MULI niyang pinulot ang espada sa damuhan at pumwesto para sa pangalawang pagtatangkang talunin ito. Muli siyang sumugod pero katulad kanina, sinasalo lamang nito na walang kahirap-hirap ang kanyang pag-atake.
Seryoso at nagkakagirian ang bawat titigan habang nagkiskisan ang matalas na bahagi ng hawak nilang espada. Ito naman ang umatake kaya maingat rin siyang dumipensa. Malakas ang bawat bigwas ng kamay nito kaya kusa siyang napapaatras.
Hindi niya akalain na magaling pala sa paggamit ng espada si Satoh. Akala niya kasi puro keyboard lang ang alam nito. Nawala siya sa pokus kaya tumalsik na naman ang hawak niyang espada sa damuhan. Habol hininga siyang napatitig sa kalaban. Napangisi lamang ito.
" Mukhang kailangan ka nang palitan. Kung ganyan ka kahina, hindi mo mapo-protekhan si Fourth " muling pangungutya nito.
" Ang yabang mo. Hindi naman sa espada nakasasalalay ang kaligtasan ng isang tao, " iritableng tugon niya at muling inabot ang espada.
Tuwid siyang tumayo at itinutok ang espada kay Feng. Mahigpit niyang hinawakan ang espada gamit ang dalawang kamay. Kailangan niyang ipakita rito na kaya niyang protektahan si Fourth dahil iyon ang trabahong pinangakuan niya.
Unang sumugod si Feng kaya kaagad siyang naghanda. Sinangga niya ang espada nito at unti-unting pinadulas sa hawak niyang sandata. Kailangan niyang makalapit sa katawan nito.
Hindi ko siya matatalo kung aasa lang ako sa espada.
Malakas na puwersa ang binatawan niya para maitulak ang katawan nito at mabilis na umuklo sabay dikit ng kanyang balikat sa bandang tiyan nito. Walang kahirap-hirap na binuhat niya ang katawan ni Feng at ibinalibag ito sa damuhan. Nagulat naman ang mga matang nanood sa kanilang laban. Inis niyang inapakan ang hawak na espada ni Feng.
" Sabi ko sayo. Hindi nakasalalay sa espada ang kaligtasan ng isang tao " mapanuya niyang wika sa dalaga.
Excited namang pumalakpak si Fourth para sa kanya pero agad rin nitong binawi at umaktong lalaki dahil nakatingin rito si Ling Xen. Palihim na napangiti si Primero. Nakangiti pa rin ang mukha ni Feng kahit na ilampaso niya ito sa damuhan. Kaya nga iritable siya sa babaeng ito dahil palangiti at hindi mo makikita ang inis sa pagmumukha nito.
" Nice idea, Cara. But, maybe next time hindi na 'yon o-obra sakin " nakangiting saad nito at nagpagpag sa suot nitong damit. Inismiran niya lamang ito ang nakakainis na yabang nito.
Naghanda ng isang masaganang hapag-kainan si Ling Xen pagkatapos ng laban nila ni Satoh kaya nawala ang inis niya rito. Ibang klase talaga ang epekto ng masasarap na putahe sa hapag, nawawala lahat ng galit niya.
Ganado siyang kumain na tila gutom na gutom. Napangiti na lamang si Fourth nang makita niya si Caramel na matakaw na kumakain. Napailing rin si Satoh. Alam rin kasi nito kung gaano katakaw si Caramel sa pagkain pero hindi naman tumataba.
Malakas siyang duminghal nang mapansin niya ang tingin ng kanyang mga kasama sa hapag, agad siyang napatakip ng bibig.
" Sorry, ang sarap kasi ng foods" paumanhin niya. Agad naman napangiti si Ling Xen.
" Kumain ka lang hangga't gusto mo, Caramel " wika nito sa kanya.
-
" MISS, pinapabigay po sa inyo 'to ni Senyor " , wika ni Kylene at iniabot sa kanya ang dalawang paper bag.
