Kairi's P.O.V
RED tulips to express that I'm deeply in love with you. - Your boyfriend to the present.
Ikaw ang aking bulaklak, kasi ako 'yong paro-paro na lagi kang binabalik-balikan. - Your husband to the future.
Pagkatapos kong basahin ang nakasulat sa card, todo ang ngiti ko. Hinalikan ko pa, tinapat ko banda sa aking puso at niyakap. Feeling ko sa mga oras na 'yon si Drei ang aking niyayakap. Hindi ko napansin na nasa gilid ko na pala si mama. Nakapikit kasi ako at dinadama na nakayakap sa bisig ng lalaking nagpapasaya ng puso ko ngayon.
"Lukot na 'yan card sa higpit ng yakap mo." Boses ni mama na nagpadilat sa akin bigla. Pagtingin ko sa card nalukot na nga. Napakagat labi ako dahil sa kahihiyan.
"Gawin mo 'yan kapag nandito siya, para kang sira anak." Humagikgik ng isang mahinang tawa si mama. Napayakap na lang ako sa kaniya at hinalikan sa pisngi.
"Tara na, breakfast na tayo," wika niya.
"Sunod na lang po ako Ma, tawagan ko lang po siya," ani ko.
Naglakad na si mama papunta sa dining area. Kinuha ko ang aking phone at pagtingin ko sa oras seven am na.
Tulog pa kaya siya? Nakakahiya naman kung gisingin ko. Kapag nagring ng ilang beses at hindi pa niya sinasagot ibababa ko na. 'Yon nga ang dapat kong gawin.
Dinial ko ang kaniyang numero. Isang ring pa lang sinagot na niya agad.
Hindi naman halata sa kaniya na hinihintay niya tawag ko tsk.
I miss you, 'yon ang bungad niya pagkasagot. Pero malinaw sa pandinig ko na hinihingal siya, at may narinig ako boses ng babae.
Niloloko ba ako ng hudas na 'to?
Dahil may ugali akong amazona tinarayan ko siya. Ayon todo ang paliwanag niya. Nasa gym daw siya kasama sina Kuya Dred at Ate Dreima. Hindi ako naniwala agad, pero nung narinig kong kinumusta ako ni kuya at ate napagtanto kong nagkamali ako. Kaya ang nangyari ako naman ang todo sa paghingi ng sorry. Pinagusapan din namin 'yong pasurprise niya umagang-umaga. Niloko ko pa nga na pinabalik ko lahat ng pinadala niyang bulaklak.
Gawin ba naman flower shop ang bahay namin. My goodness!
Napansin ko tumahimik siya sa kabilang linya, kaya binawi ko agad ang sinabi ko. Simple lang naman ang kaligayahan niya, ang makita akong masaya kaya ba't ko pa ipagkakait.
Gusto niya pumunta sa bahay after ng work out niya, pero pinigilan ko. Sabi ko, ilaan na lang niya 'yong rest day sa family. Sa una ayaw pumayag, pero nung sinabi ko na tigilan na niya ang panliligaw sa akin, wala pang isang segundo pumayag agad.
Takot ang hudas tsk.
Napapailing na lang ako, pero deep inside I'm happy kasi gano'n ako kahalaga sa kaniya. Binaba ko na after namin mag-usap at sinamahan si mama sa breakfast.
Pagdating ko sa dining, nginitian ako ni mama at sinenyasan na umupo. Siya na rin ang naglead ng prayer. Tahimik lang kaming kumakain, hanggang sumagi sa isip ko kung ano gagawin ko sa sangkaterbang bulaklak.
"Ma, ano po gagawin natin sa ibang bulaklak? Malalanta lang po rito sa bahay." Huminto saglit si mama sa pagnguya.
"Dalhin natin sa simbahan para ialay sa altar mamaya, kaya tapusin mo na ang kinakain mo para makapagsimba na tayo." Binalik ulit niya ang tingin sa kinakain at gano'n din ako.
After namin magbreakfast, naggayak na kami para makaalis na. Pagdating namin sa simbahan agad namin binigay sa tagapamahala ang mga bulaklak. Bakas sa mukha niya ang pagkagulat dahil napakaraming tulips. Marami rin kaming iniwan sa bahay sadyang binili ata ni Drei ang buong flower shop.
