3rd person pov.
"sabihin mo nga sakin danger, bakit ba gusto mo siyang kunin? Anong naisip mo nung gabing yun at sinabihan mo ko na ibigay sa kanya yung baraha?" tanong ni raven kay danger habang binubuo ang jigsaw puzzle sa harapan niya.
"Awa." sagot ni danger. "narinig ko kasi siya sa likod ng restaurant umiiyak kasi nawalan siya ng trabaho." tumingin si danger kay raven "nung araw na tinanggal ko siya sa trabaho, yun din yung araw na tinanggal mo siya dahil lang sa init ng ulo mo" sumimangot si raven kay danger. Pinagalitan kasi siya ng apat nung araw na yun dahil nagtanggal siya ng empleyado ng basta-basta. "kung alam ko lang na siya yung tinggal mo hindi ko sana siya tatanggalin sa trabaho at bibigyan ko pa siya ng isa pang pagkakataon" napangiwi si raven kay danger.
"talaga lang ha" ngumisi si raven at ibinalik ang tuon sa puzzle niya.
"iniisip mo dyan" sabi ni danger.
"wala." sagot ni raven "oo nga pala tatawagan ko pa pala yun" napahawak sa batok si raven at tumingin muli kay danger.
"ano pala gagawin natin dun? Nakapasa nga siya sa LNU hindi naman scholar. Sino mag babayad dun?" sabi ni raven.
"edi tayo" sabi ni danger. Tinaasan naman siya ng kilay ni raven.
"wow ha. Nakumbinsi mo na nga kami na hati-hati tayo sa sweldo niya tapos pati ba naman tuition? Ayos ah" sabi ni raven.
"oo na, oo na. Ako na" wala ng nagawang saad ni danger.
Rafaela Amber Reyes pov.
Agad akong umupo sa kama at kinuha ang cellphone ko sa side table ng mag ring ito. Napangiti naman ako at napa fingers cross ng makita na number lang ang nakalagay. Sana talaga si ma'am raven na ito. Ilang araw ko na kasing inaantay ang tawag niya.
"hello po?" sagot ko.
"hello. Is this Rafaela?" napangiti ako ng mabosesan si ma'am raven
"opo ma'an raven, ako po ito" masayang sagot ko.
"are you free on friday? Let's meet at the mall" nsabi ni ma'an raven.
"opo, libre po ako. Anong oras po ba at saang mall?" tanong ko.
"I'll just text it tomorrow. Any questions?" sabi pa ni ma'am raven.
"wala naman na po" sagot ko.
"okay, bye" sabi lamang ni ma'am at ibinaba na ang tawag.
*****
Dumating na ang biyernes at nag hahanda na ako para umalis. Nang matapos ako mag ayos ay umakyat na ako at hinanap si lady marelyn upang mag paalam. Hindi ko ito nakita sa sala kaya umakyat ako sa kwarto nito. Kumatok muna ako bago binuksan ang pintuan at nakita ko itong nanonood ng tv habang kumakain ng isang bucket ng chicken.
"lady marelyn aalis po ako" tumingin lamang ito sa akin "mag aapply po ng trabaho." sabi ko pa. "sige po alis na po ako" sabi ko, tumango lang ito sa akin at sumenyas sa akin na umalis na. Isinarado ko na muli ang pintuan at lumabas na ng bahay.
Nang makarating ako sa mall na tinext ni ma'am raven kahapon ay dumaretso ako ng punta sa luminous restaurant na naka branch dito sa mall. Hindi ko nga alam kung bakit sa dami ng restaurant at pwedeng pag kakitaan sa luminous niya pa naisip. Wala, bitter lang.
Nang makarating ako sa luminous restaurant ay hinanap agad ng mata ko si ma'am raven. Nakita ko naman si ma'am raven kasama sina sir miko, tyson, danger, at zyion na mag kakasama na nasa dulo at mahabang lamesa, may kasama din silang isang babae. Hindi ata sila mapaghihiwalay eh, mukhang lagi silang magkakasamang lima. Nag tungo na ako sa kanila at bahagyang yumuko upang pagbati ng makarating ako sa table nila.
"magandang umaga po" tinignan ko pa ang relo ko kung tama ba ang sinabi. Tama naman ako dahil mag aalasdose palang naman.
"upo kana" sabi ni ma'am raven. Umupo na ako at ngumiti kay sir zyion. Mag katabi kasi kamo, may isang upuan lang napagitan samin. Nakita ko naman na bahagyang itinaas ni sir danger ang kamay niya sa isang waiter.
