AUBREY'S POV
What the?! Anong ginagawa niya dito?!
"Aubrey, this is John David or also known as the President of Student Council on your school." Nakangiting saad ni Tita Eliza.
Alam ko.
Nagsamaan lang kami ng tingin. Halatang hindi kami masayang makita ang isa't-isa, lalo na't siya 'yung sinasabi ni Tita Eliza na ipapakilala niya sa akin. In short, ang magiging boyfriend ko daw. As if naman na mangyayari 'yun. Buhok pa nga lang niya hindi ko na gusto, mukha pa kaya niya? Ang pangit rin ng ugali niya, kasing pangit ng mukha niya.
Tapos 'yung suot pa niya sobrang init. Naka blazer pa. Naka-wax ang buhok. Parang nilagyan ng semento 'yung mukha----'yung buhok niya dahil sa sobrang tigas.
"Mhm-mm." Walang gana kong sagot.
"JD, we will eat dinner. Come to join us." Anyaya sa kanya ni Grandpa.
Mabilaukan ka sana mamaya.
Lumapit si Lucas kay David pagkatapos ay sinamahan papuntang dining area. Tch. Alam niya kung paano ako mapagti-tripan.
Ang daming pagkain, pero inaantok na talaga ako.
" How's your school, JD?" Tanong sa kanya ni Daddy.
"It's good, Tito."
Tito? Close kayo? Pakagat ko kaya 'to sa aso?
Isa-isa kaming umupo. Si Tito Kevin, Tita Eliza at Lucas ang nasa kanang bahagi. Magkatabi kami ni Daddy sa kaliwang bahagi. Si Grandpa naman 'yung nakapuwesto doon sa pang-isahan.
"JD, dito ka na pumwesto sa tabi ni Aubrey." Anyaya ni Daddy.
Aangal na dapat ako kaso pinandilatan niya ako ng mata.
Sinipa ko ng mahina 'yung uupuan niya kaya tumabingi. Pasensiya na.
Inihanda ng mga maid 'yung pagkain namin. Kaso hindi ako pwedeng kumain ng marami, inaantok na talaga ako.
Mabilaukan ka sana.
Mabilaukan ka sana.
Mabilaukan ka sana.
Mabilaukan ka sana.
Mabilaukan ka sana.
"JD, tingnan mo si Aubrey, she look nice, right?"
Muntikanb pang masamid si Lucas kakapigil ng tawa.
Nagkatinginan kaming dalawa, tinaasan ko lang siya ng kilay at nagtuloy sa pagkain.
"Yes po. She looks nice."
Tinapakan ko 'yung paa niya sa ilalim ng lamesa kaya muntikan na siyang mapasigaw. Naka high heels pa naman ako. Pasensiya na.
"May problema ba hijo?" Tanong ni Tito Kevin.
Ngumiti muna siya ng sobrang tamis! Gusto ko na siyang tanggalan ng ngipin.
"Wala naman po."
Alam ko namang pangit ako. At alam ko din namang nang aasar lang din siya. Kaso hindi ko mapigilan 'yung sarili kong manakit kapag nakikita ko siya. Tapos ngayon, umaarte siyang parang isang mabait na tao. E, hindi naman siya tao, hindi din naman siya mabait.
"Aubrey...." Napatingin ako kay Grandpa.
"P-Po?" Nag aalangan kong tanong.
Nakakatakot 'yung aura niya ngayon. Kung nakakamatay lang ang titig niya, pinaglalamayan na ako ngayon.
"Kailan mo balak magkaroon ng boyfriend?" Nanlaki 'yung mata ko sa tanong niya.
Hindi muna ako sumagot. Hindi pa pumapasok sa isip ko ang magkaroon ng boyfriend. Iniisip ko pa lang, kinikilabutan na ako.
"Ayaw kong----." Hindi ko na natapos ang sasabihin ko dahil biglang nag salita si Daddy.
"4th year pa lang si Aubrey, Dad. H'wag muna natin siyang pilitin."
Nakahinga naman ako ng maluwag. Buti na lang nandito si Daddy.