After ng mass, umuwi na rin kami ni mama. Tuwing linggo hindi siya pumapasok sa grocery kasi mother and daughter bonding time namin.
Nilaan ko ang buong araw ng linggo sa pagbabake ng cookies kasama si mama. Tamang-tama dadalhan ko bukas si Drei napadami kasi nabake namin. Bandang hapon naman sinimulan ko na ang pagrereview kasi malapit na ang exam.
Pagsapit ng gabi, nagshower at ginawa ang skin routine. Pagtingin ko sa orasan ten pm na. Kailangan matulog ng maaga para hindi malate bukas. Pero bago ako humiga naisip ko si Drei.
Kumusta kaya buong araw niya? Ano kaya mga ginawa niya?
Naisipan kong humiga na lang. Pagkahiga ko may narinig akong nagstram ng gitara. Dahil sa sobrang tahimik ang kapaligiran dinig na dinig ko. Nanggagaling 'yon sa labas ng bahay, kaya napabangon ako at pumunta sa balkonahe ng aking kwarto. Nanlaki mata ko dahil ang taong kanina ko pa iniisip ay nasa ibaba at hinaharana ako. Kumaway pa siya sa akin at ngumiti bago nagstram ulit sa hawak niyang gitara.
Kung ako ang may-ari ng mundo
Ibibigay lahat ng gusto mo
Araw-araw pasisikatin ang araw
Buwan-buwan pabibilugin ko ang buwan
Para sa'yo, para sa'yo
Susungkitin mga bituin, para lang makahiling
Na sana'y maging akin
Puso mo at damdamin
Kung pwede lang, kung kaya lang
Kung akin ang mundo
Ang lahat ng ito'y iaalay ko sa'yo...
Kung ako ang hari ng puso
Lagi kitang pababantay kay kupido
Hindi na luluha ang 'yong mga mata
Mananatiling may ngiti sa 'yong labi
Para sa'yo, para sa'yo
Susungkitin mga bituin, para lang makahiling
Na sana'y maging akin
Puso mo at damdamin
Kung pwede lang, kung kaya lang
Kung akin ang mundo
Ang lahat ng ito'y iaalay ko sa'yo...
Nagkatitigan lang ang aming mga mata magmula umpisa hanggang matapos. Wala isa sa amin ang gustong makawala sa pagtitigan. Pagkatapos niyang kumanta, he mounted I miss you and I love you. Hindi na bago sa akin kung ano ang nararamdaman ni Drei for me. Aaminin ko, may puwang na rin siya sa puso ko pero hindi pa ito 'yong right time. Ayoko ko madaliin ang lahat, kung mahal niya talaga ako handa siyang maghintay, kung hindi handa ko siya pakawalan. Mahirap para sa akin na gawin 'yon pero ayoko lang maging makasarili. Ayoko ko siya ikulong sa buhay ko. Sinenyasan ko siya maghintay dahil bababa ako para pagbuksan siya. Pagpasok pa lang niya sa loob, agad ko siya niyakap nang mahigpit. Hindi ko alam basta kusa na lang gumalaw ang aking katawan na gawin 'yon. Pati si Drei hindi inaasahan ang aking ginawa.
"Ganyan mo ba ako na-miss?" tanong niya habang magkayakap pa rin kami. Tumango ako at nakangiti habang nakayakap pa rin sa kaniya. Naramdaman niya siguro ang pagtango ko kaya tumawa siya ng mahina. Humiwalay kami pareho at napahawak siya sa magkabilang pisngi ko.
"I miss you," sambit niya. Makikita mo sa bughaw niyang mata ang pangungulila. 'Yong tipong hindi niya nakita ng matagal ang kaniyang pinakamamahal.
"Na-miss din kita," mahinhin na sagot ko. "Pero hindi ka na dapat pumunta rito, gabi na at magkikita naman tayo bukas," may pagaalalang sabi ko. Gabi na kasi tapos uuwi pa siya baka ano pa mangyari sa kaniya sa daan.
"Hindi ko kaya na hindi kita makita o makasama man lang ng isang araw. Kapag kasama kita mayaman ako, kasi mahirap kapag wala ka," seryoso na nga ang pagkasabi ko nagawa pa niyang magpatawa. Sinuntok ko siya nang mahina sa dibdib, pero hinuli niya kamay ko at niyakap niya ako.
