"Good morning!," rinig kong sabi ni Sky. As usual, napakataas ng energy n'ya.
Hindi ko s'ya nilingon dahil inaantok pa talaga ako. Naramdaman ko namang nilapitan n'ya ako saka kinukulbit.
"Shh,'wag mo munang guluhin yan. Puyat yan," narinig kong sabi ni Maverick. Gusto ko tuloy imulat ang mata ko para magpasalamat pero masyado pa akong inaantok. 
"Gan'on ba, okay!," mataas pa din ang energy n'ya habang naglalakad papunta sa upuan n'ya.
"Waaait! Paano mo nalamang puyat si Reign?!," sigaw ni Sky kay Maverick dahilan para imulat ang mata ko at samaan s'ya ng tingin. Panandalian akong nilingon ni Sky bago nag-peace sign saka muling bumaling kay Maverick.
"Uhh, instincts?," sabi na lang ni Maverick sa kan'ya kaya patango-tangong umalis sa pwesto namin si Sky.
Gusto ko pa sanang matulog kaso malapit na ang time kaya inaantok at bored na tumigin ako sa board.
Maya-maya ay may nakita akong chocolate na inaabot sa akin ni Maverick. Hindi na ako nagtanong at kinain na lang 'yon para kahit papaano ay mabawasan naman ang antok ko.
"Thanks," mahinang sabi ko nang maubos ko ito. Tinanguan naman n'ya ako dahil nasa unahan na rin ang teacher.
"Okay, as I instructed yesterday, please prepare your papers and pen for our quiz," literal na nawala ang antok ko sa narinig ko. Huh? Quiz?
Muli kong inaalala ang nangyari kahapon saka narealize na may announcement nga para sa quiz. Hindi ko pa man din nagets ang lesson kahapon at magpapaturo sana kay Harper kaso umalis s'ya nang maaga at nawala sa isip ko.
Hindi rin ako nakapag-review. At higit sa lahat, naiwan ko pa ang papel ko sa kwarto.
"Oh, gamitin mo," narinig kong sabi ni Maverick sabay abot ng tatlong piraso ng papel. Nginitan ko s'ya.
"Thank you," nahihiyang sabi ko. Nginitian n'ya ako saka nag-ayos ng papel at ballpen n'ya.
Inabot sa amin ng teacher namin ang test paper at nanlumo ako nang mabasa pa lang ang unang tanong.
Mukhang pangalan ko lang ang maisasagot ko dito ah.
"Nagreview ka?," narinig kong bulong ni Maverick. Agad naman akong umiling habang tinitingnan ang back page ng test paper.
Essay ang likod na part kaya ayon ang inuna kong sagutan. Matapos ang 20 minutes ay tapos ko na ang back part ng papel. Yung mga tanong na lang sa unahan ang hindi ko pa nasasagutan at hindi ko talaga alam kung paano ko sasagutan.
Nakakainis naman kasi, bakit ko ba nalimutan mag-review? Wala tuloy akong maisagot ngayon.
I felt a paper landed on my shoes. Agad ko iyong nilingon at nanlaki talaga ang mata ko nang makita na nand'on ang mga sagot sa unang part ng exam.
Nilingon ko si Maverick na may nagtatakang mukha. I saw him wink saka ako nginitian. 
Nginitian ko lang ulit s'ya as I mouthed, "Thank you big time"
"Shh," sabi n'ya habang nakasenyas na 'wag daw akong maingay kaya tumango ako.
Dahil sa sagot na nakuha ko, natapos ko ang quiz na 'yon. Madaming nangyari hanggang sa mag-recess na kami. Sobrang inaantok pa ako pero ayokong magutom kaya tumayo na ako para umalis.
"Sama kayo?," tanong ko kay Maverick at Kaydee na nag-uusap kung ano ang kakainin. 
Kita ko ang gulat sa mata ni Sky at Kaydee samantalang nakangiti na parang nang-aasar si Harper.
"End of the world na ba?!," pagtatanong ni Kaydee at nagkunwari pang nahihimatay s'ya. Nagtawanan kami habang sabay sabay na nagtungo sa canteen.
Nang makarating kami ay mas maraming tao kaysa sa kadalasang tao sa canteen. Wala tuloy bakanteng mga upuan.
"Kayo na lang ang humanap ng upuan, kami ang pipila para ibili kayo ng pagkain," pagpresinta ni Maverick kaya tumango kaming lahat.
Napakahaba rin kasi ng pila para maka-order at mauubos ang oras namin pagpila at paghahanap ng upuan.
"Ano order mo?," nakangiting tanong ni Maverick.
"Tuna sandwich," sagot ko saka inabot ang pera pambili. Nakita kong nag-alinlangan pa s'ya kung kukunin ang inaabot kong pera kaya sinamaan ko s'ya ng tingin. Agad din naman n'ya 'yong kinuha.
"Ano sayo, Harper?," narinig kong tanong ni Kaydee. Agad namang sumagot si Harper kaya aalis na sana si Kaydee pero hinarang s'ya ni Sky.
"Hindi mo man lang ba ako tatanungin?!," masungit n'yang tanong kay Kaydee.
"Hindi," sagot naman ni Kaydee saka s'ya nilagpasan. 
