Kinabukasan nga ay nagmeeting ulit sila tungkol sa kanilang project pagkatapos ng kanilang klase. Nagpasa sila lahat ng kanya-kanyang proposal para sa kanilang project na gagawin. Isa-isang binasa iyon ni Kent.
"Kent, ito oh, nag dala akong juice and sandwich, baka magutom ka eh." wika ni Charm.
"Thanks!" maikling wika ni Kent.
Ngunit hindi man lang ito tumingin kay Charm, patuloy parin ito na nagbabasa.
"Miss, pakibili mo ko ng water!" wika ni Kent.
"Ha, ako?" maang na tanong ni Ada kay Kent.
"Oo, ikaw!" matalim na tingin ni Kent sa kanya.
Kumunot ang nuo ni Ada, "Pero may juice ka na ah?" sagot naman ni Ada.
"Sige na girl, bumili ka na, go!" wika ni Jenny.
At napilitan na lamang na tumayo si Ada at sumunod. Pagkabalik niya ay nakita niyang seryosong nagsasalita si Kent, habang nagpapaliwanag tungkol sa project nila. Inilagay naman ni Ada ang dala niyang tubig sa lamesa. Habang nagpapaliwanag si Kent, ay isinusulat nila ang mga gagawin ng bawat isa. Pagkatapos ay isa-isa na silang tumayo.
"Wait!" wika ni Kent habang nakatingin kay Ada.
Natigilan naman silang dalawa ni Joice.
"Ha, bakit?" tanong ni Ada.
"Maiwan ka, dahil late ka. Joice, you can go!" wika ni Kent.
"Teka, bumili ako ng water mo di ba?" sagot ni Ada.
"Kaya nga, maiwan ka." wika ni Kent.
Umupo ulit si Ada sa upuan. Nang makitang umalis na si Joice ay tska lamang nagsalita ulit si Kent.
"Pwede ba tayong gumawa ng project sa bahay nyo?" tanong ni Kent.
"Ha, ah ano kasi..." nag-aalangan na wika ni Ada.
"Ano?" tanong ni Kent.
"Hindi kasi pwede sa bahay." sagot ni Ada
"Bakit hindi pwede?" tanong ni Kent.
"Ano kasi, eh malayo." wika ni Ada.
"Malayo? So, gaano kalayo?" tanong ulit nito.
Napakamot naman sa ulo si Ada, bakit ba pinagpipilitan nito.
"Actually, sa kabilang City pa yun bahay namin. Ako, nagrerent lang ng kwarto dito." paliwanag ni Ada.
"Ah so, mag isa ka lang?" wika ni Kent.
"Uuhm..." tango ni Ada.
"Ah, wala ka na bang ibang sasabihin, may pupuntahan pa kasi ako eh." wika ulit ni Ada.
"May pupuntahan ka? Hmm, may date ka?" tanong ni Kent.
"Ah hindi! May work kasi ako." sagot ni Ada.
"Saan?" tanong ni Kent.
"Malapit lang sa tinitirhan ko. Sige ah, mauna na ko." Tumayo na si Ada at nagmadaling umalis.
Wala namang nagawa si Kent, dahil nagmamadali na si Ada na maglakad papalayo. Nang pagtayo ni Kent ay nakita niya ang notebook ni Ada na naiwan. Agad niyang hinabol si Ada, subalit hindi na niya ito nakita. Itinago na lamang niya sa kanyang bag ang naiwang notebook ni Ada at umuwi na rin.

Sa bahay nila Kent...
Habang nag aaral si Kent ay napansin niya ang notebook ni Ada. Kinuha niya ito at binuksan ang mga pahina. Nakita niya ang mga ibat-ibang drawing ni Ada na nakakamangha.
"Hmm, magaling pala magdrawing ang babaeng yun. Interesting." wika ni Kent.