" Uniform niyo po 'yan kung sakaling pumasok ka na sa opisina " nakangiting dugtong nito.
" Thank you, " tanging saad niya sa dalaga.
Lumabas na siya ng mansiyon bitbit ang itim na bag na naglalaman ng mga armas. Nagtungo siya sa van kung saan naghihintay ang driver para ihatid siya sa isa pang mansiyon. Doon siya titira kasama ang baklang babantayan niya. Bumalik lamang siya rito para kunin ang kanyang mga gamit.
Nagmamadali na kasi si Don Primero kanina dahil sa maagang lakad nito kaya hindi na siya nag-abala na dalhin kaagad ang kanyang mga gamit. Napasilip siya sa kanyang cellphone na tumutunog. Tumatawag sa kanya si Garnet. Kaagad niyang sinagot ang tawag ng kaibigan.
[ Caramel, where are you? ] bungad nito sa kabilang linya.
" Nasa biyahe ako. Bakit? "
[ Anong bakit? Bakit ka nag-resign sa Congreene?] tanong nito.
[ Mabigat bang ka-trabaho ang asawa ko? Nairita ka na ba kay John dahil sa panenermon niya sa tuwing absent ka or late? Ganun lang talaga siya, masyadong mahalaga ang oras para sa kanya ] paliwanag nito.
" Mahalaga rin naman ang oras para sakin, Garnet. Kilala mo naman ako di ba? Hindi ako yung tipong tao na madaling mayamot kung pinapagalitan. Sanay na ako sa ganung sitwasyon. Sa lahat ng sinabi mo, wala dun ang rason kung bakit ako nag-resign " pagkaklaro niya.
[ E ano nga? Maliit ba ang sahod? ] Napabuntong-hininga naman siya.
" Maliit talaga ang sahod ko dahil palagi akong absent at madalas pang late. Hindi na rin ako nagtataka sa bagay na 'yan. Nag-resign ako dahil masyadong malayo sa gusto kong trabaho ang pagiging isang empleyada. Hindi ko nagagamit ang hidden talent ko at alam mo na kung anong ibig kong sabihin, Bruha. " Natawa ito sa kabilang linya.
[ Oo na. So, saan ka nagta-trabaho ngayon? ]
" Sa mga Misuaris."
[ Ah, I see. Basta mag-ingat ka lang sa bago mong trabaho. Tapos, kung kailangan mo ng tulong you can call me anytime. ] Paalala nito bago sila nagpaalam sa isa't isa.
Sandali siyang nakatitig sa screen ng kanyang cellphone kung saan naka-display ang nakangiting mukha nila ni Garnet. Mami-miss niya talaga ang babaeng 'to. Nakarating siya sa mansiyon at kaagad siyang tinulungan ng mga katulong na dalhin ang kanyang mga gamit sa sarili niyang kuwarto.
Inilibot niya ang paningin sa loob ng kwarto. Malinis ang loob at mukhang pinalinis nga ito ni Don Primero para sa kanya. Katabi naman ng kanyang kwarto ang kwarto kung saan natutulog ang mga kasambahay.
Ayos na rin sa kanya ang ganito kalaking kwarto. Mas malaki ito kaysa sa kwartong tinutulugan niya sa condo unit ni Bran. May sariling banyo at may bathtub pa. Kompleto na rin sa mga gamit na gagamitin niya panligo.Siya na rin ang nag-ayos ng kanyang mga damit at inilagay iyon sa wardrobe.
Sunod niya namang maingat na pinunasan ang mga armas na dala niya. Inihanda niya rin ang mga gagamiting bala sa mga ito. Sunod niyang sinuri ang dala niyang shotgun. Itinutok niya ito sa pintuan, sakto naman pumasok ang isang katulong na may bitbit na walis.
Nagulat ito ng makita siya sa ganoong sitwasyon kaya naibaba niya ang bitbit na shotgun.
" M-Miss, baka gusto niyo pong mag-meryenda muna " natatakot na wika nito. Napangiti naman siya sa babae.
