AKESHA'S POINT OF VIEW
"Spell your name five times!"
Kasalukuyan kaming nasa harap ni Perrie habang nilalamon na ako ng hiya. Gusto 'kong sisihin si Torrie dahil nag tagal kami sa c.r.
Tumingin ako kay Perrie at kitang-kita ko na kinakabahan siya kasi pawis na pawis yung noo niya papuntang leeg. Medyo kumukulas na rin yung make-up na ginawa ni Torrie sa mukha niya.
"Ate ikaw muna mauna para makilala ka namin!" Nakangiting usal nung babae at gusto ko nang mag palamon sa lupa.
Pumunta ako sa gitna at bumungad sa'kin ang mga nakangiting estudyante na nanonood. Marami kaming nasa loob ng classroom at ganon rin karami ang nakatingin sa'kin.
"Go na ate mukhang matambok pa naman yung pwet mo!" Sigaw nung isang lalake malapit sa pinto kaya mas lalo akong nahiya.
"How dare you!" Nagulat kami nung biglang may sumigaw at may lumipad na sapatos papunta sa lalaking sumigaw kanina.
Tumingin ako sa pinanggagalingan nung sigaw at nakita ko yung babaeng nakatayo rin at nakasimangot na nakatingin sa lalaking sumigaw sa pinto.
"Really? Kaya mo sabihin yung mga ganiyang salita habang nandito yung girlfriend mo?" Sigaw ulit nung babae at kinuha niya nanaman yung isang pares ng sapatos niya at mukhang ibabato niya ulit sa lalake.
"Hey stop! Dito niyo pa nakuhang mag away?! Kung gusto niyo mag away, 'dun kayo sa labas!" Sigaw nung babae na mukhang club administrator.
Kinuha nung lalake yung sapatos at dahan-dahan siyang lumapit sa nobya niya. Nung nakalapit siya sa nobya niya, lumuhod siya at ipinasuot niya yung sapatos nung babae. Nakita ko naman kung paano nag bago yung reaksyon nung babae.
"Hey nakikilitI ako!" Sigaw nung babae na mukhang kinikilig! Mahina niya pang hinampas yung balikat nung nobyo niya at sabay silang tumawa.
"Yieee!" Sigaw nung ibang kasama namin at kinilig naman yung dalawang mag syota.
Bumalik yung kaba ko nung tumingin ulit silang lahat sa'kin. Ilang beses akong lumunok at nararamdaman 'kong tuyong-tuyo na yung lalamunan ko.
"Ate mag pakilala ka na!" Masayang usal nung club administrator at sinenyasan niya pa ako na pumagitna sa lahat.
Naglabas muna ako ng malalim na hininga bago ako pumunta sa gitna. Hindi pa ako nag sisimula, naririnig ko na yung mga mahihina nilang tawa.
Tumalikod na ako at...
Hindi na ako nakapag umpisa dahil nag tawanan na silang lahat.
"Mukhang tama nga yung sinabi ni kuya kanina!" Sigaw nung lalake habang tumatawa. Tumingin ako kay Perrie at wala rin siyang magawa.
"Sandali! Paano siya makakapag simula kung tawa kayo ng tawa!" Sigaw nung club administrator at sinenyasan niya akong tumalikod.
Tumalikod na ako at naririnig ko parin ang mga pigil nilang tawa. Hindi ulit ako makapag simula dahil marami akong naririnig mula sa mga nanonood.
"Pre balita ko transferee 'yan, may kasama 'yang isang babae, akin na 'to! 'Dun ka sa kasama niya." Rinig 'kong bulong nung lalake sa likod ko.
"Oo pre, ang sarap nilang dalawa nakita ko sila kanina 'dun sa cafeteria kanina, pinatid pa nga 'yan ni baklang brant kanina e." Sagot naman nung kasama niya.
Mukhang kalat na nga yung nangyari kanina. Napabuntong hininga nalang ako habang pinapakinggan ko yung mga sinasabi nila.
"Pre sa'yo na 'yan ah! Akin na yung kasama niya, mukhang palaban pero bibigay rin sa'kin 'yon." Nakakadiring bulong nung lalaki at nararamdaman 'kong nakatingin sila sa ibabang bahagi ng katawan ko.
Nakaramdam ako ng pagka-bastos dahil sa mga naririnig ko, mas lalo akong nasaktan nung dinamay pa nila si Torrie. Nababastos ako dahil sa mga malagkit nilang tingin, samahan pa ng mga bulong nilang nakakadiri.
"Hindi ba kayo nahihiya sa mga pinag bubulong niyo?" Sigaw nung club administrator, umiwas naman sila ng tingin at mukhang bale-wala lang sakanila yung sinabi.
