Note: The lyrics was originally written for this story.
~
Pinaalam na ni Ariel kay Mama ang tungkol sa overnight stay ko sa Club Fort Med. Noong una ay tumutol siya pero nakisabay na rin sa talk si June at Tiden kaya pumayag din kalaunan.
Kilala kasi ni Mama ang tatlo dahil nga bumisita sa EGL kagabi. 'Yon nga lang, pinagbantaan niya ang tatlong lalaki. Kabaong daw ang maghihintay sa kanila sa El Grande Lat kapag may masamang mangyayari sa akin sa overnight stay kong 'to.
Tawang-tawa pa si Ariel habang namumutla si Tiden at napapailing si June. As usual, nasa kabilang cottage si Levi, kasama si Nicole.
"Your mom's cool, pretty," natatawang sabi ni Ariel.
Umismid ako at nakasimangot na nag-iwas ng tingin sabay halukipkip. Siya naman ang may kasalanan. May bet pa kasing alam, 'yan tuloy napasubo.
"Ayos na. Tara sa bar? Gig tayo," aya ni Tiden.
"You don't have to ask me," ngiting sambit ni Ariel.
Tumango lang din si June at tumayo. Sabay kaming lumabas ng cottage at nilakbay ang daan patungong bar ng CFM. Lumingon ako sa cottage ni Nicole nang maraanan namin 'yon.
Umikhim ako. "Hindi niyo ba isasama si Levi at Nicole?"
"Hindi na. Busy pa ang dalawang 'yon sa loob," sabi ni Jun.
"Ah." Natahimik ako. Pilit na pumapasok sa isip ko kung anong ginagawa nila sa loob ng cottage pero pilit kong inaalis ang masamang isipan.
Hindi ko dapat iniisip ang tungkol sa bagay na 'yan. Dapat akong mag-enjoy!
Ngumiti ako at bumuga ng hangin bago masayang sumunod sa tatlong lalaki.
Hindi kalayuan ang bar. Maliit lang, kasya sa total na kapasidad ng resort. Open space ang bar pero nang mapadaan ako rito kanina ay sarado. Siguro, binubuksan nila ang bar tuwing gabi.
Malapit nang alas-sais kaya naghahanda na ang tauhan. Pinapasok kami ng management. Nakahanda na ang musical instrument sa platform. Nagpaalam ang Vine na magpa-practice at i-check ang instruments. Nakangiting tumango ang manager ng bar.
"Diyan ka sa harap. Panoorin mo kami," ngiting sambit ni Tiden.
Tumango ako at ngumiti. Naupo ako sa maliit na round table at sumandal sa sandalan. Nasa harap ko ang tatlong miyembro ng Vine.
Hindi ko lubos maisip na makita silang mag-perform sa tapat ko. Nang harap-harapan. Nasanay akong nasa likuran ng VIP seats. Sumasakto kasing may exam ako kapag may concert ang Vine kaya lagi akong late.
Nagsimula silang tumugtog. Bumagay ang banayad na tunog ng keys ni June sa mababang tunog ng drums na nilalaro ni Ariel, sinabayan pa ng nakakasigla pero hindi masakit sa tainga na ingay ng electric guitar na hawak ni Tiden. Bigla na lang silang tumigil.
"Unahan mo, Tide," sabi ni June.
Ngumiwi si Tiden. "Ayoko." Bumaling siya sa akin at sinenyasan akong lumapit. "Rishell," tawag pa niya.
Tinuro ko ang sarili. "A-Ako?"
Tumango siya. "Pangunahan mo na. Alam kong maganda ang boses mo."
Napalunok ako. Kinabahan ako bigla pero... may excitement sa puso ko!
Ito 'yong gusto ko noon, ang maging vocalist ng Vine! Minus sa part na wala si Levi para maging ka-duet ko sana. Wala naman sina Levi at Nicole kaya ayos lang siguro. Isa pa, practice pa naman 'to.
Bumuga ako ng hangin at tumayo. Umakyat ako sa platform at tumayo sa harap ng microphone.
Nilibot ko ang tingin. Wala pang mga customer, at tanging crew lang ng hotel ang nag-aayos ng mga gamit. Huminga ako nang malalim. This is it!
Muling tumugtog ang tatlo. Napangiti ako sa pamilyar at sobrang kabisado kong kanta.
"Like a river flowing endlessly
My heart will beat for you aggresively
You caught me in silence
I caught you in constant shout..."
Kinakanta ko ang debut song ng Vine, at ito rin ang unang musika nilang namemorya ko. Hindi ko 'to malilimutan dahil muntik na akong matisod habang nakikipaggitgitan sa mga tao. Saktong ito 'yong kinakanta ni Levi nang mga oras na 'yon.
"There is you in front of me
Smiling so bright I couldn't see
The tears you're hiding away from me
Oh, you almost win so terribly..."
Pinikit ko ang mga mata at dinama ang musika. Nakaramdam ako ng kapayapaan. Ng saya. Ng galak habang kumakanta sa platform. Siguro... ganito rin ang nararamdaman ni Levi, ni Tiden, ni Jun, ni Ariel... at ni Nicole.