" Masiba ako sa pagkain ate kaya maghanda ka ng marami " wika niya at nagpatuloy sa paglilinis ng baril.
" O-Opo, miss " wika nito bago tuluyang umalis.
.
.
" MISS, nahanda na po namin ang bathtub " magalang na wika ng katulong kay Caramel habang nanonood sa telebisyon.
Narinig iyon ni Fourth kaya hindi nito napigilang hindi mapaarko ang makapal na kilay.
" At sinong nagsabi sa inyo na pagsilbihan niyo ang impaktang yan? " mataray na wika niya sa dalawang katulong habang paibaba siya ng hagdan.
" Yun po ang inutos samin ni Don Primero. Isa rin po siyang mahalagang tauhan sa bahay kaya kailangan rin namin siyang pagsilbihan " tugon ng isa. Napatingin siya sa walang kibong si Caramel.
" Hoi babae! Bodyguard lang kita, bakit kailangan mo pang magpasilbi sa mga katulong!"
Isinandal nito ang likuran sa malambot na sandalan ng sofa sabay pinag-krus ang hita.
" Yung daddy mo ang nag-insist na gawin iyon ng katulong sakin. Ang hirap naman kasing tanggihan. Ayaw ko kayang magpa-alila sayo " wika nito sabay umirap.
" Dapat ako ang pagsisilbihan mo at hindi ka dapat nagpapasilbi sa mga katulong." Napalingon ito sa kanya.
" Hindi ako katulong. Ang pinag-usapan namin ng daddy mo, bodyguard mo ako at sa office naman ay sekretarya mo ako pero kapag naririto tayo sa mansiyon...isa akong bisita na malayang magagawa ang gusto kong gawin." Nakangiting tugon nito.
Aba! Ang kapal naman!
" Babantayan kita. Magkasabay tayong kakain. Magkasabay tayong magtutungo sa opisina at magkasabay tayong uuwi. Yun ang trabaho ko," dugtong pa nito.
Napaka-special naman ng bodyguard niya.
" Huwag mong sabihin na hindi kita puwedeng utusan? "
Talagang palalayasin ko 'to kung hindi puwede.
" Puwede naman, pero hindi utos ng mga inuutos mo sa mga katulong mo."
Ah ganun ba. Napatango siya.
" Excuse me, kailangan ko nang magbabad sa bathtub " paalam nito at pumanhik ng hagdan.
Feel at home ang bruha.
Agad niyang tinawagan ang kanyang daddy para magreklamo tungkol kay Caramel pero sinupalpal lang siya ng ama. Hindi niya nga alam kung anong pinakain ni Caramel sa kanyang daddy na tila ang laki ng tiwala nito sa dalaga.
Hawak ni Caramel ang master key kaya puwede itong pumasok sa kwarto niya kapag kinakailangan. Kailangan palagi niyang kasama si Caramel sa lahat ng lakad niya.
Iniisip ko palang na aalibadbaran na'ko.
Wala siyang magagawa sa gusto ng kanyang daddy kaya nag-set na lamang siya ng iilang rules sa kanilang dalawa ni Caramel.
Una.
" Dapat huwag kang masyadong dumikit sakin." Taas kilay siyang tinitigan ni Caramel.
" As if naman gusto kong dumikit sayo."
Pangalawa.
" Makakapasok ka sa kwarto ko pero hindi mo puwedeng pakialam ang personal kong mga gamit." Napatango ito at ngumuya ng pop corn.
Pangatlo.
" Huwag mong uubusin ang pagkaing nakaimbak sa ref. " Napatigil ito sa pagnguya at naibaling ang tingin sa kanya. Panay kasi ang kain nito baka maubusan sila ng stock.
" Hindi ko uubusin. Titikim lang ako " palusot naman nito.
Pang-apat.
" Huwag kang feeling boss sa pamamahay na ito. Ako ang anak ng may-are kaya ako ang boss."
" Ok " walang ganang tugon nito.
Pang-lima.
