Mahalaga ang lakad na iyon para kay Vladimir kaya hindi na siya naglaro ng PlayStation 3 at hinayaan na ang pinsang si Alessandro. Pasado alas-tres pa lamang ng madaling-araw ay nakahanda na siya. Sa sobrang excited niya ay ginising niya agad ang pinsan na muling natulog. Pupunta siya sa camping sa isang liblib na lugar sa San Jose kasama ang pinsan at mga matatalik nitong kaibigan. Dalawang beses pa lang niyang nakasama ang mga ito pero pakiramdam niya ay nakatagpo siya ng mga kapatid. Sa kabila ng pagkakaiba ng kinalakihan nilang lugar ay nabuo ang kanilang pagkakaibigan. Para sa kanya ay ang mga ito na ang matatalik niyang kaibigan at hindi na maghahanap ng iba pa.
Nang makarating sila sa gubat sa pinakadulong bahagi ng bayan ay nag-alangan siyang pumasok. Malalaki at mayayabong ang mga puno sa bungad pa lang at parang hindi pinapasok ng mga tao doon. Siguro ay dahil malayo ang mga kabahayan doon. Ang huling bahay na nadaanan kasi nila ay isang kilometro ang layo doon. Isa pa ay hindi nila kabisado ang lugar na iyon. Gusto na lang niyang bumalik sa Estrella para sa beach na lang sila mag-camping.
“Walang kabahayan dito, ‘tol. Kaya nga dito ko kayo niyaya eh. Takot pumasok ang mga tao dito dahil may mga usapang hindi na nakakalabas ang pumapasok sa gubat na ito,” kaswal na sabi ni Jaime na parang wala lang dito ang usapan.
“Towtoow beh iyen? Neketekowt,” sabi ni Vladimir. Napatingin na siya kay Leandro na biglang tumawa marahil sa accent niya na halatang medyo hirap sa pagsasalita ng Tagalog kahit nakakaintindi naman siya. Pwede ring dahil din sa kaduwagan niya na masagwang tingnan para sa kanya. Isa pa ay malaking tao siya dahil sa lahi niya. Lahat naman sila ay nasa anim na talampakan ang taas pero siya ay higante kung ididikit sa mga ito. Mas alaga siya sa kanila sa ehersisyo dahil nagsasanay siya para sa amateur boxing competition na sinasalihan niya.
Binatukan lang siya ni Alessandro. “Tukmol ka talaga, Baldo,” anito sa nakasanayang bansag sa kanya. “Walang multo diyan,” dagdag pa nito kahit halatang kinakabahan din.
“Eh nekeketekowt nga. Beke mey ibe peng camping site,” sabi niya.
“Wala na bang iba? May beach naman dito, wala pang isang oras ang biyahe. Doon na lang tayo magtayo ng tent,” sabi ni Donatello na sinang-ayunan nilang magpinsan.
Saglit pang nagdebate at nag-asaran ang mga kaibigan niya na natigil lang sa pagsasalita ni Apollo. “Okay, okay, magbotohan na tayo. Kung sino ang magka-camping bumaba na at dalhin na ang mga gamit. Kung sino ang ayaw, maiwan dito sa kotse.” Una itong nagtaas ng kamay na sinundan nina Jaime, Leandro, at ng dalawa nitong pinsan. Napakamot na lang sa batok silang tatlo at bumaba na rin bitbit ang mga bag at plastic.
Habang naglalakad sa loob ay dalawang linya sila na may apat na tao. Dahil sa kaduwagan ay nakiusap na siyang huwag ilagay sa unahan o pinakalikod ng pila na tinawanan lang ng mga ito. Lalo pang nagkaisa ang mga ito na sa pinakalikod siya ilagay para daw by height ang arrangement nila. Pagkalipas ng ilang oras na paglalakad ay nawala na ang lahat ng reklamo at takot niya. Napakaganda ng paligid na kahit ang mga ex niya sa Ukraine ay magugustuhan doon. He remembered his ex-girlfriends who loved receiving flowers from him. He showered her with colorful flowers, and in turn, he asked for theirs. They gave him more than what he wanted. At seventeen, he had bedded a lot of women. Locals and foreigners were all the same for him. As long as they could satisfy his raging testosterone, he was up for the challenge. But of course, he never cheated on them. In fact, no one was allowed to take him solo. He had at least five girlfriends on campus. He was theirs for the taking. He grinned.
“Oh mukhang may naaaalala na namang babae ang pinsan mo,” nakangisi ring sabi ni Jaime kay Alessandro.
“Malamang sa malamang. Puro bulaklak ba naman ang madaanan natin eh. Mukha pa namang mahlig pumitas iyan,” dagdag ni Donatello.
“Putsa, Donat. Ang layo ng narating mo. Ang hilig mo sa sex,” pambubuska ni Lucas.
“Nagturuan pa kayo, pare-pareho lang naman nating hilig ang mga chikababes,” sabi ng pinsan niya.
“Hindi ako kasama diyan,” sabi ni Leandro na kunwari ay inosente kaya sabay-sabay din itong pinaulanan ng mura ng mga kaibigan nila.
Pagdating ng tanghali ay nagdesisyon silang kumain muna at magpahinga. Nakatulog naman siya ng mahigit isang oras at nagising sa tapik ng mga kaibigan dahil sa nakita ni Isaac. Agad nila iyong pinuntahan at mukhang tama ang desisyong mag-camping doon. Napakaganda ng ilog kaya naengganyo silang maligo hanggang magsawa. Pagdating ng gabi ay tumigil na sila sa paliligo at muling naglakad para maghanap ng magandang lugar para pagtayuan nila ng tent. Hindi na nila alintana ang pagod dahil walang tigil sa pag-aasaran ang mga kaibigan niya sa pangunguna nina Donatello at Alessandro. Siya na ang nasa unahan ng pila dahil sa kuryosidad sa paligid. Napahinto na lang din siya ng huminto si Apollo na nasa tabi niya at may ituro. Kumunot din ang noo niya nang makita ang isang lumang bungalow type na bahay sa bahaging tiningnan nila. “Shall we go there?”
“I guess so,” sagot ni Apollo na mukhang nagtataka rin. “Mga ‘Tol, pupunta tayo doon,” sabi nito at ipinagpatuloy ang paglalakad. Ang iba ay napakamot sa batok pero nagpasya na lang ding sumang-ayon. Kahit naman siya ay napukaw ang kuryosidad kaya gusto niyang lapitan at pasukin iyon. Simple lang din naman ang lumang bahay na mukhang gawa sa bato at napapalibutan pa ng bakod na kahoy at matataas na damo at mga halaman.
“Let’s go,” yaya niya sa mga nasa likod niya at naglakad na rin. Pero nang makalapit na sila doon ay parang gusto na niyang umatras dahil mukhang haunted house iyon. Saglit muna nilang pinagmasdan at pinakiramdaman ang paligid. Tahimik na tahimik ang kabahayan kung ang pagbabasehan ay ang pandinig nila mula sa labas. Isa pa ay nakakandado ang pinto sa labas.
Note: Bago niyo simulan ang pagbabasa, magandang mag-review muna kayo ng gay lingo dahil medyo mapapalaban tayo sa bff ng ating heroine.
Note: Akin na lang muna si Hermes please. Ayoko ng may kahati. Charot!