Hindi na lang kinibo ng binata kung ano ang kinakatakutan ng dalaga. Hindi niya kasi alam kung paano ipapaliwanag sa kaniya na hindi nakakabuntis ang paghalik lang. Bumalik na lang ang dalawa sa manggahan para ipagpatuloy ang naudlot na pag-aani. Malawak ang lupain ng manggahan kaya tiyak ilang araw ang gugugulin para matapos ang lahat. Habang naglalakad ang dalawa panay ang kantyaw ng karamihang trabahante. Hindi maiwasang magkahiyaan at pamulaan ng pisngi.
"Oh! Nandito na pala ang mag-irog!" Pagbibiro sa kanila ni Mang Isko. Dahil sa lakas ng boses nito pati mga ibang trabahante ay napatingin sa dalawa. Halos lahat ay tinutukso ang dalawa, kaya hindi naiwasan na magtago sa likod ng binata ang dalaga.
"Si Tay Isko talaga, nahihiya tuloy si Heaven," wika ng binata. Napansin nitong nakayuko at pinaglalaruan na naman ang daliri.
"Nahiya pa kayo sa amin, parang anak na namin kayong dalawa. Kung kayo man ang magkatuluyan magiging masaya kami. Hindi ba mga kasama?" Paghihingi ng suporta ng matanda sa iba pang mga kasama nito.
"Tama, payag kami diyan sa sinabi mo!" Hiyawan ng karamihan sa suhestiyon galing sa matanda.
Hindi na nakayanan ng dalaga kaya lihim itong nagpaalam sa binata na tutulong sa mga taong nag-aani na naroon. Agad namang sinangayunan ng binata dahil batid niyang hindi na komportable ang dalaga. Sapat na sa binata na kahit makita ang dalagang ngumingiti masaya na siya para doon.
"Magtiyaga ka lang anak kay Heaven at mapupunta rin sa'yo ang puso niya." Hindi namalayan ng binata na nasa tabi na pala niya si Mang Isko. "Napaka inosenti niyang dalaga, siguro kasalanan din naming lahat kung bakit siya nagkaganyan." Dugtong pa ng matanda sa sinabi. Doon nakakunot ang noo ng binata ng lingunin nito.
"Ano pong ibig niyong sabihin tay?" Nakuha ang attention ng binata dahil sa nabanggit ng matanda.
"Matagal na naming kasama ang maglola. At halos karamihan din sa amin dito ay hindi na nakapagasawa kaya itinuring na naming sariling anak si Heaven. Lumaki siya na puno ng pagmamahal at pangaral galing sa aming lahat. Bahay at sa mansion lang ang pinupuntahan. Wala masyadong kaibigan kaya hindi niya nalalaman iyong mga bagay na nararapat para sa edad niya. Kung may manliligaw man sa dalaga namin eh hindi tumatagal dahil tinatakot namin." Natawa ang matanda sa huli nitong sinabi.
"Bawal po ba siyang ligawan?" Hindi iyon ang dapat na itanong ng binata, pero wala na kasi nasabi na niya. Nakaramdam siya ng takot na baka marami ang hahadlang kapag siya na mismo ang nanligaw sa dalaga.
Tinapik ng matanda ang balikat ng binata. "Alam mo ba kung bakit sobra kaming mahigpit sa dalaga namin?" Umiling lang ang binata at pinagpatuloy ang pakikinig sa matanda. "Dahil gusto namin na makapagtagpo siya ng karapat dapat na lalaki. Sa panahon ngayon maraming mapagsamantala lalo na at inosente itong si Heaven malay ba niya hindi ba? Hindi naman namin siya pipigilan kung balang araw ay tumibok ang puso nasa kaniya pa rin ang desisyon." Napahinto ang matanda at tinignan ang dalaga. "Pero kung ikaw naman ang manliligaw sa dalaga namin boto kami, basta may pakiusap lang ako sa'yo anak."