"Ate mag start ka na, wag mo nalang silang pansinin." Akala ko nakaligtas na ako pero hindi pa pala!
Tinibayan ko yung loob ko at humarap ako sa'kanila.
"Hi everyone my name is Akehsa Nim Yazoña." Pagpapakilala ko, tumalikod na ako para masimulan ko na yung parusa.
"A!" Sigaw nilang lahat at tumuwad ako para makapag spell ako ng maayos.
"K!" Sinusundan ko lang sila sa mga sinasabi nila.
"E!" Medyo nahirapan ako kasi maraming lines yung letter 'e'.
"S!" May narinig akong mahinang tawa mula sa'kanila pero hindi ko na 'yon pinansin.
"H!" Ang sakit na nung tuhod ko dahil kanina pa ako nag taas-baba.
"A!" Sa wakas tapos na rin!
"Nice to meet you Akesha!" Masayang usal nung club administrator at ngumiti lang ako sa'kaniya.
Sinenyasan niya akong mag hanap ng mauupuan kaya nilibot ko yung paningin ko sa buong classroom. May nakita naman akong bakanteng upuan pero nag dalawang isip ako kasi mukhang sila yung naririnig 'kong nagbubulungan sa tabi nung bakanteng upuan.
Tumingin ako 'dun sa dalawang lalaki at nakita 'kong siniko nung isa yung isa. Nakangiti naman yung isang lalaki habang nakatingin sa'kin. Nag pilit ako ng ngiti kahit na hindi ako komportable sa'kaniya.
Mas lumapad yung ngiti niya at pinagpagan niya pa yung katabi niyang upuan. Sinenyasan niya akong umupo 'don pero nag dalawang isip ako.
"Uhm Akesha, umupo ka na para makapag simula na si Perrie." Sabi nung club administrator kaya napabuntong hininga nalang ako at dahan-dahan na pumunta sa bakanteng upuan.
"Hi," Panimula nung lalaking katabi ko.
"H-hello," sagot ko at ngumiti naman siya sa'kin. Nabaling yung paningin ko sa katabi niya kasi kanina pa siya sinisiko nito.
"M-mukhang tinatawag ka yata nung kaibigan mo." Sabi ko at salubong naman ang kilay na tumingin siya sa kaibigan niya. Narinig ko pa na pinag bantaan niya yung kaibigan niya kaya tumahimik ito.
Bumalik ulit yung atensyon niya sa'kin at nag simula na siyang mag tanong.
"Diba baguhan ka dito?" Tanong niya at tumango naman ako.
"Akesha talaga yung real name mo?" Tanong niya ulit.
"Oo, Akesha Nim." Sagot ko, naiilang na ako dahil panay ang ngiti niya sa'kin.
Mukhang maayos naman siya tignan, hanggang balikat niya lang ata ako, nakaayos rin yung buhok niya, moreno, ang nakaka turn-off lang sa kaniya is yung matapang niyang pabango.
"Anong strand mo?" Hindi na siya tumigil kakatanong.
"Stem," sagot ko, nagulat naman siya at hindi makapaniwala na stem ang strand ko.
"Stem ka talaga? Bakit mukhang hindi ka na s-stress sa strand mo, ang ganda mo pa rin." Puri niya at nakuha niya pang mambola.
Narinig ko naman yung pag ubo nung kaibigan niya, hinampas niya ito at tumingin ulit sa'kin.
"Hi ulit, ako naman ang mag papakilala." Sabi niya at inayos niya muna yung buhok niya.
"My name is Jaro," pagpapakilala niya at nilahad niya yung kamay niya.
Inabot ko naman 'yon at nakipag kamay ako sa'kaniya. "Nice to meet you Akesha." Sabi niya at ako na ang bumitaw.
Inamoy niya yung kamay niya at nagtatakang tumingin sa'kin. "Mabaho ba yung kamay ko?" Tanong niya at bigla akong napatawa kaya sinabayan niya ako.
"Yung kamay hindi, pero yung pagkatao, oo!" Sabat nung kaibigan niya habang nag pipigil ng tawa. Tumingin si Jaro sa'kaniya at maya-maya nabatukan na niya ito.
"Sa wakas napatawa na rin kita." Bumalik yung tingin niya sa'kin habang hinihimas naman nung kaibigan niya yung sariling ulo dahil binatukan siya ni Jaro.
"Oo nga pala, bago ko makalimutan, gusto sana kitang yayain bukas... Uhm sabay tayong mag lunch bukas." Sabi niya at nagulat naman ako. Hindi ko alam kung bakit ako nag dadalawang isip, pero wala namang mali sa pag sabay sa'kaniya.
