"Akala ko ba si Lu na ang kasama mo? Sino ngayon `yan at sa’n mo nadampot?" Lumapit kay Prince ang isang binata na kanina pa pala palihim na tumatawa sa mga nangyayari.
"Huwag mo nga akong tawanan. Kunan mo na lang ako ng band-aid, Drake."
Hindi maiwasan ng dalaga ang sumabat sa usapan ng dalawang lalaki. “Parang aso lang? Nadampot ta’s inampon, gano’n? Ayusin mo pananalita mo, a.”
Nagpakawala nang malalim na buntong-hininga si Drake. Umasim ang mukha nito, "ang sungit mo naman. Makapunta na nga lang sa infirmary. Ang pangit talaga ng taste mo."
Ilang sandali matapos umalis ni Drake ay isang sigaw ang pumalahaw sa loob ng salon. "Miss, kailangan po namin kayong ayusan!"
"I'm fine the way I am! Bakit ba kailangan pa ng kemikal na 'yan?" pagtataray ni Allyson habang pilit na itinutulak ang mga stylist niya.
Napukaw ng dalaga ang atensyon ng isang kararating lamang na lalaki. Bahagya itong napatawa sa senaryong kan'yang nakita. "Prince napaka-bayolente naman ng taste mo."
"Ikaw pala Ian," tugon nito at naglabas nang isang malalim na buntong-hininga.
Napatayo si Allyson sa inis at irita. Wala nang maisip ang dalaga upang tigilan siya ng mga stylist sa kakahawak sa kan'yang braso at buhok.
“I don’t like make-ups, specifically foundations. Laking petroleum jelly ang labi ko at ayos na ako sa gano’n. Kung ipipilit mo pa rin sa'kin ang mga kemikal na `yan, better find another date.”
Sa gitna ng ginawang pag-angal ni Allyson, dumating ang isang bisitang hindi nila inaasahan.
"Sinasabi ko na nga ba dito kita makikita."
Napalingon si Prince sa malanding tinig ng babae.
“Lulu?”
Natahimik ang buong salon. Lumapit ang babaeng ito sa kanila at nandidiring tinitigan si Allyson mula ulo hanggang paa.
"Sino siya, ang date mo? What a cheapstake!"
Nagpantig ang tainga ni Allyson. Nainis siya sa tabas ng dila ng babae. Sa tono kasi ng kan’yang pananalita, halatang nanghahamak ito.
"Ipinagpalit mo `ko sa bubwit na 'to? Wow ha?"
“If you want him so bad, bakit hindi mo agawin? Make him choose you, right here, right now. If you can’t do it then stop pestering around. Don’t stick your nose into someone else’s business.”
Nangamatis si Lulu sa hiya at inis na nararamdaman. She never felt so inferior before. “At may gana ka pa talagang magsalita sa`kin pabalik? Who are you anyway?”
"Lulu please stop it," sinubukang basagin ni Prince and tensyong namumuo sa paligid ngunit hindi sapat ito para pigilan si Allyson.
Dahan-dahang lumapit si Allyson sa kinaroroonan ni Prince. Kinabig ng dalaga ang braso ng binata at mahigpit na hinawakan ang kamay nito. “I’m just the lady he chose. Sabi ko naman sa`yo, gusto mo siya? Agawin mo.”
"Ngayon alam ko na kung bakit interesado ka sa kan'ya," sabat ni Ian na may paghanga sa kan’yang mata.
Kararating lamang ni Drake mula sa infirmary. "What an intriguing situation. Here's your band aid, Kuya.”
Inabot ni Prince and band-aid na dala ni Drake at mabilis na inilapat sa sugat na natamo mula sa kalmot ni Allyson. “She’s the only one, aside from Miley, who can actually stand up against Lulu’s attitude."
“I’ve had enough of his games. If you can make him choose you, can you please do the honor?”
"You’re really turning down his offer?" inis na tanong ni Lulu at matalim na tiningnan si Allyson.
Napangisi ang dalaga. Natuwa siya sa tono ng boses ni Lulu. "Hindi ako kagaya mo. Will this make my life peaceful? No. I'm not gonna benefit from this. Agawin mo na siya, angkinin mo na please. It's not like I want to go with a mad man anyway."
Pumagitna si Prince sa umiinit na usapan ng dalawang babae. "Ang sakit mo namang magsalita Chibi. That tongue of yours really knows no boundary, huh?" ani Prince sabay akbay kay Allyson.
"Bakit hindi na lang kasi siya ang isama mo? She's willing to go for Pete's sake!"
"Ayoko kasi sa matangkad!" bulalas ng binata at tinuro ng kan'yang daliri si Lulu. "I-I want one pandak girl just this once! Free trial gano'n!"
"You've really gone mad, lunatic bastard! Hindi ako free trial!"
Inilapit ni Prince ang mukha sa tainga ni Allyson. "Are you offended?" bulong nito sa malanding paraan.
Hinagip ng binata ang kamay ng dalaga at hinila ito palabas. "Alam ko na, mag-ayos ka na lang sa kotse, since it's getting crowded and complocated here. Nando'n din naman `yung dress mo."
Nilampasan lamang nila ang mga gwardya sa loob ng mall na para bang pagmamay-ari ni Prince ang building na ito. Hindi na nanlaban pa si Allyson. Alam niya kasing talong-talo siya pagdating sa kakulitan.
Isang supot ang ibinigay ng binata nang marating nila ang kotse nito. “Tomorrow’s the party but we still have a lot of things to do. Try that on and do a light make up. Ipapaayos ko pa sana ang buhok mo, but I guess it will have to wait."
Isang reklamo ang pinakawalan ng dalaga. "Make-up? Wala akong make-up. Ang mahal kaya!"
"Saan ka ba galing? Bakit wala ka man lang make-up kit?"
Nagdaop ang dalawang bisig ng dalaga. "Kasalanan ko ba kung gusto kong mamuhay sa isang chemical-free lifestyle?"
Napahilamos na lamang siya ng mukha. Mamula-mula niyang pinigil ang inis na nararamdaman "Anak ng! Lifestyle? 'Wag mo nga akong simulan sa chemical-free lifestyle na 'yan."
"Sabi nila, iwasan ang mga chemicals para hindi magka-cancer. Ang mahal din kaya ng kolereteng kemikal na 'yan. Tapos ano? Magkaka-cancer ako? 'Wag na lang uy!"
"Koloreteng kemikal? Cancer?" Napansin ni Prince ang pasulyap-sulyap na ulo ng dalawang lalaking kan'yang kasama sa salon kanina.
"Drake! Ian! Dalhin n'yo nga dito `yung make-up artist!" Halos mahalit ang lalamunan ng binata kakasigaw. Hindi niya inalis ang paningin sa dalaga dahil baka tumakas muli ito.
"Hindi mo ba talaga ako titigilan?"
"Ano bang dahilan? Bakit ayaw mong magpa-make-up?" singit ni Drake.
Nanlisik ang mga mata ng dalaga. Hindi lang siya umimik at padabog na bumalik sa salon tanda ng kan'yang pagsuko sa kakulitan ng binata. Maasim pa sa sampalok ang kan'yang mukhang ipinamalas sa mga stylist at artist na mag-aayos sa kan'ya.