"Alam ko namiss niyo ang isa't isa, pero sana huwag na kayong magpakilig diyan." Pang-aasar ni mama. Napabitaw kaming dalawa at natuon sa kaniya ang aming tingin.
"Good evening po, tita," magalang na pagbati ni Drei.
"Mama" wika ko.
Tumango lang siya sa aming dalawa. "Maganda ang boses mo, Drei. Sige maiwan ko na kayong dalawa."
"Salamat tita," sagot ni Drei.
"Sige po mama," sagot ko naman.
Hinila ko si Drei at pinaupo sa sofa. Pero tumabi siya sa akin at inakbayan ako. Naging tahimik kami saglit, inalagay niya ulo ko sa kaniyang balikat at naramdaman ko hinalikan niya ang tuktok ng ulo ko. Kinuha rin niya kamay ko at kaniyang pinaglalaruan. Sa gano'n  kaming position ng humiwalay ako bigla. Nagulat siya sa aking ginawa.
"Champ, may gusto ako itanong sa'yo. Gusto ko sagutin mo ako ng totoo. Maaari ba?" tanong ko sa kaniya na nagpakunot sa noo niya.
"O-oh sige." Nauutal na sagot niya.
Bakit parang natatakot siya sa itatanong ko?
"Champ, makakapaghintay ka ba? I mean, kaya mo bang maghintay? Kasi kung hindi sabihin mo lang sa akin. Ayoko lang na-" napahinto ako sa pagsasalita dahil bigla niya ako hinalikan sa pisngi.
"Heartbeat, ang totoong nagmamahal kailanman hindi napapagod maghintay. Tandaan mo 'yan." Makikita mo sa kaniyang mata na galing sa puso ang binitawan niyang salita.
"Eh, ano naman pakulo mo? May bago ka na naman kinanta. Ano title pala no'n?" tanong ko. Iniba ko na lang ang usapan para hindi masyado seryoso.
"Kung akin ang mundo," maikli niyang sagot.
"Ah?" nagtatakang tanong ko.
Ngumiti lang siya at ginulo buhok ko. "Ibig sabihin no'n, kung ako ang may-ari ng mundo lahat ibibigay ko sa'yo. Pero 'di ba napakaimposible naman kasi walang nagmamay-ari ang mundo, kaya kahit hindi ako ang may-ari ng mundo lahat kakayanin ko, lahat gagawin ko para lang sa'yo." Akmang ilalapit niya ang kaniyang labi sa labi ko nang tinakpan ko bigla.
"Hahalik ka na naman eh," nakakalokong sabi ko.
"Sayang" narinig kong bulong niya.
Pinauwi ko na siya dahil sobrang late na rin. Pagdating namin sa kaniyang kotse may kinuha siya sa loob. Pagkalabas niya isang bouquet of tulips na naman.
Hindi pa nga ako nakarecover sa mga binigay niya kaninang umaga mayron na naman. Magpatayo na kaya ako ng flower shop.
Kinuha ko na lang at hinalikan ako sa pisngi saka siya umalis. Pumasok na rin ako sa loob, pero bago ako matulog kinuha ko 'yong card na nakalagay sa kakabigay lang niya na bulaklak at binasa.
"Sana unan na lang ako, para pwede mong kayakap at katabi sa pagtulog. Dream of me my future girlfriend."
..........
Kinaumagahan , as usual sinundo ako ni Drei. Kahit no'n hindi pa siya nanliligaw sa akin hatid sundo na ako. Binigay ko sa kaniya 'yong gawa kong cookies dahilan para gumanda raw ang araw niya.
Natapos ang kalahating araw na puro lecture at quiz. Mabuti na lang palagi kami nagaadvance study ni Drei. May isa pa kaming klase after lunch. Sana matapos na agad dahil medyo masama pakiramdam ko. Lately kasi panay advance review ko napagod lang siguro katawan ko. Tumayo na ako at naglakad na nang pigilan ako ni Drei.
"Heartbeat, don't move." Utos niya. Nagtataka akong napalingon sa kaniya. Hinubad niya ang kaniyang jacket at nagpunta sa pwesto ko.
Ano ba gagawin niya? Ba't niya hinubad?
Nagulat ako ng binalabal niya sa aking baywang.
Bakit?
"Bakit Champ? Anong ginagawa mo?" sunod-sunod na tanong ko. Hinarap niya ako at hinawakan sa magkabilang balikat.