"S-sige." Tipid na sagot ko at napa-yes naman siya, humarap siya sa kaibigan niya na parang nanalo sa lotto.
"A-akesha, pwede mo bang isama yung kaibigan mo bukas?" Tanong nung kaibigan niya.
"By the way my name is Von." Pagpapakilala niya at akmang makikipag kamay sa'kin pero hinawi ni Jaro yung kamay niya.
"Hep! Hep! Hep! Meron ka na bukas, konting tiis nalang." Sabat ni Jaro kaya napakamot nalang sa batok si Von.
"Hoy! Kanina pa ako daldal ng daldal dito! Nakikinig ba kayong tatlo diyan?!" Nabaling yung atensyon ko sa club administrator na galit na nakatingin sa'ming tatlo.
"Hayop ka Jaro! Baguhan 'yan! Baguhan!" Sigaw nung club administrator kaya napatingin ako kay Jaro. Kamot batok lang siyang tumingin sa'kin.
"Baguhan, siyempre hindi niya alam yung ugali ng lalaking 'yan." Rinig 'kong bulong nung babae sa gilid ko. Tinignan ko naman si Jaro na mukhang napapahiya siya at napatungo nalang siya dahil sa narinig.
"Baguhan, may bago nanamang ikakama." Tumawa yung isang babae sa harap habang sinasabi yung mga katagang 'yon.
Tumingin ako kay Jaro at mukhang hindi niya na kaya yung mga naririnig niya. Pumunta ako sa tabi niya at kinalabit ko siya sa balikat.
Tumingin siya sa'kin at nagtataka siya sa ginawa ko. Ngumiti naman ako sa'kaniya kaya nag pilit rin siya ng ngiti habang nakatingin sa'kin. Narinig ko naman yung mga bulungan nung mga kasama namin sa room.
Narinig ko rin si Perrie na tinatawag ako pero hindi ko siya nilingon. Nakatingin lang ako kay Jaro at nakatitig lang siya sa'kin.
Nagulat siya pati na yung iba naming kasama nung bigla ko siyang hawakan at pili na hinatak palabas ng room.
"Uhm c.r lang kami saglit." Pagpapaalam ko sa club administraor at hindi ko na pinakinggan yung sasabihin niya, dali-dali 'kong hinatak si Jaro palabas ng room.
Kasalukuyan parin kaming naglalakad at nung tumingin ako sa'kaniya, 'dun ko lang na realize na magkahawak parin yung kamay naming dalawa. Agad akong bumitaw at tumingin sa buong paligid.
Nakahinga naman ako ng maluwag nung makasiguro akong walang nakakita sa'min. Nagtataka parin siya at mukhang nasagot yung mga tanong sa isip niya nung tumigil kami sa cafeteria.
Ngumiti ako sa'kaniya at niyaya ko siyang pumasok sa loob. "Libre ko," sabi ko habang hatak-hatak ko siya papasok. Ngumiti siya sa'kin at sabay kaming tumingin sa menu.
"Ate isa pong Blueberry Cheesecake." Sabi ko sa babaeng nasa harap namin at tumingin ako kay Jaro para tanungin siya kung anong gusto niyang kainin.
"Yung katulad po ng kaniya." Sabi ni Jaro at ngumiti sa'kin. Umupo kami sa pinakamalapit na table. Tahimik lang kami habang hinihintay namin yung order namin.
Ilang minuto pa yung nakalipas at ako na yung bumasag ng matagal na katahamikan. "A-anong strand mo?" Tanong ko at tumingin naman siya sa'kin.
"Ict," tipid na sagot niya at tumango naman ako. Nag isip pa ako ng itatanong ko dahil mukhang wala ng ganang makipag usap sa'kin si Jaro dahil sa nangyari kanina.
"Ba't mo naisipang mag register sa arts club?" Tanong ko ulit at nag pilit siya ng ngiti. Mukhang naging interesado siya sa dahil sa tanong ko.
"To find girls like yo-" Hindi niya na natuloy yung sasabihin niya dahil tinawag na kami nung babae. Ready na yung order namin kaya tumayo na kami at kinuha iyon. Bumalik kami sa table namin at nag simula na kaming kumain.
Binuksan niya yung water bottle at nilapag niya 'yun sa tabi nung plato ko. Ngumiti siya sa'kin kaya ginantihan ko rin siya ng ngiti. Habang kumakain, naisipan 'kong mag tanong tungkol sa mga sinasabi sa'kaniya nung mga babae kanina.
