Dumating ang araw ng pag-alis ni Ava. Kaya naman, umaga pa lang ay niyaya na niya si Gabriel na maligo sila sa dagat. Tuwang-tuwa silang naghaharutan sa dagat at pagkatapos mahigpit na niyakap ni Ava si Gabriel. Nagulat naman ang lalaki sa ginawa niya pero hinayaan na lang niya si Ava na siya ay yakapin.
"Hoy! Ikaw! Subukan mong mambabae dito sasapakin ko talaga 'yang pagmumukha mo," gigil na sabi sa kaniya ni Ava.
Napakamot naman ng ulo si Gabriel dahil hindi niya inasahang sasabihin 'yon ni Ava. "Opo. Hindi ako mambababae. Ikaw lang ang mahal ko kahit na wala pa talagang tayo, okay? Huwag kang mag-alala dahil sa iyo lang ang puso't isipan at kaluluwa ko," sabi no Gabriel habang nakangiti.
"Very good! Siguraduhin mo lang talaga. Patay ka talaga sa akin kapag nalaman kong may hinaharot kang iba," sabi ni Ava sabay irap.
Matapos nilang maligo sa dagat ay nagkuwentuhan muna sila saglit bago kumain. At pagkatapos ay nagpahinga lamang saglit sa lilim ng malaking puno.
"Basta 'yong sinabi ko sa iyo, ha? Wala kang ibang babaeng dapat na lalandiin kun'di ako lang. Babasagin ko talaga 'yang mukha mo. Tandaan mo 'yan." Matalim siyang tinitigan ni Ava matapos niyang sabihin 'yon.
Natawa na lang si Gabriel. "Opo. Maniwala ka sa akin. Ikaw lang talaga at wala ng iba."
Ngumisi si Ava at pagkatapos ay bigla na lamang niyang hinalikan sa labi si Gabriel. Nanlaki ang mata ni Gabriel sa gulat. Kinindatan pa siya ni Ava bago mabilis na tumakbo papalayo. Natulala na lamang si Gabriel at saka napahawak sa kan'yang labi. Iang minuto ang lumipas ay napakamot na lamang si Gabriel sa kanyang ulo habang nakahawak pa rin sa kan'yang labi. Dinadama niya ang halik ni Ava sa kan'ya.
Samantala, mabilis namang kumilos sii Aba. Pinipigilan niyang umiyak dahil nalulungkot siya sa kanyang pag-alis.
"Bilisan is na po natin," wika niya sa kan'yang driver nang makasakay siya sa sasakyan.
Lumingon muna saglit siya saglit upang makita si Gabriel. At nang makita niya ang lalaki na naglalakad patungo sa bahay nila, agad na tumalikod si at sinabihan ang driver niya na bilisan ang pagpapatakbo.
Sa kabilanv banda, hindi inasahan ni Grabiel na 'yon na pala ang araw na aalis si Ava. Kaya pala siya hinalikan nito sa labi para magsilbing paalam sa kaniya ni Ava. Nanlulumong napaupo si Gabriel sa duyan.
"Bakit hindi niya sinabi sa akin na aalis na pala siya ngayong araw?" tanong niya kay Aling Minda.
"Dahil ayaw niyang maghabol ka sa kan'ya. Ayaw niyang umiyak pa sa harapan mo,"sabi naman ng matanda.
"Pero nalulungkot na ako at nasasaktan ako sa bigla niyang pag-alis. Hindi na po ba siya babalik?" halos mangiyak-ngiyak na sabi ni Gabriel.
"Hindi ko alam eh. Pero sa tingin ko naman gusto ko na ni Ma'am Ava. Kaya huwag kang mawalan ng pag-asa. Malay mo, 'di ba? Bumalik siya kaagad."
Nakuyom ni Gabriel ang kan'yang kamao. Ang bigat ng dibdib niya. Gusto niyang umasa na babalikan siya ni Ava pero naiisip pa rin niya na maaring hindi na siya balikan nito dahil napakaraming mas guwapong lalaki at mayaman ang naghihintay kay Ava sa Maynila.