Nasa eight sitter table kami nakaupo, nakaupo sa dulo sa tapat namin si sir danger, katapat niya si sir miko, katabi naman ni sir danger si sir tyson na katapat si sir zyion, katabi ni sir tyson si ma'am raven na walang katapat, at katabi ni ma'am raven at katapat ko yung babae na kasama nila.
"rafaela, ito pala si lexie. Siya mag aasikaso ng enrollment mo" nagulat ako sa sinabi ni ma'am raven at bahagyang tumango kay lexie. May inilabas naman si lexie sa bag niya na brown envelop at ibinigay ito sa akin. Napatingin naman ako sa gilid ko ng biglang may mag lapag ng pagkain sa lapag ko at nakitang binibigyan na nila kami ng pagkain. Binuksan ko ang envelop at nakitang fill up form ito.
"fill up-an mo nalang yan pag tapos nating kumain." sabi lamang ni lexie. Nag simula na silang kumain ng mailagay na lahat ng pagkain.
"salamat po pero wala pa po kasi akong pera pang enroll" anya ko.
"that's okay. We will pay for it but is it okay for you if we make your allowance half?" nangunot ang noo ko. Ang bilis kasi ng english ni ma'am raven kaya hindi ko gaano naintindihan.
"po?" tanong ko.
"what I've said is. Babayaran na muna namin yung tuition mo pero ayos lang ba na kalahati lang muna ang matatanggap mo na sweldo hanggang sa mabayaran mo yung tuition mo?" sabi ni ma'am raven. Napangiting napatango naman ako.
"oo naman po, ayos lang po sakin yun" malaki padin naman ang sahod ko kapag kalahati, ang importante ay makakapag-aral na ako ngayon.
"okay, kumain kana" Ngumiti ako kay ma'am raven at nag simula na akong kumain. Tahimik lamang akong kumakain habang nag uusap sila. Mag kausap na dalawa si ma'am raven at lexie at mag kakausap naman sina sir. Hindi ko naman pinapakinggan ang pinaguusapan nila, basta kumakain lang ako. Binubusog ko na ang sarili ko dahil minsan lang ako malibre sa mamahaling restaurant.
Nang matapos akong kumain ay inayos ko ang plato ko at inilagay sa gilid. Kumuha ako ng ballpen sa bag ko at sinimulan ng fill up-an ang form. Student information form lang naman ito. Nang matapos ay ibinalik ko na din sa envelop ang form at inilagay ito sa upuan sa pagitan namin ni sir zyion. Pag angat ko ng tingin ay hindi padin sila tapos kumain kasi sinasabayan nila ng kwentuhan kaya napayuko nalang ako at nilaro ang daliri ko. Hindi ko na alam gagawin ko. Tumitingin-tingin ako sa kanila para makinig pero wala akong naiintindihan sa mga sinasabi nila. Maya-maya lang ay natapos na si ma'am raven sa pagkain at tumingin sa akin.
"let's go" ngiting sabi niya sakin kaya nagtaka ako. Tumayo siya kaya tumayo na din ako, tumayo din naman si lexie. "punta lang kaming bookstore" sabi ni ma'am raven kayna sir. Kinuha ko ang envelop at sinuot muli ang shoulder bag ko.
"dalian niyo lang ha" sabi ni sir zyion, tumango lang si ma'an raven sa kanya.
"ah ito pala yung form" sabi ko kay lexie habang nag lalakad kami palabas ng restaurant. Wala naman siyang sinabi sa akin at kinuha niya kang ang envelop. Pag labas namin ng restaurant ay tumigil silang dalawa kaya napatigil din ako.
"see you nalang next week. Ikaw na bahala dyan ha?" sabi ni ma'am raven kay lexie.
"oo, sige. Bye" paalam ni lexie at kumaway sa amin na naglalakad paalis, ngumiti lang naman ako sa kanya habang si ma'am raven ay kumaway din pabalik sa kanya. Tahimik akong sumunod kay ma'am raven ng maglakad ito.
"may dala ka bang pera?" tanong niya sa akin.
"meron po" sagot ko.
"bibili ako ng libro sa bookstore, habang nag hahanap ng libro pwede kanang bumili ng mga gagamitin mo sa school" tumangong napangiti ako.
"salamat po" pasalamat ko. "pwede po ba mag tanong?" tumingin saglit si ma'am raven sa akin "bakit..bakit niyo po ako kinuha na personal maid? At yung card po, paano niyo po nailagay sa table ko yun? At kayo po ba talagang lima ang amo ko?" nagtaka ako ng biglang ngumiti si ma'am raven.