Sabandang hulihan ay nakita niya ang kakaibang drawing nito. Isang malungkot na babae na nakaupo sa gilid ng bato ng bangin at ang ilalim nito ay dagat. Pinunit ito ni Kent at pinagmasdang mabuti at naisipan niya na idikit ito sa pader. Pagkatapos ay nagpatuloy na ulit sya sa kanyang pag-aaral.
Kinabukasan ay nagmamadali si Ada sa pagpasok, dahil malapit na siyang malate.
Samantala, habang naglalakad naman si Kent sa koridor ay nakasalubong nito si Charm.
"Kent, Kent!" sigaw nito kay Kent.
At huminto naman si Kent.
"Kent oh, dinalhan kita ng kape." malambing wika ni Charm.
"Hindi ako nagkakape!" wika ni Kent.
"Teka Kent..." hindi pa natatapos ang sasabihin ni Charm ay biglang may tumulak sa likod niya, at nabuhos ang kape nahawak-hawak niya sa uniform ni Kent.
"Ayyy!!!" sabay-sabay na nagsigawan ang mga estudyanteng nandun! Galit naman na titig ang ibinato ni Kent kay Charm.
"Kent, I'm... I'm..." hindi alam ni Charm kung paano magsosorry kay Kent. Biglang tumingin si Charm sa likod niya at nakita niya si Ada na gulat na gulat at kinakabahan.
"Ikaw! Dahil sayo, nabuhusan ko tuloy si Kent!" sigaw ni Charm kay Ada.
"Ha, a-ako?" wika ni Ada.
Bumaling naman ng tingin si Kent kay Ada.
"Oo ikaw! Ikaw yun tumulak sakin! Kung hindi mo ko tinulak, hindi ko sana nabuhusan si..." putol na wika ni Charm.
"Enough!" sigaw ni Kent.
Lumapit si Kent kay Ada at..
"Ikaw, sumunod ka sakin!" sabi nito kay Ada.
"Teka Kent, Sorry! I'm so sorry..." habol na wika ni Charm.
Napakamot na lang sa ulo si Ada, habang sumusunod kay Kent. Sumunod lang siya ng sumunod kay Kent, hanggang sa nakarating sila sa locker room. Huminto si Kent sa paglalakad.
"Come here!" utos ni Kent.
Agad namang lumapit si Ada. Ibinigay ni Kent ang bag niya kay Ada at sinusian ang kanyang locker at binuksan ito.
"S-sorry Kent, di ko sinasadya." mahinang wika ni Ada.
Habang nagsasalita si Ada ay naghuhubad naman si Kent ng nabasang uniform. Bigla namang natigilan si Ada sa pagsasalita ng biglang lumapit si Kent at isinangga ang dalawang kamay niya kay Ada. Napalunok si Ada sa posisyon nilang iyon, halos magkalapit sila ng mukha at katawan. Napagmasdan din niya ang magandang katawan nito at abs.
"Talaga lang ah! Di mo sinasadya?" matalim na titig ni Kent kay Ada.
Halos hindi naman makasagot si Ada, dahil sa posisyon nilang iyon, napasandal siya sa locker at ngayon lang din sya naka kita ng lalakeng naka topless. At super lapit pa ng mukha ni Kent sa kanya na tila ba siya hahalikan nito.
"Hindi ko naman talaga sinasadya yun. Nagmamadali kasi ako kaya-" putol na wika ni Ada.
"Kaya di ka tumitingin sa dinadaanan mo?" wika ni Kent.
"Sorry na." wika ni Ada.
"Sorry? Sorry lang? Alam mo bang ngayon lang ako napahiya? Ah wait, pangalawa na pala ito! Yun una, ay bigla mo kong inupuan! Tsk!" galit na wika ni Kent.
"I'm sorry, ano bang gusto mong gawin ko?" tanong ni Ada.
"Labhan mo tong damit ko!" utos ni Kent sa kanya.
