"Ano ka ba! hindi naman totoong mahal ko si Mirah. May relasyon lang kami dahil gusto ng mga fans na maging kami in real life not just on screen. Inisip ko na sa oras na maging kami baka mas lalo akong sumikat. Alam mo naman kung gaano siya kamahal ng masa, kaya ngayon kailangan ko pa siya. Don't worry if I've gain enough fans and would be able to stand on my own, I'll dump her. Ikaw lang ang mahal ko, alam mo 'yan. So please huwag ka ng magtampo kung nakikita mo kaming sweet sa social media. I'm just acting, artista kaya ang boyfriend mo. Just be patience, okay? I'm doing this for the both of us, for our future," mahinang sambit ni Kevin sa kausap nito sa cellphone.
Hindi makapaniwala si Mirah sa narinig. Ang kanyang love team sa mga pelikula na si Kevin Montero na ngayon ay boyfriend niya ay may ibang kasintahan. Hindi lang 'yon, kasintahan na nito dati pa ang kausap at siya ay niligawan lang dahil sa katanyagan niya para sumikat ito. Siya naman si tanga, nagpadala sa matatamis nitong salita at agad umuo. She doesn't know if she'll cry or laugh that time, all she knew is she's deceived. Hindi siya minahal ng binata. Lahat ng mga ipinapakita nito sa kanya ay pawang pagpapanggap lamang.
Kinausap pa ng kanyang boyfriend ang minamahal nitong kasintahan. Hindi siya martyr para manatili sa lugar na 'yon kaya naman umalis siya. Tineks niya si Kevin at sinabing nagka-emergency siya kaya hindi matutuloy ang lakad nila.
Minahal niya ang binata hindi lang sa maganda nitong mukha kundi dahil na rin sa napakamaalaga nito. Sa tuwing may shooting sila ay ito na ang halos maging personal assistant niya. Sabi pa nito ay gustong-gusto nito ang ginagawa lalo na't napapasaya siya. Hindi niya lang akalain na sa mga magagandang trato nito sa kanya ay may dahilan pala.
"Hi, Pa," bati niya sa puntod ng kanyang ama. Doon na lamang siya nagtungo dahil noon pa man ay tagapakinig na niya ang ama lalo na kung may problem siya. Ang malungkot lang ngayon ay hindi na siya nito magagawang payuhan dahil nasa kabilang buhay na ito.
"Kilala n’yo naman na si Kevin, Pa. Lagi ko siyang ikinukwento sa inyo tuwing bumibisita ako. Siya nga ang laging bida sa kwento ko," mapait siyang ngumiti. "Alam n’yo po, I heard him earlier talking to her girlfriend. Imagine my shock when I heard him, akala ko ako lang ang kasintahan niya ngunit may iba pala at mas nauna ito kaysa sa'kin. Sinabi niya ritong hindi niya ako mahal, na nagpapanggap lang siya para makakuha ng maraming fans… para mahalin siya ng mga tao. Nagalit ako sa natuklasan ko pero hindi ko siya magawang saktan nang oras na 'yon kaya naman pumunta ako rito. I love him, Pa. Alam n’yo po 'yon, pero sa ginawa niya pakiramdam ko hindi ko na siya kayang pakisamahan. Pwede niya namang sabihin ang totoo. Bakit kailangan pang paibigin niya ako? Hindi naman ako madamot, kung suporta ng masa ang kailangan niya ay matutulungan ko naman siya. Why act as if he really cares? Bakit kailangan pa niyang paglaruan ang damdamin ko?" Naglandas ang ilang butil ng luha sa pisngi ng dalaga na agad niyang pinunasan. "Siguro kung nandito po kayo baka may magsasabi sa'kin kung ano ang gagawin ko. I miss you, Pa... I do really miss you." 
Ang kaninang luhang pinipigilang makawala ay hinayaan na ni Mirah na maglandas sa kanyang pisngi. Sa tingin niya ay 'yon na lamang ang paraan para mailabas ang sakit na nararamdaman. Hindi siya pwedeng sumigaw dahil nasa sementeryo siya at hindi rin siya pwedeng magpakalasing sa alak dahil bantay sarado ng mga naglalakad na camera ang kanyang kilos. Isang maling galaw lang niya ay big deal na sa lahat.
Nanatili pa siya sa tabi ng ama ng ilang oras bago tumuloy sa kanyang condo. Matapos maalis ang kanyang make-up ay natulog na siya. Wala siyang ganang kumain dahil na rin sa nangyari ngayong araw.
Nagising si Mirah sa tunog ng kanyang phone. Nang makitang ang kanyang manager ang tumatawag ay agad niyang sinagot.
"Hello!"
"Ipapaalala ko lang sa'yo na mamayang alas diyes gaganapin ang contract signing para sa susunod mong pelikula. Sabihan mo na lang si Kevin na sunduin ka riyan sa condo mo dahil inutusan ko si Manong Miguel at baka mamaya pa ang balik niyon," tukoy nito sa kanilang driver.
"Marky?" 
"Yes?"
"Sorry, pero hindi ko matatanggap ang offer na 'yan."
"What? Bakit naman? La Mirage Film na mismo ang nag-offer sa'yo. Mas lalo kang kikilalanin dito. Akala ko ba napag-usapan na natin 'to? Ikaw na rin ang nagsabi na gusto mong patunayan na hindi lang ganda ang meron sa'yo. La Mirage Film will be the perfect candidate for you." 
Hindi makapaniwala si Marky, ang kanyang manager sa kanyang naging desisyon. Inisip pa nitong baka nasa sleeping state ang kanyang utak dahil kagigising lang niya.
