EKSAKTONG ALAS-OTSO nang umalis kami sa bahay kasama sina Tita Mae at Clarise. Wala akong ideya kung saan kami papunta pero hindi ko maiwasan ang mamangha habang nakasilip ako sa bintana ng sasakyan. Tanaw na tanaw ko kasi ang nagtataasang mga gusali at mga fly over. Namangha rin ako nang makita ko ang pagdaan ng tren sa itaas. At lalo akong namangha nang makita ko ang malaking logo ng isang sikat na mall. 
May mga mall din naman sa Olongapo pero hindi kasing laki at ganda nito. Ang isa pang kinamangha ko, halos kaliwa't kanan ang nalalakihang mga hotel. 
"Wow," manghang bulong ko at hindi ko maiwasan ang mapatingin sa side-mirror ng sasakyan kung saan nakita ko natatawang reaksyon ni Clarise. 
"Ignoranteng probinsya Girl!" Komento nito sabay ang pagtawa.
Ni hindi man lang magawang sawayin ni Tita Mar ang tinuran ng anak, sa halip ay tumawa lang din ito na parang nangungutya. 
Nahihiyang napatikom na lang ako ng bibig. Hindi na ako nagsalita pa hanggang makarating kami sa aming destinasyon. 
Muli akong namangha nang huminto ang sasakyan ni Tita Mae sa tapat ng isang elagante at malaking hotel. Halos malula din ako sa ganda ng pagkakadesign nito. 
"You know, isa si Daddy ang gumawa ng hotel na ito!" Pagmamalaki ni Clarise sabay pa ang pag-irap niya sa akin. 
"Wow," tanging komento ko na lang saka na ako sumunod sa kanya papasok sa loob. 
Bumungad sa akin ang mabangong aroma ng hotel. May ilan ding akong nakikitang dayuhan, Amerikano, Chinese at Bumbay. Napukaw ng atensyon ko ang casino kung saan may ilang taong naglalaro roon. 
"Tinawagan ko ang manager ng hotel na ito. At humingi ako ng pabor sa kanya kung pwede kang magtrabaho rito," seryosong saad ni Tita Mae. 
Nagulat naman ako, "Trabaho? Hindi naman po ako magtatagal rito sa Manila. Kapag binigay na po sa akin ni Tito Alvin ang pera babalik na po ako ng Olongapo." 
"Iyon nga! Wala kaming maibibigay sa'yo kaagad ng pera. Nag-usap kami ng Tito na ipasok muna kitang chambermaid rito. Fifty percent ay iipunin mo para sa pagpapaopera ng matanda. Thirty percent naman ang bayad sa pagstay mo pansamantala sa bahay namin. Ang twenty percent na matitira, iyon na ang pera mo. Ayaw mo ba ng ganito? Nagkaroon ka ng instant trabaho? Sa totoo lang, mga College Graduate lang ang tinatanggap nila rito. Pero dahil kumare ko naman ang manager ng hotel kaya hindi ka nila magawang tanggihan." 
"Pero..." Aktong mangangatwiran pa sana ako nang may lumapit na sa amin na isang babaeng nakabussiness attire. 
"Kumare! Is nice to see you again!" Magiliw na bati nito, at nagawa pa nitong makipagbeso kay Tita Mae.
"Mee too, Kumare!" Masayang ganti rin ni Tita Mae. 
"Mano po, Ninang!" Magalang na sabi naman ni Clarise sabay mano rito. 
"Ang bilis ng panahon. Last year lang tayo huling nagkita pero ang laki na ng pinagbago ng inaanak ko! Lalo kang gumaganda!" Bola ng babaeng nagngangalang Haidee. 
"Syempre, nagmana po ako sa inyo Ninang!" Bolang ganti naman ni Clarise, "Lalo po tayong sume-sexy, at nagmumukhang bata!" 