Totoo nga, hindi mapapantayan ang saya kapag alam mong gusto mo ang ginagawa mo. Na kahit nakakapagod, pero parang ginagawa mo ang gawain out of love. Na imbes magdadala ng pagod, ay magdadala pala ito ng satisfaction.
Kaya pala... kaya pala mahirap bitiwan ang mga bagay na gustong-gusto mong gawin.
Sana... sana ako naman ang titingalain ng mga tao. If being an idol is like reaching the impossible, then what could I ask for more if I'll become one?
Nagmulat ako ng mata matapos ang kanta. Bumungad sa akin ang mukha ni Levi. Natigilan ako. Nakatitig siya sa akin at kakaiba ang titig niya.
Nakatayo siya roon sa entrada, at nakasuksok sa bulsa ng pantalon ang dalawang palad.
Napalunok ako nang maglakad siya palapit sa platform. Napaatras ako. Narinig ba niya akong kumanta?
Bigla ay uminit ang pisngi ko sa hiya. Maganda ba ang boses ko? Baka hindi nagustuhan ni Levi. Nakagat ko ang labi.
"You should've called us," sabi ni Levi nang tumayo siya sa harap ng platform. Mababa ang boses niya. Galit kaya siya?
Narinig ko ang pagkilos ni Tiden. Nilagay niya sa mesa ang gitara. "Baka makaistorbo kami sa inyo ni Nicole. Binulyawan niya kami nang minsang kinatok namin ang kuwarto kung saan kayo nagkulong dalawa."
Teka, nagkulong silang dalawa sa kuwarto? Palihim akong sumimangot.
"She's asleep. I'm doing stuffs," sabi ni Levi.
Umikhim ako at umatras. Mabilis akong bumaba sa platform. "Uhm, sorry. Sige, doon na a-ako. Practice na kayo." Ngumiti pa ako bago nagmadaling magpunta sa round table na inupuan ko kanina. Nilampasan ko si Levi.
Napasinghap ako nang hinuli niya ang braso ko. "Why the rush? Join us, Rish. You have a sweet voice."
"Ha?" Napakurap-kurap ako. "Pero hindi ako ang s-sub ---"
"Nicole is not here. She'll understand. And I think my voice will compliment yours," nakangiti niyang aya.
"U-Uh, okay."
Hinila niya ako pabalik sa itaas ng platform. Nakita ko ang mariing titig ni Tiden sa kamay ni Levi na nakahawak sa braso ko.
Bumaba bigla ang kamay ni Levi sa kamay ko. Nag-iwas ng tingin si Tiden. Nagbaba ako ng tingin at tinanggap ang inabot na spare microphone ni Levi.
"Salamat," sabi ko.
Ngumiti siya at sinenyasan ang kabanda na muling tumugtog. Hindi ko tuloy maiwasang mapaisip na miyembro ako ng Vine. Not to mention, I am in the place of Nicole.
Masama ba kung mag-enjoy ako? I'm sure, ngayon lang ang pagkakataong 'to kaya lulubusin ko na.
"You are my love, my one and only love
You still my soul, placing every heartbeat on edge..."
Napatitig ako kay Levi. He's singing so passionately. I could close my eyes and just listen to his soothing voice, but I'm holding a mic.
Lumunok ako at nilapit ang mic sa mga labi. "I need you here beside me, may I sing you a song you never heard before?"
Nagmulat si Levi at tumitig sa mga mata ko. Sabay naming kinanta ang chorus. "You never said I love you but I know with that look in your eyes. Warm and soothing, just what I need from you. You never let me drown in tears, you make my heart jump so high. I'm drowning in your love..."
Nag-iwas ako ng tingin. Halos hindi na ako makahinga sa bilis ng pintig ng puso ko. Parang sasabog na sa bilis. It's painful but so sweet...
Pinagpatuloy ko ang kanta nang hindi na muling tumitig sa mga mata niya. Kahit na ramdam ko ang init ng titig niya sa buong mukha ko. At kahit ramdam ko rin ang nakakapasong titig ni Tiden sa likuran ko... pikit-mata kong tinapos ang kanta.
Dahan-dahan kong pinuno ng hangin ang baga ko, dahil kapag hindi ko gagawin ay baka himatayin ako sa kakulangan ng hangin. Kinapos ako bigla ng hininga kaya paulit-ulit akong napahugot ng malalim na hininga.
"Good. Nagko-compliment ang boses ni Levi sa boses ni Rishell. Bakit hindi natin siya isali sa banda?" biglang saad ni June.
Napatingin ako sa kaniya. Seryoso ba siya? Napalunok ako. Baka hindi ---
"That's wonderful, boys. But ready yourselves now. Magbihis na kayo."
Napatingin kami sa babaeng naglalakad papalapit sa amin. Galing siya sa entrada, at base sa sinabi niya ay siya 'yong manager ng Vine.
Nanlaki ang mga mata ko.
Seryoso siyang tumitig sa akin. Hindi ko matyantsa kung galit ba o natutuwa siya sa ginawa ko.
For all I know, pwedeng masira ang career ni Nicole sa pagkanta ko!