Flashback several years ago. . .
Habang naglalakad si Eliane sa isang masikip na eskinita sa kakahanap ng address ng kaibigang pupuntahan niya sa Tondo ay dalawang mga kalalakihan agad ang nakapansin sa kanya. Sino nga ba naman ang hindi makapapansin sa ganda niya? Malayo pa lang ay tanaw na tanaw at agaw pansin na ang sexy niyang pangangatawan kahit na nasa edad labing-walo pa lamang siya. Maging ang kutis niya na halata namang kutis mayaman. Halatang mula siya sa isang marangyang pamilya.
Unang beses niyang maglalakad ngayon mag-isa at nanginginig pa ang mga tuhod niya sa takot. Ano'ng oras na kasi at ang paalam niya sa Mommy niya ay saglit lang siya pero hanggang ngayon ay hindi pa rin siya nakakarating sa dapat niyang puntahan. Her friend isn't even answering her calls. Hindi niya tuloy maiwasang hindi maiyak dahil ramdam na ramdam na niya ang pagsunod sa kanya ng mga kalalakihan sa kanyang likod. Nanginginig siya sa takot at nanlalamig.
"Swerte naman yata natin ngayong gabi?" wika ng isang lalaking sing tangkad ng isang basketball player. Malaki ang pangangatawan nito pero puno ng tattoo ang katawan. Mukhang hindi rin malinis. Halatang tambay.
"Oo nga, p're. Mukhang tsamba!" sagot naman ng isa habang sinusukat-sukat pa mula sa malayo ang katawan ni Eliane. "Sexy!"
Nataranta si Eliane. Gusto niyang tumakbo pero parang ayaw makisama ng mga paa niya. Kapag tumakbo siya, for sure ay hahabulin siya ng mga ito. Kapag naman hindi niya inagapan agad, mas malaki ang tyansa na maabutan siya ng dalawa. Hindi na niya alam kung ano ang gagawin niya.
"Miss, naliligaw ka ba?" nakangising tanong ng lalaking madaming tattoo sa katawan.
Hindi sila nilingon ng dalaga, bagkos dire-diretso lang ito sa paglalakad. Ni hindi na nga niya alam kung saan siyang dinadala ng mga paa niya. Ang alam lang niya ay takot na takot siya sa mga oras na ito.
"Ay, suplada. Gusto ko 'yan."
Humugot ng isang malalim na hininga si Eliane saka humarap sa kanilang dalawa. Kahit nanginginig ay nilakasan niya ang kanyang loob. "H-Huwag k-kayong l-lalapit!! T-Tatawag ako ng p-pulis!!" sigaw niya habang nanginginig ang mga labi.
"Asus, Miss. Huwag ka nang magpakipot. Ano'ng pulis? Hindi ka na makatatawag pa ng pulis dahil magugustuhan mo naman ang gagawin namin sa 'yo."
Mabilis na lumapit sa kanya ang dalawa kaya't agad siyang napatakbo. "Tulong! Tulungan niyo ako!!" sigaw niya habang tumatakbo. Bawat eskinitang madaanan niya ay takot na takot siya. Hindi niya alam kung saan siyang dadaan. Kung ligtas pa ba ang bawat sulok na pinapasok niya.
Sa sobrang takot ay na-out balance pa siya dahilan para mapadapa siya sa sahig at ma-corner ng dalawa. Hinihingal siya na pinilit ang sarili na bumangon.
"Wow, kung sinuswerte nga naman talaga. Amin ka na ngayon, Miss." Wika ng isang lalaki.
Naramdaman na lang ni Eliane ang paglapat ng magagaspang nitong palad sa kanyang hita.
Sinipa niya ang lalaki dahil sa sobrang gulat. "Bitawan mo ako!!"
Galit hinila ng lalaki ang buhok niya kaya at napaangat siya ng kanyang ulo. "P*tangina ka!! Balak mo pa 'kong saktan?!" singhal nito sa kanya.
Isang malakas na suntok mula sa isang lalaki ang natanggap niya. Tumama iyon sa kanyang tiyan.
"A-Aray!!" daing niya. Namilipit siya sa sobrang sakit no'n. Napaiyak na lamang siya nang maramdaman niya na naglalakbay na ang mga kamay ng dalawang lalaki sa maselang bahagi ng kanyang katawan.
"H-Huwag, p-parang away niyo na. H-Huwag po!" umiiyak nitong sambit. Hagulgol siya nang hagulgol at walang tigil ito.
Inamoy-amoy ng isa ang leeg ni Eliane. "Sorry ka na lang, Miss dahil hindi na namin palalampasin ang isang malaking isda na katulad mo."
Sinubukan pang tumayo ng dalaga pero muli siyang sinuntok nito dahilan para mapahiga siya. Sa sobrang panghihina niya ay hindi na niya kinaya pang imulat ang kanyang mga mata. Malabo na rin iyon dahil natatakpan ng kanyang luha.
Isang hindi pamilyar na lalaki ang napadaan at nakita ang nangyayari.Kasama nito ang mga body guards niya. Saktong may hinahanap silang dumukot sa kanyang pitaka at sinabing dito makikipagkita sa kanya kaya dinala niya ang body guards niya para masiguradong ligtas siya. Napakunot ang noo nito habang nakikitang nakalupasay sa isang sulok ang isang babae at pinagpipiyestahan ng dalawang lalaki.
"What are you doing to her?!!" sigaw nito.
Napatigil ang dalawang lalaki at nagkatitingan.
"At sino ka naman bata ka, ha? Huwag kang makialam! Bata ka lang!"
"I may be a young man, but my body guards aren't!" Pagkasabi niya no'n ay nagsilabasan mula sa kanilang kotae ang limang body guards na kasama nito.
Namilog ang mga mata ng dalawang lalaki at agad na nataranta. Hindi nila alam kung saang sulok sila dadaan dahil napalilibutan sila ng mga armadong body guard ng binatang lalaki.
"T*ngina. Malas. Sibat na!" sabay pa nilang sigaw saka nagtatakbo palayo.
Nahabag ang lalaki nang makita ang sinapit ni Eliane. Nakaangat na ang suot nitong dress. Mabuti na lang at dumating siya dahil kung hindi ay baka nagawa na ng dalawang 'yon ang masama nilang balak.
Tiningnan niya ng maigi ang babae. Nakatakip ang buhok sa mukha nito kaya hindi niya masyadong mamukhaan. Napansin rin niyang mukhang wala na itong malay kaya wala na siyang nagawa kundi ipabuhat ito sa mga body guards niya at ma-report sa police ang nangyari. Dinala nila ito sa hospital at hinayaan na ang police na umasikaso.
Pero may kaunting kamalayan pa nang mga oras na iyon si Eliane. Hindi niya lang masyadong makita kung sino ang may mabuting kalooban ang tumulong sa kanya dahil sa nanlalabo na ang paningin niya sa kaiiyak.
End of Flashback. . .
It's still vivid in my memories. Presko pa ang lahat. Kung mangyari man na makita kong muli ang lalaking nagligtas sa akin, sana ay makilala ko siya. Baka siya na lang ang maging dahilan para mawala ang takot ko sa mga kalalakihan na hanggang ngayon ay dala-dala ko pa rin. But no one is going to change my mind about men, kahit pa si Nick. Mas lalo na siya sa lahat dahil playboy siya! Ani Eliane sa kanyang isipan at kulang na lang ay isumpa niya si Nick.