Mabilis namang nakauwi si Ava sa Maynila. At nang makarating siya doon, ikinuwento niya sa kan'yang ina ang mga nangyari sa pagtira niya sa probinsya. Napangiti naman si Anna dahil malaki ang naging pagbabago ng kan'yang anak at marami pa itong natutunan.
"Mommy, prang gusto ko na doon na lang po ako sa probinsya tumira. Maganda naman 'yong bahay natin doom eh," sabi ni Ava sa kaniya.
"Sigurado ka ba, anak?" tanong naman ni Anna.
Mabilis na tumango si Ava. "Opo. At saka gusto kong balikan ang lalaking sa tingin ko ay mahal ko na. Gusto kong makasama siya Mommy."
Tumaas ang kilay ni Anna habang nakangiti. "At sino naman ang lalaking 'yon? At ano ang kan'yang trabaho?"
"Siya po si Gabriel na isang magsasaka. Siya ang nagturo ng lahat sa akin. Kung paano magpahalaga sa mga bagay. Kung paano kumilos sa bahay. At saka kahit na isang magsasaka lang siya, nakikita ko kung paano siya magtrabaho. Kung paano siya kumilos upang magkaroon ng sapat na halaga na maibibigay niya para sa kan'yang pamilya. Dahil doon naisip ko na isa siyang mabuting tao at napakasipag niya. Na kahit pagod na pagod na siya, patuloy pa rin siya sa pagtatrabaho."
Napangiti na lamang si Anna at saka niyakap ang kan'yang anak. "Proud ako sa iyo, anak dahil nagbago ka na. At saka nagulat nga ako dahil ayos lang sa iyo na isang magsasaka ang lalaking mahal mo. Kasi nga, 'di ba dati ayaw mo sa mga ganoong klaseng lalaki?"
Alanganing napangiti si Ava. "Opo pero dati pa 'yon. Ngayon ay nagbago na ako. At nagpapasalamat ako kay Gabriel dahil tinuruan niya ako kung paano magpahalaga sa bawat bagay at maging mapagpakumbaba."
"Mabuti naman kung ganoon, anak. Okay sige. Bukas na bukas ay babalik ka na agad sa probinsya natin. Magpapadala na lang ako ng mga tauhan doon para ayusin na din ang bahay na titirahan mo. Para mapinturahan at mapalitan ang mga gamit ng bago. At saka lalagyan ko na rin ng malaking halaga ang account mo. Pahalagahan mo sana ito at huwag ka nang bumili ng kung ano-ano na hindi mo naman gagamitin."
Mabilis naman tumango si Ava. "Opo, Mommy. Marami pong salamat." Niyakap ni Anna ng mahigpit ang kan'yang anak sabay haplos sa buhok nito.
Samantala, hindi mapigilan ni Gabriel na umiiyak. Ngayon lamang siya nasaktan ng ganito sa isang babae dahil ngayon lang siya umibig ng totoo.
"Uy, ayos ka lang ba? Bakit ka umiiyak ka diyan," tanong ni Miko sa kaniya.
Pinunasan ni Gabriel ang luha niya. "Malamang nasasaktan ako sa biglang pag-alis ni Ava," mahinang saad niya.
"Huwag ag kang mag-alala dahil babalik 'yon. Magtiwala ka lang," sabi ni Miko sabay ngiti.
"Paano mo naman nasabing babalikan niya ako? At saka napakaraming gwapo at mayamang lalaki sa Maynila. Sigurado akong nagpapapansin na sila kay Ava."
Tumawa naman si Miko. "Alam mo, pre itulog mo na lang 'yan. Gabing-gabi na eh. Basta magtiwala ka kay Ma'am Ava. At saka alam naman namin ni Aling Minda na gusto ka na rin niya. Pinipigilan niya lang siguro ang sarili niya pero magtiwala ka, babalikan ka ni Ma'am Ava."
"Okay," marahan na lang na tumango si Gabriel.
Dahil sa sinabing iyon ni Miko, mas lalo siyang nagkaroon ng pag-asa na siya ay babalikan ni Ava.
Kinabukasan, nagulat na lamang si Gabriel paglabas niya ng kuwarto niya, nakita niya ang mga magulang ni Pitchi kasama na ang babae.