GULAT AKONG NAPALINGON sa main entrance. Nakita ko roon ang halos sampung kalalakihang nakasuot ng bussines attire, at desiplinadong humilera ang mga ito sa daan. Ilang saglit pa ay pumasok roon ang isang matipunong lalaki na nakasuot ng black leather jacket. 
Nagsimulang kumabog ang dibdib ko nang makilala ko ang lalaking iyon. 
Si Ether Luxeria. 
"Ikaw ignoranteng probinsyana! Umalis rito ngayon din! Hindi bagay ang ang katulad mong makipagsalamuha sa mga VIP guest!" Singhal na pagtataboy sa akin ni Madam Heidee. Nagawa pa niya akong itulak ng malakas dahilan para mawalan ako ng balanse. 
"Euphemia?!" Gulat ni Miss Leah. 
Ang buong akala ko ay babagsak ako sa sahig pero may matitipunong mga bisig ang mabilis sa sumalo sa akin. Pakiramdam ko ay biglang huminto ang takbo ng oras sa pagitan namin nang magtama ang aming mga mata. At may kung anong kakaibang musika ang narinig ko sa paligid na lalong nagpapagaan bigla ng kalooban ko. 
"Long time no see," ani Ether saka umarko ang isang sulok ng labi nito, "Ganyan ka ba kagaan, at nakakaya kang itulak ng kung sino?" 
Aktong magsasalita pa sana ako nang dumating ang maala-men in black na bodyguard ni Ether, at sabay-sabay ang mga itong yumuko sa harapan ko, "Maganda araw po, Madam Euphemia!" 
Nanlaki ang mga mata ko. Hindi ko alam kung paanong nasundan ako ni Ether sa lugar na ito. Sandali, sinundan o hindi lang sinasadyang magkita kami rito?
"Madam?!" Gulat ni Madam Heidee na parang hindi makapaniwala sa narinig. 
"Ano'ng mayroon? Bakit tinatawag nilang Madam si Euphemia?" Nagtatakang bulong na tanong naman ni Miss Leah. 
Napayuko ako. Ayoko sanang magpaliwanag sa kanila pero napagitla ako nang maramdaman ko ang pagkakahapit ng braso ni Ether sa beywang ko. 
"What happened? Someone's bullying you, Honey?" Tanong ni Ether, "Hindi mo ba sinabi sa kanila ang asawa mo ay si Ether Luxeria?" 
Nagulat ang lahat. 
Samantalang inis ko namang tinanggal ang kamay niya sa beywang ko. 
"It can't be?!" Gulat na tutol ni Madam Heidee, "Kaibigan ko mismo ang tiyahin niyang nakiusap sa akin na ipasok siya rito. At ang pagkakaalam ko, wala siyang asawa!" 
"Really, huh?" Natawa naman si Ether, "Siguro nga ignoranteng probinsyana ang tingin ninyo sa kanya. But we're secretly married sa Olongapo!" 
Gulat akong napatingin kay Ether. 
"Reynaldo!" Tawag ni Ether sa kanang kamay nito. 
Kumilos naman ang malaking lalaki, at dali-dali itong lumapit sa kinaroroonan ni Madam Heidee. Nagawa pa nitong hawakan ang kamay ng babae, "Ito ang kamay mong pinantulak kay Madam diba?" 
"Dalhin siya, at huwag kayong madalawang-isip na putulin ang kamay niya!" Utos ni Ether. 
Nanlaki ang mga mata ng lahat. 
"Ano'ng pinagsasabi mo!?" Matapang kong tutol sa lalaki, "Oo makapangyarihan ka at kinatatakutan sa lugar na ito pero wala kang karapatan na ipag-utos na putulin ang kamay ng kung sino lang dahil sa ginawa niyang pagtulak sa akin?" 
Hindi nakakibo si Ether. Mariin lang niya akong tinitigan, at hindi naman ako nagpatalo sa kanya. Nilabanan ko ang matatalim na tingin niya sa akin. 
"Mr. Luxeria! Mr. Luxeria!" 