" Huwag kang iinom kapag umiinom ako kasama ang mga barkda ko, pinsan at mga kapatid ko. Baka kasi kapag yayain ka nila, bigla ka nalang pumayag at makisawsaw ka pa sa trip namin " wika niya. Muli itong napatango.
Pang-anim.
" Huwag kang manonood ng horror movie kapag kasama mo ako. Takot ako sa sanib at multo kaya ayoko ng ganun."
Medyo natawa si Caramel sa sinabi niya. Mismo si Caramel, takot rin sa mga multo-multo lalo na sa sanib.
" Seryoso ako, Cara " saway niya rito kaya muli itong napatango.
Pang-pito.
" Huwag mong akong iistorbohin kapag oras na ng tulog ko dahil hindi ako mabilis makatulog. Ayaw ko rin ng maingay."
" Anong klaseng ingay ba ang ayaw mo?" interesadong tanong ng dalaga.
" Lahat ng ingay. Ayaw ko ng nakakarinig ng tugtog, hilik, ugong ng lamok o kung ano pang ingay " tugon niya.
" Sana sa Jupiter ka nalang tumira," pabirong bulong nito kaya tinapunan niya ito ng masamang tingin.
Napatingin siya sa suot ni Caramel. Maiksi ang suot nitong pang-itaas at nakikita niya ang pusod nito. Mabuti nalang talaga flat ang tiyan ng dalaga.
Napapasip siya, saan kaya nito nilalagay ang kinakain. Masyado rin maiksi at hapit ang suot nitong short at ayaw niya ng ganoong klaseng panonoot ng isang babae lalo na dito sa bahay.
Pang-walo.
" Ayaw kong ganyan ang suot mo. Magsuot ka ng disenteng damit dahil hindi mo 'to pamamahay." Napatingin ito sa sarili.
" Pati ba naman itong suot ko, bawal? " reklamo nito.
" Oo. Kung matutulog ka, magsuot ka ng t-shirt at pajamas hindi yung kita ang kaluluwa mo sa iksi ng damit mo " dagdag niya pa.
" Fourth naman, hindi ako sanay na naka-pajama at t-shirt kapag natutulog. Nakahubad lahat ang gusto ko." Napaubo siya sinabi nito.
" Hindi ako nagbibiro, Fourth. Totoo ang sinasabi ko. Komportable ako kapag nakahubad. Try mong nakahubad matulog, masarap." Inirapan niya ito.
" Ayoko nga. Halayin mo pa ako."
Pang-siyam.
" Sir Fourth ang itawag mo sakin, mapalabas man o loob ng mansiyon." Napanganga ito sa kondisyon niya.
" May reklamo ka? " Napailing ito.
Pang-sampu.
" Kapag may isa kang nilabag sa mga kondisyon ko, gagawin mo lahat ng gusto ko." Nakangisi niyang wika rito. Medyo umarko ang makapal na kilay nito.
" Isulat mo sa papel para matandaan ko " utos nito sa kanya.
Agad siyang kumuha ng malinis na bond paper at sinulat ang sampong kasunduan niya kay Caramel. Nilagyan niya pa ng perma. Pinapermahan niya rin sa dalaga ang kasunduan bago tuluyang ibinigay rito ang papel.
" Ito lang ba ang kondisyon mo? Bakit puro sayo lahat nakapanig, wala ba para sakin? " pansin ni Caramel.
" Ano ba kita? " iritableng tanong niya rito.
" Bodyguard/Secretary " sagot naman nito.
" E ano ako? " muling tanong niya.
" Boss "
" Yun naman pala e. Kaya 'wag ka nang mag-reklamo. Boss mo ako kaya wala kang magagawa sa gusto ko " tugon niya.
" Gawin natin tong 11 Rules."
Akmang pipigilan niya ito pero nagsimula na itong magsulat para sa pang-onseng kasunduan.
ELEVEN.
" Don't fall in love to each other."
Muntik na siyang masuka sa panghuling kasunduan kaya napahalakhak ito ng malakas.
Never! As in never!