"Oo nga po Lolo. Kapag nagka-boyfriend 'yang si Aubrey, kawawa lang." Si Lucas.
"Sinong kawawa?" Tanong sa kanya ni Tito Kevin.
"'Yung magiging boyfriend niya. Kawawa naman. Baka palagi siyang saktan ni Aubrey." Sinamaan ko naman agad siya ng tingin.
Bakit ba lagi nila akong minamadaling magkaroon ng boyfriend? Ilang years na! Ilang years na nila akong pinipilit. Nakakapagod, paulit-ulit na lang nilang pinapaalala sa akin na mag boyfriend na daw ako.
"Tsaka sa tingin mo 'Lo, may papatol d'yan kay Aubrey?"
Kaunti na lang, babatuhin ko na siya ng kutsilyo. Ikaw na ang papatulan ko, ponyeta ka.
Malamang walang papatol sa akin! Ano ba namang klaseng tanong 'yan? Tanong ng isang tanga?
"Of course meron." Tumingin siya katabi ko. "Si JD. Right, JD?"
"P-Po? I think about it po." Nakangiti niyang sagot.
Tiningnan ko siya na parang nandidiri. H'wag mo ng pag isipan! Mag 'No' ka na lang agad!
"Tch." Inis na singhal ko.
"Don't worry Aubrey, bagay naman kayo." Tiningnan ko si Daddy ng masama, pero tinawanan lang niya ako.
Ang akala ko pa naman kakampi ko siya. Kayo-kayo na lang mag boyfriend, total, 'yun naman ang gusto ninyong lahat!
*****
Sa wakas! Tapos na din ang dinner! Kaunti lang talaga ang kinain ko dahil balak ko ng matulog agad.
Paakyat na sana ako ng hagdan kaso tinawag ako bigla ni Daddy.
"Po?"
"Hindi mo man lang ba ihahatid sa labas si JD?"
Nakatingin sa akin si Lolo kaya wala akong choice kundi gawin ang gusto ni Daddy.
Ang liwa-liwanag naman kailangan pang ihatid.
Nang makalabas kami ng bahay, itinulak ko agad siya sa sasakyan niya.
"What the h*ll is your problem?" Iritang tanong niya.
"'Yang mukha mo ang problema ko kaya kung pwede lang----lumayas ka na at h'wag ka ng babalik."
Sumandal siya sa kotse niya sabay cross arm.
"Akala mo ba gusto kita? Kahit ikaw na lang ang natitirang babae sa mundo----hindi kita papatulan."
"Kahit ikaw na lang ang natitirang HAYOP sa mundo----wala akong pakialam."
Diniinan ko pa talaga 'yung word na hayop para sa kanya.
"Did you just called me 'HAYOP'?" Itinuro pa niya ang sarili niya habang nakakunot ang noo.
"'Yung puno siguro." Sarkastiko kong saad. "Alis na." Iniwanan ko na siya doon.
Nakakairita talaga ang lalaki na 'yun. Subukan lang niya ulit bumalik dito, hindi na siya makakalabas ng buhay!
*****
Nagising na lang ako bigla dahil may sumasampal sa akin.
Pag ito sinampal ko, pinapangako kong tatabingi ang ulo niya.
"Ano ba, Lucas?! Lumayas ka nga!"
"Hoy, babaeng mukhang lalaki! Bumangon ka na d'yan dahil kanina ka pa hinihintay ni Tito Kenneth!"
Tinadyakan ko siya ng malakas bago ako tumayo at nagpunta ng banyo.
Kulang pa 'yan sa lakas at dami ng pagsampal mo sa'kin kanina.
Pagtapos kong maligo, sinuot ko na agad 'yung kinaiinisan kong uniform sa lahat.
Wala na din si Lucas. Buti naman.
Pagkatapos ay tsaka ako bumaba.
Kumain lang ako ng cereal at uminom ng gatas, kahit ayaw ko. Tsaka ako nagpunta kay Daddy.
"Daddy, papasok na po ako."
"Ihahatid na kita sa labas."