"Ano po iyon tay?" Nakaramdam ng takot ang binata sana mali ang iniisip niya.
"Pakiusap ko lang na sana alagaan at huwag mo sasaktan ang dalaga namin. Respetuhin mo siya gaya ng pagrespeto mo sa kaniyang lola." Hindi alam ng binata na parang may naramdaman siyang kirot sa sinabi ng matanda.
"M-makakaasa po kayo tay." Kahit nauutal siya hindi niya pinahalata sa matanda.
Respeto? Fuck! Umpisa pa lang hindi ko na siya nirespeto. Pinagnanasahan ko na hindi niya alam. Naka-apat o tatlo na yata akong nagsarili dahil sa kaniya. Pero kahit papano guminhawa ang pakiramdam niya dahil gusto siya para sa dalaga.
Pagkatapos mag-usap ang dalawa pinuntahan niya ang dalaga. Nadatnan niya itong tumatawa dahil pinapanood niya ang lalaking nasa itaas ng puno ng mangga na nangunguha ng mangga. Nakaramdam siya ng inis dahil hindi tumatawa ng ganiyan ang dalaga pagdating sa kaniya.
Talaga lang ah! Sa iba ka pa talaga tumawa ng ganiyan at hindi sa akin.
Naikuyom niya ang kaniyang kamao at masamang tinitigan ang lalaking pinagmamasdan ng dalaga. Kung nakakapatay lang ang pagtitig kanina pa nakabulagta ang lalaki.
Dahil naiinis na talaga ang binata sinadya niyang magdikit sila ng dalaga. At pinapanood din niya ang kanina pa niya pinagmamasdan. Naka-topless kasi ang lalaki.
Tsk! Maganda pa ang katawan ko riyan baby.
"Senyorito nandiyan ka na pala." Nakangiti ito nang makalapit ang binata.
"Oo kanina pa, kaso hindi mo napansin dahil doon ka nakatingin." Nginuso ng binata kung saan nandoon ang lalaking naka-topless.
"Pasensya na senyorito kung hindi ko po kayo napansin. Nagagalingan kasi po ako kay kuya ang galing niya kumuha ng mangga." Masiglang wika ng dalaga. Halatang malaki ang paghanga nito sa lalaki.
Kuya pa talaga tawag mo sa lalaking iyan. Iba naman ang turing niya sa'yo. Tama nga ang sabi ni Tay Isko madali kang pagsamantalahan.
"Gusto mo ba siya?" Tinuro ng binata ang lalaki na nasa itaas ng puno.
"Po?" Hindi makuha ng dalaga ang nais sabihin ng binata.
"I mean kung crush mo siya." Natawa ang dalaga na ikinagulat ng binata.
"Ano ka ba senyorito, hindi po humahanga lang po ako dahil sa galing niya. Hindi ko na siya pwede i-crush kasi may crush na ako." Nahiyang yumuko ang dalaga at hindi makatingin sa binata. Napahawak bigla sa kaniyang labi ang binata at pinipigilang mapangiti.
"Ok tiwala naman ako sa'yo." Nag-angat ng tingin ang dalaga at hindi inaasahan na kumindat sa kaniya ang binata. Biglang nakaramdam ng pag-iinit ng mukha at alam niyang namumula na siya.
Iginala na lang ang paningin ng dalaga para maibsan ang pagkapula nito. Hindi sinasadyang nakakita siya ng isang hugis puso na mangga. Namilog ang kaniyang mata at parang gusto niya iyong makuha. Lumapit siya sa lalaki para makiusap na kung pwede kunin niya iyon para sa kaniya.
"Kuya pwede mo bang kunin iyong hugis puso na mangga? Iyon po oh!" Tinuro niya kung saan banda.