"May tagos ka ng regla, hindi mo ba alam na dumating na period mo?" Nakakunot noo niyang tanong.
"Hindi ko alam na madadatnan ako ngayon. Monthly naman ako nagkakaroon nagkataon na mas maaga ngayon," mahabang paliwanag ko. Tumango lang siya. Napabuntong hininga ako.
Paano ito ngayon? Wala ako mapalit kahit isa. Kita pa naman ang tagos sa dress ko dahil kulay cream 'to. May klase pa kami.
Napansin siguro ni Drei na worried ako, kaya hinawakan niya ang dalawa kong kamay.
"Relax Heartbeat, ganito gawin natin. Ihatid kita sa comfort room, kahit anong mangyari hintayin mo ako do'n. Bibili lang ako ng kailangan mo." Napakagat labi akong tumango sa kaniya.
Hinatid nga niya ako sa comfort room tapos umalis bigla. Inabot din ng minuto ang paghihintay ko ng may narinig akong kumatok.
"Heartbeat, saan cubicle ka naroon?" rinig kong tanong niya.
Binuksan ko ng bahagya ang pinto, at nilabas ang aking kamay hudyat na doon ako sa pwesto na 'yon.
"Nandito ako, Champ," wika ko. Inabot niya sa akin ang isang paper bag.
"Sa labas lang ako, kapag may kailangan ka pa tawagin mo lang ako." Sumagot lang ako sa kaniya ng oo at inumpisahan ko nang tignan ang laman ng paper bag.
Ang laman lang naman, isang light pink off the shoulder mini short dress, isang underwear at napkin. Pagsuot ko sakto lang sa akin.
Alam niya pati size ko grabe! Nakakahiya lang kasi pati underwear alam niya ang size. My goodness!
Pagkalabas ko, nakita ko siyang nakatayo sa gilid ng ladies comfort room, nakapamulsa ito at hindi pinapansin ang mga babaeng nakatingin sa kaniya. Paglapit ko sa pwesto niya tinapik ko siya ng mahina sa balikat. Napalingon siya at ngumiti sa akin.
"Done?" maikli niyang tanong. Nagnod lang ako sa kaniya. Nahihiya ako kasi pinagtitinginan kami. Kinuha niya ang hawak kong paper bag at humawak sa aking kamay, sabay ang pag-alis namin sa lugar na 'yon.
Tinapos lang namin ang huling klase at hinatid na ako sa bahay. Pagdating sa bahay pinahiga niya ako sa aking kama. Bumaba siya saglit kasi may gagawin daw. Wala ako sa condition para makipagtalo sa kaniya dahil may dysmenorrhea ako. Pagbalik niya may dala siyang hot compress bag at jasmine tea.
"Heartbeat, inumin mo muna 'tong jasmine tea para mawala ng konti ang sakit ng puson mo. Then saka mo ilagay 'tong hot compress bag. Don't worry nandito lang ako babantayan kita," mahaba niyang salaysay.
"Huwag na Champ, umuwi ka na lang para makapagpahinga," nanghihinang sabi ko dahil ang sakit putek!
Nakakahiya na kasi sa kaniya. Siya na nga 'tong nag-abala kanina para bumili ng pamalit ko, tapos hanggang dito ba naman sa bahay.
"Ok lang Heartbeat, ano ba sabi ko sa'yo no'n? Hindi ka na mag-iisa dahil nandito na ako. Lahat gagawin ko para sa'yo. Maliit na bagay lang 'to para sa akin." Nginitian ko lang siya para matapos na. Wala ako sa mood para kontrahin pa siya. Tumabi siya sa akin sa paghiga at niyakap ako.
Naalimpungatan ako na wala na si Drei sa tabi ko. Tinignan ko ang orasan seven pm na pala. Pumasok si mama sa kwarto ko na nakangiti.
"Hinahanap mo ba siya?" Ang tinutukoy ni mama si Drei. Nahihiya akong tumango at yumuko.
"Nag-paalam na siya sa akin na uuwi na. Pero bago siya umuwi pinagluto ka pa niya. Hindi ka na raw niya ginising para makapagpahinga ka ng mabuti. Bukas babalik daw siya rito." Nakayuko lang ako dahil ayoko makita ni mama na namumula pisngi ko.
