Umiiyak ako sa dibdib ni Ylac. Hanggang ngayon, hindi ko pa rin matanggap na wala na si Natasha. Hindi na kumpleto ang KaCkElSha. She's been a good friend, as in good. Kahit na parati namin siyang binubully ni Jackie. Silang dalawa ni Helga kasi ang mga mababait saming apat.
Hindi ko pa makakalimutan nung pagkamalan kong inaagaw ni Natasha si Ylac sakin. Mabuti na lang ay nakapag explain agad si Ylac sakin.
"Sshhh. Tahan na, K." Hinahagod ni Ylac ang likod ko habang nakasandal ako sa dibdib niya.
Pinuntahan ko talaga siya rito sa bahay nila. Simula nang mag college kami ay nag apartment na lang sila dahil matanda na rin naman si Nana Rosie. Atsaka nag part time model si Ylac nun hanggang ngayon.
"Punta tayong bar?" Nag angat ako ng tingin.
"WHAT? Tell me, kailan ka pa natutong mag bar?" Hinawakan niya ako sa magkabilang balikat at tinitigan ng seryoso.
Lihim akong ngumiti. Hanggang ngayon ay bestfriends pa rin kami. Idunno if I would be happy or not. But I admit, I'm happy kasi palagi kaming magkasama (na pinagkakamalan kaming mag syota ng mga nakakakita samin) at mahalaga ang opinyon ko para sa kanya.
Nung mga bata pa kami ay si Blaze talaga ang bestfriend ko pero nang pinatira na si Ylac samin ay siya na ang palagi kong kasama. Crush ko na siya noon pa man, hanggang sa lumalim na.
"Ngayon lang," Kinagat ko ang labi ko.
Nanliit ang kanyang mga mata. Binitawan niya ang mga balikat ko at tatalikuran na sana ako nang higitin ko ang braso niya.
"Last month!" Binawi ko agad ang sinabi ko. Alam na alam niya kapag nagsisinungaling ako.
Atsaka 'di ko kayang magsinungaling sa kanya, dahil showy ako sa feelings ko. Pranka ako.
"Sino'ng kasama?"
Ngumisi na 'ko. "Bakit gusto mo'ng malaman?"
Nag iwas siya ng tingin. "W-Wala!"
"Uyy!" Sinundot ko ang tagiliran niya. "Nag aalala siya!" Tumawa ako ng tumawa.
"S-Syempre, bestfriend kita, 'di ba?"
Ako naman ang nag iwas ng tingin. Sa t'wing pinaparanig saking mag bestfriend lang kami ay nasasaktan ako. Ganun pa rin. At ganun lang ang relasyon naming dalawa. Ni hindi rin M.U. as in Mutual Understanding dahil ako lang ang may gusto sa kanya. M.U kami as in Mag-isang Umiibig.
"A-Ano na?" Tinitigan ko na siya. Tumingin rin siya sakin. "Mamaya? Sa tuwing naaalala ko kasi si Tasha, nalulungkot ako."
Bumuntong hininga siya. "Sige," Tumalikod na siya at nag umpisang maglakad. "Maglalaba lang muna ako."
Natuwa ako dahil pumayag siya. Kinuha ko na ang phone ko at nag umpisang mag type ng mensahe.
Me:
Let's go out, tonight. I'm with Ylac.
Ni send ko iyon kina Jackie, Helga, Nick, Crent, Chollo, Leo, Rushell, Giovan, Nancho, at kay Kuya Allen.
Speaking of Kuya Allen, he's been miserable since Tasha died. He's miserable for about a year. Ang mga paintings niya ay kung hindi tapos, puro naman dark.
"Oh, Kate! Narito ka pala, anak." Napatingin ako kay Nana Rosie.
"Na, kamusta po? Sa birthday po ni daddy, punta ka ha?"
Umupo siya sa tabi ko. Dalawang palapag ang apartment na ito. May dalawang kwarto sa itaas at dito sa baba ay sala at kusina. May landscape si Nana sa harap nila. Yun ang pinagkaka abalahan nila.
"Hay naku! Tatawagan ko na lang 'yun. Hindi na ako mahilig sa mga ganyan,"
Ngumuso ako. "Magtatampo ako kapag 'di ka pumunta,"
Tumawa siya saka tumango. "Tignan natin, hija,"
"Nay, wala na po'ng sabon panlaba," Lumabas si Ylac galing ng kusina. Sa likod ng kusina siya naglalaba. "Bibili lang ako,"
Tumango lang si Nana Rosie bilang tugon. Sinundan ko siya ng tingin hanggang makalabas pero 'di man niya ako nilingon.
"Pagpasensyahan mo na ang anak ko, ha?" Napatingin ako kay Nana, kumunot ang noo ko. "Pihikan ang puso,"
Matabang akong ngumiti. "Kabisado ko na po siya. Binibiro ko nga siya, hindi siya bagay mag artista." Tumawa kaming dalawa.
"Wala siyang magiging fan kapag masungit siya,"
Umiling ako. "No, no, you're wrong, Nana. Ako ang magiging president ng fans club niya. Tayong dalawa lang ang member!"
Humalakhak kami. Tawa na kami ng tawa nang maka balik na si Ylac. Nakasimangot siya ng marinig kaming tumatawa ng nanay niya. Dumiretso na siya sa kusina. Nagkatinginan kami ni Nana at sabay ulit na humalakhak.