Napansin ng binata na lumapit sa kinaroroonan ng lalaki ang dalaga. Nagdalawang isip pa ito kung susundan niya pero sa huli sinundan nga niya. Narinig niyang nakikiusap sa lalaki kung pwede niya kunin iyong mangga. Nakaramdam ng inis ang binata dahil ngumiti pa ang lalaki sa kaniya. Halatang may gusto naman sa dalaga ang lalaki, pero hindi siya makakapayag doon. Akmang kukunin na ng lalaki ng pinigilan ito ng binata.
"Hey! You stop there!" Sa lakas ng boses ng binata lahat tuloy napatingin sa pwesto nila.
"Bakit po senyorito?" Tumingin ang binata sa dalaga at binigyan niya ito ng isang makahulugang ngiti.
"Ano ang kukuha para sa'yo. You, pwede ka ng bumaba." Agad inalis ng binata ang kaniyang pang-itaas na damit at binigay iyon sa dalaga.
Hindi naman makahinga ang dalaga sa nakikita. Magkasala na ang mata pero ayaw naman niya iyon palagpasin.Unang beses niyang masilayan ang binata na walang suot pang-itaas. Napakaganda ang hubog ng katawan nito. Magmula sa balikat, dibdib hanggang sa maraming pandesal sa tiyan. Lahat na rin ng trabahante napatigil sa kanilang ginagawa at pumunta sa kinororoonan nila. Halos nagtitilian ang mga kababaihan kahit matatanda dahil sa binatang marahas na naghubad ng pang-itaas.
"Senyorito, anong gagawin mo? Hindi pwede hindi ka sanay umakyat baka madisgrasya ka pa." Pagpipigil ng dalaga sa binata ng akmang aakyat na ito. Mababakas sa mukha nito ang pag-aalala.
"Just relax kaya ko ito. Hintayin mo na lang ako doon." Nginuso ng binata kung saan sila nakapwesto kanina.
"Mag-ingat ka lang po senyorito." Ginulo lang ng binata ang buhok nito at nagsimula ng umakyat.
First time na umakyat sa puno ang binata dahil diyan wala talaga siyang kaalam-alam. Pinagdarasal niya na sana hindi siya mahulog. Hindi naman gano'n mataas pero mas maigi kung mag-iingat siya. Hindi papayag ang binata na ibang lalaki ang kukuha para sa dalaga. Kahit alam niyang delikado hindi  na niya iyon naisip basta mapasaya lang ang dalaga. Dahan-dahan lang ang ginawa nitong pag-akyat. Physically fit naman siya kaya hindi ito nahirapan masyado. Nakita naman niya ang gustong makuha ng dalaga. Hugis puso nga iyon na mangga, napangiti siya habang sinusungkit gamit ang pamingwit. Nang malapit na siya sa ibaba napaisip ito.
Damn! Mas mahirap pa ito kaysa sex. Lahat ng babae walang kahirap hirap kong nadadala sa kama, pero itong pagkuha ng mangga kailangan mo pang maghirap.
Nakangiti siyang bumaba dala ang isang malaking hugis puso na mangga. Sinalubong siya ng karamihan at malawak ang paghanga na binigay sa kaniya. Lumapit sa kaniya si Mang Isko at binigyan ng isang makahulugang ngiti.
"Grabe ang pagselos mo anak! Pero napabilib mo ako ipagpatuloy mo lang 'yan. Sa'yo ako boto." Tinapik lang ng binata ang balikat ng matanda at tinungo ang kinaroroonan ng dalaga.
"Ok ka lang?" Nahihiyang wika ng dalaga. Hindi makatingin ng diretso dahil sa kahubaran ng binata.
"I'm ok, heto na ang puso ko este pusong hugis na mangga. Ingatan mo 'yan ah." Kinurot niya ang pisngi ng dalaga kaya lalo itong namula. Malugod naman na tinanggap ng dalaga iyon. Makikitang sobrang saya niya ng makuha niya ito.
"Sana matanggap mo rin ang puso ko, Heaven."