"Anak, maswerte ka dahil may isang Drei sa buhay mo. Hindi ka na siguro makakakita na katulad niya. Basta palagi mo iisipin, huwag mo madaliin ang lahat, huwag kang ma-pressure." Napayakap na lang ako kay mama. Kahit papano maswerte ako dahil dalawa silang kasama ko sa buhay.
..........
Mabilis lumipas ang buwan at second year college na kami ni Drei. Isang taon na rin kaming magkakilala at magiisang taon na rin siyang nanliligaw sa akin. Akala ko sa tagal ng paghihintay niya sumusuko na siya. Pero hindi ko makakitaan ng pagsuko pursigido talaga siyang maghintay. Sa mga buwan na lumipas, magkasama naming pinagdiriwang ang birthday niya at birthday ko. Lahat nang okasyon magkasama kami, kasama rin namin ang pamilya niya at si mama. Naging pangalawang pamilya namin ang Capistrano. Ultimo sa vacation kami ang magkakasama, malapit na sa puso ko ang pamilya ni Drei at gano'n din ako sa pamilya niya. Magkasundo pamilya namin, kahit nalaman nila ang tungkol sa amin hindi kami hinusgahan bagkos malugod kaming tinanggap. Pati mga barkada ni Drei sina Jacob at Marco naging close ko sila. Tinuruan ako ni Drei sa mga maraming bagay. Na dapat si papa ang gumawa. Pinangako niya kasi no'n na kapag kaya ko na gagawin namin lahat. Si Drei ang nagturo sa akin magmaneho, maggitara, magbike, lumangoy at iba pa.
At ngayon nga foundation ng school namin. Iniwan niya ako saglit dahil kailangan siya sa drama club. Siya kasi ang president at ako naman ang vice. Busy ako sa pag-aayos ng aming booth ng may bumangga sa akin.
Putek! Ang sakit ng ulo ko, sino ba kasi 'tong tanga at hindi tinitignan ang dinadaanan?
"Ouch! Sino ba ang tanga na 'yon?" inis na tanong ko. Hinarap ko kung sino man poncio pilato ang nakabangga sa akin.
"Sorry miss, hindi ko sinasadya," boses ng isang babae, kaya nilingon ko siya. Well magnda siya, maputi, makinis, maganda ang pangangatawan pero parang malantod din ang dating. Ang dami kasing burloloy sa katawan. Ang make up parang prostitute. Pati pananamit kinulang sa tela. In short, kasama sa mga babaeng pakawala.
"Iyan kasing mga 'yan, sila ang may kasalanan!" Tinaasan ko siya ng kilay kasi may gana pa siyang magtaas ng boses. Tinignan ko kung saan siya nakaturo. Kina espasol at friend niyang bisugo ang nguso.
"Hoy! Bitch anong kami? Ikaw nga 'tong haliparot diyan tapos maninisi ka pa!" inis din sa sabi ni espasol.
"Tama, malandi kang babae ka! Kabago-bago mo pa lang dito naghahasik ka na ng kalandian, mang-aagaw!" Akmang sasabunutan 'yong kauri nilang malantod na babae ng pigilan ko.
"Tumigil nga muna kayo!" malakas na pagkasabi ko kaya napatigil sila. Ayan tuloy lahat sa amin nakatingin.
"Ano ba nangyari?" tanong ko. Pero tinaasan ko ng kilay ang tatlong higad.
"Hindi mo ba alam? 'Yan babae na 'yan transferee lang siya tapos inagaw niya agad ang boyfriend ko!" Nanggagalaiti sa galit na sabi ni bisugo.
"Anong inagaw? Wala akong inagaw kasi in the first place, sabi ng boyfriend mo wala na kayo!" sumasakit na ulo ko sa mga babaeng 'to.
"Naniwala ka naman? Hoy! FYI sabi niya sa akin ikaw 'tong palaging humahabol sa boyfriend ko, talagang malandi ka!" sagot ni bisugo. Si espasol hinihintay lang na resbakan 'yong babaeng sinasabi nila na mang-aagaw.
Napapailing na lang ako. Nag-aaway away sila eh pareho naman silang malalandi tsk.
"Teka, totoo ba ang sinasabi nito?" tanong ko ro'n sa babaeng kinulang sa tela, sabay turo kay bisugo.
"Hindi ah! Ba't naman ako papatol sa isang lalaki kung alam ko may jowa pala. Ang sisihin mo 'yan boylet mo kasi siya 'tong habol ng habol sa akin!" resbak naman ni kinulang ang tela.