Napabaling ang tingin naming lahat nang may isang lalaki ang biglang dumating. Lalo pa akong nagulat nang bigla itong lumuhod sa harapan namin. 
"Ako si Dexter Salazar, ang isa sa may-ari ng Hotel na ito. Humingi po ako tawad sa nangyari. Patawarin n'yo po ang Manager ko sa kawalang-galang na ginawa niya sa iyong asawa! Maawa po kayo!" Pagsusumamo ng lalaki, at nagawa pa nitong dumapa na kulang na lang ay halikan nito ang sahig. 
"Patawarin n'yo po kami, Mr. Luxeria!" Sabay-sabay na sabi ng mga empleyadong naroroon, at sabay-sabay ring nagsiluhod. 
"Reynaldo," tawag ulit ni Ether sa kanang-kamay nito. 
Parang alam na rin ng lalaki ang ibig sabihin ni Ether kaya nagawa na nitong bitawan ng pabalang ang kamay ni Madam Heidee. Sa lakas niyon ay muntik pang ikasubsob ng Ginang, mabuti na lang mabilis itong nasalo ni Miss Leah.
"Let go!" Biglang aya ni Ether sa akin.
Pero nagmatigas ako, "Ayoko! Magtatrabaho pa ako!" 
Tumaas ang kanang kilay ni Ether saka ito tumingin kay Mr. Dexter, "Tatanggapin ko na ang proposal ninyo sa akin tungkol sa investment ng hotel ninyo. Pero sa asawa ko iyon ipapangalan! Ibig sabihin, kalahati ng hotel ito ay pagmamayari na niya!" 
Muli akong nagulat sa sinabi ni Ether.  
Nagulat din si Madam Heidee. At halos manlaki ang mga mata nito nang dumating ang limang lalaking may bitbit na attached case. Humilera ang mga ito, at sabay-sabay na binuksan ang mga bitbit. 
Lumantad sa paningin ko ang lilibuhin na pera na halos hindi ko mabilang sa dami. May isa pang mamahaling pigurin na yari sa ginto ang bitbit ng isa. 
"Tama na ang halagang ito?" Tanong ni Ether sa mag-asawa.
"Thank you, Mr. Luxeria! Ngayon din ay ipapahanda ko na ang kontrata!" Natatarantang sabi ni Mr. Dexter saka na ito tumindig at sinenyasan ang secretary nito. Mabilis namang kumilos ang lalaking secratery at mabilis na kinuha ang isang itim na folder kung saan naroroon ang kontrata. 
Kinuha naman iyon ni Ether, at inabot sa akin. 
Nagulat ako, at hindi kaagad makapagsalita. Sa isang iglap lang isa na ako sa may-ari ng hotel na pinagtatrabahuan ko? Ano ba ang gustong ipamukha sa akin ng lalaking ito? Na kayang-kaya rin niya akong bilhin?
"Ano'ng ginagawa mo?" Inis kong tanong kay Ether na hindi ko magawang tanggapin ang naturang kontrata. 
"Binigay ko sa'yo ang karapatan mo bilang isa sa may-ari ng hotel na ito!" Tugon ni Ether, "Hindi mo na kailangang magtrabaho pa. You are the boss now!" 
"Ayoko!" Matapang kong tanggi. 
Inis na sinenyasan ni Ether ang dalawang bodyguard nito sa lakuran. Ang buong akala ko ay kung ano ang gagawin ng mga ito pero nagulat na lang akong nang magdala ang mga ito ng upuan. At mariin akong pinaupo roon ni Ether. 
Wala akong naging lakas para pumalag man lang. Napaupo ako sa upuan kahit malaki ang pagtutol ko. 
"Ayoko ring nakikita ang asawa kong nagtatrabaho sa iba," seryosong sabi ni Ether, 
 "Since you love working so much, I'll buy a company for you to play with!" 
Aktong magsasalita pa sana ako nang biglang binuhat ng dalawang bodyguard ang upuan ko papalapit sa mga emplayado ng hotel na naroroon  
"Hello Madam Euphemia Tuazon!" Magalang na bati ng mga emplayado roon maski mismo ang may-ari ng hotel.