Lumabas na si Anna ng opisina ni Jake at namataan niya si Gab na may kausap na magandang babae. Mabilis ang mga itong lumapit sa kaniya pagkakita sa kaniya.
“Anna! Meet Natasia,” pakilala ni Gab sa babae. “Siya ang kaibigan ko na nag-refer sa akin dito,” bulong nito.
Tiningnan niya ang dalaga. Napakaganda nito. Matangkad ito at napakakinis ng kutis bagamat hindi ito kaputian. Sexy ito sa uniform na suot, pwedeng ipanlaban ng Miss Universe kung nanaisin nito. Maganda din ang make-up nito at hanggang balikat ang itim na itim na buhok. Eto iyong tipo ng babae na nakaka-intimidate ang ganda.
“Bakit panay magagandang nilalang ang nakikilala ko dito? Una si Sarah, kasunod si Gab, ngayon ito namang si Natasia!” litanya niya sa isip. Magmumukha siyang basahan kapag kasama siya ng mga ito. Alam niya na hindi naman siya pangit, ngunit hindi naman siya kasing-sopistikada katulad ng mga ito. Simple lang ang suot niya, lalo na ang ayos niya. Sa edad niyang 21 ay hindi parin siya maalam maglagay ng make-up.
“Hello Anna! Papunta kami sa canteen tutal break time na naman. Sabay ka na samin?” mabait na bati sa kanya ni Natasia. Mukha lang pala itong mataray pero mabait naman at malumanay kung magsalita. Napatingin siya sa orasan at nakita niyang alas tres na pala ng hapon.
“This company is owned and managed by Mr. Henry and Tristan Cristobal. Magkapatid sila at sila ang nagsimula at founder nito. Sarah is the daughter of the VP Mr. Henry, while Jake is the son of Mr. Tristan Cristobal,” paliwanag ni Natasia. “You didn’t know?” tanong nito ng mabasa ang ekspreyon sa mukha ko. Napailing nalang siya. Noon niya naisip kung bakit napakabait ni Mr. Dela Peña sa kaniya.
“Girl, sabay tayo mag-asikaso ng requirements ha,” baling sa kanya ni Gab. “Beshy, iintayin na namin ang out mo. Tutal may orientation pa naman kami,” baling naman nito kay Natasia.
Matapos mag-merienda ay nagbalik sila sa HR office para sa orientation nila na mga bagong empleyado. Ipinaliwanag sa kanila ang job description pati narin ang mga benefits nila sa trabaho. Natapos sila ay halos uwian narin ng mga empleyado. Sa lobby ay nakita nila na nag-iintay sa kanila si Natasia. Agad itong ngumiti at kumaway ng mapansin sila.
“Gab, nakausap ko si Stephen. Ipapakilala na kita sa kaniya tutal Friday naman ngayon,” kindat nito sa kasama.
“G! Saan tayo? Para naman makita ko na ‘yang boyfriend na sinasabi mo,” excited na sagot ni Gab.
Na-out of place na siya si dalawa at magpapaalam na sana siya na aalis ng bigla siyang yayain ni Natasia.
“Anna, may gagawin ka ba ngayon? Why don’t you join us? Let’s celebrate. Inom tayo,” masayang aya nito sa kanya.
“Ha?! Hindi kasi ako umiinom,” tanggi niya. Pero hinawakan nito ang braso niya.
“Ana, we will be your friends here. C’mon, later mai-stress ka na sa trabaho kaya habang maaga pa magrelax ka na,” tumatawang sagot nito.
“Kaya nga Anna! Pag-usapan din natin pag-aayos natin ng requirements,” pilit pa ni Gab at nag-abresyete na ito sa kanya kaya wala na siyang nagawa. “Let’s go, sakin ka na sumabay,” at naglakad na sila sa parking lot kung saan naka-park ang kotse nito.
Sa isang bar siya dinala nila Natasia at Gab at nagsimula ng uminom ang mga ito. Maging siya ay inabutan ng inumin ng mga kasama ngunit isang oras na ay bahagya lamang niya iyong nabawasan.
“Ano ba naman itong pinaggagawa ko? Patay ako sa tiya ko kapag nalaman niya ito. Dalawang magkasunod na gabi na akong napapapunta sa bar!” kausap niya sa sarili.
Napansin niya na busy na si Natasia sa pagte-text. “Andito na daw sila Stephen,” maya-maya ay excited na sabi nito sa kanila.
Isang gwapong lalaki ang itinuro nito. Maputi ito, at matangkad. Pwedeng modelo din. Agad itong lumapit kay Natasia at hinalikan ito sa labi. “Hey babe!” bati nito sabay yakap sa bewang ng dalaga.
“Guys! Meet Stephen Cristobal, my boyfriend,” pakilala ni Natasia sa lalaki. “Brother siya ni Sarah,” pakilala ni Natasia na sa kaniya nakatingin dahil nakwento niya sa mga ito na kilala niya si Sarah.
Parehas kami ni Gab na napanganga sa sinabi ni Natasia. “Kaya naman pala, malakas din ang backer ng bruhang Gab!” aniya sa isip.
“Kasama ko nga pala si Jake, naiwan lang sa labas,” saad ni Stephen na agad nagpakaba sa kaniya.
Napapikit nalang siya at napadasal na sana ay ibang Jake ang tinutukoy nito. Hiyang-hiya pa siya sa Jake na pinsan nito. Ngunit nanlumo siya ng makita ang dumating. Jake Cristobal. Nakangiti ito sa kanila ngunit nawala ang ngiti nito ng makita siya. Siya naman ay napatungo sa kinauupuan at napakagat-labi. Noon niya lubos na pinagsisihan na sumama pa siya kina Natasia at Gab.