"seriously hindi ko din alam bakit ka namin kinuha at bakit ako pumayag na magkaroon ng personal maid. And yung sa baraha? Basta ko lang nilagay sa lamesa mo yun, lutang ka ata nung araw na yun at hindi mo akong napansin na dumaan" bahagya akong napangiti, oo nga lutang nga ako nung araw na yun sa sobrang daming nangyari sa isang araw.
"at oo, kaming lima ang amo mo. Alam mo sakto nga kasi nag exam ka sa LNU at nakapasa, kasi kung hindi irerequired ka namin na mag exam sa LNU" nagtaka ako "kailangan namin ng maid sa school, assistant nalang para hindi naman parang panget pakinggan. We just need an assistant outside kasi madami naman kaming housekeepers at may butler pa kami sa mansion. Hindi ka namin kailangan sa mansion" tumango ako. Napatingin naman ako kay ma'am ng magsalita ito muli.
"I have an advice" sabi nito "your job right now is not going to last for long, nagbakasyon lang kasi kami dito. So better na yung sweldo mo, ipunin mo" ngumiting tumango ako kay ma'am raven.
Nang makarating na kami sa bookstore ay nag hiwalay kami ni ma'am raven. Nagtungo siya sa books area habang ako naman ay nag punta sa mga stationary. Kumuha lang ako ng binder, refill nito, mga ballpen, at mga pad paper. Nang matapos ako ay nag tungo na ako sa cashier upang mag bayad. Nang matapos ay hinanap ko na si ma'am raven sa books area ngunit hindi ko ito makita dito kaya hinanap ko na siya sa kabuuan ng store hanggang sa makita ko siya sa art station at nakitang may hawak-hawak siyang basket. Lumapit ako sa kanya at kinuha ang hawak niyang basket.
"ako na po dito" ngumiti ako kay ma'am raven ng humigpit ang hawak niya sa basket pero ng makita niya ako ay binitawanan na niya ito. Tinignan ko ang laman ng basket ni young lady at nakita dito ang isang set ng series book, dalawang fashion magazines, sketch book, pencil, at ibang mga art materials.
"okay na yan" sabi ni ma'am raven ng mailagay niya ang isang isang set ng acrylic paint. Nag tungo na kami sa cashier at nagbayad na si ma'am raven. Nang matapos ay binitbit ko na ang pinamili nito.
Pag labas namin ng bookstore ay nagulat ako ng makita sina sir na nakatayo at tila may inaantay. Pinag titinginan sila ng ibang tao, napapatingin din sa kanila ang dumadaanan sa kanila pero parang wala lang naman sa kanila yun.
"ang tagal niyo naman" saad ni sir miko.
"pasensya, nalibang" sabi ni ma'am raven.
"tara na uwi na tayo" sabi ni sir tyson. Naglakad na sila, sumunod lang naman ako sa likuran nila. Nang makarating kami sa parking lot ay nakita ko nanaman ang limang magagandang kotse na nakita ko nung nakaraan sa mansion. Napatingin ako kay sir danger ng sumakay na ito sa sasakyan niya.
"ma'am raven" tawag ko kay ma'am raven at ibinigay ang pinamili niya sa kanya.
"saan ka nakatira?" tanong ni ma'am raven, sinagot ko naman ang tanong niya. "magkaiba ang daan papunta sa mansion at papunta sa bahay niyo. Gusto mo ibaba nalang kita sa footbridge bago kami lumiko, may sakayan ng jeep dun diba? Mas madali ata sumakay doon" napangiti ako.
"ay opo, sige po" anya ko. Ngumuso naman si ma'am raven sa passenger seat kaya nagtungo na ako dito. Sumakay na si ma'am raven sa driver at nag seat belt kaya nag seat belt na din ako. Ang ganda ng kotse ni ma'am! Violet and black ang kulay ng kotse niya at ganun din ang kulay ng loob, ng mga upuan. Agaw atensyon sa daan ang kotse nilang lima sa ganda, halatang milyon-milyon ang halaga.
Napatingin ako sa cellphone ni young lady ng mag ring ito. Napangiti naman ako sa pangalan na nakalagay sa contacts ni ma'am raven kay sir zyion, zyion uhugin.
"oh bakit?" sabi ni ma'am. Ibinaba ni ma'am raven ang salamin niya at ibinigay ang ticket sa babae.
"paunahan daw makauwi" rinig kong sabi ni sir zyion. Naka speaker kasi si ma'am.
"ibababa ko si rafaela sa footbridge, kayo nalang" sabi ni ma'am raven.
"sige habol ka nalang" sabi ni sir zyion
"ingat kayo, mamaya nakikipag gta na kayo sa pulis dyan" nangunot ang noo ko pero hindi ako tumingin kay ma'am valerie. Ang paunahan pauwi ba na sinasabi ni sir zyion, karera pauwi? Bawal dito yun ah!