--
"Pwede ba'ng palitan mo 'yang damit mo?" Bungad sakin ni Ylac nang puntahan ko na ulit siya sa bahay.
Naka sleeveless shirt ako at pants. Okay naman, ah? Ito na nga pinaka matino kong soot pagpunta ng bar.
"Wala na 'kong dalang damit," Ngumiti ako. "Saka naghihintay na sina Jackie doon."
Wala na siyang nagawa kaya naka simangot siya buong biyahe habang nagda drive. Hindi naman matanggal ang ngisi ko hanggang makapasok kami ng bar. Pinagtitinginan na siya ng mga babae kaya kumapit na agad ako sa braso niya. Titig na may dagger naman ang pukol ko sa mga babae na malagkit ang tingin kay Ylac.
"Ayun sila!" Sigaw ko kay Ylac.
Ngumiti siya sakin kaya kinilig na naman ako. Umupo kami sa gitna kung saan nandon mga kasama namin. Nakaka ilang bote na rin ang mga ito.
Nakakatuwa dahil hindi masyadong umiinom sina Crent at Nick. Ganito sila palagi. Dahil ihahatid pa nila sina Helga at Jackie. Ang dalawang bruha naman ay malakas uminom ngayong gabi. Dahil na rin sa success ng KaCkElSha Paradise Resort. Si Helga, ay sobrang laki na ng pinagbago.
Wala si Kuya Allen, as expected. Nasa kwarto na naman 'yun at nagkukulong. Madalas din ako sa kanila, at palagi siyang nasa kwarto kaya 'di pa rin nakaka move on. Siya na lang ang nasa bahay kasama sina Tita Enshe at Tito Nash. Sina Kuya Amiel at Ate Andjelka ay may kanya kanya ng pamilya kaya may sarili na silang bahay.
"Pinuntahan namin si Allen," Sumigaw si Nancho, napalingon ako sa kanya. "Nagkukulong pa rin daw sabi ni tita!"
Tumango na lang ko. Nilingon ko si Ylac at inabutan ng JD. Umiling siya. Pinilit ko siyang inumin 'yun.
"Magda drive pa ako," Bumulong siya sa tainga ko.
Kinilig ako sa ginawa niya. Bumulong rin ako sa tainga niya.
"Can I drink?"
Tinitigan niya ako. "Why not?"
Na disappoint ako sa sinabi niya. Akala ko pagbabawalan niya ako. Pero bestfriend lang ako, 'di ba?
"Just don't drink too much,"
Napangiti ako. Kahit ganun ang sinabi niya, okay na ako dun. At some point, inaalala niya ako.
Nilagok ko ang isang basong may lamang JD. Napangiwi ako. Ba't ito ang inuna ko? Tanga!
Kinuha ko ang isang mug of beer at 'yun ang sunod na nilagok.
Tumayo na ang dalawang bruha at nagpunta ng dancefloor. Syempre, sinundan agad sila ng dalawang sundalo. Ang iba naman ay naghanap na ng makakasayaw. Boys will be boys. Napangiti ako.
"Why are you smiling?"
Nilingon ko si Ylac. Napahawak agad ako sa ulo ko sa pagkirot nito. Damn, JD and Beers! Isinandal ko ang ulo ko sa sofa na inuupuan namin.
"Why don't you enjoy the night?" Tanong ko.
Pumikit ako para 'di masyadong maramdaman ang pagka hilo.
"I am enjoying,"
Ngumisi ako. "Paano? You're not even drinking,"
"Yeah, right. But I'm enjoying."
Nagbukas ako ng mata. Agad siyang nag iwas ng titig sakin. Kinikilig ako parati kahit na sa simpleng pagtingin lang niya sakin. Napalingon ako sa babaeng kakababa lang ng stage.
"Sing for me," Sabi ko.
Nagtatanong ang kanyang mga matang lumingon sakin. Ngumisi ulit ako. Nginuso ko ang stage na tahimik ngayon. Kaunti na lang ang mga tao ngayon dahil nasa dancefloor na halos sila.
"Don't tell me-"
"Yes!"
Ngumuso ako at nag puppy eyes. First time ko yata mag puppy eyes? Yak! Lasing na talaga ako!
"Ayoko!" Matigas niyang tanggi.
"Sige na,"
"NO!"
"Please?"
"Kate! Ayoko!"
"Ylac! Kanta!" Ginaya ko ang boses niya.
"Hindi ako marunong kumanta!"
"Narinig na kita kumanta noong mga bata pa tayo. So, sing for me!"
Bumuntong hininga siya at tumayo. Pumalakpak ako kaya nagtinginan ang mga nasa loob.
"What are you doing?" Iritadong tanong ni Ylac.
Tumayo ako kaya inilalayan niya ako dahil sa nahihilo na ako.
"Ylac James Montclair will sing for us, guys!" Sigaw ko.
Nagpalakpakan ang mga tao. Ngumiti ako sa naka simangot na si Ylac.
"Ayaw ata ng boyfriend mo!" May sumigaw sa di kalayuan.
Kinilig ako sa pagtawag niya na 'boyfriend'. "No. He'll dedicate his song to me. So, listen to his angelic voice!"