"Sabihin mo na lang sa kanila na masaya akong inalok nila ako ng malaking role pero hindi ko ito matatanggap. Wala ako sa kondisyon at baka mabigo ko lang sila, and I don't want that to happen."
"May problema ba?" tanong nito sa dalaga sa isiping may problema siya. Alam nito kung gaano niya kaasam ang makatanggap ng role sa La Mirage Film. Kaya naman ganoon na lang ito magtaka kung bakit niya biglang inayawan ang offer.
"Ayos lang ako. Siguro pagod lang ako sa katatapos na drama kaya nais ko munang magpahinga. I'm sorry."
Alam niyang hindi sang-ayon ang kanyang manager kaya sinabi nitong pag-isipan niyang mabuti ang desisyon at ipaalam rito pagkatapos. 
Ang La Mirage Film ang nangungunang film company sa Pilipinas. Karamihan sa mga kinukuha nilang artista ay may mga pangalan sa industriya at kilala sa husay sa pag-arte. Minsan na siyang nakakuha ng role sa nasabing kompanya ngunit bata pa siya nang panahong iyon. May nagsabi sa kanya na kaya lang naman siya tinanggap ng La Mirage Film ay dahil sa hitsura niya at hindi sa talento. Nais niyang patunayan sa taong 'yon na mali ito, na kahit paano ay may maibubuga siya. Kaya nang alukin siyang muli ng kompanya sa isang proyekto ay agad niya itong tinanggap. Hindi niya lang akalain na magagawa siyang linlangin ni Kevin. Kung ginamit siya nito para maging stepping stone nito sa industriya, siya na mismo ang sisira sa kahibangan nito. Nakakalungkot lang at kailangan pa niyang isakripisyo ang kanyang role, matikman lang ng kasintahan ang lasa ng sarili nitong gamot.
Mayamaya ay dumating si Kevin sa kanyang condo.
"Totoo ba 'yong sinabi sa'kin ni Marky na tinanggihan mo raw ang La Mirage Film?" bungad ng binata sa kanya.
"Oo," walang gana niyang sagot.
"Hindi mo man lang tinanong ang opinyon ko kung gusto ko ba itong tanggihan."
"Does it matter? Ako lang ang tumanggi, pwede mo namang kunin 'yong role ng male lead."
"Tayo ang magka-love team. Ano na lang ang iisipin ng iba?" sa tono ng pananalita nito ay hindi na ito natutuwa sa daloy ng kanilang usapan.
"I don't care!"
"You're so selfish!" 
Hindi nagustuhan ni Mirah ang sinabi nito. Hindi makapaniwala niyang hinarap ang binata. "Selfish? Selfish ba ang tawag kung gusto kong magpahinga. Katatapos lang ng shooting natin. Kung ikaw hindi napagod, then go! accept their offer. Hindi naman kita pipigilan."
"Ba't ganyan ka makitungo sa akin? May nagawa ba akong mali?" naguguluhan nitong tanong.
"May nagawa ka ba?" 
"Wala, pero kung umasta ka parang may nagawa ako. Boyfriend mo ako Mirah, kaya ko lang naman gustong kunin natin ang offer na 'yon dahil malaki ang tulong nito sa career natin. Wala ka bang plano sa future... for our future?"
Sa tanong ng binata ay natawa siya. "For OUR future?" she emphasized the word 'our' then laughed again.
"What's funny?" kunut-noo itong nakatingin sa kanya.
Halos lumuha na ang mata niya sa pagtawa. Marahan niyang pinunasan ang mamasa-masang mata. "Wala tayong future, Kevin, at ikaw ang pinaka may alam doon."
"What do you mean?"
"You don't know what I mean? I mean, I'm breaking up with you."
"You're kidding right? How about our fans? Madi-disappoint sila kapag nalaman nila. Saka wala naman akong ginawang masama ah. Bakit ka makikipaghiwalay sa'kin?" Sunod-sunod nitong tanong, mukhang hindi nito inaasahan ang sinabi niya o sabihing hindi sumagi sa isip nito na darating ang araw na makikipaghiwalay siya rito lalo na't kay ayos ng kanilang relasyon.
"You already knew the reason. Huwag kang umasta na wala kang kaalam-alam. Saka huwag mong gamitin ang disappointment ng fans sa paghihiwalay natin. If they are truly our fans— my fans, they will understand us— they will understand me. Makakaalis ka na."
"No! Hindi ako aalis hanggang hindi mo sinasabi sa akin ang totoong dahilan," madiing wika ng binata. “May iba na ba?”
She chuckles, “bakit hindi mo tanungin ang sarili mo? Sa ating dalawa ikaw ‘tong nagloko.”
Nagtataka itong tumingin sa kanya. Hindi niya alam kung manhid ba ito o slow lang mag-isip.
"Narinig ko kagabi ang pag-uusap n'yo ng GIRLFRIEND mo. You know? Artista ka nga talaga. You are so good at acting, napaniwala mo akong mahal mo ako. Dahil sa mahal kita hindi ko gustong maghiwalay tayo sa pangit na paraan. Just accept the truth na hindi ako tanga para manatiling girlfriend mo gayong alam ko na ang totoo. Wala namang contract agreement sa pagiging mag-love team natin, kaya malaya akong sirain ito. So, please! umalis ka na." 
Hindi na niya hinintay pang magsalita ito, agad siyang tumayo at tinungo ang kanyang kwarto. Tila hanggang ngayon ay hindi pa rin maiproseso sa utak ng binata ang sinabi dahil wala pa itong reaksyon.
"Pakisara na lang ang pinto pag-alis mo. Salamat," aniya at pinasok ang kanyang silid.