"hindi naman" tumawa si sir zyion "overtake lang ng overtake" sabi pa nito.
"sige habol ako" sabi ni ma'am raven at ibinaba na ang tawag. Sandali lang ay nakarating na kami sa footbridge. Gumilid si ma'am raven at ng huminto ito ay bumaba na ako.
"salamat ma'am ingat po kayo, drive safe po." saad ko, bahagyang tumawa naman si ma'am raven sa akin.
"sige ikaw din" sagot nito sa akin ngumiti nalang ako sa kanya bago isarado ang pinto at nanlaki nalang ang mata ko at napalunok ng pagsarang-pagsara ko ay pinatakbo ng matulin ni ma'am raven ang sasakyan niya. Kasasabi ko lang drive safe eh. Tinignan ko ang mukha ng mga nakakita at kita sa mata nila ang pagka mangha.
Sumakay na ako ng jeep at habang nasa jeep ay naisip ko si ma'am raven. Hindi naman pala kasi siya mataray. May pagka lang, mataray siyang tignan kapag hindi siya naka ngiti, yung bang normal lang na nakatingin sayo. Pero kahit ganun mabait siya. Wala pa akong masabi kayna sir kasi hindi pa naman talaga nila ako ganun na kinakausap.
Naisip ko din na bakit sila kukuha ng personal maod kung gayun sabi nga ni ma'am raven madami naman silang kasambahay. Bakit hindi nalang sila kumuha doon ng makakatulong nila sa school diba? Ahh, baka matatanda na yung mga kasambahay nila. Pero wala bang mga anak yung mga kasambahay nila?....ay nako rafaela! Hayaan ko na nga, ang importante nakuha ako, may trabaho na ako at makakapag-aral na ako at pasalamat ko sa kanila yun.
Naka dalawang sakay din ako ng jeep bago nakauwi. Habang naglalakad ako papunta sa bahay ay tinawagan ko si miya para sabihin na makakapag-aral na ako. Sumagot naman ito agad.
"hello girl" sagot niya.
"oy, nakapag desisyon kana ba kung saang school ka?" sabi ko sa kanya.
"baka mag LNU nalang nga ako. May kalayuan na yung SHU eh." napangiti ako sa sinabi niya.
"girl good choice! Makakapag-aral na ako!" tuwang saad ko.
"hala totoo ba!?" tiling sabi niya na ikinatawa ko "enroll tayo sa monday" sabi niya, napatigil naman ako ng maalala ko na ieenroll na ako ni lexie.
"samahan nalang kita. May nag enroll na sakin eh." sabi ko.
"ang daya mo naman" sabi niya. Napatingin naman ako sa cellphone ko ng makitang may incoming call
"miya sige na. Kita nalang tayo sa monday may tumatawag sakin. Text nalang" nag mamadaling sabi ko dito.
"sige sige bye!" rinig kong sabi nito bago ko ibaba ang tawag at sagutin ang tumatawag.
"hello po?" sagot ko.
"rafaela? Si lexie to" napatango akong naglakad muli.
"ay hello, bakit po?" tanong ko.
"wag mo na ko i-po. Magka batch lang tayo. Itatanong ko lang sana kung anong course pala kukunin mo, nakalimutan ko kaso itanong kanina." sabi niya.
"ah financial management po. Okay lang po ba?" narinig ko siyang tumawa.
"oo naman, bakit naman hindi" natatawang sabi niya. Natawa nalang din ako.
"yun po kukunin ko." sabi ko.
"sige. About din pala sa schedule mo, ako na pipili ha? Sabi kasi ni vennie kunin ko yung schedule mo na halos parehas sa kanila para hindi conflict kapag inutusan ka nila." sabi pa ni lexie.
"okay po, sige lang po" sagot ko.
"hindi naman lahat ng schedule mo magiging kaparehas ng sa kanila kasi iba-iba naman kayo ng course" sabi pa nito. "sige yun lang naman. Salamat"
"salamat din po" sagot ko. Ibinaba naman na niya ang tawag kaya ibinulsa ko na ang cellphone ko at pumasok ng bahay na may ngiti sa mga labi. Pag pasok ko ay nakita ko sina lady marelyn at yung kambal na kumakain ng take out food.
"nakauwi na po ako" sabi ko pero hindi nila ako pinansin kaya dumaretso na ako pababa sa kwarto ko. Sa susunod ko nalang sasabihin sa kanila na may trabaho na ako at mag-aaral na ako sa LNU.