"Hindi ka pa rin nagbago! Alam na alam mo pa rin kung saan ang kiliti ko!" Komento naman ni Heidee at saka na ito napatingin sa kinaroroon ko, "Siya ba ang tinutukoy mo, Mae?" 
"Ahhh... Oo, siya si Euphemia. Pamangkin ng asawa ko. Ikaw na ang bahala sa kanya, ah!" Bilin ni Tita Mae. 
"No problem! Mukha naman madali siyang turuan!" Sabi naman ni Haidee. 
"Sana, Ninang! Sana hindi sumakit ang ulo mo sa kanya!" Mapang-asar na sabi ni Clarise. 
Hindi ko na magawang tumanggi pa nang dalhin na ako ni Haidee sa quaters ng mga chambermaid. Inutusan niya akong suotin ang uniform ng mga taga-maintenance department. 
"Kaya mo ito, Euphemia! Para sa operasyon ni Lola! Gagawin ko ang lahat gumaling lang siya!" Bulong ko sa aking sarili habang pinagmamasdan ko ang sarili ko salamin. 
"Miss Euphemia Tuazon?" Anang isang babae. 
"Ako po," magalang kong tugon at saka ko nakita ang pagtingin niya sa akin mula ulo hanggang paa.
"My name is Leah. Ako ang magti-train sa'yo bilang chambermaid!" Nakangiting pagpapakilala nito. 
"Nice to meet you po, Miss Leah!" Magalang ko namang bati sa kanya. 
"Halika, ituturo ko sa'yo kung paano maglinis ng bakanteng kuwarto!" Aya na nito sa akin. 
Sumunod naman ako sa kanya. Halos lahat ng tinuturo niya sa akin talagang pinagbubuti ko. Ayoko din kasing gumawa ng hindi maganda na ikakasira ng Tito Alvin ko. At saka, mukhang hindi naman masama ang magtrabaho pansamantala sa hotel. Habang nakikitira ako sa bahay ni Tito Alvin kailangan ko pa rin makisama. 
Lumipas ang tatlong araw ay unti-unti ko nang nagagamay ang trabaho sa hotel. Pero sadyang may nangyayaring hindi ko sinasadya. Nang araw na iyon, inutusan ako ni Miss Leah na mag-mop ng sahig banda sa hallway ng reception. Marahil sa pag-iisip ko kay Lola Raquel ay nakalimutan kong maglagay ng sign na nagsasabi na basa ang sahig. At dahil doon, isang guest ang biglang nadulas. 
Halos hindi makatayo ang naturang guest na iyon kahit nagawa na namin siyang malalayan. Dahil sa nangyari kaagad kaming pinuntahan ni Madam Heidee, at sa harap mismo ng maraming tao ay sinabon niya ako. Naungkat pa ang pagiging probinsyana ko, at hinamak din niya ang pagkatao ng Lola Raquel ko. 
"Pasensya na po, Madam Heidee! Mukhang sumusobra na po kayo sa mga sinasabi ninyo? Kung makapagsalita kayo parang kilalang-kilala n'yo na ang lola ko!" Matapang kong sagot sa kanya. 
"At nakuha mo pang sumagot sa akin? Tandaan mo, kung hindi lang dahil sa kaibigan ko ang Tita Mae mo, hindi kita tatanggapin rito sa hotel na ito! Ni hindi ka nga nakatuntong ng College, tapos nagmamalaki ka ng ganyan? Andito ka ngayon sa Manila at wala sa probinsya n'yo!" Umarte itong pagtaas ng manggas, "Tignan natin kung makakapagsalita ka after kong sampalin nyang mukha mo!" 
Umarko na ang ere ang kanang kamay ni Madam Heidee pero bigla itong natigilan nang marinig nito ang sinabi ng isa sa mga staff ng hotel. 
"Mr. Luxeria has arrived!" 
"Mr. Ether Luxeria is here?!" Gulat bigla ni Madam Heidee.