Pumunta ako ng garahe tsaka ko inilabas 'yung kotse ko. Wala na dito 'yung kotse ni Lucas, mukhang nauna na siya.
"Mag iingat ka."
Yumuko siya sa may bintana ko para mahalikan ko siya sa pisngi.
"Opo. Bye!"
Sinimulan ko ng paandarin ang kotse ko.
Muntikan ko pang maapakan 'yung preno dahil sa sigaw ni Daddy.
"ALAGAAN MO SI JD!"
KADIRI! Hindi na kailangan ng mag aalaga sa isang katulad niya! Malaki nq siya, kaya na niya ang sarili niya.
Pagkarating ko ng school. Pumunta muna ako ng locker room para kuhain 'yung sapatos ko. Nagpalit na din muna ako ng uniform. Maaga pa naman kaya may time pa akong mag practice ng basketball.
Pagkatapos kong magpalit. Dumiretso na agad ng court. Mukhang may naglalaro. Dahan dahan kong binuksan ang pinto. Ang layo niya sa ring pero nagawa pa din niyang mai-shoot. Ang galing.
"Marunong ka pala mag basketball?"
Nagulat siya at agad napatingin kung sino 'yung nagsalita.
Kinuha niya 'yung bag niya at dali-daling lumabas ng court. Problema 'non? Mukha ba akong may sakit para layuan niya?
Sinimulan ko ng mag practice. Ginaya ko 'yung ginawa ni Alexis kanina kaso hindi ko magawa. Sobrang hirap. Paano niya nagawa 'yon?
Matapos kong mag practice. Nagpalit na ulit ako ng uniform. Paalis na dapat ako sa locker room kaso may narinig akong mga nagtatawanang mga babae.
"Bagay sayo HAHAHA."
"Mukha kang basang sisiw."
"Nerdy girl."
Sina Mae na naman kasama 'yung mga alipores niyang mukhang libag.
Kinalampag ko ng malakas 'yung locker kaya nagulat silang lahat, p'wera lang kay Alexis na kanina pa nakayuko at basa ang buhok.
"Mga wala ba kayong magawa sa buhay?" Walang gana kong tanong.
"Of course meron. Look." Turo niya sa babaeng nasa gilid nila.
"E, kung sa inyo ko kaya gawin 'yan?"
"Do I need to be scared?" Humawak pa siya sa dibdib niya.
Naglakad ako palapit sa pwesto nila.
"I don't care kung apo ka ni Dean Gomez, I'm still the queen----Omygosh!"
Mabilis kong tinapon sa kaniya ang tubig na ipinangbuhos niya kay Alexis.
"What the h*ll?!"
"Akala ko ba Queen ka? Nasa'n ang King para iligtas ka?"
"You!" Akmang sasampalin na niya ko ng may biglang sumulpot sa pintuan.
"Taray!" Si Crystal. "Nakikipag-away ka pala hindi ka man lang nagsasabi."
Pinasadahan niya ng tingin si Alexis bago harapin sina Mae.
"May nakatingin sa inyo."
Tinaasan naman siya ng kilay ng kaharap niya.
"Who?!"
"Si Dean." Nanlaki ang mga mata nila.
May inilabas siyang camera galing sa uniform niya.
"Hala, lagot." Natatawang usal pa niya.
Mabilis naman nagsi-takbuhan sina Mae palabas ng locker room.
"Ayos na ho Dean." Nag thumbs up siya sa harapan bg camera.
Pinatay na niya 'yon bago itago sa bulsa ng blazer niya.
"Bakit may gan'yan ka?"
"Inutusan lang ako ng Lolo mo. Actually kanina pa nga ko d'yan sa labas. Hindi lang kita napansing pumasok, siguro doon ka sa likod dumaan."
"Ayos ka lang?" Tanong ko.
Nilapitan ko si Alexis para tuluyang tumayo, kaso mukhang hindi na niya kailangan ang tulong ko. Tumayo siya at iniwan kaming dalawa ni Crystal dito sa locker room.
"Thank you, a!" Sarkastikong saad ng katabi ko.