Nakita namin ang nagulat na mukha ni Sky at nang matauhan ay agad din n'yang hinabol si Kaydee. Natawa kaming dalawa ni Harper sa inaasal ng dalawa.
May nakita kaming isang table na kasya kaming lima at patapos na ang mga babae na nakaupo d'on. Nang matapos sila ay napatingin sila sa aming dalawa saka kami inirapan.
Ilang minuto na silang tapos pero patuloy lang sila sa pagkukwentuhan at pagtatawanan. Nauubusan na kami ng pasensya pero ayaw naman naming mang-away. Not until dumating si Sky at makita sila.
"Hoy mga babae, paalala lang ha, canteen ito at hindi lugar para sa chismisan n'yo," mataray na sambit n'ya don sa mga babae.
Nakita ko namang pinagtaasan s'ya ng kilay nung isa kaya nilapitan ko s'ya at binulungang, "Sky, tara na. Humanap nalang tayo ng ibang tables".
Pero sadyang may katigasan ata ang ulo ni Sky at naghahamon pa ng away.
"Ano? Papalag kayo? Umalis na kayo dito bago ko kayo ipa-guidance," nakita ko naman ang irita ng mga mean girls na 'yon dahil sa sinabi ni Sky.
Bago sila umalis ay inirapan nila kami saka dali-daling lumabas.
Nang matanaw namin yung dalawang lalaki ay kinawayan namin sila para makita nila ang table namin.
Pagkalapit ni Maverick ay nginitian n'ya ako at ibinaba ang tray sa table. Inabot n'ya ang tuna sandwich ko at sinamahan pa n'ya ng tubig.
"Thank you," nakangiti kong sabi saka kinain ang sandwich ko.
Tahimik lang kami nila Harper at Maverick at ang background music namin ay ang bangayan nina Sky at Kaydee. Paano ba naman kasi, hindi matapos-tapos ang pang-aasar ni Kaydee na papatulan naman ni Sky.
Mabilis naubos ang oras namin dahil na rin sa paghihintay at pagpila kaya kaunting oras lang ang mayroon kami bago tumunog muli ang bell.
Sa mga sumunod na klase ay hindi ako makapag-focus dahil inaantok talaga ako. Kaya nang mag-lunch ay nagpaalam akong hindi ako sasabay at pupunta sa library.
Idinahilan ko pang may gusto akong basahing libro pero ang totoo ay matutulog lang ako. Masyado kasing maingay kung sa canteen ako matutulog. Hindi rin naman ako gutom kaya mabuti na lang din.
Alam ko rin naman na hindi susunod dito ang mga kaibigan kong sina Sky at Harper dahil ayaw ni Sky sa library, masyado raw madaming libro at masakit sa mata. Habang si Harper naman ay sinasamahan si Sky tuwing lunch na tumambay sa gym.
Payapa lang akong natulog at pumwesto ako sa pinakadulong table sa pinakalikod ng library para walang makahalata. Nagkunwari rin muna akong magbabasa talaga ng libro. 
Napangiti ako nang makarating sa upuan sa likod. Nakakatuwa rin dahil nasa tabi ko ang aircon at ang lamig sa pwesto ko.
Hindi ko alam kung gaano ako katagal nakatulog dahil nagising akong may dalawang libro sa tapat ko at may nakaupo sa katapat kong upuan.
"Maverick?," inaantok na pagtawag ko, sinisigurado kung s'ya nga ba 'yon. 
Napansin ko namang itinabi n'ya ang librong binabasa saka ako tiningnan. Agad din naman akong umayos ng pagkakaupo nang makitang si Maverick nga 'yon.
"Kanina ka pa ba d'yan?," tanong ko. Tumango naman s'ya. Nakita ko naman sa orasan ko na isang oras at kalahati akong nakatulog. 
Nakaramdam din ako ng gutom dahil 12:30 na. Tatayo sana ako nang pigilan ako ni Maverick saka may nilabas na lunch box para sa akin.
"Lunch ko dapat 'yan kanina pero alam kong hindi ka pa nagla-lunch kaya bumili nalang ako ng pagkain sa canteen kanina," sabi n'ya sa akin.
Tiningnan ko s'ya para siguraduhin kung sure ba s'ya at tinanguan n'ya naman ako. Kahit nahihiya, kinuha ko na rin kasi nagugutom talaga ako ngayon.
Pagkabukas ko ay naamoy ko agad ang mabangong ulam. Nagulat ako nang maglingunan silang lahat na nasa library sa akin. Tsaka ko lang naalala na nasa tapat ko nga pala ang aircon. Nagpeace sign ako sa kanila saka nagsimulang kumain.
"Sure kang kumain ka, ah?," paninigurado ko at tinanguan naman ako ni Maverick.
Maya-maya rin naman ay hindi na n'ya ako pinansin sa pagkain at nagbasa na lamang. Mabuti nalang dahil nahihiya ako kapag may nakatingin sa akin habang kumakain.
Nang matapos ay iniabot ko ang lunch box sa kan'ya.
"Thank you talaga! Nakakailang thank you na ako sa'yo mula kanina pa, pero thank you ulit talaga," nahihiya kong sabi sa kan'ya. Natawa naman s'ya saka n'ya ginulo ang buhok ko.
"Wala yon, you're always welcome," sabi n'ya habang nakangiti kaya nginitian ko rin s'ya.