Jake sat beside her. Iyon nalang kasi ang bakanteng upuan. Nagsimulang uminom ang mga ito at nagkwentuhan. Mukhang madaling nakapalagayang-loob ni Gab ang mga binata samantalang siya ay awkward na nakikinig lang sa pinag-uusapan ng mga ito. Wala naman siyang maiisagot sa pinag-uusapan ng mga ito--mula sa masasarap na pagkain, possible business at mga bansang narating ng mga ito. Ano naman ang iaambag niyang kwento? Eh, hindi pa naman siya nakakarating sa ibang bansa. Ilang sandali pa at nag-aya ng sumayaw sina Natasia kasama si Stephen, sumunod din si Gab sa mga ito.
“Pass,” ani Jake ng yayain din ito ng mga kasama.
Mabilis siyang umiling ng tumingin sa kanya si Gab at aakitin sana siyang sumayaw. Kahit siguro anong mangyari ay hindi siya mapipilit nito na magsayaw. Though she does not want to be left alone with the man beside her ay mas ayaw naman niyang pumunta sa dance floor. Ang isipin palang na sasayaw siya at may mga taong makakakita sa kaniya ay napapahiya na siya. Mabuti nalang at hindi siya pinilit ni Gab.
“Why are you here? Hindi ka umiinom, ni hindi ka din nagsasalita,” narinig niyang sabi ni Jake.
“Napilitan lang akong sumama,” sagot niya.
“Ang dali mo naman palang pilitin,” ngisi nito. Alam niya ang ibig nitong sabihin. Naalala niya na iyon din ang sinabi ni Sarah ng nagdaang gabi. Na pinilit siya nitong sumama sa bar. She chose to remain silent. Wala din naman siyang sasabihin para ipagtanggol ang sarili.
Malakas ang music sa kinaroroonan nila at maingay narin ang crowd. Napatingin siya kay Jake na tahimik lang na nag-scroll sa cell phone nito habang ang isang kamay ay may hawak na bote ng alak. Mas gwapo ito sa malapitan. She could see his handsome features being illuminated by the lights coming from his cell phone. Nakatagilid ito sa kaniya at kita ang matatangos nitong ilong. Seryoso ang maninipis nitong labi habang naka-focus ang mata sa mga binabasa sa cell phone nito. She also saw a few women glancing at him. They are all flirting with him, ngunit ni isa ay wala itong pinagtuunan ng pansin.
“Like what you’re seeing?” tanong nito na napansin pala ang pagtitig niya.
Napahiya siya sa narinig. Mabuti nalang at madilim kundi ay makikita nito ang pamumula ng mukha niya. Pinagmasdan niya ang mga tao sa paligid na masayang nagiinuman, nagsasayawan at naghaharutan. Maya-maya pa ay may isang super sexy na babaeng lumapit kay Jake. Mataray na tiningnan muna siya nito mula ulo hanggang paa bago naupo sa tabi ng binata.
“Hi Jake! It’s me Nina,” maarteng sabi nito. “Nagkakilala na tayo dito last month,” makahulogang sabi nito.
“Ah! Yes! Nina, of course I remember you!”
“Talaga lang ha?!” pang-aakit pa ng babae at lalo pang dumikit kay Jake.
Lumalalim na ang gabi at kailangan na niyang umuwi. Malayo ang apartment niya at ayaw niyang gabihin pa lalo. Isa pa, naiirita siya sa Jake na ito at babaeng katabi.
“Hmp! Naka-make up lang yan pero mas maganda pa ako diyan,” protesta ng isip niya. Pagbalik nina Natasia sa pwesto nila ay agad siyang nagpaalam na uuwi na. Si Gab ay hindi na niya namalayan kung saan nagsuot. Pumayag naman sina Natasia ng magpaalam siya.
Tumayo siya at lumingon kay Jake ngunit hindi manlang siya nito tiningnan kaya hindi na siya nagpaalam dito. Dire-diretso siyang lumabas ng club na iyon.
Isang oras na siyang nakatayo sa labas at naghihintay ng masasakyan ngunit bigo siya. Nangingimi na ang mga binti niya at nakakaramdam na siya ng pagod. Pinapagalitan niya ang sarili dahil sumama pa siya kina Gab at Natasia. Maya-maya ay nakita niya si Jake na lumabas at nagtungo sa parking. Pinindot nito ang susi at bumukas ang sasakyan nito. Naramdaman siguro nito na may nagmamasid sa kanya at napalingon ito sa gawi niya. Nagtama ang kanilang mga mata at nakakalokong ngumisi lang ito sa kaniya.
“Aba ang yabang talaga!” bulong niya.
Naiirita siya dahil sa nakakalokong tingin ni Jake. Para bang natutuwa pa ito na hindi pa siya nakakauwi hanggang ngayon, at the same time napapahiya siya dahil nahuli siya nitong nakatingin dito.
“Bakit ba nakakapanliit ang lalaking ito? At asan na kaya ang Nina na kausap nito kanina?” tanong ng isip niya.
Dire-diretsong sumakay ang binata sa sasakyan at mabilis na pinaharurot iyon. Naiwan siyang nagpupuyos ang kalooban. Wait, inaasahan ba niyang ihahatid na naman siya nito? “Ang kapal mo naman Anna,” pagalit niya sa sarili.