"Ah okey! Sige ako na maglalaba nito." wika ni Ada. Inayos ni Ada ang damit ni Kent na nabasa at inilagay sa loob ng bag niya. Habang si Kent ay nagbibihis ng bagong uniform. Nang makita ni Ada na nakabihis na si Kent, ay iniabot na niya ang bag nito. At tumalikod na siya para umalis, subalit mabilis siyang hinila ni Kent sa braso at bigla na lamang siya nitong hinalikan!
Gulat na gulat naman si Ada, sa ginawa ni Kent. Marahan ang paghalik na iyon ni Kent, subalit nung sinusubukan na niyang itulak si Kent ay rumahas ang mga halik na iyon. Mapagparusa at halos kapusin na ng hininga si Ada. Kaya naman, pinapalo na niya si Kent sa dibdib nito, subalit pahigpit pa ng pahigpit ang yakap nito sa kanyang katawan.
Narinig niyang parang may taong paparating, tska lamang siya biglang binitiwan ni Kent, habang nakangisi ito sa kanya.
"How dare you!" wika ni Ada at sabay sampal kay Kent.
Nagulat naman si Kent sa ganting sampal na iyon ni Ada, namula ang pisngi niya dahil dito.
"Ikaw!!!" galit na wika ni Kent, at susubukan na halikan siya muli ngunit...
"Kent...!" tawag ni Alfred kay Kent.
Napahinto naman si Kent sa gagawin sana.
"Tara na! Malalate na tayo!" yaya nito.
"Hindi pa tayo tapos!" pagbabanta niya kay Ada, habang naka titig ito ng masama sa kanya.
Pagkatapos ay dumiretso na sila sa room, si Ada naman ay naiwang mag-isa. Hindi niya alam kung ano ang dapat maramdaman. Napabuntong hininga na lamang siya at nagmamadaling pumasok sa room.
Halos hindi pumapasok sa utak ni Ada ang tinuturo ng Teacher nila, dahil naalala parin niya ang ginawa sa kanya ni Kent. Parang gusto niyang tusukin si Kent ng ballpen habang pinagmamasdan niya ang likod nito.
Naisip niyang...
"First kiss ko yun! First kiss ko! Tapos ikaw?Grrr! Kakagigil ka!" wika ni Ada sa sarili.
At pinunas niya ng pinunas ang mga labi niya ng panyo habang naiinis.

Pagkatapos ng klase ay lumapit si Charm kay Kent.
"Kent, may meeting ba tayo mamaya?" tanong ni Charm.
"Wala!" matipid na sagot nito at umalis na kaagad.
Aalis na rin sana si Ada, subalit hinarang siya ni Charm.
"Hey, ano pinagawa sayo ni Kent kanina?" tanong nito.
"Ah, wala lang, pinabitbit lang niya sa akin yun bag niya, habang nagpalit sya!" wika ni Ada.
"Tapos?" wika ni Charm.
Naisip ni Ada ang halik ni Kent kanina, pero pinili nyang wag sabihin ang totoo dito.
"Yun lang!" wika ni Ada.
"Ah ok." wika ni Charm.
"Sige, mauna nako." paalam ni Ada.
Pagkaalis ni Ada, ay nagbulungan ang mga ito.
"Sabi ko sayo eh, hindi yan papatusin ni Kent." wika ni Jenny.
"Oo nga! Hindi sila bagay ni Kent noh?" wika naman ni Lyka.
"Sana nga! Pero iba kasi ang kutob ko sa kanya eh!" wika naman ni Charm.
"If ever naman, wala namang binatbat sayo yan si Ada! Rich ka na, maganda pa! Ano pa ang hahanapin sayo ni Kent di ba?" wika ni Jenny.
"Sabagay, korek ka dyan!" ngiting sabi ni Charm.
"Tama! Mukhang poor naman yan si Ada. Kaya wag na nating pag-aksayahan ng panahon yan!" wika ni Lyka.
Pagkatapos magkwentuhan ay sabay-sabay din silang umuwi.