Maaga akong nagising dahil sa malakas na katok ni Ginger sa kwarto. Antok at tamad na tamad pa tuloy akong bumangon para pagbuksan siya at mabilis naman siyang pumasok sa loob.
“Bumangon ka na dyan. Sabayan mo akong mag-almusal.”
Parang nagmamakaawa pa siya sa’kin sa boses niyang ‘yan. Ako naman ay kumunot ang noo dahil ayon lang pala ang dahilan ng pagkatok niya.
“Jusko ayan lang dahilan? Kulang pa ako sa tulog! Edi sana ginising mo na lang si Wad–”
Napatigil ako dahil saka ko lang na-realize. Napairap tuloy siya sa’kin at bigla akong hinila patayo sa kama para samahan siya.
“Leche naman. Kayo magkaaway tapos dinadamay mo ako,” iritable kong sabi habang napipilitang magpahila sa kanya.
Pagdating namin sa kusina, nandoon na rin pala si Wade at Alvin na sabay pang lumingon sa amin. Ang awkward tuloy dahil sa nangyari kagabi.
Pero ang magaling kong pinsan na mataas ang pride ay hindi pinansin ang dalawa at dumeretso sa pagsandok ng pagkain. Umupo na lang ako at iniwasan ang tingin ng dalawa lalo na si Alvin.
Sinandukan na rin ako ni Ginger ng pagkain at kami ang magkatabi ngayon. Dati kasi ay katabi ko si Alvin tapos si Wade naman ang katabi niya. Ngayon tuloy naging katapat namin ang dalawa.
Sabay-sabay kaming kumain nang TAHIMIK na tipong kutsara, tinidor, at plato lang ang maririnig sa buong bahay. Hindi rin kami nag-aangat ng tingin dahil paniguradong makakatitigan namin ang isa’t isa.
Hanggang sa si Alvin ang pumutol ng nakaka-ilang na katahimikan.
“Ah… B-baka pala mag-overtime kami ngayon. Iimbestigahan na namin ang residence ni Rogue,” parang kinakabahan pa niyang sambit.
Pero nanatili akong nakayuko at si Ginger naman ay saglit lang siyang tiningnan at mabilis ding bumalik sa pagkain.
Dinig ko ang malalim na pagbuntonghininga ni Alvin kaya nakaramdam tuloy ako ng guilt. Hindi naman kasi kami dapat ganito pero dahil sa pinsan ko at sa best friend niya, affected din kami pareho.
Ilang minuto pa ang lumipas, si Wade naman ang naglakas-loob magsalita para tawagin si Ginger. Pero hindi siya pinansin ni Ginger at biglang tumayo, dala-dala ang pinggan niyang ubos na ang pagkain.
Saglit akong napatingin kay Wade at rumehistro sa mata niya ang sakit sa ‘di pagpansin sa kanya ng girlfriend niya.
Natapos na rin akong kumain kaya tumayo na rin ako at niligpit ang pinagkainan ko. Dumeretso ako sa kwarto para kausapin saglit si Ginger tungkol sa sitwasyon.
“Hoy, bruha. Magkwento ka na,” panimula ko sa kanya pagpasok ko ng kwarto.
Alam niyang hindi ko siya titigilan kaya naupo siya nang maayos sa kama habang nakakrus ang kamay.
“Kasi nagluto ako ng lunch kahapon tapos balak kong dalhan si Wade pati na rin si Alvin kaya pumunta ako sa headquarters nila.”
Umupo na rin ako nang maayos para makinig sa paniguradong mahaba na pagkekwento niya.
“Then pagpunta ko ro’n, saktong nasa labas na si Wade kaya tuwang-tuwa ako. Kaso may babaeng officer na lumapit sa kanya kaya hindi muna ako lumapit sa kanila,” she paused.
Nakita ko bigla ‘yung pag-iba ng timpla ng mukha niya nang umeksena ang girl officer. Kahit hindi ko pa kilala sino ‘yon at alam ano ang nangyari, pati ako nanggigigil na rin sa babaeng ‘yon.
“N-nakita ko naman na… Lumayo si Wade sa kanya. But after some minutes, bigla na lang tumingkayad ‘yung babae at hinalikan si Wade.”
Nanunubig na naman ang mga mata niya kaya tinabihan ko siya at pinapakalma. Gusto ko nang mag-react ngayon dahil sa babaeng ‘yon pero pinipigilan ko dahil gusto kong mailabas muna ni Ginger lahat ng pangyayari.
“Sobrang sakit, sis. Hindi ko kinaya kaya tumalikod agad ako at umuwi. Tapos pagdating dito sa bahay ako nagdabog at nagwala. Pinaghahagis ko sa labas lahat ng gamit niya. Blinock ko siya sa FB at Messenger. Maski sa contacts ko blinock ko ang number niya sa sobrang galit.”