"Alam mo, napakasinungaling mo eh!Kita naman sa itsura mo na bayaran kang babae, pokpok!" malakas na pagkasabi ni espasol.
"Aba! Below the belt na kayo ah! Ano sapakan na lang kung gusto niyo oh!" Paghahamon ni babaeng kinulang ang tela.
"Stop!" Malakas na sigaw ko kaya tumigil sila ulit.
"Nag-aaway away kayo eh pare-pareho lang naman kayo. Ang malalandi ay parang pantal. Kapag kinakamot, mas lalong kumakati ganyan kayo!" inis na sabi ko. Tinignan ko sila ng masama at tinaasan ng kilay, dahil sinira na nila ang araw ko.
"You! How dare you? Para pagsabihan kami ng ganyan! Porke't sa'yo bumabaling si Drei ang lakas na ng loob mo!" Umuusok sa galit na sabi ni espasol.
Uminit bigla ulo ko, dahil pati tahimik na tao dinamay. Nananahimik si Drei tapos ganyan ang gagawin.
"Yes! How dare me talaga! Nananahimik 'yong tao tapos idadamay niyo rito! Banggitin mo pa minsan makakatikim ka sa akin!" Banta ko kay espasol. Nakatingin siya sa akin ng masama.
"Ang yabang mo talaga!  Akala mo bagay kayo, haler! Ipagpapalit ka rin no'n!" sabat naman ni bisugo. Tatalakan ko sana si bisugo nang unahan akong magsalita ni kinulang ang tela.
"Hoy! Kayong dalawa, ako ang kalaban niyo rito, huwag niyo siya idamay!" mataray na sabi ni kinulang ang tela at tumingin sa akin.
"Tutal naiinis din ako sa babaeng 'to, dahil inagaw niya sa akin si Drei, damay na rin siya rito!" Tinaasan ako ng kilay ni espasol.
Ano raw inagaw? Pucha! Wala ako inagaw, sabi ko nga ba makakahanap ako ng makakalaban dahil kay Drei tsk. Ano akala nila magpapaapi ako no way!
"Hoy espasol! FYI wala ako inagaw sa'yo. At alam naman natin lahat na hindi ka niya gusto. Ikaw lang 'tong saksakan ang kapal ng mukha at habol ng habol!" Nakapamaywang na sabi ko sa kaniya.
"Iyon naman pala eh, ang lakas niyong awayin at sugurin ako gano'n din naman pala kayo." Tumawa ng malakas ang babaeng kinulangan sa tela, dahilan para magkatinginan ang magkaibigang malantod. Hindi ko inaasahan na sabay silang sumugod sa amin dalawa.
"At bakit mo ako sinampal?!" inis na tanong ko kay espasol. Hawak ko pa ang aking pisngi na kaniyang sinampal.
"Para 'yan kay Drei!" mataray na sabi niya. Umigting bigla ang panga ko. Hindi ko nagustuhan ang narinig ko. Lumapit ako sa kaniya at sinampal ko siya ng mag-asawang sampal. Natabingi halos ang kaniyang pisngi dahil sa lakas nang sampal ko.
"Sabi ko sa'yo 'di ba? Ulitin mo pa banggitin ang pangalan ni Drei at makakatikim ka sa akin. So ayan, naramdaman mo naman 'di ba? Ano gusto mo pa?!" Hindi ako natinag sa mga titig niya.
"Aba! Gusto niyo talaga ng away ah!" galit na sabi ni espasol at sinugod ulit ako. Pero sa pagkakataon ngayon nakahanda ako. Hanggang nagrambulan na kaming apat. Ako laban kay espasol, at si bisugo laban kay babaeng nagkulang ang tela.
Dumating ang mga guard at pinigilan kami. Nanlilisik na tingin ang pinukol ko kay espasol at biguso bago ko sila tinalikuran. Nagpunta ako sa clinic para gamutin ang mga sugat ko. Pagdating ko agad nilang ginamot.
"Sorry miss, nadamay ka pa dahil sa akin." Nilingon ko kung sino 'yong nagsalita. 'Yong babae pala na kinulangan sa tela. Hindi ko alam na sumunod siya lutang kasi isip ko. Isang pilit na ngiti lang ang sinagot ko sa kaniya.
"Ako pala si Tricia...Tricia Razon."