"Uhm Jaro, pwede mag tanong?" Tinigil niya yung pag subo sa cake at nag taas naman siya ng kilay habang nakatingin sa'kin.
"P-pwede?" Tipid niyang sagot at kumuha muna ako ng tubig para mailunok ko ng maayos yung kinakain ko. Inilapag ko sa table yung bote at tumingin ako sa'kaniya.
"A-ano yung sinasabi nung mga babae kanina sa meeting?" Tanong ko at nakita ko naman yung pagbabago ng reaksyon niya. Bahagya akong umubo at umiwas ng tingin.
Mukhang wrong move ako at mukhang sensitibo yung tinanong ko sa'kaniya. "Uhm, kalimutan mo nalang yung tinanong ko." Sabi ko at tuloy-tuloy 'kong kinain yung cake, isang slice lang naman 'yon kaya agad ko itong naubos.
"Mabuti pa nga," sabi niya at mahinang tumawa, nararamdaman 'kong naiilang siya sa tanong ko kaya sa susunod, iisipin ko muna yung mga itatanong ko sa'kaniya.
Nung natapos na kami sa pagkain, niyaya ko na siyang bumalik sa room kasi baka hinahanp na siya nung kaibigan niya at baka hinahanap na rin ako ni Perrie. Kasalukuyan kaming naglalakad paakyat ng second floor nung biglang mag ring yung phone ko.
Kinuha ko 'yun sa bulsa ko at sinagot ko yung tawag. ["Nasa'n ka ba?!"] Boses ni Torrie 'yon na mukhang galit. "Pabalik na ako sa room." Sagot ko. ["Faster! Kanina pa ako naghihintay dito!"] Mukhang galit na talaga siya. Ayaw na ayaw niya pa naman na pinag hihintay siya.
"O-oo pabalik na." Sagot ko at pinatay ang tawag. Kinakabahan ako dahil mukhang masusundan na yung world war 2 dahil sa galit ni Torrie. Tumingin ako kay Jaro at sinenyasan ko siyang mag madali.
Nakarating na kami sa second floor at bigla kaming tumigil sa hindi ko alam na dahilan. Tumingin ako kay Jaro at sinenyasan niya akong mauna. Hindi ko alam yung dahilan niya pero tumango nalang ako.
"Mauna ka nang magpakita, sabihin mo kay Von na nauna na akong umuwi." Sabi niya kaya napatigil ako sa paglalakad. Nagtataka akong tumingin sa'kaniya.
"B-bakit hindi ka nalang sumabay sa'kin?" Nagtatakang tanong ko. Napasapo siya sa sarili niyang noo at sinenyasan niya akong maglakad.
"G-gusto lang kitang maligtas sa mga issue." Sabi niya at bahagya niya akong tinalikuran. Wala na akong magawa kaya lumakad na rin ako at nag pakita na ako kila Torrie at Perrie.
"Saan ka ba nanggaling?!" Inis na usal ni Torrie nung makita niya ako. Tumingin naman ako kay Perrie at mukhang nadismaya siya sa nangyari kanina.
"Hindi na kayo bumalik nung kasama mo pagkatapos niyong mag paalam na mag c-c.r lang kayo!" Galit parin na usal ni Torrie.
Napatingin naman ako sa loob nung room at nakita ko si Von na hawak yung mga gamit ni Jaro. Nung makita niya akong nakatingin sa'kaniya, tumayo siya at dali-daling lumapit sa'kin.
"A-akesha gusto ko lang sana tanungin kung nasaan si Jaro? Kanina pa kasi ako nag hihintay na bumalik kayo." Singit ni Von at nagtataka namang tumingin sa'kaniya si Torrie.
Tinignan ko si Von at napako ang tingin niya kay Torrie. Tinarayan naman siya ni Torrie at mukhang sasapakin niya ito kaya gumawa ako ng paraan para mapigilan si Torrie.
"Uhm, sabi niya mauna na daw siyang umuwi kasi may dadaanan pa daw siya, ibigay mo nalang daw yung gamit niya bukas." Sabat ko para maputol yung tensyon sa pagitan ni Torrie at Von.
Tumango nalang si Von at nagsimula na siyang mag lakad paalis. "Akesha bukas lunch time!" Sigaw niya habang kumakaway paalis. Tumingin naman ako kay Torrie at inis naman siyang tumingin sa'kin.
"Let's go, kanina ko pa gustong humiga, I really need a rest right now." Sabi niya at nag simula ng mag lakad. Sumunod naman kami sa'kaniya pero napatigil ako nung biglang hawakan ni Perrie yung braso ko.
"Mag-iingat ka kay Jaro." Bulong niya at nag simula akong mag taka.