At tuluyan na nga siyang umiyak. Niyakap ko siya at inalo sa likod. Hinayaan ko lang siyang umiyak nang umiyak sa balikat ko. Hindi muna ako nagsalita, basta dinadamayan ko muna siya ngayon sa sakit na nararamdaman niya.
Of course, Wade is her boyfriend. Kung iisipin ko rin na what if si Alvin ang gumawa no’n, masasaktan din ako nang sobra at magagalit kahit pa hindi pa kami ni Alvin. How much more pa kaya ngayon kay Ginger na boyfriend niya si Wade and ‘yon ang makikita niya.
It’s painful.
Nang tumahan na siya ay saka lang ako nagsalita.
“Naniniwala ka bang tinulak ni Wade ‘yung babaeng slap soil?” tanong ko. Sabi kasi ni Wade kagabi ay tinulak din niya ‘yung girl after ng nangyari.
“O-oo. Nakita ko ‘yon bago ako umalis,” nakayuko niyang sagot habang nagpupunas ng luha.
“So kanino ka nagagalit? Kay Wade o sa girl?”
“SYEMPRE SA BABAENG ‘YON! KAKALBUHIN KO ‘YUNG MALANDI NA ‘YON!” bigla niyang sigaw kaya napaatras tuloy ang ulo ko.
Galit na galit, gusto manakit?
“Eh bakit si Wade ang sinisisi mo? Bakit kay Wade ka galit na galit? Nakita mo naman pala na si girl ang humalik at hindi si Wade. Tinulak din ni Wade si girl,” taas-kilay kong tanong.
Bigla siyang natahimik at hindi na nakapag-angat ng ulo. She knows she made a mistake towards Wade.
Kasi kung ako ang tatanungin, ‘yung malanding slap soil na ‘yon naman talaga ang dapat namin awayin for that. Kahit pa idahilan niya na hindi niya alam na may girlfriend ‘yung tao, she shouldn’t kiss someone without consent. That rule is not only for women but for all.
Officer siya tapos hindi niya alam ‘yon? That’s sexual harassment para sa part ni Wade.
“K-kasi… gusto kong saktan niya ‘yung babae. Parang hindi man lang kasi siya nagalit sa ginawa ng babaeng ‘yon,” walang kwentang sagot niya.
“Ginger, hindi niya pwedeng saktan ang isang babae. Hindi sa kinakampihan ko si Wade but the moment he pushed that girl, that only means na hindi niya ‘yon nagustuhan. Kasi if he likes it, he won’t push that girl. He won’t get mad at that girl,” I explained.
She let out a deep sigh. Aminado siyang mali siya sa inasta niya kagabi kay Wade. Pero kilala ko rin ang babaeng ‘to dahil mas mataas pa sa Mt. Everest ang pride niya.
“Ano ba ‘yan, eh! Parang pinapagalitan mo pa ako!” singhal niya.
Hinatak ko naman ang buhok niya dahil doon. “Gaga, alam mong hindi kita ito-tolerate kung may mali ka.”
Padabog tuloy siyang sumandal sa headboard sabay irap.
“Pero naiinis pa ako. Masakit pa rin. Hindi ko mabura sa isip ko ‘yung ginawa ng babaeng ‘yon. Sarap sampalin!”
“Ayan, dyan kita kakampihan. Nakilala mo ba? Anong pangalan? Saan natin aabangan? Ako na bahala sa dos por dos,” sunod-sunod kong sabi, at napatawa na lang kami pareho.
“Nako, girl. Bantayan mo na rin ‘yan si Alvin at baka mamaya may ibang babae rin pala na umaaligid sa kanya sa trabaho nila,” pagpapaalala niya.
Umirap na lang ako at napasabing ‘subukan lang nila.’
Tawa na lang kami nang tawa pagkatapos dahil pinag-uusapan namin kung paano gagantihan ‘yung officer kahit pa hindi rin naman namin magagawa. Pero for sure kung makasalubong namin pareho ‘yon, hindi talaga makakaligtas sa amin ang babaeng ‘yon.
And then napunta na ang chikahan namin about sa gusto niyang magpahangin muna at magliwaliw.
“Tara bar tayo mamaya? Sagot ko na!” aya niya.
“May pasok pa ako kinabukasan. Dito na lang tayo sa bahay kung gusto mo,” pagtanggi ko sa kanya.
“Ayoko! Nandito rin silang dalawa, eh! Saglit lang naman tayo, promise.”
“Ginger, alam mong hindi ako mahilig sa ganyan.”
“Sige na, pleeeease?” pagmamakaawa niya. Nagpa-cute pa nga para lang pumayag ako.
Sa huli, um-oo na lang ako dahil mukhang kailangan niya talaga magpahangin at magliwaliw. Baka doon niya makalimutan ‘yung paghalik ng pesteng babaeng ‘yon kay Wade.
So pagkatapos ko sa work ay dumeretso na ako sa Tomas Morato. Nagbaon din ako ng damit pampalit dahil hindi naman bagay ang uniform ko sa work sa bar.
So naka-jeans pa rin ako and then I changed my top into a bralette crop top and wore a black choker.
Pagdating ko sa bar ay nandoon na rin si Ginger na naka backless crimson dress na hapit sa katawan niya. Ginger is hot and sexy kaya no wonder na marami na namang mga lalaki ang lilingon sa babaita na ‘to.
“Ay taray naka bralette lang! Ikaw talaga ‘yung kahit simple lang, ang lakas ng appeal! Sana all!” pag-compliment niya sa’kin.
Natawa na lang ako at pumasok na kami sa loob.
At syempre bumungad sa amin ang napakaingay na mga tugtugan at hiyawan ng mga tao. We’re looking for vacant table dahil hindi na nakapagpa-reserve si Ginger.
While roaming around, someone shouts my name from the right corner near the counter. Mabilis kong hinanap ang taong tumawag ng pangalan ko at laking gulat ko na si Leonel pala ‘yon.
What a small world.
Bigla siyang tumayo kaya bigla naman akong kinabahan. Naalala ko kasi ang encounter nila last time ni Alvin at pag-amin niyang may gusto siya sa’kin kaya medyo nailang na ako sa kanya.
Kaso ang magaling kong pinsan ay tinawag pa nga si Leonel nang makita niya ‘to. Hanggang sa tuluyan na ngang nakalapit sa amin si Leonel na malapad ang ngiti sa’kin.
I smiled awkwardly.
“Attorney! Hala, long time no see. Nandito ka rin pala,” tuwang-tuwang bati ni Ginger sa kanya.
“Hello! Yeah, may pa-celebrate lang ‘yung kaibigan ko. Kayo? Why are you here?” tanong niya.
“Trip lang. Kararating nga lang namin kaso mukhang wala ng vacant seat.” Nag-pout pa ang bruha.
“Oh! We still have two seats available. Pwedeng doon na lang kayo sa amin. My friend doesn't mind,” offer ni Leonel.
Napahawak naman ako sa braso ni Ginger dahil alam kong papayag agad ‘to.
“Ah, wag na, Leonel. Okay lang kami. Nakakahiya naman sa inyo ng kaibigan mo. Celebration niya yon, eh.” I smiled awkwardly.
“No, I insist. As I've said, my friend doesn’t mind.” He smirked.
“Tara na, sis! Puno na ang bar, oh. Nakakahiya naman kay attorney.”
Tiningnan ko nang makahulugan si Ginger pero hindi pa rin niya ma-gets kaya wala akong nagawa kundi magpahila sa kanya.
Sana lang talaga walang gawin na kung ano si Leonel. Nadala na talaga kasi ako last time. Mabuti na lang kasama ko si Alvin no’n, e ngayon hindi ko kasama at kami lang ni Ginger.
Pagdating namin sa table nila, isa lang pala ang kasama niya kaya medyo hindi naman pala nakakahiya.
“Bro, may kasama na tayo. Naging client ko ‘to and ito ang pinsan niya,” pagpapakilala ni Leonel sa amin.
“Hello! I’m Ginger,” masiglang bati ni Ginger, sabay lahad ng kamay niya sa kaibigan ni Leonel.
Ngumiti naman nang malapad ‘yung guy kay Ginger at nakipag-shake hands.
“Nice meeting you. I’m Drake.” Then he winks at her.
Ginger giggled because of that. Mabilis na rin siyang umupo at nahihiya naman akong tumabi sa malantod kong pinsan.
And then Drake suddenly stared at me kaya napaiwas tuloy ako ng tingin.
“Bro, is she the girl you are talking about?” bulalas niya na pinagtaka ko.
Kinekwento ako ni Leonel sa kaibigan niya?
“Ah, haha. Yes, she is. She’s gorgeous, right?” Pagkatapos ay hinawakan niya ang kamay ko na nakapatong sa mesa at tiningnan ako nang mapanuksong tingin.
Nailang tuloy ako at dahan-dahang inalis ang kamay ko sa mesa.
I don’t feel comfortable right now. The way Leonel looks at me is uncomfy. Even Drake, his friend, is staring at Ginger playfully.
Nagsimula na silang uminom at napagdesisyunan kong hindi ako iinom nang marami dahil hindi maganda ang pakiramdam ko rito.
Sana lang mali ang pakiramdam ko.